Friday, January 18, 2008

جمهوريه الك لك

جمهوريه الك لك هى احدى جمهوريات الحنك وتتميز بموقع استراتيجى ممتاز كما انها تزرع الخيار الأستراتيجى المميز بطعمه المر
اما المملح منه فهو سبايسى خالص مالص . يرأس هذه الدوله العريقه رئيس يدعى دومتى موزال وهو يتمتع بحكمه وطوله بال يشار لها بالبنان
وكان لدومتى 3 صديقات فى غايه.الخسه والدهاء هن اصلاح ورياده وشفافيه وجدوا ان شعب الك لك بدأ يلك كثيرا كما انه شعب نمرود لايشبع من الفتات فاخذت كل من رياده وشفافيه وراس الحرباء اصلاح تفكر وتفكر ثم عادت تفكر وتفكر وسكتت قليلا لتفكر وتفكر وقطع تفكيرهم دومتى وقالهم ايه الحكايه حانسيب الناس تلك كده على الفاضى والمليان لحد امتى موقفى بقى محرج حنب اخوانا فى الجوار الاشقا ء دول الحنك الشقيقه فقالت اصلاح سيبك انت ده مافيش غيرى افكارى جهنميه وعندى حلول فهلويه
قالت اصلاح شوفوا هو حقيقى شعب الك لك بيتكلم كتير بس على الفاضى وعلى كل الحل بسيط احنا حانشغله فى بناء نفق وبعد مايتهد حيله نقوله ان النفق ده حايسبب كارثه ولازم نهد النفق ونعمل كوبرى وبعد مانعمل كوبرى نكتشف اذ فجأه انه معوج فنهد وتستمر عمليه الهد والبناء والاجتماعات وتشكيل اللجان لحد مايتهد حيل هذا الشعب النمرود .
ضحكت رياده وشفافيه من الفكره العبقريه لكن كل منهما كان عنده غيره دلوقتى دومتى حايحب اصلاح اكتر وينعم عليها اكتر
فاخذت كل منهما يفكر ويفكر ثم قامت رياله قصدى رياده مختاله بقوامها الممشوق وفستانها الشفاف وبوذ جزمتها اللى بينم عن انوثه طاغيه وقالت لدومتى بخفه ودلع سيبك انت ده مافيش غيرى ده انا رياده هانم والأجل على الله
وضع دومتى ايده ورا اذنه مصطنع انه لم يسمع وقالها قولى تانى ياريري حاتعملى ايه
قالت له انا اكبر رياده فى المنتيكه انا بقوامى الممشوق وملابسى الشفافه حاغرى كل الرجال ما انا ملكه اخراء وحاخليهم يفكروا فيا حا اكتر من الافلام الهايفه والفن الهابط وحانراعى طلباتهم هما بيحبوا هيفاء ودى صحبتى والهيافه لعبتى وشويه هلس على شويه اشاعات وخناقات تعمل شو حلو وتاخد وقت وعلشان الناس المتدينين ما يمنعش نطلع شويه فتاوى نعمل حاجات كده منوعه لمنع الملل وتضييع الوقت وتهييف التفكيريا وبكده مش حايلكوا الا فى الفاضى
اغتاظت شفافيه وقالت يعنى انا اللى حاسكت ابدا
قعدت تفكر وتفكر ثم تفكر وتفكر وقالت اسمع يادمتى الشعب ده صحته بتهضم الزلط وده مهم لمود البناء احنا ندخل شويه
امراض فشل كلوى على التهاب كبدى على شويه امراض خطيره وبكده نقلل من عدد السكان لكن دومتى استاء من الفكره حرام الناس مش ناقصه حكم انه حنين فا ادركت شفافيه الموقف وقالت لأ ماهو احنا حانبنى مستشفيات للعلاج وده يبقى فى ملف الأنجازات وعلشان اخوانا بتوع الحديد والأسمنت يلاقوا لقمه عيش وممكن حد من الأسره يكون راعى لهذا المشروع الضخم والأنسانى
خصوصا ياحرام الأطفال ونلم تبرعات للعلاج يعنى مش حاندفع ونعين شويه من اصدقائنا المخلصين اللى بيعرفوا يتكلموا
ويلبسوا الحق ثوب الباطل والعكس دول يقعدوا يهللوا لانجازتنا العظيمه
ضحك دومتى بفخر فلديه 3 صديقات فى منتهى التيكلم تيكلم وناشد ابنه ان يستفيد من هذه الخبرات الثمينه لتنفعه عند توليه الحكم بعد عمرطوووووووويل وقالهم على بركه الله نقرا الفاتحه علشان البركه تحل
وكسبت جمهوريه الك لك الرياله بكل فخر وعن جداره

48 comments:

دكتور كسلان said...

اسجل نفسى اول تعليق

دكتور كسلان said...

انا سعيد جدا انى اول واحد يعلق ع البوست
لانى بقالى فترة بتاخر فى زيارة المدونة

بالنسبة للبوست
بوست اكتر من رائع
لخصتى كل اوجاعنا ومشاكلنا
باسلوب جميل جدا

بس اللى عجبنى اكتر افكار شفافية
خصوصا فكرة تعيين منافقين وموالسين
للاشادة بحكمة دومتى
واكيد هيهللوا لابنه
ويهتفوا بحياته ويرشحوه للرئاسة

ربنا يكرمك ويخليك لاولادك
ويارب ديما تمتعينا وتفيدنا بكتاباتك الجميلة
ومتشكر جدا على كلامك الجميل ليا فى مدونتى

سلاااااااااااااااااااااااااااااااااااااااااااام

klmat said...

عزيزى د/ كسلان
انا اللى سعيده انك
اول تعليق وانت سباق بكل جميل
ودايما رافع معنوياتى ربنا يخليك
واشكرك جدا جدالدعاءك وتعليقك
ربنا يوفقك ويسعدك يارب
سلااااااااااااااام

مدحت محمد said...

هههههههههههه
وناشد ابنه ان يستفيد من هذه الخبرات الثمينه لتنفعه عند توليه الحكم بعد عمرطوووووووويل وقالهم على بركه الله نقرا الفاتحه علشان البركه
دولة الك الك
بس هما فى الدولة دى مش بيقرو الفاتحة عشان مش حافظنها
اعتقد كدة
القصة دمها زى العسل يابنتى
اهو ده الهم اللى يضحك فعلا
دمتى بكل خير

no chance said...

السلام عليكم
للاسف دة الواقع المزرى بتاعنا
واللى كل يوم بيزيد سوء
علشان مرغيش واكون واحد من جمهورية اللك لك
يا رب واقعنا دة يتغير بينا




تحياتى

الجنوبى said...

السلام عليكم
على فكرة انا اول مرة ادخل مدونة جميلة وبوست على قدر من السخرية اللاذعة تحياتى للااسلوب الرائع الواثق
تحياتى
عمرو

walaa said...

تبقى انت اكيييد اكييييد فى مصر لما تقولى كل الحاجات دى تبقى مصر للاسف واحنا فعلا شعب الك الك
موراناش حاجه غير الم لكن ناحد موقف جدا مش بيحصل لكن فى امل اللى حاجه تتغير فينا ونرفض الظلم ده وناخد خطوه جاده نحو هذا الظلم

mohand said...

السلام عليكم

الك الك

وبس

shahy said...

اميرة هانم

ماشاء الله عليكي
انتي عارفة وانا بقرا البوست قلت لنفسي دي اكيد مقالة هي نقلاها من جريدة ودلوقتي هاتقول انها منقولة
بهرتني فكرتك الرائعة
بارك الله لنا فيكي

تقبلي سلامي مع حبي

Anonymous said...

Klam gamd bs El afdl enk tkony b3eeda 3n el syasa.

Sherif

klmat said...

doha
اهلا بك يادوحا . ممكن يكونوا بيقروا
الفاتحه على روحنا ربنا ينتقم منهم
واشكرك جدا على كلامك الجميل
تحياتى وسلامى

klmat said...

no chance
وعليكم السلام ورحمه الله
كلنا اسفين ويارب
يقوينا كلنا ونبقى يد
واحده ونعمل حاجه
سعد بتعليقك
تحياتى وسلامى

klmat said...

انسان بلا عنوان
اهلا بك ياعمرو
ويارب دايما تزورنى
واشكرك جدا على كلامك
ربنا يخليك
تحياتى وسلامى

klmat said...

walaa
اهلا بك يا ولاء
كلنا نفسنا يحصل
التغيير المأمول
ودوام الحال من
المحال ان شاء الله
حايحصل
ربنا يوفقك
تحياتى وسلامى

klmat said...

mohand
ازيك ويارب تكون بخير
طب لك حبه صغننه
تحياتى وسلامى

klmat said...

shahy
ايه الكلام الجميل ده
ربنا يخليكى ويخللى
ابو الدارويش
والأولاد وكل حبايبك
تحياتى وسلامى

klmat said...

sherif
اهلا بك ماشى يافندم
نبعد عن السياسه
بس ماتخافش مافيش
حد مش بيلك يعنى
جت عليا
عمر الشقى بقى
ربنا يخليك ويحفظك
تحياتى وسلامى

رئيس جمهوريه نفسى said...

بوست من الكوميديا السودا الرائعه
تحياتى

klmat said...

رئيس جمهوريه نفسى
سياده الرئيس اهلا بك
نفسى الكوميديا يبفى لونها مش
اسود بس يارب نقدر نديها لون تانى
اشكرك جدا وربنا يوفقك
تحياتى وسلامى

كاميليا بهاء الدين said...

هههههه

هو فيه ايه؟
انا حاسة انى فى كوكب تانى

بس بجد طريقة جميلة وجديدة فى عرض المشاكل

ماشاء الله

تحياتى

الربان said...

تحياتي

سردك و كلماتك الساخرة شدتني للموضوع
و ايضا غير جماليات السرد و الكلمات هناك الاسقاط و الاستعارة المكنيه.

لن أعلق علي المضمون لانه بالتأكيد من سبقوني في التعليق قد سبقوا بكل ما يمكن ان يقال.

لكن اقول ربنا يصلح أحوالنا و يجعل مصرنا الحبيبة سخاءُ رخاءُ...و ان ينعم
عليها بنعمة الامن و الامان.

تحياتي و تقديري.

momken said...

الروعه
...هى ذلك المصطلح البسيط الذى افضل ان اطلقه دئما عليكى

الاسقاط رائع والتمثيل جميل جدا

متفق معاكى جدا ان معاول الهدم الثلاثه المتوفره فى بلادنا
هى
الجهل والفقر والمرض
ولو نظرنا عن من هو مسؤل عن هذا الوزرات سنعلم ان معازول الهدم
هى من هم مئولون عن الجهل والفقر والمرض

اما عن الرياده فقد تنازلت عنها طواعيه جمهوريه الك..لك طواعيه لاحد الجيران الاشقاء علشان متوسخش البافته

واخير اذكر قول الشاعر
شوفت اواد الك لك الى شبه التوك توك...عم فالنتينو
من اول ثانيه ولحظه هو عايش الدور والحظه واحنا فاهمينه

البوست اكثر من رائع
وانت دئما مشرقه

تحياتى

Anonymous said...

مرمربعتذر عن التاخير بس غصب عني ظروف ياحبيبتي معلش المهم بوست تفوقتي فيه على نفسك وعبرتي حلو قوي على جمهورية الك لك وعن الكلكة الي فيها جميل في الجووووووووون وللامام ياحبيبتي وافوتك بعافية

سلوى said...

دا إنت اللي متميزه عن جدارة

إيه يا بنتي ده

ما شاء الله

أحسنت بجد

تحياااتي

Unknown said...

ايه يا بنتى الابداع ده ؟
الكلام ده بدون اى مجاملة او مبالغة يستحق جائزة عالمية فى الادب الساخر

تحياتى القلبية

http://kasperb4.blogspot.com/ said...

يعيش الك لك يعيش
بالروح بالدم نفديك يا لك لك
:D :D

klmat said...

كاميليا
اهلا بك ياكوكى
ابدا فى نفس الكوكب
ربنا يخليكى واشكرك جدا
تحياتى وسلامى

klmat said...

الربان
اهلا بك وربنا يسمع منك
كلنا بنتمنى لبلدنا كل الخير
ونشوفها فى مكانه تليق بها
شرفتنى
تحياتى وسلامى

klmat said...

momken
اهلا بك ومرحب بعد
غياب طوووويل اتمنى تكون بخير
واشكرك جدا جدا على كلامك الجميل
تحياتى وسلامى

klmat said...

قلوب حائره
اهلا بك ويارب تكونى بخير
وانا عذراكى ربنا يقويكى
المهم ان تكونى بخير
واشكرك جدا جدا على كلامك الجميل
تحياتى وسلامى

klmat said...

salwa
ايه يافندم الكلام الجميل ده
ده بس من ذوقك
ربنا يكرمك ويخليكى
تحياتى وسلامى

ولــــــــــو said...

اكتر من روعة خليتيني اضحك بجد على اللي بيحصل فينا
اسلوبك اكتر من رائع والفكرة اكتر من ممتازة بصراحه انا معجب جدا جدا بالبوست
عارفه كده اي واحد مش عايز يتكلم كلام صريح ف السياسه ممكن يستعير اسلوبك اللذيذ ده علشان نقدر نتكلم براحتنا
بجد احسنتي جدا

klmat said...

ولو
اهلا بك ياحاتم
ويافندم مش عارفه اقولك ايه
بعض ماعندكم . حقيقى اشكرك جدا
جدا على كلامك الجميل ربنا يخليك
سعيده جدا بتعليقك
ربنا يوفقك
تحياتى وسلامى

Mo3Az said...

يا نهار ابيض
زى ما تكونى بتتكلمى على واحد كدة صاحبنا :)

جامدة اوى الحته بتاعت حط ايده ورا ودنه لانه مش سامع :) ، بس كانت ناقصة انه قال (ها) بصوت تخين كدة زى صاحبنا :D

بجد بوست جميل خالص وباسلوب رائع
تحياتى يا فندم
واسف على تاخرى فى زيارة المدونة بسبب انشغالى بالامتحانات
(F)

klmat said...

عاليا حليم
عزيزتى عاليا اهلا بك
ايه ده كله ايه ده كله
طب خليها جايزه محليه
ربنا يخليكى الجايزه انها
عجبتك انتى واصدقائى اللى علقوا
متشكره جدا على فكره انا رديت
قبل كده بس مش عارفه راح فين
ربنا يكرمك
تحياتى وسلامى

klmat said...

الام وامال
يا يعيش
شعب الك لك شعب جميل
تحياتى وسلامى

klmat said...

mo3az
اهلا بك سعيده جدا بتعليقك
وبالنجاح ان شاء الله
البوست الأخير عندك رائع

عارف انك الوحيد اللى لفت نظرك
دومتى لما يعمل نفسه مش سامع
ده مجرد تشابه احنا صاحبنا
زى الفل ههههه
كلامك جميل اشكرك جدا جدا
وربنا يصلح حالنا يارب
تحياتى وسلامى

Anonymous said...

الى جانب خفة الدم الطاغية ..

أوجزت الحال فى الصديقات الثلاثة

لذيذة جدا .. ووراء السطور .. هناك الكثير

تحياتى

ماسة الحب said...

اميرة اولا
وحشتيني
ثانيا بوست في الصميم عجبتني اوي رياله هانم وشفافية واصلاح
عارفه لما بمنتهي السخريه تحطي ايدك علي الوجيعة علي اد ما اتبسطت علي اد ما اتألمت اصل شعب اللك لك ده شعب طيب واليف هو انا مش قولتلك انا زرت الدوله دي قبل كده
بوست جميل تستحقي فيه باشادة كبيرة
وارفه لكي القبعة
علي فكرة انتي كمان نسيتي شخصية مهمة اكمل بيها انا المثلث بتاعك واخليه مربع وهي مدام عورة
دي بقي اللي هتنشر التشجيع في الكورة وخناقات وصفقات بالملايين
ولاعيبة متستاهلش يلا خلي الشعب يتسحل في حاجه تانيه غير همومه
تحياتي
ماسة الحب

ماسة الحب said...

اه معلش نسيت اقولك كمان مهي ناقصة كمان بيوصي ابنه يعتمد عليهم ربنا يسترها

klmat said...

sherif
اهلا بك نورت مدونتى
اشكرك جدا
تحياتى وسلامى

klmat said...

ماسه الحب
اهلا بك وانتى كمان واحشتيى اكتر
وربنا يخليكى ايه الكلام الجميل ده
ربنا يصلح حال شعب الك لك ويولى امره
من يتقى الله لانه فعلا شعب صبور وجميل
بس تعب اوى
حقيقى سعدت جدا جدا بتعليقك
ربنا يسعدك ويهنيكى ياااارب
سلامى وتحياتى

شيرين said...

تحيا جمهورية اللك لك
فين النشيد الوطني كده بردو تنسيه ههههه

للاسف ده الواقع .. عرضك للموضوع عجبني جدا ربنا يكرمك

تحياتي أيامنا الحلوة

Unknown said...

قالوها زمان خير كلام
الوحدة خير من رفيق السواء ودول مشاء الله ثلاثة اسواء من بعض
لا تعليق

klmat said...

شيرين
وحشتينى جدا وميرسى على تعليقك الجميل
النشيد الوطنى اهه يافندم بيغنوا الاصدقاء اياهم
احلى من الشرف مافيش
سلامى وتحياتى

klmat said...

ايويه
اهلا بك فينك وحشتينى اوى
فعلا اسوأ من الاصدقاء دول مافيش
نورتينى
تحياتى وسلامى

loumi said...

العزيزة أميره

الأسلوب جميل جدا جدا

دومتى
مبدعه
:):):)

تحياتي يا جميل

klmat said...

Loumi عزيزتى
اهلا بك يالومى واحشتينى جدا
وميرسى على كلامك الجميل اللى
بيشجعنى ربنا يخليكى
تحياتى القلبيه