Saturday, September 8, 2007

نفسى

نفسى اعمل حاجه ايجابيه لبلدى واحس انى مواطنه بتشارك فى نهضه بلدها ولو بحاجه بسيطه كلنا بنتتقد بعض وبنقول ان المصريين سلبيين . طيب اللى بيقول كده بيعمل ايه غير النقد . ده الكلام اللى شاغلنى وبكلم نفسى عنه علشان اكون ايجابيه ممكن اعمل ايه فكرت فى موضوع محو الاميه يعنى هو فى فصول مفتوحه بس فى ناس من اخوانا اللى عايزين يتعلموا مايعرفوش طريقها او بيشتغلوا ومواعيدهم بتتعارض مع الفصول دى لو بصينا حوالينا حانلاقى اغلب البوابين مابيعرفوش يقراوا فى اولاد فى سن صغيره فى المحلات برضوا ما بيعرفوش الشغلات فى البيوت ايه رايكم لو كل واحد فينا فكر انه يعلم 3 او 4 والمكان ممكن يكون فى الجامع او اىمكان يتفقوا عليه اختيارى للجامع حلا لمشكله المكان وفى ميعاد يناسب المجموعه . تخيل ساعدتك لما تعلم 4

ياريت كل البنات الجميلات اللى فىسن 12 سنه يبدأوا فى تعلم الحياكه والتريكو وشغل الابره الكنافاه اللاسيه الاعمال اليدويه المتقنه بتكون اغلى من شغل المكن لو البنت اتعلمتها فى سن صغيره حاتشغل وقتها فى هوايه نافعه ممكن تكون مصدر دخل معقولاوحتى لبيتها فى المستقلبل تخيلوا الاموره لمايكون عندها 18 سنه حاتعمل شغل متقن ومبتكر قدايه
وكمان حاتكون فخر لاسرتها بانتاجها المتميز

فى الحقيقه انا نفسى فى حاجه اكبر وطموحى اعلى بس مافيش امكانيات ماديه كبيره اقدر اعملها يعنى انا مثلا اسكندرانيه كل ماشوف البحر وشواطئنا العديده سواء البحلر الابيض او الاحمر استغرب لما اشوف فى السوبر ماركت اسماك معلبه اغلبهامن المغرب واليونان والانتاج المصرى ضعيف وردىء . يعنى مافيش واحد يعمل مصنع لتعليب الاسماك فى رشيد او اسكندريه او اى مدينه ساحليه
فى محافظه الاسماعليه قرات فى احدى المجلات فى العام الماضى ان محصول الفراوله كان غزير جدا وللاسف كانت بتفسد لعدم وجود وسائل لحفظها مش ممكن واحد مقتدر او بمجهود الاهالى يعملوا مصنع مربى وعصائر وكمبوت او المحافظه تتولى عمل مشروع يحل مشكله البطاله واعتقد التكلفه مش عاليه
يمكن انا ماعنديش افكار كفايه ايه رايكم نبدأ بموضوع محو الاميه تخيلوا لو كل واحد علم 4 والاربعه اللى اتعلموا يحاولوا يجيبوا غيرهم وتمشى العمليه

نفسى اشوف اقتراحات عمليه نقدر ننفذها ونتداولها وتعود علينا كلنا بفايده

فى برنامج صناع الحياه لعمر خالد كان طلب من كل من يراه ان يقوم باعاده ترتيب دولابه وسوف يجد ملابس لا يلبسها
لانها مش موضه او ضاقت المهم ممكن الاستغناء عنها منها الدولاب حايكون منظم ومنها انه حايتبرع بها لحد محتاج حايفرح بها وتدحل البهجه فى قلبه فى الايام المفترجه وحا يكسب ثواب
عايزين نساعد بعض وقلوبنا تكون مشغوله بحب ومساعده من يحتاجون معاونتنا
الفكره محاوله عمل الخير بالاتفاق نختار حاجه ونبدأ كلنا فيها ونحاول نتداولها المهم حاجه ممكن نطبقها بسرعه
ولها تاثير محسوس ونحاول نخلى معارفنا يتجاوبوا معانا ويشاركونا

طبعا دى حاجات ضعيفه بالنسبه لطموحاتنا بس نبدأ بالحاجات البسيطه اقضل من ان لانبدأ وشويه بشويه يمكن
نقدر نعمل حاجه كبيره فى بالنا كلنا

ولو فى افكار عندكم عمليه اكتبوها و نحاول نطبقها

43 comments:

محمود على said...


كنت شغال في شركه
صاحبها قالي روح السجل التجاري غير راس مال الشركه
قعدت اسبوع اجري في شوارع مصر المحروسه كل يوم

ده بقي التغير
الانشاء عايز عمر تاني

ولو بعد كل ده ربنا وفقك
وقدرتي تعملي الي نفسك فيه

فيه ناس مرتشيه وحراميه يهمهم انك متنجحيش

انا اسف لو كنت احبطت من عزيمتك
بس الحقيقه دائما مؤلمه
(بس ده مش معناه اننا نسبها كده)

rack-yourminds said...

بجد أنا بحييكي علي هذا التفكيير للاسف كتير من الشباب دايما بيعمل ذهنه في أشياء تافهه وازاي هو يقضي الوقت ويبسط نفسه وطبعا أخر شئ يفكر فيه هو بلده


للاسف أمثالك نادر جدا لا يوجد حد بيفكر ازاي يخدم بلده عشان كده لا نستغرب الحال اللي وصلنا اليه

بجد جميل جدا انك تفكري في اشياء تخدمي بيها بلدك ومفيش اجمل من محو امية انسان أو مشروعات صغيره للفتيات الصغيرات يخدمو بيها اسرهم ..الخ

بحييكي علي هذا الموضوع وتسلم ايدك

حزيــــــــــــــــــن said...

ربنا يبارك فى حضرتك
تفكير محترم

دكتور كسلان said...

السلام عليكم

فى الاول عايز اشكرك على افكارك الجميلة دى
وكفاية بس فكرتى فى كده
حتى لو معرفتيش تعملى حاجة
ان شاء الله ربنا يجازيكى كل خير

انا شايف ان موضوع محو الامية ده فكرة حلوة
بس صعب تنفيذها مع عدد كبير
يعنى ممكن حتى نبدا بواحد
عشان لامور فى الاول بتبقى صعبة شوية

فيه فكرة عندى لحضرتك
ممكن نعمل مع بعض كاصحاب او زمايل فى الشغل او جيران
نعمل صندوق للخير
ويكون التبرع فيه يوميا
ويكون التبرع باى حاجة
سواء تبرعات مادية او عينية
وخصوصا احنا داخلين على شهر رمضان
ونوزعه على اى شخص محتاج
ومننساش اخواننا فى فلسطين

دى فكرة بسيطة
بس المهم تنفيذها

ويارب كلنا يبقى عندنا نفس لروح
ونقدر نعمل حاجة لبلدنا
سلااااام

kafrawy said...

ممكن

تيجوا تلموا


الارز من عندنا

Unknown said...

ربنا يبارك فى تفكيرك وحبك لعمل شى مفيد
انا بصراحة عجبانى قوى فكرة التعليم دة بس
ربنا يقدرنى واحاول انفذها

ما علينا said...

مش مستغربة خالص الفكرة عليكي
دا الطبيعي بتاعك
والله انا مش باجاملك او انافقك لكني احبك في الله
واحب صفاء قلبك وحبك للناس
والفكرة فعلا جميلة
لكن ممكن يصعب تنفيذها للبعض
من انك تجد الاستعداد لدي الغير
لكنها ممكنة
احنا متفقين ان مفيش مستحيل
المهم اخلاص النية

وانا عندي فكرة كمان
هي ايجابية على المستوى المعنوي

المستشفيات الحكومية عامرة
بالعديد من المرضى ممن تركهم ذويهم
او ليس لهم من يعتني بهم
ونعلم جميعا ان العلاج ليس مجانا
وان المريض يشتري كل او غالبية الادوية

اقترح ان نقووم بزيارات للمستشفيات الحكومية
ومحاولة المساعدة

ولو المساعدة البدنية ان اساعد مريض
خاصة كبار السن
الموضوع جميل جدا
ومتعه رائعة والله العظيم


جزاك الله كل الخير
وكافئك على جميل داخلك

احساس لسه حى said...

عزيزتى
الافكار كتيرة اوى وكلنا عندنا افكار وطموحات بس مين اللى يقدر ينفذها
يا ريت تخلى افكارك على قدر امكانياتك وامكانيات تحققها
مش لازم تحلى مشكلة السمك ولا الفراورة بتاعت الاسماعلية
شوفى ممكن تقدرى تعلمى كام واحد القراءه والكتابة
واظن ده شئ فى امكانك تعمليه
عارفه لو قدرتى تعملى الشئ الممكن
بعد كده هتعملى الشئ الصعب
بس هو ممكن
تحياتى
سلام

harmless said...

اشعر بجوع كل جائع
واتالم لكل عارى لا يجد كساءا يستره
واشعر بقهر المقهورين بالفقر والحرمان
واتعذب لالام كل اب وكل ام لا بملكون اجر علاج ابنهم المريض
واتحطم مع تحطم كل شاب لا يجد مأوى يجمعه مع شريكة حياة

ولكى تكتمل دائرة الامى وعذابى
جعلنى الله فى عمل ارى بعينى كل يوم كيف يسرق اللصوص اموال الغلابه
وكيف يتكبر المتكبرون وكيف يظلم الظالمون وكيف اختلت الموازين وتباعدت الطبقات بشكل مذهل ووهمى ولا يصدقه عقل

لذا يا عزيزتى انا محبط وفاقد العزم وخائر القوة ويائس وقانط ولا أمل عندى ولا رجاء يراودنى ولا ارى فى الافق اى نور

لذا ماتعملوش حسابى

أبوسويلم said...

كلام جميل جدا ومجرد الفكرة تثابى عليها باذن الله
لكن ان للاسف دماغى خالية من الافكار وده اللى مودينا فى داهية
ربنا يوفقك وينفع بك دائما
والسلام

Anonymous said...

El ta3'eer ely enty nfsk fih lazm ybtdy mn fo2 bs el egabya bta3t 7drtk gamila zyk.

Sherif

Anonymous said...

Ana 3ayz as2l howa enty mesh konty mash3'ola 3shan Ramadan?

Sherif

klmat said...

محمود على
تاثرت لتعبك ولفك فى المحروسه
انا عارفه المشاوير دى ممله
وبتقابل نوعيه مش تمام
كلامك لم يحبطنى ابدا ده واقع انا عايشه
فيه وكمان بحكم عملى بشوف
اصحاب نفوذ لاذمه ولا اخلاق اسفه
فى التعبير عندهم بجاحه وبيفتخروا
وبيبتكروا فى وسائل الغش
نفسهم الكل يكون زيهم
احنا علينا المقاومه بالعزيمه والاراده
فى ناس تانيه ممكن تضحى بحريتها
وانت اول من كتب على ابراهيم عيسى
وفى ناس كتير زيه
احنا علينا نحاول
جرب كده الموضوع مش حاياخد
اكتر من ساعه مع واحد امى
حاتخليه يتعلم
انا فعلا بدات مع ساعى فى
شركتى ويارب اقدر ازود
لسه فى امل
تحياتى لك

klmat said...

wahed
يارب تكون فى احسن حال
اشكرك جدا على تشجيعى
انا نفسى انت كمان تحاول فى موضوع محو الاميه ساعه فى الاسبوع
لو مش فى امكانك حاول تشجع حد
عنده وقت واستعداد
يعملها
بالنسبه للبنات اناقصدى
كل البنات حتلى الاسر المتيسره
البنات محتاجه تنشغل وقت
الفراغ منها نحميها
وبتستفيد وامان للمستقبل
الصنعه بتنفع وقت العوزه
اشكرك جدا على التعليق
تحياتى لك

klmat said...

حزين
كل سنه وانت طيب
وتكون سعيد
اشكرك على التعليق
واتمنى تحاول فى موضوع محو الاميه
تحياتى لك

klmat said...

د/ كسلان
عارف المهم نبدأ حتى لو واحد
انا الحمد لله بدأت
الفكره انها زى الدرس
الخصوصى بنفس المجهود ممكن
يكون اكتر من واحد
اتمنى انك تحاول وتشجع حد
يعملهاالحمد لله
فى اكتر من خريج متحمس وناويين
ينفذوها هما مش مدونين
ولاحاجه ناس عندها وقت بتشغله
فى حاجه جميله
وافكارك حلوه وعمليه
المهم نبدا ونشجع
بعض
تحياتلى واحترامى لك

klmat said...

kafrawy
كل سنه وانت طيب
واشكرك على التعليق
تحياتى لك

klmat said...

ايويه
ربنا يخليكى ويبارك فيك
يارب تقدرى وابقى بلغنى
سعيده ان الفكره عجبتك
تحياتى وسلامى

klmat said...

ماعلينا
من القلب للقلب رسول
شوفى احنا ماشفوناش بعض
بس فى تقارب فى الافكار والمشاعر
انا بابدلك نفس الاحساس
الفكره ممكنه بس هى عايزه ناس
بتحب تعمل كده
افكارك للمستشفيات جميله
انا اعرف ناس مواظبه
على زياره دالر الايتام
الحقيقه انا ممكن اتبرع معاهم
لكن قلبى ضعيف جدا
مش بروح بس بيرجعوا مبسوطين
بس انا بحزن عليهم
تصورى اى شاب يزورهم
بيقولوا بابا
واى واحده يقوللها ماما
حاجه تقهر
ربنا يبارك فيك ويقدرك
على فعل الخير
تعليقك بيفرح قلبى
شرفتنى ونورتينى

klmat said...

احساس لسه حى
جميل اوى ان يكون عندنا افكار
بس الاجمل نحاول ننفذها
انا معاك جدا
ان الطموح لازم يتناسب مع الامكانيات
انا امكانياتى
على قد محو الاميه والحمد لله بدات
اما موضوع الفراوله والسمك
ده مجرد افكار للى ربنا يقدره
ياريت حضرتك كمان لو عندك
وقت تعمل كده او تشجع
حد تعرفه عنده استعداد
يمحى اميه ولو واحد
وانا متفقه معاك فى الراى
تحياتى لك

klmat said...

harmless
كلنا محبطين ومعذورين فى احباطنا
وانت قريب منهم اكيد الاحباط بيكون اعلى
نجوم مجتمعناوالقيادات 90%منها
فاسده
بس ده مش معناه الاستسلام
فى ناس زى نهى الزينى وهشام البسطاويسى
وابراهيم عيسى ووائل الابراشى
وغيرهم كتير
شوف ابراهيم عيسى
مصدعهم ازاى فرد واحد
عمل ايه
شوف عمرو خالد ومقاومته لدوله
على الاقل نتمسك بالامل
اللصوص عايزنا نيأس
طب نصعبها عليهم شويه
لازم يكون عندنا قدره
نقاوم ونكافح وحتى لو فشلنا
يبقى عملنا اللى علينا
ان مع العسر يسر
اتمنى حاله اليأس دى تنتهى
تحياتى لك

klmat said...

ابو سويلم
انا اللى اشكرك على التعليق
طب ايه رايك تشارك
او تشجع حد عنده
وقت ورغبه فى محو الاميه
شرفتنى ونورتنى

klmat said...

شريف باشا
اهلا يافندم. ايون انا مشغوله
بس مايمنعش انى بحب اكتب
باخد فاصل ولابلاش يعنى
فعلا التغيير لازم يبدأمن فوق
بس طبعا ده مش فى امكانى
وانا بقه وضعى مختلف
زى برنامج الاتجاه المعاكس
شرفتنى ونورتنى
وعجبنى كلامك

Ert3ashat said...

افكارك جميله والله و انا معاكي...
يا ريت نقدر نعمل حاجه

قطوف said...

والله إعجابى بزيد كل مرة بطريقة كتابتك وتفكير
ياه لسه فيه ناس بتخب مصر كده وبتفكر فى كل وقت عشنها
بالنسبه للأفكار الأفكار موجوده عندهم بس محتاجين الى ينفذها ويساعدنا
يعنى مثلا موضوع القروض مع انى مبحبهاش بس ممكن استغللها انا واحد صاحبى فاتح ورشه وعطل على عده فاضطر انه ياخد قرض والله لف 7افات غير اكتر من 50 توقيع وده عشان 5 ألاف جنيه غيره
بيجيله فى مكتبه 5مليار وهو قاعد فى مكتبه عشان يهربهم
انا نفسى ممكن اساهم بافكار مشاريع صغيره ونعمل معرض لينا

شكرا والله الى انت بتخلينا نفكر عشان بلدنا

أرجوك تعالى نورى المدونه

klmat said...

erta3ashat
كل سنه وانت طيب
نورت مدونتى بتعليقك وسعيده جدا
انك معايا لو كل واحد فينا
يعمل حاجه حالنا ان شاء الله يتغير
تحياتى واحتراماتى

klmat said...

سى السيد
كل سنه وانت طيب
الحمد لله الدنيا بخير
ياريت نبدأ كل واحد يعمل اللى
ربنا يقدره عليه
رايحه حالا ازور مدونتك
تحياتى واحترامة

أمــانــى said...

كــل رمضان وانتى بخير يا حبيبتى وربنا يبغلك رمضـان
ويجعلك نافعة للامة ياااااااااارب آمــــــــــين
ويبغلك رمضــان ياااااااااارب آمــــــــــين

klmat said...

اماتى
كل سنه وانت طيبه ياحبيبتى
وحبيبتى دى بقولها من قلبى
لانى بحب مدونتك اللى بتبين
انك شحصيه متدينه محترمه
وبتحب بلدها وبتكافح فى شغلها
شرف ليا تعليقى عندى
كل سنه واحنا كلنا طيبين
وربنا يصلح حالنا
وحال بلدنا يارب
شرفتنى ونورتينى

دكتور كسلان said...

كل سنة وانت طيبة

klmat said...

د/ كسلان
كل سنه وانت الف طيب
وكل احلامك تتحقق
اشكرك جدا
شرفتنى ونورتنى

بتاع العسل said...

رمضان كريم

وكل سنة وانتى طيبة

shahy said...

السلام عليكم

اميرة هانم
ازيك واخبارك اية في رمضان؟


فكرة محو الامية دي جميلة جدا بس مش كل الاميين بيتقبلوها يعني في اللي شايف نفسة صعب يتعلم وفي اللي بيتكسف
طبعا انا بتكلم على الناس الكبيرة شوية بس برضة دة مايمنعش اننا نحاول

في حاجة مهمة كمان

الناس الغلابة قوي والبوابين بيبقى عندهم معتقدات دينية غلط خالص وممكن احنا نعلمهم الامور البسيطة المهمة من ناحية الدين انا مش قصدي نعمل وعظ وشيوخ لأ انا هاقولك على حاجة بسيطة حصلت معايا

كانت زوجة البواب بتنظف الشقة معايا وبعدين الظهر اذن فقلت لها تعالي نصلي جماعة علشان الوقت مش يسرقنا ونضيع الصلاة وفعلا صلينا ولقيتها بتقولي

انا صلاتي مش نافعة ولما انزل هاصلي تاني

سألتها لية؟
قالت اصلي لابسة بنطلون
قلت
هو فين دة ماهي جلابية اهي
قالت
ايوة ماهو تحت الجلابية وكدة حرام والصلاة مش تنفع

طبعا انا فوجئت لما قالتلي ان هما عندهم كدة وفهمتها ان صلاتها صحيحة بأذن اللة

وبعد كدة سألتها هي بتصلي ازاي اصلا وبتتوضا ازاي وحاجات كدة من الامور البسيطة والمهمة في نفس الوقت


انا طولت عليكي بس يارب اكون قدرت اوصلك فكرتي

بارك الله فيكي وجعلة في ميزان حسناتك ان شاء الله

تحياتي

Anonymous said...

الحكاية محتاجة إرادة لدفع التمن
مين يقدر
مين مهتم

http://kasperb4.blogspot.com/ said...

تعرفي المشكلة ان احنا عندنا ازمة ضمير وازمة اخلاق وثقافة تقريبا معدومة واقصد الثقافة الاجتماعية
صحيح في ناس فعلا كويسين وبيفكرو يخدمو بس قليلين اوي

على العموم ربنا يقويكي ويعينك وطالما نيتك خير ربنا هيكرمك بإذنه سبحانه وتعالى

وياريت النماذج اللي زيك دي تكتر لأن احنا فعلا محتاجين ناس ايجابين لأن البلد بتنهار من كتر السلبية اللي احنا فيها

ما علينا said...

اميرة
كل سنة وانت طيبة

لك عندي تاج يا جميل

تعالي خديه
وقت ما تفضي من العزومات
في يوم كدا يكون عندك فطار ومش مشغولة تعالي خديه


سلام يا احلى وارق كلمات

hamada said...

اتصلى بجمعيه رساله انشاء الله تلاقى نفسك هناك19450
resala.org

klmat said...

بتاع العسل
كل سنه وانت طيب
واعتذر عن التأخير فى الرد
سعدت جدا بزيارتك
شرفتنى ونورتنى

klmat said...

shahy
كل سنه وانت واسرتك بالف خير
زياده الوعى مهمه جدا
وانا معاكى فى رأيك
وافكارك جميله

ربنا يوفقك ويقدرنا كلنا
على فعل الخير
شرفتنى ونورتينى

klmat said...

مصطفى السيد سمير
كل سنه وانت طيب
شرفتنى بتعليقك
عارف كل حاجه لها تمن بس
اللى حايعمل خير حانول ثواب كبير
فى ميزان حسانته
ده فى الآخره
وفى الدنيا حايشعر بسعاده
وراحه ضمير انه بيحاول يفيد غيره
فهوكسبان دنيا واخره
سعدت بزيارتك
نورتنى وشرفتنى

klmat said...

الام وامال
اشكرك جدا على كلامك الجميل
وربنا يقويناجميعا على فعل الخير
وعلى فكره حتى فعل الخير
بيكون عدوى لو واحد بدأ
بيأثر فى المحيطين بس نبدأ
شرفتنى بالزياره واعتذر عن التأخير فى الرد

تحياتى وسلامى

klmat said...

ماعلينا
كل سنه وانت طيبه
منورانىواشكرك جدا جدا
على التاج
وبأذن الله ارد عليه
تحياتى وسلامى



hamda
كل سنه وانت طيب
وانا فعلا سمعت عن جميعه الرساله
وان شاء الله انضم لهم بعد العيد
اشكرك جدا
شرفتنى ونورتنى

هموم الناس قدرى said...

بوست جميل اوى وياريت كل منا يفعل مثلما قلتى ونصبح عمليين اكتر ولو كل واحد ياخد بافكارامثلك من المفكرين الذين يعملون من اجل البشريه
تحياتى