Thursday, January 3, 2008

انواع من الرجال

هناك نوع من الرجال يجد سعاده كبرى فى معرفه العديد من النساء ويجد سعاده فى القرب منهن وعمل علاقات عديده والغريب ان كثير
منهم متزوج من سيدات فاضلات وجميلات وبالطبع الميسور ماديا بتكون فرصته اكبر ويبرر لنفسه بمبررات هو يعلم قبل غيره بانها واهيه
اللى يقولك اصل مراتى نكديه او مهمله .. قاسيه بفرض ان ده صحيح وحالته الماديه تمكنه من الزواج لأ تلاقيه بينسج شباكه
حول البنات او الستات وهناك نوع اخر يحب عمليه ايقاع النساء فى حبه مش حبه للنساء هو اللى بيحركه لأ عمليه الأيقاع نفسها
زى اللى غاوى صيد هو لايصطاد حبا فى السمك لأ عمليه الصيد نفسها هى المتعه فى حد ذاتها
وهذا النوع هو الأخطر لأنه كلما كانت البنت على خلق زادت العمليه صعوبه واصبحت عمليه الصيد غير رتيبه بل اكثر متعه
كيف يختار هذا الصياد فريسته
قد يكون مدير او صاحب شركه او جار اوحتى قريب وبحكم هذه العلاقه سواء كان مدير او قريب بيستغل معرفته للفريسه ويضع قناع الأهتمام بها ويعجب بكل ارائها ويفهمها انه يفهمها جيدا وياحبذا لو عندها ظروف خاصه تعانى من وحده او قسوه فى الأسره
هو يبدأ بالأستماع لها اولاحتى يدرس نقاط ضعفها وقوتها ويعرف المدخل اللى حايدخل منه وتبدأ العمليه بالسماع لها باهتمام وانصات
واعجاب ولامانع من اظهار بعض الدهشه معقوله انتى متحمله كل ده وتستعذب الفتاه هذا الأهتمام الذى تفتقده وهو فى هذه المرحله لا يطلب منها شيئا هو منصت اليها بعد كده يبدأ يحكى عن نفسه احداث حقيقيه يعنى انه متزوج فدى حقيقه شويه عن طبعه وشويه عن عيوب مراته
ويبقى الاتنين عندهم حاجات مشتركه اهمال من البيت او قسوه وتبدأ البنت فى الأرتياح والتعود على هذه الجلسات وبخبرته بيعرف امتى يخليها تتمنى ان يعلن حبه وقد يكون اكبر منها بكتير ممكن فى سن ابوها والبنت صغيره قد ترفض من يتقدم لها لأنها تتخيل انها وجدت من يحبها وتحبه وقد تكتشف هذه الفناه ان له علاقات اخرى فتصدم وتواجهه هو بتمرسه عنده من المبررات ووسائل الخداع ما يستطيع اقناعها به وتكون هى قد تعودت على ان تعيش حاله الحب وترفض ان تتخلى عن السعاده التى تشعر بها كما انه يغرقها فى الكلام المعسول وان كل النساء جنبها ولاحاجه ويرجوها ان تظل بجانبه وتنخدع الفتاه الا ان مع تكرار القصص تبدأ مرحله الفوقان والندم وقد تصل الى كرهها لنفسها او قد تسلم له نفسها وتبدأ فى البكاء والنحيب وهو لا يشعر بألامها وتستغرب معقوله هوده الرجل اللى بحبه معقوله حنانه ينقلب الى هذه القسوه وتراه اتجه الى عمليه صيد اخرى وبينما هى تتمزق من الألم هو فى بدايه مرحله جديده بل احيانا يشعر بسعاده عندما يراها تتعذب فهو صاحب ضمير ميت زى دراكولا عندما يمتص دم الفريسه ويراها تنزف ويستعذب المها والعياذ بالله
طبعا انا بأكد ان ده بعض من الرجال واغلبهم بيكون غنى وفلوسه بتساعده ويبرر لنفسه زى ما الأنسان يحتاج للترفيه بأن يدخل سينيما او مسرح علشان يقدر يشتغل بعد كده هو دى وسيله الترفيه بتاعته ويبرر اصل انا عايز افكر فى شغلى
هذا ما كتبته بعد قرأه مقاله فى احدى التدوينات لفتاه رقيقه جدا تستغرب موقف حبيبها لكثره علاقته النسائيه وكيف كانت تثق
به انا كتبت لأنى شعرت ان فى كتير من بناتنا بينخدعوا فحبيت الفت نظرهم وربنا ينور بصيره بناتنا ويهدى رجالنا

47 comments:

Anonymous said...

l2 m3lsh enty keda mesh fair, fih anwa3 tanya mn el rgal w fih anwa3 tanya mn el stat, lw sm7ty ezkory el anwa3 el tanya.

Shoukran 3la el mwadee3 el shyka

klmat said...

anonymous
اهلا بك والنبى انا فير بس اناقلت
نوع من الرجال مش كل الرجال
كل حاجه فيها حلو ووحش
فى بردوا ستات وبنات مش تمام
اناحددت نوعين نوع بيحب الستات
ونوع بيحب يصطادهم نتيجه لقرأه
بوست زى ماكتبت
لكن فى نوعيه محترمه
بتخاف ربنا وتتقيه
اناكتبت عن المشاغبين مش المحترمين
انا اولادى شبان وبيخافواربنا
وفى زيهم ربنا يحفظهم جميعا
واتمنى ان تفهمنى صح
سلااااااااااااام

Unknown said...

انواع منيلة بعيد عنك وربنا يكفينا شرهم

:(((

فى القلب said...

و الله يا جميله لأنتى جبتى المفيد فى الموضوع ده بالنسبه لبعض الرجال

الغريب بقه أن فيه صنف من النساء متخصص برده فى الداء المنيل ده

عموما الاتنين ربنا يهديهم

sofinqoraso said...

فعلاً ده نوع وموجود وواقع ومحدش فينا ينكره
ومحدش ينكر برضه وجود انواع تانية
لأن كل حاجة فيها الكويس والوحش
ومش معنى اننا بنلقى الضوء على نوع معين ولإسباب معينىة أننا بنتجاهل الأنواع الكويسة
كل الموضوع ان الفكرة ليها سبب

klmat said...

انسانه
اهلا بك عندك حق وربنا
يحمكى وكل البنات يارب
سعدت جدا بمرورك
سلامى

ماسة الحب said...

معاكي حق كل الرجالة كده في ناس كده غريبه والرجالة كلها ملهاش امان
بس عارفه برضه في ناس كويسه
وتستاهل

klmat said...

فى القلب
انا معاكى الستات والرجال فى محترمين
وفى للأسف غير محترمين ربنا يهدى
وينور بصيره الجميع
انا سعيده جدا بتعليقك
سلامى

klmat said...

sofinqoraso
اهلا بك وانا رأيي مع رأيك
وانت كتبتى اللى انا
عايزه اقوله
شرفتينى بمرورك
سلامى

klmat said...

ماسه الحب
اهلا بك ياجميله
حقيقى فى رجال محترمين
مش كلهم كده
بس المهم ان البنات يبقى
عندها وعى ويبقى المبدأ
حرص ولا تخون
نورتينى
سلامى

no chance said...

السلام عليكم
ازيك يا اميرة هانم
بصى بقى انتى موضوعك دة عجبنى اوى فسامحينى لو طولت فى التعليق
شوفى يا قمر
واوعى تفكرينى بقولك يا قمر علشان حاجة انا بهزر
هههههههههههههههههه
شوفى
انتى بتقولى ان بعض الرجالة كدة انا بقى مع انى راجل
بقولك ان مش بعض الرجالة لا دة كلهم كدة كلهم بقو عبارة عن كلاب بتحركهم شهوة حيوانية وعلى فكرة مش بمزاجهم بيكون غضب عنهم يعنى هما غلطانين بس فى اسباب تانية السبب فى الغلط دة مش همما لوحدهم
من الاسباب التانية دى ان الستات فى وقتنا هذا بقو فاتنات اوى وزيادة عن الزوم
ايوة بجد وبقو كتير اوى يعنى عدد الستات اصلا كتر فبالتالى الراجل قدامو بدائل كتير وبتلاقى الشيطان بيحركه وهو مش دارى
وعلى فكرة انا عاوز اقولك حاجة ممهة اوى
هو انتى فاكرة ان الخيانة ان راجل يعمل علاقة مع واحدة غير مراته لا طبعا دة فى اشكال للخيانة كتيرة اوى وبسيطة اوى
لو بصيتى لاى تليفون بتاع اى راجل هتلاقى ارقام ستات كتير اوى هى دى مش خيانة
لا والله خيانة ونص كمان
لما واحد يفضل يرغى مع زميلته فى الشغل دى مش خيانة لا خيانة
لما واحد يبتسم لواحدة فى المواصلات ويفضل يتكلم معاها دى مش خيانة؟
طيب انا راهن اى حد ان فى راجل مش بيعمل كدة
الا القلييييييييييييييل جدا
ولو سالتى الراجل ترضى مراتك تتكلم مع حد كدة يقولك لا طيب انت بتعمل كدة لى يا ........؟
والستات برضه غلطانين
اى السذاجة بتاعتهم دى
الست بتعرف نظرة الراجل من طرف عينه وتقدر تصده من اول مرة لكن بتفضل تدلع وتستعبط لحد متلاقى نفسها ارتاحتله

على فكرة احنا مجتمعنا دة وصل لمرحلة بجد بجد بجد صعب اوى ادراكها
دلوقتى بقى طبيعى انك تلاقى واحدة متزوجة وعاملة علاقة مع حد غير جوزها
دى مصيبة اصلا
وطبيعى اوى انك تلاقى واحد متجوز ومعيش مراته انها كل حاجة وانها حبه الوحيد وهو طول النهار عمال يهزر مع كل واحدة يقابلها
كفاية كدة
انا كنت متلكك اصلا
معلش سامحينى على الاطالة بس بجد كويس انك كتبتى الموضوع دة
ربنا يباركلك
ويا رب دايما تفضلى تحكى على ماسى المجتمع الواطى بتاعنا دة



خالص تحياتى وتقديرى

walaa said...

كلمات ا
انا مره قريت مقاله علىالنت بتقول ان الرجاله فى التركيب بتاعتها بتميل للستات كل الرجال يبتحب تعمل علاقه مع واحد واتنين وتلاته
حتى تلاقيهم متجوزين وتفاجأ الزوجه انه عامل علاقه مع واحده تانيه بدون اسباب مجرد انه مال ليها
ويقول المصطفى فى حديث فيما معناه
ما تركت على امتى فتنه اشد على الرجال من فتنة النساء
طيب ليه الرسول هيقول كده الا هو متاكد اللى دى نقطه ضعف الرجاله واعداء الاسلام بيحربونا بكده برده بيدسوا النساء العاريات فى شاشات التلفزيون لكى يلهوا الشباب عن القضيه الاساسيه
صدقينى ده عيب فى مجتمع كامل رجاله ونساء لاننا كلنا بعدنا قوى عن تعاليم الاسلام وفى حاجات كتيره بتحصل مش كويسه

تحياتى لك ولاء

Anonymous said...

يظهر انك قلبتى المواجع على ناس كتير بنشوف حاجات دلوقتى ليها العجب مش بس الرجالة دول من الستات لما تلاقى سيدة متزوجة تشغل راجل متجوز وكمان جوز صاحبتها وتتجوزة عرفى والسيد الفاضل يكون جد لثلاثة احفاد وهى ام لثلاثة اولاد كبار هو العيب بقى منة ولا منها

rack-yourminds said...

السلام عليكم

هؤلاء الرجال معندهمش ضمير ولا اخلاق

ويا ريت اخواتنا البنات ياخدوا بالهم من هذه النوعيه

دايما موضوعاتك هادفه

تحياتي وسلامي

رحــــيـل said...

عزيزتى اميره

بوست فعلا هايل وواقعى جدا

بس مش شرط يعنى ان يكون الراجل متزوج عشان يكون على علاقه ببنت وبعد كده ينفصل عنها
بالعكس البنت لما يكون الرجل متزوج بتكون متوقعه نهايه زى دى بس زى مانتى قولتى بتخدع نفسها
فى شباب كتير كده ومش متزوجين
بس الاكيد واللى هما مش واخدين بالهم منه انه كما تدين تدان
انا الجمله دى فعلا لمستها فى واقع حولى

ياريت اكون وصلت نقطه معينه ليكى

شكرا بجد على البوست
تحياتى وتقديرى

Anonymous said...

klmat العزيزة

أرى أنك أفترضت بالخطأ أن جميع النساء والبنات هن مجموعة من السذج اللائى يحتجن الى توعية من نوع ما

لا ياسيدتى .. نحن لسنا فى ذلك العصر ..بل ان هناك من البنات والسيدات من يزن عقلهن رجالا كثيرين

ولا حتى طفل صغير تستطيعى أن تخدعيه فى زماننا بقطعة حلوى

الشئ الثانى هو اننا من المؤكد اننا نعانى من ثقافات تحتاج لبعض التعديل .. فليس معنى ان يكون الانسان لطيفا وفى حدود ملتزمة انه بالضرورة قد وقع فى غرام أى واحد او واحدة.. لكننا لم نتعلم جيدا أن نعيش جميعا فى النور

كذلك فاننا نستدل بالاحاديث التى تدعم وجهة نظرنا فقط

فالرسول عليه السلام هو نفسه الذى قال " حبب الى من دنياكم الطيب والنساء وجعلت قرة عينى فى الصلاة

وغير ذلك اننا لم نعرف عصر الاسلام فى عهد الرسول والصحابة على حقيقته وفيه ان ام هانئ مثلا كانت تدعو لولائم أو مجلس شعر وغيره يحضره الرجال ولم يكونوا يجدون فى ذلك غضاضة..

ولست فى معرض دعوة لانى لااملك العلم العميق فى هذا الشأن

أعود فأقول أننا لم نتعلم ان نتعامل جميعا فى جو صحى .. وفى النور باخلاق الفرسان التى لن تقبل الخطأ .. لكنها تسمح بكل انواع التعامل الأخرى حتى لانضطر لانواع من العلاقات الفاشلة ونسميها بغير مسمياتها و فى النهاية نجد النتائج زيجات أخرى عرفية .. أو طلاقات متعددة وبالاخص فى الجيل الجديد

فقط لانه ليس هناك المجال الطبيعى الذى يسمح بالاختلاط والتعارف الحقيقى والاختيار الناضج الذى يضمن لعلاقة سليمة صحتها وسلامتها

المثل الانجليزى يقول

it takes two to the tango

الوضوع جميل وشائك لكنه ليس بسيطا كما هو العرض

آسف للإطالة

klmat said...

no chance
اهلا بك وسعيده ان الموضوع عجبك
وكونك تقوللى باقمر قطعا مش
قصدك حاجه انت اصغر من اولادى وكل
اللى بيعلق عندى محترمين والحمدلله
وطول زى ماانت عايز اعتبرها مدونتك
بس انا مازلت عند رأى ان بعض الرجال
مش كلهم فى ناس كتير بتتقى ربنا وبتخاف
تعمل مايغضب ربنا صدقنى يمكن انت ماصدفتش
حد كده بس موجودين
اما عن الخيانه فهى ممكن تكون بالتفكير
وربنا يهدى الجميع
وطبعا مش طبيعى ان واحده تكون متجوزه
وتعمل علاقه غير سويه مع غير
جوزها دى تبقى منحرفه
الوضع الطبيعى ان الواحد فى مجال
عمله بيتكلم مع زملاؤه باحترام متبادل
وبتفكير ان من يعملون معنا سواء رجال
او نساء بمثابه اهل واسره
وفى كل المجتمعات فى المحترم والعكس سواء رجال او نساء
تحياتى

klmat said...

walaa
اهلا بك ياولاء ويارب تكونى بخير
انا معاكى ان الرجال بتحب الستات
بدليل ان ترغبيهم فى الجنه بيكون بالحور الحسان.اما ان الازواج بيعرفوا غير
زوجاتهم طبعا مش كلهم بيدخل فيها عوامل كتير عايزه بوست ويمكن اكتر
وربنا يهدينا جميعا
ويصلح حالنا
سلامى

klmat said...

نور الهدى
اهلا بك الدنيا بخير يانور وفيها الحلو
والسيىء والنماذج اللى انتى ذكرتها
موجوده بس مش كتير فى ناس لما تكبر
بتزيد وقار ورزانه وفى بيحصل لهم عدم
اتزان ومراهقه مش عيب ان الجد يتزوج
حقه وقد يكون الزواج افضل له ولأولاده
واحفاده ونفس الشىء بالنسبه للست
بس المهم يكون على اساس ونس ومراعاه
لظروفهم وظروف اولادهم مش على حساب
جرح او الم لأولادهماما السيده المتزوجه وتشغل زوج صاحبتها فهى غير امينه وبطبيعتهاالخيانه المفروض اننا بشر دى
واحده جرحت اولادها وجوزها وصحبتها
والطرفين غير سويين وانانيين وتصرف غير انسانى بس هى كده الدنيا فيها كل حاجه
ربنا يحفظك ويحميكى يارب
سلامى

klmat said...

rack your minds
اهلا بك وسعيده بتعليقك
وربنا يهدى الجميع
ويسعدك ياااارب
سلامى

klmat said...

ra7eel
اهلا بك يا ساره ويارب تكونى بخير
انا قلت منهم متجوزين يعنى مش كلهم
انا بستنكر ان المتزوج ليس عنده مايبرر
علاقته باخرى وانا فاهمه قصدك ومتفقه معاكى وسوى كان متزوج او لأ فا اللعب
بالعواطف فى رأييى جريمه لأنه بيسبب الم
وجرح عميق وبيفوت فرص .
وزى مانت قولتى داين تدان
سعيده جدا بتعليقك
وربنا يحفظك ويسعدك وينور بصيرتك يااارب
سلامى

klmat said...

sherif
عزيزى الباشمهندس شريف اهلا بحضرتك
وكل سنه وحضرتك طيب
انا لم افترض ابدا ان كل النساء والبنات ساذجات اطلاقا ماشاء الله درجه الوعى والثقافه عاليه وقد يكن افضل منى انا كتبت من منطلق الأمومه بعد قرأه تدوينه لفتاه محبه رقيقه وواعيه
بس اكتشفت ان حبيبها له علاقات
ويعتذر ثم يكرر ونظرا لحبها له
ورغبتها فى تصديقه بتسامحه
بس لازم تعمل وقفه والا العواقب مش تم

انا قلت بعض الرجال برضوا اشاره الى مش كل الرجال وقلت ان
هؤلاء الرجال بيختاروا الفريسه واقصد
بها بعض الفتيات او السيدات مش شرط
ساذجات بس ممكن يكون عندهم فراغ عاطفى
اشرت الى من لديهم ظروف قسوه فى البيت
والانسان لما بيكون مشتاق للحب والحنان
من السهل ان ينخدع

لم اشر ابدا لكون الواحد بيتصرف بلطف
ان ده معناه عايز يعمل علاقه انا كلامى
واضح لمن يبيت النيه ويريد ان يصطاد
وبيكلم كلام معسول يعنى غرام مش لطف
ده مش معناه ان اى واحد حب يقدم عون
او يحل مشكله انه مش كويس اطلاقا
انا بكتب عن واقع بيحصل حوالينا وبنقرأعنه وشوف حضرتك عدد الزيجات العرفيه وقضايا النسب

وفى كل ردودى كنت بحرص ان مش كل الرجال لان فى رجال كويسين كتير

وانا بروح النادى مع اسرتى وبنقابل اسر زوجات وازواج ولى زملاء فى العمل وعلاقتى بهم طيبه وكأننا اسره
لم اقل نقطع علاقات ولكن تكون علاقات سويه فى النور العمل والجامعه كلها
ستات ورجال ولابد من التعامل

لم اعمم انا حددت فئه موجوده ومع صعوبه الزواج وازدياد عدد البنات
بيستغل بعض الرجال هذه
الظروف وحتى فى المجتمعات الغربيه موجود
كده وبنشوف النوعيه دى فى الأفلام الاجنبيه
ارجو ان اكون وضحت وجهه نظرى
وسعيده بصراحه حضرتك واتمنى دوام
تبادل وجهات النظر وتعليقك اسعدنى
سلامى

Anonymous said...

klmat العزيزة

انا آسف جدا ان كنت تسببت فى بعض الازعاج

الموضوع فعلا حرج وخطير ويحتاج لمزيد من تبادل وجهات النظر

انا فاهم طبعا كل ما تقصيده وعندك حق

أحببت فقط أن ادلى بدلوى من وجهة نظرى البحتة

ووارد ان تكون خاطئة

ماأريد ان أقول ان الجو خانق جدا نبحث فيه عن بعض الهواء فى وقت اصبح اسهل شئ فيه ان نشير باصابع الاتهام

ربنا يبارك فى اولادنا جميعا ويبصرهم ويساعدهم على تمييز الطيب

خالص تحياتى اليك

مدحت محمد said...

كلمات
على فكرة والله وانا عمال اقرا
جه فى بالى كذا واحد من زمايلى بيعملو كدة
بمجرد انهم وقعو البنت
يزهقو منها
بغض النظر عن انى البنت دى ليها احساس
وعلى فكرة فعلا فى بنات بتعمل كدة برضه
صح
بقى فى مساواة فى كل حاجة على فكرة
بين الرجل والمرأة
ربنا يهدى

منى said...

كلمات
اول زياره ليا
بس حاسه انى مرتاحه وقاعده كده براحتى مش عارفه ليه؟
موضوع هايل
محتاجينه جدا
نفسى كل الناس تحكم عقلها
ومن يتق الله يجعل له مخرجا
وربنا يستر
تحياتى

klmat said...

sherif عزيزى
اهلا بك وسعيده باهتمامك
ومافيش ازعاج خالص ولا داعى للأسف طبيعى ان
كل واحد يكون له وجهه نظر
انا كل همى سوى راجل او بنت يستحرم
اللعب بالعواطف لأن الم النفس مش سهل
المهم ان نتحاور وممكن نختلف
وكل منا يحترم الآخر
عارف ممكن حد يكون عنده نفس رأيك
بس ما يعلقش انا افضل التعليق لأنه
افيد وبيوضح المقصود اكتر
تدوينتك الأخيره كالمعتاد منك راااائعه
عميق تحياتى

klmat said...

doha
اهلا بك وانا متفقه معاك فى الرأى
فى بنات بتعمل كده مساواه بقا
ياريت كل واحد يفكر يقبل يتعمل
كده فى مراته او بنته او زوج او اب
ربنا يهدى
وسعيده جدا بتعليقك
سلامى

klmat said...

منى
اهلا بك وسعيده جدا انك ارتاحتى
عندى ده كلام جميل من انسانه
ذات احاسيس مرهفه اللى يزورك
يرتاح اكتر اتمنى ان نتبادل الاراء دايما
ربنا يخليكى
سلامى

Anonymous said...

يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا (
صدق الله العظيم
أخيك أبو خالد

mohand said...

السلام عليكم

البوست للبنات ماليش مكان هنا

جيت اسلم بس

Unknown said...

ربنا يكفينا شرهم

وينور بصيرة كل بنات المسلمين آمين

موضوع مهم جدا علي فكرة

وناس كتير فعلا بتنخدع

ربنا يسترها

الراقـــص مع الذئـــــاب said...

السلام عليكم
ازيك يا اختي الكريمة
اولا ردي هيكون في شكل توضيح بسيط اسمحيلي ان اضيفه
اولا مش كل الرجالة ولا حتي كتير منهم فيهم الصفات ديه
ثانيا 90% أو 99,99% من النساء بيكونوا هما السبب
مش ضحايا زي ما احنا بنتخيلهم خالص
بالعكس بيكونوا سبب كبير اوي في هدم اسر كتيرة
عن طريق اسلوبهم او كلامهم او لبسهم

وربنا عز وجل بيقول

"
ولا تخضعن بالقول فيطمع الذي في قلبه
مرض"

يعني مش البنت هي الحمل الوديع المسكينة اللي ديما مظلومة ومكسورة الجناح ديماً
الامر في الاول في الاخر بيكون ليها
لو كانت هي متربية او ملتزمة وجد في تعاملتها حتحط حاجز عالي اوي مفيش مخلوق هيعرف يخترقه
اما بقي لو هي ليها مزاج فزي ما حضرتك وضحتي الصيادين كتير وشباكهم منصوبة


وهستأذنك في الرد علي احد ضيفوك لأنه كتب رد في إهانة للرجال كلهم وبصراحة لازم هرد عليه...مع إنه للأسف راجل
وبقول للأسف

الشخص المدعو


no chance


بأي حق تتهم الرجالة كلهم إنهم كلاب....وازي تتهمهم إنهم كلهم عبارة عن رغبة حيوانية؟؟
دا إذا كان ينطبق عليك انت فياريت تتكلم عن نفسك انت بس....
بتحكم علي الناس وكأننا في مجتمع شهواني كل اللي فيه عبارة عن رجالة يتبعون شهواتهم وغرائزهم
شئ عجيب جدا ومقزز اوي
انت لو واحدة ست متعقدة من الرجالة مش هتقول الكلام دا
للأسف...انك بتقول علي نفسك راجل

انا بعتزرلك يا اختي الكريمة علي هذا الرد بس غصب عني مقدرش اشوف كلام زي كدا ومقدرش ارد عليه

اصل بقت في حجات كدا بتطلع تخلي الواحد دمه يفور

دمتي في خير

و القادم....أجمل said...

السلام عليكم
دا فعلا نوع موجود من الرجال
و مش في الحياة العملية بس
لا في الشبكة العنكبوتية كمان
ربنا يحفظ البنات كلها يارب

تسلمي يا أميرة
ربنا يجازيكي كل خير
و يحفظك
ياااارب

تحياتي و حبي

:)

Unknown said...

كل سنة وأنتى طيبة بمناسبة العام الهجرى الجديد
موضوعك مهم جدا للأسف انا بسمع حكايات زى دى كتير و اعرف حكاية صحبتها ماتت من الصدمة ربنا ما يوريك
المهم ان الرجالة الى من النوعية دى بيقولوا هى الى عايزة كده ما يغلطوش نفسهم ابدا كاملين العقل باه و احنا الىعقلنا ناقص و نستاهل الى يجرلنا

تسمحيلى بالمساحة الأعلانية دى ؟
طب يا ستى ألف شكر :))))))

-----------------

صاحب البوابة http://elbawaba.blogspot.com/ يدعوكم لحضور حفل أفتتاح دار النشر الخاص به ، حلم شاب تحقق بأمكانيات بسيطة - تجربة تستحق التشجيع - فى انتظاركم غدا الحميس 10 \ 1 \ 2008 الساعة السادسة مساءا فى مكتبة البلد 31 ش محمد محمود أمام الجامعة الأمريكية

momken said...

ابن الذينا..كل دول وانا مرمى هنا مش لاقى وحده تعبرنى اتاريه مخلص على كل الموزز.. ومفضلش بعد حاجه والى هتفلت من تحت ايده هتبقى معقده وتعقدنى معاها
لاء ياستى انا كده احسن

اسال الله العظيم انا يهدى رجال المسلمين
وان يعصم نساء المسلمين
وان يهدى الجميع الى تقوى الله سبحانه وتعالى


كلامك فى الجون ياستى
النمازج دى موجوده فعلا وقولى لحصحبتك الى قريتى عندها الموضع الى شبه ده
سيبك منه
وروحى حيبى ممكن

دى غلبان وطيب وفحاله
ومش بتاع بنات
ظبطينى عندها يعنى
ههههههههههههههههههه

تحياتى

دنيتى الجميله said...

كل سنة وانتى طيبة يا جميل بمناسبة العام الهجرى الجديد اسعدك الله انت وجميع اهلك على فكرة دة بقى اسمى فى الكومنت دلوقتى بدل نور الهدى متحرمنيش من زياراتك الحلوة

احساس لسه حى said...

عزيزتى
السؤال بقه هو
امراه واحده تكفى الرجل
قليل منهم الذى تكفيه امراه واحده
يمكن واحده يحبها
لاكن يتمنا اكثر
واكيد مفيش مبرر لاى راجل انه يخون
وزنا اللى متجوز حسابه وحده غير زنا المتجوز ويمكن تشريع اكتر من زوجه للرجل كانت لعدم وجود اى حجه لاى رجل عندما يقع فى الزنا
المراه طبيعتها غير الرجل
لا تحب اى واحد زى الرجل لاكن لاتتمنا الا هذا الرجل ولن تقبل غيره
موضوعك جامد وجميل
ويا ريت البنات تفهم وتتعلم
اتمنا زيارتك لمدونتى والتعليق على اخر موضوع للاهميه
تعليق صريح وواضح وقاطع
سلام

klmat said...

اخى ابو خالد
انت قلت المفيد والحل
هو التقوى زى ما ارسلت
الأيات الكريمه
بارك الله فيك
وزادك ايمان
تحياتى واحتراماتى

klmat said...

mohand
الأنكار مش حاينفعك
البوست للجميع
ازيك بجا قول رأيك
اتعودنا من المواجهه
سلااااام

klmat said...

fanan fa2eer
اهلا بك وانا كمان
رأييى زيك
ربنا يحميكى ويهدى
بناتنا وشبابنا
امين يارب
تحياتى وسلامى

klmat said...

الراقص مع الذئاب
السلام عليكم ورحمه الله وبركاته
انا معاك ان فى بنات وستات طريقتهم
بتدفع للمعاكسه دول لم ولن اكتب عنهن
بعيد عننا فى ناس سواء رجال او ستات
الانحراف فى دمهم والتربيه نمته اكتر
انا كلامى موجه للملتزمات اللى ممكن ينخدعوا ودول موجودين فعلا
اكيد فى رجال وشباب كتير اتقياء انا معاك . بس لا نستطيع انكار اللى
كتبت عنه واقع موجود
فى البنات والرجال فى المحترم والمستهتر
بالنسبه ل
no chance
اكيد التعبير خانه انا استغربت من وصفه
ممكن يكون اساء التعبير من خوفه على البنات ولا يقصد الأهانه لأنه فى النهايه رجل وربنا يهدينا جميعا
سعدت بتعليقك وفرحت لترقيتك
وربنا يكرمك دايما يارب
تحياتى وسلامى

klmat said...

القادم اجمل
اهلا بك يا لولو
انا متفقه معاكى تماما
وبنا يحمى كل البنات وكل الشباب
ويخليكى ودايما القادم اجمل
بأذن الله
ربنا يسعدك ويكرمك يارب
تحياتى وسلامى

klmat said...

هاليا حليم
اهلا بك وكل سنه وانت طيبه
وكل اسرتك وحبايبك بخير
وتتحققى كل امانيكى يارب
انا متفقه معاكى فى الرأى

يسعدنى انك تعلنى عندى
زى مااتنتى عايزه
دى مدونتك وربنا يكرم
صاحب البوابه وافتتاح
ناجح ان شاء الله لو كنت فى
القاهره كنت حضرت
دايما يتقدمى الخير وربنا
يوفقك ويكتب لك كل خير
انت وصاحب البوابه
تحياتى وسلامى

klmat said...

momken
حقيقى تعليقك دمه خفيف جدا
وضحكتنى وكنت محتاجه اقرا
حاجه كده غيرت المود بتاعى
ودعواتك جميله ربنا يهدينا جميعا

اما عن صديقتى فرسالتك وصلت
هى بتقرا التعليقات
وبعدين انت مش محتاج حد يظبطك
شكلك ظابط ورتبه كمان
ماشى ياباشا
تحياتى وسلامى

klmat said...

دنيتى الجميله
اهلا بك وكل سنه وانت طيبه
الأسم الجديد جميل جدا جدا
زى مضمون المدونه
يارب تكون دنيتك جميله دايما
حازورك حالا بأذن الله
ربنا يوفقك يارب
تحياتى

klmat said...

احساس لسه حى
اهلا بك وكل سنه وانت طيب
واسرتك وحبايبك بخير
واسفه فى التاخير فى زيارتك
وحالا بأذن الله حازورك
وسعيده جدا ان رأيي يهمك
كتر خيرك
عارف انت جبت المفيد امرأه واحده
لاتكفى كتير من الرجال كده لما شفت
الفيلم بتاع امرأه واحده لاتكفى
كنت حاسه بصدق احمد زكى انه حب التلاته
والأدهى من كده اتعاطفت معاه !!! بس
فى الواقع مافيش تعاطف
رأك جميل وواقعى
ربنا يوفقك يارب
تحياتى وسلامى

Anonymous said...

Interesting… I am making a video about men types I will consider referring to some of your observation but it’s gonna be hard to break men types .