Saturday, November 8, 2008

حزن فى القلب

من حوالى ساعتين قلت افتح الفيس بوك من باب الترويح عن النفس والتسليه واذ ابى اتصدم بخبر وفاه شاب فى مقتبل العمر 26 سنه
يااااالله . وصديقه بينعيه وبيطلب الدعاء له بالمغفره وأن يكون فى الجنه .
لم اتمالك نفسى كنت ناويه بعد الفيس بوك ارد على كل من علق عندى وجبر بحاطرى ولكنى لم استطع
.حزنت من قلبى وبكيت . هذا الشاب كان يحلم ويخطط لمستقبله
وفجاه تتلاشى كل الأحلام والخطط لتضع نهايه حزينه وألم لأهله وحبايبه الله يرحمه ويحسن اليه ويكون مثواه الجنه ويصبر اهله

الدنيا مش مستاهله للتطاحن والكذب والخوف . الحياه مهما طالت قصيره قصيره مافيش اسرع من الأيام
مش مستاهله نزعل على فرصه ضاعت او خساره فلوس او فشل مشروع كلها اشياء مجرد اشياء ممكن تعويضها اما فقدانسان فده مؤلم والخساره .
انها اراده الله لا نملك سوى الصبر والدعاء وان لله وانا اليه راجعون

الموت علينا حق لكنه جرح غائر فى القلب . ربنا مايحرم حد من اهله وحبايبه ويرحم موتانا ويحسن ختامنا ويصبر كل من فقد حبيب وسامحونى محتاجه افضفض .

12 comments:

كاميليا said...

ربنا مايحرم حد من اهله وحبايبه ويرحم موتانا ويحسن ختامنا ويصبر كل من فقد حبيب
....

اللهم امين

الحياه رحلة قصيرة
ليتنا لا ننسى هذا

تحياتى واحترامى

~*§¦§ Appy §¦§*~ said...

ربنا يرحمه برحمته يا رب
وبجد انتى حد مشاعره رقيقه خالص

بس خلاص ... said...

السلام عليكم ورحمة الله وبركاته
الى صاحبة ارق مشاعر
اقول لكى البقاء لله وهذه سنة الله فى خلقه ... وربنا يرحم كل موتى المسلمين ويحسن ختامنا جميعا .....
حقا هذه الدنيا رحلة قصيره مهما طالت فهل اخذنا منها زاد الى الرحلة الكبرى

اذكر نفسى بأنها فانيه ونهاية آتيه
انا لله وانا اليه راجعون

كلام حسام said...

فعلا مش مستاهلة

دنيتى الجميله said...

يا احلى اميرة
الحزن ده مبنقدرش ننساه
كل يوم وكل ساعه وكل دقيقه
ربنا يرحم جميع امواتنا واموات المسلمين
ويصبرنا جميعا على فقد الاحبه
ويحسن خاتمتنا
ويجعل الجنه مثوانا
والفردوس الاعلى نرجو

klmat said...

حبيبه الكل كاميليا
يسمع منك ربنا ويخللى لك كل حبايبك
بتوحشينى اوى
خالص حبى وتحياتى

klmat said...

appy
ربنا يكرمك ويغفر لنا ويرحمنا جميعا
ماتحرميش منك
خالص حبى وتقديرى

klmat said...

بس خلاص
وعليكم السلام ورحمه الله وبركاته
كلامك مريح ومعاكى حق ربنا يرحمه ويغفرله
ويخللى لك كل حبايبك
واشكرك جدا على ذوقك ورقتك
خالص حبى وتقديرى

klmat said...

كلام حسام
اهلا بك .وانت قلت الخلاصه
ربنا يكرمك ويبارك فى اهلك وحبايبك
خالص تحياتى وتقديرى

klmat said...

دنيتى الجميله
اهلا بك ياجميله القلب والمشاعر
اشكرك جدا على كلامك الجميل عنى
وربنا يسمع دعاؤك وخللى لك كل حبايبك
خالص حبى وتقديرى

ammola said...

السلام عليكم
عارفة
كتير باتمنى انى اموت قبل اى حد من اللى باحبهم
مش باتخيل الدنيا من غيرهم
ربنا يرحمنا ويرزقنا حسن الخاتمة
تحياتى ليكى

klmat said...

وعليكم السلام ورحمه الله وبركاته
ربنا يخليكى ويخللى حبايبك ومايحرمش حد من احبابه يارب ويرحم الاموات
وحشتينى اوى اوى
خالص حبى وتقديرى