Tuesday, May 3, 2011

عيد ميلاد مش سعيد

مش عارفه ليه شخصيه الرئيس مبارك شاغله بالى كبشر لأن هذه النوعيه من البشر تسبب آلام فادحه لمن حولها لقلبها القاسى وضميرها الميت فما بالنا لما يكون رئيس دوله فدائره الألم ستكون متسعه جدا

اى انسان فى الدنيا هدفه ان يكون سعيد فياترى ماهى السعاده التى كان يصبو اليها وماهو هدفه كرئيس
الوضع الطبيعى ان يكون هدفه رفعه وطنه فماذا فعل من انجازات لم نجنى سوى اخفاقات على كل المستويات

لو كانت سعادته فى جمع المال فلديه المال الكثير والقصور منتشره فى اغنى البلاد هل تمتع بها مامعنى ان يكون لديه فيلا ت وقصور فى فرنسا وغيرها لايعيش فيها ما السعاده التى تضيفها اليه ان بدلته مغزوله بخيوط بأسمه لا يراها احد ايه الحكمه فى كده

طب سويسرا لوحدها جمدت 410 مليون فرنك سويسرى كم من الوقت والعمر سيحتاجه لكى يصرف هذا المبلغ
هذا النوع من البشر لايشبع ولا يرتوى فأذا كان لديه بحيره يطمع فى البحر واذا حصل عليه يرغب فى المحيط
فى حاله جوع دائم والعياذ بالله

لا ادرى ازاى جاله نوم وهو بيسمع عمن يموتون فى طوابير العيش والبوتاجاز والمرور والعبارات وقصور الثقافه والفشل الكبدى والكلوى والسرطان وكمدا والشباب اللى مش قادر يتجوز ولو فى اوضه بينما هو يبنى قبر بملايين وهو يكتنز كل هذه الأموال التى ليست من حقه طبعا هو لا يفكر بهذه الطريقه هو صدق انه عبقرى زمانه لذا من حقه ان يسلب وينهب اما الرعاع امثالنا يطلبون منه المنحه فى عيد العمال فيتعطف بالفتات فهو لا يعيش الا من اجل نفسه واولاده وممن حوله من نفس عينته


اصعب شىء على نفسه ان ينتهى به المطاف بهذه الطريقه المهينه التى لم تخطر على باله ولا بالنا ولا فى الأحلام حيث غرته الدنيا فجلب العارلنفسه ولأسرته انا لا الوم جمال وعلاء هما تربيه مين دى طبيعه سلوك ابوهم وماما سوزان دى البيئه الضحك على الذقون والاستهتار بآلام الغير المهم انهم يكسبوا مش مهم ازاى الغايه تبرر الوسيله

اللهم ما لا شماته

انا عايزه اقول ان مبارك خاوى روحيا فلا سعاده ومن حولك اشقياء لا سعاده بدون فضيله واخلاق السعاده فى الكرامه وخدمه من حولك والكد لكى نجنى من كدنا مش من سرقتنا السعاده فى الحب من القلب مش المزيف والسعاده فى حب الله ومعرفته وتقاه لكن من ينسى الله يضل الطريق حتى وان بدا مضىء فهو اضاءه كاذبه ستتحول الى ظلام وظلمات وان طال المدى لذا فهو حتى وهو فى اوج سلطته زعمى انه لم يكن سعيد وان كان يبدو كذلك فهى سعاده مزيفه ومسروقه مثل امواله تفتقد حلاوه الحلال

السعاده ان ترسم ضحكه على شفاه طفل وتعطى امل لشاب وتكون عصا لمسن وان تطعم محتاج وهو لم يكن اى واحد من دول لا نملك سوى ان نقول كل سنه وانت طيب النهارده عيد ميلادك يوم قاسى عليك جدا ولكن كل منا يحصد مازرع











6 comments:

Anonymous said...

klamatk r2ee2a w 3klanya gdn gdn, bgd hdayt el nas dy s3ba 2wi w el 2bt3ad 3nhom drory w el t3aml m3ahom lazm ykon b kwa w 7sm.

rack-yourminds said...

ان ربك بالمرصاد
قوانين الله وسننه لا تتغير ولا تتبدل

حسن ارابيسك said...

تساؤلاتك في محلها وكلنا تقريبا تصيبنا حالة من الدهشة والتساؤل حول تلك النقطة
المهم
كل سنة وانتي طيبة بمناسبة اقتراب شهر رمضان الكريم

حسن ارابيسك said...

بقالك فترة كبيرة ماكتبتيش لعل المانع خير ونطمئن عليكي

دمعاتي said...

من لم يعظه الموت. فلا امل فيه يرجى
وهؤلاء ملئت الاطماع والشهوات قلوبهم واعمت عيونهم
فاصبح يظلم وهو يحسب انه يحسن صنعا
معتقدش ان مبارك ندمان او متخيل انه غلط
بالعكس اكيد من جواه حاسس انه عمل اللي عليه وتعب واحنا اللي مش بنقدر
ودي شخصيه المذنب الذي يبرر لنفسه الذنب
ويارب يجعلها اخر الاحزان

Anonymous said...

Still remembering that nice post after one year.

Ebnk Sherif