Monday, September 3, 2007

ممكن

كل سنه وانتم طيبين رمضان على الابواب ربنا يعيده علينا بكل خير ويصلح حالنا وحال بلدنا يارب انا فى الحقيقه مشغوله جدا الايام دى بحفظ بعض الخضروات وبعمل حاجات تساعدنى على الأنجاز السريع وماخدش وقت فى عمليه الطبيخ وتسهل عليا فى العزومات ويكون فى وقت كافى للعباده بأذن الله

ليا رجاء اول ماكتبت فى المدونه لم يعلق احد على اى بوست كتبته وده طبعا لجهلى لانى لم ازور اى مدونه ومستنيا الناس تعرفنى وعايشه دور الصحفيه واحبط جدا لعدم التعليق

ونظرا لانشغالى اليومين دول ممكن اطمع منكم فى قرأه البوست القديم بتاعى وارشح لكم
عيون المحبه والقلوب القاسيه
كل سنه وانتم طيبين وسنه سعيده علينا جميعا فى انتظار رأيكم

35 comments:

ما علينا said...

اول تعليق عند كلمات
مش مصدقة
اثبت حالة
وبعدين اكمل

ما علينا said...

كدا بقى اتكلم وقلبي مطمن

ربنا يقدرك يا جميل
ويعينك في الشهر الجميل على موضوع العزومات دا
خصوصا وانك انت بتشتغلي

والواحد بيبقى نفسه يقضي اكتر وقت
في التعبد

لو محتاجة اي خدمة
اطلبي انت بس
انا تحت امرك


ربنا يبلغنا رمضان على خير ان شاء الله

وينعم عليك
برحمته ومغفراه
والعتق من النار

سلام يا اجمل كلمات


والامر علم وينفذ

Abeer said...

كل سنة وحضرتك بخير وصحة وسلامة
ورمضان كريم
ودعواتك باة ربنا يعيننا في الشهر الكريم ويهدينا ويتقبل مننا
ده اولا

ثانيا باة انا قريت البوستين
بالنسبة لعيون محبة .. الحب ده شئ رائع وهو في الاول وفي الاخر نصيب
مقدر ومكتوب يعني
عجبنا باة معجبناش
ربنا عايز كدا يحصل

قلوب قاسية .. ربنا يهديهم ويحنن قلوبهم

rack-yourminds said...

كل سنه وانتي طيبه

لي عوده اخري بعد قراءة الموضوع

تحياتي لكي

اسكندراني في الغربة said...

كل سنة وانتي طيبة
ورمضان كريم

ولــــــــــو said...

كل سنه وحضرتك الى الله اقرب وعلى طاعته ادوم
انا اول مره اتشرف بزياره مدونتك وبصراحه قريت موضوعين بس ان شاء الله اقرا البوستين المشار اليهم بس هاعلق هناك ف مكانهم انا مش غاوي مشوره
واكيد ان شاء الله يعجبوني
تشرفنا يا فندم
على كده بتعرفي تطبخي

Unknown said...

كل سنة وانتى بالف خير
واعاد الله رمضان على الامة الاسلامية كلها بالخير يارب

الدرويش المرووش said...

كل سنة و إنتى طيبه و بصحه و سعاده و راحة بال

ربنا يتقبل مقدما

المدونه بتاعتك حلوه جدا
و هزت مشاعرى فعلا

klmat said...

ماعلينا
ده ايه الهنا اللى انا فيه
اول تعلبق منك
فرحتينى ونورتينى وكل سنه
وانت طيبه
عايزه تساعدى ماشى
كيلو باميه تقميع
وواحد ملوخيه تقطيف
كل سنه وانت طيبه
تحياتى لك

klmat said...

Abeer ,
كل سنه وانت طيبه
سعدت جدا بتعليقك
شرفتنى ونورتينى

klmat said...

wahed
كل سنه وانت طيب
وفى انتظار تعليقك
سعدت بزيارتك
تحياتى وسلامى

klmat said...

اسكندرانى فى الغربه
كل سنه وانت طيب
وربنا يقويك
تحياتى لك

klmat said...

ولو
شرفتنى بالزياره
علق فى اى مكان
حارد عليك بأذم الله
الحمد لله بعرف اطبخ
وبعدين الناس
صايمه والجوع كافر
وده فى صالحى
نورتنى تحياتى لك

klmat said...

ايويه
كل سنه وانت طيبه
ويعود علينا كلنا بالخير
والبركه ورضا ربنا
شرفتينى ونورتينى

klmat said...

الدرويش المروش
اشكرك جدا جدا
على الزياره والكلام
الجميل عن المدونه
كل سنه وانت طيب ومحقق
كل امانيك
مدونتك ظريفه وجريئه
مش مجامله
شرفتنى ونورتنى

محمد مارو said...

ماشى يا ستى افظى اللى انتى عوزاه بس مش تنسى تعزمينا ع الفطار فى يوم بئه

ما علينا said...

وانا مستعدة للمهام التي اوكلت الى

ولعلمك الحاجتين دول
انا بحب اعملهم
وبمزاج اوي

ولعلمك انت على
ما تخلصي تجهيز لرمضان
انا واخدة المدونة
من البداية بالترتيب كدا

يعني ان شاء الله
هتلاقي اثار دعبثتي في كل حتة

سلام
يا اجمل وارق كلمات

دكتور كسلان said...

كل سنة وحضرتك طيبة
رمضان كريم
ربنا يعينا جميعا
ويتقبل منا اعمالنا فى الشهر الكريم

ان شاء الله هاقرا البوست
والحكم معروف مسبقا
اكيد جميل جدااااااااااا
مينفعش يكون غير كده
سلاااااااااااااام

kafrawy said...

كل سنة و انتى طيبة


ياريت المحبة هى
اللى تمشى بين الناس



ياريت

shahy said...

كل سنة وانتي بألف خير وصحة وسعادة يا اميرة هانم
وربنا يتقبل منك ومنا ان شاء الله

اما بقى حكاية العزومات فلو عاوزة اي مساعدة انا في الخدمة بس ابعديني عن البتنجان المخلل

طبعا انا بعزم بقلب جامد لاني عارفة انك في الاسكندرية وانا في القاهرة بس دة مايمنعش اني ممكن اساعدك بقلبي
وادعي لك

تحياتي

أبوسويلم said...

علم وجارى التنفيذ يا فندم
ربنا يكون فى عونك وان مستنى الدعوة علىعزومة من الللى بتجهزيهم
انا مش طماع
عيون المحبة
بيقولوا مراية الحب عامية
لكن الواقع ان المحب بيتغاضى عن اخطاء هو شايفها فى محبوبه بدافع الحب مش ان ما بيشوفش عيوبه
تغاضى وليس جهل
القلوب القاسية
من أعظم ما قد يبتلى به الانسان قسوة القلب
وليست قسوة القلب فى المعاملات والمشاعر وفقط وانما مع الله وهو ما اعوذ بالله منه عافاكم الله
المواضيع الكبيرة دى ما تجيش الامن دماغ اسف على اللفظ ده رصينة وموزونة
رمضان كريم يا اخت اميرة
والسلام

دكتور كسلان said...

انا قرات بوست عيون المحبة
ولا الاغنية بتاعة لطفى بوشناق جميلة


ثانيا
الموضوع مش محتاج اضافة
الواحد ممكن يتغاضى عن عيوب حبيبه
لانه مش عايز يغير الصورة الجميلة اللى انطبعت فى قلبه ووجدانه


عايز اقولك
انا بستفيد كتير اوى
من كلامك الجميل ده
ومن خبرتك اللى بتنقليها لنا

klmat said...

ماعليننا
واللهى انا عارفه ان بطبيعتك متعاونه
اللى يقرأ مدونتك الجميله يعرف
انك ذوق وجدعه
شفتى بقى اختارت لك الحاجات اللى بتحبى تعملها الطرد حايوصل بدى اتش ال
ههههههههه
نورتنى ياجميله

klmat said...

د/ كسلان
ماشاء الله عليك 2 تعليق وتقول كسلان
ابدا اشكرك جدا على الكلام الجميل
ده كتير عليا اوى
انت اللى مدونتك رائعه
كل سنه ونت طيب
وكل امانيك متحققه بأذن الله
تحياتى وسلامى

klmat said...

محمد مارو
انت معزوم اهلا بك
نورت مدونتى بتعليقك
حبيت قبل مارد على تعليقك
ازور مدونتك الجميله
والبوست الاخير هايل وجديد وحصريا
كل سنه وانت طيب
شرفتنى ونورتنى

klmat said...

kafrawy
كل سنه وانت طيب
انا كمان بتمنى زيك كلنا نعامل
بعض بحب
تعليقك اسعدنى
شرفتنى ونورتنى

klmat said...

shahy
ماتحرميش منك ملشى
بلاها بدنجان مخلل
خليها مسقعه تسلم ايدك
وكل سنه وانت والعيله كلها بالف خير
وعافيه وفى انتظار الجديد من مواضيعك
الظريفه
شرفتنى ونورتنى ياشاهى

klmat said...

ابو سويلم
كل سنه وانت طيب
وبالف صحه وعافيه
حضرتك معزوم تشرفنى
دايما رافع معنوياتى يافندم
ده من ذوق حضرتك اشكرك جدا
وانا مع رايك وموافقك تماما
شرفتنى ونورتنى

rack-yourminds said...

كما وعدتك قرات موضوع عيون المحبه وعلقت هناك

بجد بوست رائع

تسلم ايدك

klmat said...

wahed
اشكرك جداوخقيقى واضح
جدا ان حضرتك كلك ذوق
شرفتنى ونورتنى

yas said...

انا ان شاء الله هقرأ المدونة مش البوست ده بس لانى اول مرة ادخل هنا ومدونتك حلوة جدا
وترجعى بالسلامة ياستى

klmat said...

yasmine
اشكرك جداعلى الزياره
وتعليقك اللى كله ذوق ورقه
انا كمان زورت مدونتك
وعجبتنى جدا
المدونات عند بعضها
نورتينى يا ياسمينا

semsem said...

كل سنه وانت طيب
حضر هشو ف باقى الوستات

klmat said...

semsem
وانتى طيبه وبالف خير
وتسلم لى
اشكرك جدا
تحياتى وسلامى

Anonymous said...

كل سنه وانتى طيبه