Sunday, December 21, 2008

بحر الهواء


حدودته قبل النوم
يحكى ان كان فيه رجل معروف عنه ولعه وشغفه بالنساء ولو حتى شاف فستان متنشر على حبل غسيل يفكر فيمن سترتديه اوم ايه هذا الرجل كان غنى ومش بيعتق اى امرأه او فتاه يصادفها ويمثل عليها دور الولهان والمتيم ويغدق عليها بالمال وكل يومين معاه واحده اشى سمراء واشى شقراء مره تخينه وتاره رفيعه وكل البنات حلوين وبعدين ايه جت عنده شغاله فى البيت وعلى قد حالها ولكن طماعه شويه والرجل ده كان فاهمها
فضل ياغازلها ويااموره وياغندوره والبنت فهمته انها فعلا بتميل اليه ولكن لو بيحبها مافيش امامه عير المأذون
ولما شاف انها مش ممكن تلين الا بالجواز قال بسيطه فقابل ابوها وعمها وطلبوا منه مهر و لكن الرجل كان مش تمام واستخسر يدفع المهر للشغاله المسكينه وقالهم بكل جديه ان فلوسه كلها فى شركات وعقارات واراضى وان بنتهم تتقال بالمال وعلشان يبيع ممكن يخسر والموضوع ياخد وقت وان مهرها لازم يكون كبير اصلها قطوقطه
لكن حلا لهذه المشكله حايكتب لها حته ارض
فرح الأب والعم وقالوا على خيره الله وجاب عقد الارض اللى تم وصفها بانها فى ارض بحر الهوا ويحدها من الشمال قطعه ارض ملك لفلان ومن الجنوب ارض ملك علان ومن الناحيه الشرقيه فيحدوها كذا ومن الغربيه ..وهكذا وتم الفرح وقعدت معاه وشويه وظهرت فتاه آخرى عجبته ثارت الزوجه وعلا صوتها قالها بقولك ايه انتى تحمدى ربنا انى اتجوزتك ولا نستينى انتى مين فوقى لنفسك ياحبيبتى ودى حياتى وانا حر فيها وانتى هنا لخدمتى فاهمه ولا الباب يفوت جمل غضبت الزوجه وراحت لابوها وعرفوا سيرته وان دى اخلاقه فكروا وقرروا ان تطلب الطلاق واهى حته الارض تنفعها وتم الطلاق وذهب الاب والعم يدوروا على مكان هذه الارض فلم يجدوا لها اثر فذهب العم للرجل وسأله فين ارض بحر الهوا قال له على شط بحر الهوا و اشار الى قلبه وقاله هنا

28 comments:

Abo 7anf said...

السلام عليكم

فكرتينى بمثل
طمعان بنى بيت مفلس سكن فيه

الاتنين كانوا بيلعبوا على بعض
دى مش بتحبه ولا هو

~*§¦§ Appy §¦§*~ said...

نسيتى يحدها من الشمال فلانه وعلانه وترتانه
حلوه القصه وديل الكلب مش بيتعدل
بس لكل مقام حقه وميعبهاش كونها شغاله يعيبه كونه مش راجل بحر الهوا غدار ومسيره يقع فيه

آدم الصالحي said...

أختي العزيزة؛
اكرر شكري مرة أخرى و لو يسمح لي المدونون المصريون ان أتمنى عليهم ان يضعوا لوغو التدوينة البيضاء منذ الآن لأن ذلك سيكون بمثابة الاشهار للحملة وهو ما سيزيد من عدد المشاركين انشاء الله؛ كما ان كل تدوينة تدعو الى المشاركة سيكون مرحبا بها
تحياتي و شكرا لكم

حاجات جوايا said...

هههههههههه
ادى اخرة الطمع
بس يعينى هى اللى طلعت خسرانة
وهو مسيره يوم يخسر
مهى الدنيا كده
مش بتسيب حق حد

انتى اللى مألفاها يا ميرو ولا ايه ؟؟؟

سلام يا جميل
سالى

آلام وآمال said...

طمعانجي بنالو بيت
فلسنجي سكنلوا فيه
::D

حلوة القصة على فكرة
تسلم ايدك

anawafkary said...

ماعتقدش في عصرنا الحالي في ناس مكمن يحصل معاها كده

تحياتي على الأسلوب الجميل كالعادة و في انتظار المزيد

يا مراكبي said...

:-D

أحسن

الإتنين نيتهم مش سليمة من الأول .. لكن العيب عليها .. الطمع يقل ما جمع

klmat said...

Abo 7anf
وعليكم السلام ورحمه الله
المثل فى محله هى مش بتحبه وهو مش تمام
والطيور على اشكالها تقع
سعدت بتعليقك وربنا يوفقك

klmat said...

Appy
اهلا بك معاكى حق فى ديل الكلب دى. طبعا لا يعيبها انها شغاله دى رمز لضيق الحال
وقله الوعى عند الناس البسيطه
وفرحتها ان رجل مقتدر بيحبهاساعتها بتيجى غشاوه
نورتينى ياقمر
خالص تحياتى

klmat said...

ادم الصالحى
اهلا بك. حاضر وان شاء الله لضع اللوجو
خالص تحياتى

klmat said...

حاجات جوايا
اهلا بك ياسالى . طبعا الطمع بيقل ما جمع
اما عن التأليف الحقيقه مش تأليف كنت سمعت الحكايه دى من واحده بترويها على انها حقيقه والله اعلم بمدى صدقها
بس عجبتنى واخذتها على انها حدودته
سعدت بتعليقك
خالص تحياتى

klmat said...

الام وامال
الحلو انك تعلق عندى
خالص تحياتى

klmat said...

anawafkary
اهلا بك . اكيد الوعى اليومين دول ارتفع
لكن سيظل الطمع موجود والخديعه بس باساليب متطوره .دى حصلت فى زمن فيلم
العتبه الخضراء بتاع اسماعيل ياسين
:D وبردوا فى ناس حسنه النيه زياده
نورت مدونتى وياريت دايما تقولى رأيك
خالص تحياتى

klmat said...

يامراكبى
الاتنين مش تمام معاك . بس هى نقدر نقول ضيق الحال اثر عليها..
سعدت بتعليقك
خالص تحياتى

مصطفي زهران said...

مدونه رائعه

Anonymous said...

Gamd di

Anonymous said...

Gamda di

Ebnk Sherif

klmat said...

مصطفى زهران
اهلا بك ومبروك مدونتك
وده بس من ذوقك
اشكرك جدا . خالص تحياتى

klmat said...

ابنى الحبيب شريف
طبعا مين يشهد للعروسه
دايما رافع من معنوياتى . ربنا يخليك ويحفظك يااااااااارب

مصطفي زهران said...

استاذتي العزيزة
لقد نزلت كلماتك مني منزلا عظيما جدا جدا لانه اول تعليق يتم وضعه علي هذا الموضوع الحساس الذي لم يلتفت الية احد واتمني ان تكون مدونتي المتواضعه سببا في تبادل الافادات فيما بيننا

مصطفي زهران said...

اكيد الراجل دا من بحري ههههههههههههههههههه
جميلة اوي هما اهل الاسكندرية مرحين اوي كدا

klmat said...

مصطفى زهران
انا يسعدنى جدا ان نتبادل الاراء خصوصا
وان مدونتك رائعه من ناحيه المواضيع والاسلوب الجميل واللغه واول مادخلتها قلت ده استاذ فى اللغه العربيه . ان شاء الله حاتنجح جداجدا
لانك تمتلك كل ادوات النجاح
تعليقك عندى يشرفنى اوى
عميق تحياتى

klmat said...

مصطفى زهران
الرجل موجود فى كل مكان مش بحرى بس
اما عن اهل اسكندريه فهم فعلا مرحين
اشكلرك جدا
ربنا يوفقك وتحقق ماتتمناه

و القادم....أجمل said...

حلوة
:D

صح الاتنين داخلين على طمع
و الاتنين نهايتهم هتبأه على اد نيتهم
سواء هي أو هو

تسلم ايدك يا ميرو
جميلة أووووي

:)

بس خلاص ... said...

الطمع يقل ما جمع
دى النهايه الطبيعية
حلوة القصة
سلمتى وسلمت افكارك
اتى فين مش باينه
لعلك بخير
طمنينا عليكى

klmat said...

القادم اجمل
اهلا بك ياولاء وحشتينى اوى اوى
يارب يالولى يكون القادم اجمل دائما تعليقك عندى هو الجميل وبيسعدنى جدا
عميق خبى

klmat said...

بس خلاص
اهلا بك وحشانى وانا مفصره اوى اعذرينى
انا الحمد لله بخير بس اللى بيحصل فى غزه
محبطنى وقاهرنى ربتا ينصرهم يارب
واشكرك جدا على شعورك وان شاء الله فى تدوينه جديده
عميق تحياتى

جسر الى الحياة said...

ههههههههههههه والله قصة حلوة قوى

الطمع صعب...والاصعب اهدار حياتنا على اشياء فارغة لا طائل منها الا المتعة
تحياتى لقلمك وعقلك الجميل