Saturday, October 6, 2007

سماح انور



سماح انور عقل جميل

انا من المعجبين بالفنانه سماح انور وهناك شعور ناحيتها بالحب من زمان رغم انى لااعرفها

ولاادرى سبب لهذا الحب الذى يستمر حتى الآن .هناك شيئا ما يجذبنى لها لا اعلمه

وازداد اعجابى بها فى دور زيبا مع الفنان القدير محمد صبحى وطريقتها

فى تقمص دور البدويه كنت ارى فيها بنت دمها خفيف وادت دور البنت اللى متحرره

وتقود الموتوسيكل وتستطيع ان تفعل مايفعله الشبان فى ادوار الأكشن

وبعد كده دور الراقصه فى مسرحيه راقصه قطاع عام

فهى ادت هذه اللأدوار باقتدار وبعد حدوث الحادثه الشهيره تألمت لها جداوقلت اكيد

حاتتوارى عن الاضواء وحياتها الفنيه انتهت وشاهدت والدتها الفنانه سعاد حسين فى احدى البرامج وكانت تبكى بحرقه

وبتوصفها بانها دائمه الحركه ولكنها الأن على كرسى

بعد كده شفت سماح انور فى احد البرامج التليفزيونيه وفى اول ظهور لها بعد الحادثه وهى لاتستطيع المشى
كانت مبتسمه وبشوشه جدا على عكس ماتوقعت وتوقع كثيرين مثلى

وسألها المذيع اعتقد كان مفيد فوزى انا شايفك سعيده رغم الحادثه

ردت سماح : جبله بعيد عنك وضحكت وسكتت همسه وبعدين قالت

انا فى الأول عيطت وانهارت وبعد كده قلت لنفسى يا اما اشد فى شعرى واصرخ واخبط راسى فى الحيط وده

حصل فى الاول او افكر بعقل لان النحيب والصراخ مش حا يحل مشكلتى

يا اما احاول ان اتكيف واعيش بصوره طبيعيه وافكر فى مورد رزق

يضمن لى حياه كريمه وارفض التسول ونظرات الشفقه

وانا اختارت الحل التانى فاشتغلت عن طريق النت لانى متمكنه فيه وفكرت فى الأخراج

لأن ممكن ان اخرج وانا على كرسى متحرك

بعد كده عملت 22 عمليه فى رجلها واستطاعت ان تمشى ولكن كما تقول ان شكل رجلها بقى صعب

قالت كده فى برنامج تجربتى اللى كانت بتحاول فيه حل مشاكل اجتماعيه

بعد اجتيازها مشكلتها لا حد المشاهدين حتى تشجعه على التغلب على الامه

زاد اعجابى بها اكتر بعد ظهورها فى مسلسل فى التلفزيون فى شهر رمضان

الحقيقه انا ماشفتش المسلسل غير لقطه او اتنين بس ظهورها كممثله مره تانيه سعدت به

نموذج جميل لمحاوله التكيف مع الظروف القدريه التى لادخل لنا فيها وعدم الاستسلام لليأس

والبكاء بل محاوله التعايش مع آلامنا بل احيانا انتصرنا على الألم يكون مصدر فخرلنا ويريح من حولنا من الأهل والأحبه . انها حاله من الرضا والأيمان والقبول بالأمر الواقع ومحاوله لجعلنا اسعد. رساله لمن يمتعهم الله بالصحه والعافيه ويتذمرون



64 comments:

دكتور كسلان said...

كل سنة وانت طيبة

ربنا يتقبل منك

ويارب يعيد عليكى رمضان بالخير والسعادة

هى فعلا نموذج جيد للرضا بقضاء الله عزوجل

ياريت الناس كلها ترضا وتقتنع بما قسمه الله لها

جزاك الله خيرا عن الموضوع الجميل ده

سلااااااااااااااااام

klmat said...

د/ كسلان
وانت طيب وبالف خير
وكل امانيك واحلامك تتحقق
وراضى عن نقسك وربنا راضى عنك
مع اخلص الدعوات بكل الخير
واشكرك جدا على تشجيعك
تحياتى وسلام

Anonymous said...

حبيبتي وبقولها وانا حساها لاني انا وانتي بجتمع على حب انسانة بالسمات دي كنت بشفها وانا صغيرة وفاكرها بركان من النشاط والشقاوة وكنت بحبها قوي ولما كبرت وعرفت بازمتها حستها جبل صامد بيتحدي اي صعاب حاجة كدع نفسي اكون زيها تحياتي ليكي وياريت نكون صحاب

محمود على said...


انا بحب سماح انووور كممثل وكاانسانه
وعجبتني اووووي في ذئاب الجبل

بس بعد الحادثه بتاعتها
ورجوعها بالسلامه
حسيت انها اختلفت
معجبتنيش كمان لما عملت لنفسها رقم 0900 عشان الناس تكلمها
حته تجاريه بايخه زعلتي منها

rack-yourminds said...

يجب ان يتقبل الانسان كل ما الم به في هذه الحياة , والا فليضرب راسه في الحيط ولن ينفعه سخطه علي الدنيا وعلي الناس عليه ان يتكيف مع واقعه ويعلم ان ما الم به, الله عالم به وسوف يجازيه علي صبره

انما يوفي الصابرون اجرهم بغير حساب

صدق الله العظيم


دايما موضوعاتك جميله هذا الموضوع فيه عبر وعظات

تحياتي لكي

klmat said...

قلوب حائره
من القلب للقلب رسول
يشرفنى ان نكون صحاب خصوصا اننا مشتركين
فى مشاعرنا وانا حاسه كلمه حبيبتى انها طالعه من قلبك ربنل يخليكى ليا
وانابحس من زمان ان سماح بنت صريحه وصادقه
وفيها شهامه ده احساس بدون معرفه
بس الحمد لله انها اتغلبت على آلامها
اسعدتنى بتعليقك
شرفتينى ونورتينى

klmat said...

محمود على
سماح فعلا انسانه وفنانه جميله
بعد الحادثه كونها تماسكت وقاومت ده فى حد ذاته جميل فى الحقيقه انا معنديش فكره عن حكايه 0900 بس كان فى كتير
بيحاولوا يستفيدوا من تجربتها
وممكن تكون وسيله تجاريه
هى قاست كتير بس عجبنى فيها روح التكيف
واعتمادهاعلى نفسها
تحياتى لك

klmat said...

rack -yourminds
طبعا انا معاك علينا الرضا بما قسم
الله لنا .وان الله مع الصابرين
وفعلا ربنا كان مع سماح لأن
التقارير الأوليه كانت بتوضح استحاله المشى .ولكن احنا بشر ومنا من يضعف
امام المفاجأت الغيرسعيده
ربنا يكفينا جميعا شرها
ويقوينا على طاعته ورضاه ورضانا بنصيبنا
.ده تعليقات حضرتك هى الجميله وبتنم عن ايمان كبير
بارك الله قيك
شرفتنى ونورتنى

ملك الكبدة said...

كنت اتمنى انك تحبي سماح انور كمان لانها بتقدم فن بيعبر بجراة محترمة عن المراة المصرية
و اللي كنت اتمناه اكتر انك تحتجبي بمدونتك النهاردة تضامنا مع حرية الصحافة زي كتير من المدونين ما عملوا
تحياتي

klmat said...

ملك الكبده
فى الحقيقه انا قلت انى بحبها من غير مااعرف اسباب منطقيه .فى ناس اول ماتشوفهم يخطفوا قلبك وترتاح لهم الكلام ده من زمان فى اول ظهورها وهى بتقدم دور البنت اللى شايفه زيها زى الولد وبتعمل اكشن
قبل ماتجسد ادوار المرأه المصريه واكيدحبى لها كان كانسانه دى مشاعرى بحس انها بنت جدعه وصادقه وشجاعه وده اترجم بعد الحادثه . اماعن احتجاب مدونتى المتواضعه البوست مكتوب يوم 6 والاحتجاب يوم 7 بس الشهاده لله انا
كنت فاهمه ان الاحتجاب للصحف بس
وانا طبعا مع عدم سجن الصحفيين وانا من المعجبين بالصحفيين اللى صدر عليهم احكام ارجو ان وضحت رأييى
تحياتى لك واشكرك على التعليق

truelove said...

ياريت اتشرف بميلك وميلي اهو badwra2006@hotmail.comانا على فكرة قلوب حائرة بس عاملة ين ان سلامي ياحبيبتي

عمر أفندى و أبووه said...



و بحبك وحشتينى

"مصر هية امى..نيلها هو دمى...شمسها فى سمارى ..دمها فى ملامحى...حتى لون قمحى ..لون نيلك يا مصر...مصر ...مصر" دى كانت كلمات الاغنية التى تغنت بها المطربة عفاف راضى من زمان قوى و اتربينا عليها...اتربينا على ان مصر هية امى...غنيناها فى المدرسة فى الابتدائى فى حفلات المدرسة و قولنا مصر هية امى ..و انا بدورى بقولك يا سيد عمر افندى...من هنا و رايح (مصر هية امك) و لازم تفهم ده كويس.

تابع باقى المقال على موقع عمر افندى

www.omarafandy.com

أبوسويلم said...

اعتقد انه على قدر ذكاء الانسان على قدر تكيفه مع واقعه باى شكل
لان التذمر والتململ لن يجدى نفعا
بل سيسبب له من الضرر الكثير
ياريت رمضان ما ياخدكش تانى منا
وعيدك مبارك
والسلام

قطوف said...

كعادتك دائما إنتقاء أمثله كتير مانراها ولاتستوقفنا وجعل منها نصيحه لنا جعله فى ميزان حسناتك هى قاومت عاقه ماديه وهى العجز وعرفت تتغلب عليها الدور علينا إللى كتير مننا مش عارف يتغلب على الكسل
سماح انور ممثله بارعه عيبها الوحيد والدها أسامه انور عكاشه

klmat said...

truelove
كل سنه وانتى طيبه .انا بعت لك
ايميل ويارب يكون وصل
تحياتى وسلامى

klmat said...

عمر افندى
كل سنه وانت طيب وربنا يبارك لك فى عمر وحاتابع المقال
واشكرك جدا على مرورك عندى
شرفتنى ونورتنى

klmat said...

ابو سويلم
كل سنه وانت طيب وعيد سعيد
علينا كلنا.طبعا من الفطنه ان نرضى
بالظروف الت لا حول ولاقوه لنا فيها
ونحاول التكيف واسعاد نفسنالأن التذمر
سيزيد التعقيد
شرفتنى بمرورك
تحياتى وسلامى

klmat said...

سى السيد
كل سنه وانت طيب وعيد سعيد بأذن الله
وشرفتنى بمرورك
بس على فكره سماح انور مش بنت اسامه
انور عكاشه
وانا معاك انها بارعه
تحياتى وسلامى

monzer said...

على فكرة سماح أنور من الفنانات المحافظات على خط معين شىء يحترم فى وسط الهمجية اللى إحنا زهقنا منها عموما ربنا يريحنا من البقية المعروفة

klmat said...

monzer
كل سنه وانت طيب
شرفتنى بمرورك عندى وانا طبعا موافقك فى رأيك سماح فعلا من الفنانات المحترمه
سلامى وتحياتى

Mo3Az said...

الحقيقة انا اول ما شفت عنوان البوست لاقيت نفسى مش مهتم قوى بالقراءة ، مش عشان حاجة لا سمح الله ولكن يمكن لانى مش متابع سماح انور او اعمالها او يمكن لان المجال دا لا يستهوينى اساساً

ولكن بعد ما قرأت البوست كله عجبتنى روح الاصرار

وسبحان المولى الذى يعطى ويكافىء على المجهود فلكل مجتهد نصيب

جميل اوى المعنى دا

جزاكم الله خير

أمــانــى said...

كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين

هموم الناس قدرى said...

نفسى من زمان اشوف حد اضم صوتى لصوته هى بجد مش فنانه بس هى مثل للتحدى

دكتور كسلان said...

كل سنة وانت طيبة


عيد سعيد

ما علينا said...

كل سنة وانت طيبة يا ارق كلمات
عيد سعيد عليكي ان شاء الله
وعلى جميع اسرتك وجميع المسلمين

سماح انور انا فعلا كنت باحبها جدا
في كل ادوارها

ولما الحادثة حصلت زعلت علشانها جدا
ودعيت ربنا يشفيها

لكني استأت منها جدا
من ظهورها في مسلسل
زمن العولمة مع صلاح السعدني
ظهرت بشكل غريب عليها جدا

ربنا يهدي الجميع

كل سنة وانت طيبة

عالمى ازرق said...

كل سنه وانتى طيبه
وعيد فطر سعيد عليكى وعلى كل اللى بتحبيهم

ولــــــــــو said...

صديقتي كلمات
كل سنه وانتي بألف خير
عيد سعيد

بتاع العسل said...

بعد السلام


كل سنة وانتى طيبة
بمناسبه عيد الفطر المبارك
اعاده الله علينا
بالخير واليمن والبركات

Unknown said...

فعلا الاصرارا والعزيمة بيخلوا الانسان اقوى وتحية فعلا لاصرارا سماح

أبوسويلم said...

كل عام وانت بخير
وعيدك مبارك

دكتور كسلان said...

كل سنة وانت طيبة

ياريت تشاركى فى حملة يلا نفضحهم

ممكن تعرفى اكتر من مدونتى

او تزورى
مدونة

يلا نفضحهم

htpp://yallanefdahom.blogspot.com

loumi said...

العزيزة كلمات
انا برضه من المعجبات بها جداً
يمكن لأانها كانت بتعمل الحاجات اللي كنت أتمنى أعملها بس ما قدرتش لأسباب فنيه بحته
ههههههههههههههه
بس فعلا في ناس عندها القدرة والإصرار
على تحدي كل المعوقات التي تواجههم
وربنا بيساعدهم لأنهم بيساعدوا نفسهم
وما بييأسوش من رحمته
ويمكن سماح صورة ظاهرة في المجتمع
لكونها فنانه ومشهورة والأضواء مسلطه عليها
وهي بصراحه نموذج يفرح لشباب كتير
بيزهقوا وبفقدوا الأمل بسرعه
فكرة البوست جميله
وتدعوا لأن نكون إيجابيين في تفكيرنا وهذا عهدنا بكل تدويناتك
تحياتي
وكل عام وانت بخير

Doba said...

لو يعرف كل انسان مدى مقدار الثواب اللى ربنا بيعطيه للانسان وهو مريض او بيمر بأزمة لطلب من ربنا انه يتنيه كده على طول

او يستمد من مرضه القوة والارادة للاستفادة العظمى من المرض زى هيه معملت

على فكرة المسلسل دورها كان جميل فيه
وهيه متألقة وقوية

تحياتى وكل سنةوانتى طيبة
هبة

Ert3ashat said...

كنت لسه بتكلم مع حد عم سماح انور

فعلا سبحاتن اللي خلاها تقوم بعد الحادثه و تواجه الحياه

ربنا يقدرها و تكمل ان شاء الله

احساس لسه حى said...

عزيزتى
كل سنه وانتى طيبه
طبعا اعجابى بيها زيك لارادتها بعد الحادثه لان مش اى حد لما يحصلوا موقف زى ده بيعرف يتماسك زيها وبالذات انها فنانه وانتى عارفه الفنانين
وكمان برنامجها تجرربتى اتفرجت عليه كذا مره وعجبنى اسلوبها فى المنناقشة
بس للاسف تقريبا اتمنع
انا بشوفها تركز فى تقديم البرامج لانها صريحه وواضحه وده مش موجود فى معظم البرامج
سلام

قطوف said...

كل سنه وانت طيبه
مع إن هى متأخره

truelove said...

ايه هو الجميل فين نسينا ولا ايه عاوزين الجديد يا جميل

Anonymous said...

قصه جميله بجد وكفاح اشكر عليه رغم انى مش من محبى سماح انور

klmat said...

Mo3az
اهلا بك والحمد لله انك قرأت البوست
للآخر. حقيقى نورتنى
تحياتى لك

klmat said...

امانى
كل سنه وانت بالف صحه وعافيه
وكل امانيك تتحقق
نورتنى وشرفتنى

klmat said...

المستقبل
هى فعلا مثال للتحدى وقوه اراده
تعليقك اسعدنى
تحياتى لك

klmat said...

ماعلينا
عيد سعيد ياحبيبتى ويارب كل ايامك تكون اعياد معلش اعذرينى على التاخير
وربنا يهدينا جميعا
نورتنى وشرفتينى

klmat said...

ولو
تعليقك اسعدنى
كل سنه وانت طيب
تحياتى لك

klmat said...

عالمى ازرق
كل سنه وانت بخير وصحه وسعاده
وكل حبايبك بخير
نورتينى واسعدتينى

klmat said...

بتاع العسل
كل سنه وانت طيب وايامك
كلها عسل
شرفتنى

klmat said...

ايويه
كل سنه وانت طيبه
انا متفقه تماما معاكى تعلبقك بيسعدنى جدا تحياتى وسلامى

klmat said...

ابو سويلم
كل سنه وانت طيب
ودايما منورنى ومشرفنى
تحياتى لك

klmat said...

د / كسلان
كل سنه وانت طيب
وكل امانيك تتحق
اما من ناحيه اللى بالى بالك
فهم مفضوحين ومجرسين
بس متبلدين فى الاحساس
خلينا مع اهلنا معيدين
تحياتى لك شرفتنى اوى

klmat said...

loumi
كل سنه وانت وعيلتك وكل حبايبك بخير
طبعا تعليقك رائع وناسف للاسباب الفنيه
بس ان عندى احساس انك عندك القدره
بس نمشيها انك مشغوله
نورتينى وشرفتينى

klmat said...

doba
ازيك ياهبه يارب تكونى فى احسن حال
كلامك جميل ربنا يقويها ويقوينا
ويحمينا جميعا.تعلبقك بيسعدنى جدا
تحياتى وسلامى

klmat said...

t3ashat
كل سنه وانت طيب
ودايما متألق
تحياتى وسلامى

klmat said...

احساس لسه حى
البرنامج كان ناجح بس مش عارفه
سبب توقفه المهم انها استمرت
تشتغل بنجاح فى مجالها
ربنا يقويها ويحمينا جميعا
تحياتى وسلامى

klmat said...

سى السيد
كل سنه وانت طيب واهلك وحبايبك بخير
المهم انك قلتها مش متأخر ولاحاجه
تحياتى لك

klmat said...

رئيس جمهوريه نفسى
هى فعلا قصه كفاح طب حبها علشان كفاحها
نورتنى واسعدتنى بتعليقك

klmat said...

truelove
لأ ماقدرش انسى
ان شاء الله فىجديد عن منى الشاذلى
نورتينى
تحياتى وسلامى

momken said...

قال رسول الله صلى الله عليه وسلم
من يؤمن بالله واليوم الاخر فليقل خيرا او ليصمت

صدق رسول الله صلى الله عليه وسلم

علشان كده انا مش هتكلم عن سماح انور
وهصمت


طبعا انا مش بعارض حبك ليها ربنا يحبب للجيع عباده
تحياتى

klmat said...

momken
صدق رسول الله عليه وسلم
انا زى ماقلت فى ناس بتحبهم وترتاح لهم
من قبل ماتتعامل معاهم
وبعدين سماح نشأت فى وسط فنى
والدتها الفنانه سعاد حسين
بس جميل حاله الرضا اللى عندها
والاختلاف فى الرأى
لايفسد الود
حقيقى سعدت جدا بتعليقك
نورتنى وشرفتنى

سلوى said...

أؤيدك في كل كلمه

أنا أيضا أحبها جدا

وفقكم الله

تحياتي

klmat said...

salwa
اهلا بك ياسلوى
الحمد لله اننا متفقين
اسعدتينى بتعلبقك
تحياتى وسلامى

توته said...

سماح انور دى حبيبتى بموت فيها
بحب فيها صمودها وعدم استسلامها للمرض وقوه شخصيتها واردتها
دة غير خفه دمها
بحبها اوى
ارجو من فضلكم ارسال ايميلها محتجاله جدا

توته said...

سماح انور
دى حكايه من الصمود والصبر والقدر على التحمل
انا من عشاقها وعشاق خفه دمها ومرحها بحبها جدا وبحب ادوررها الممتعه بجد
ياريت حد يبعتلى ايملها رجاء
شكرا

Anonymous said...

سماح انور
دى حكايه من الصمود والصبر والقدر على التحمل
انا من عشاقها وعشاق خفه دمها ومرحها بحبها جدا وبحب ادوررها الممتعه بجد
ياريت حد يبعتلى ايملها رجاء
شكرا

توته said...

سماح انور
دى حكايه من الصمود والصبر والقدر على التحمل
انا من عشاقها وعشاق خفه دمها ومرحها بحبها جدا وبحب ادوررها الممتعه بجد
ياريت حد يبعتلى ايملها رجاء
شكرا

klmat said...

توته
اهلا بك والف مبروك لافتتاح مدونتك
كان نفسى اقرأها بس لقيتها مش بتفتح
سعدت جدا بتعليقك على سماح انور هى
فنانه وانسانه جميله انا بحس انها بلبلدى
ست طيبه وجدعه. اتمنى لك التوفيق وكل الخير
خالص تحياتى وتقديرى