Wednesday, December 26, 2007

كلام مهم

كان والدى رحمه الله ويحسن اليه عندما يقرأ حاجه تعجبه يعيد كتابتها فى مفكره خاصه به ووجدت العبارات التاليه

مكتوبه بخط يده فى ورقه صغيره من سنين طويله ولا اعلم ان كانت كلامته ام نقلها .ايا كانت فهى كلمات عجبتنى

ووجدتها تصلح لأى زمن . الورقه المكتوبه فيها شكلها قديم جدا عمرها اكتر من 20 سنه ولقيتها كلمات مفيده

قلت اكتبها كاتب :

عندما تشعر ان الله معك تشعر بقوه عظيمه جباره
اوهامنا هى التى تضخم حجم اعدائناوخضوعنا هو الذى يمنحهم الجبروت
كلمه لا لها قوه هائله فهى قادره ان تجعل الظالم يتراجع او يتوقف او يخاف
اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام
احذر ان تثق بجبار وتتوهم انه قادر ان يبطش بخصومك فهو اذا بطش باعدائك اليوم فسوف يبطش بك غدا .الجبابره لا يؤتمنون
الظلم مؤقت والعدل الى الأبد.والباطل لن يدوم ولابد ان ينتصر الحق فى النهايه .قد يسيرالباطل فى موكب تتقدمه الطبول والمزامير .ولكن لابد لن ينتهى بجنازه لايمشى فيها احد. البطوله تغدر بالطغاه.تدق ثم تسكت فجأه تعزف للأقوياء ثم تلعنهم.تبتسم للمستبدين ثم تضحك منهم .السذج وحدهم هم الذين يتوهمون انهم سيبقون للأبد فى القمه.ان القمه احيانا هى الطريق الوحيد للهاويه

52 comments:

سلوى said...

كلمه لا لها قوه هائله فهى قادره ان تجعل الظالم يتراجع او يتوقف او يخاف
اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام

جميله جدا جدا
وقويه جدا
كلها على فكرة بس أنا إقتبست دي بس

رحم الله والدك

دمتى بكل ود عزيزتي

klmat said...

salwa عزيزتى
اهلا بك يا سوسو وكل سنه
وانت واسرتك وكل حبايبك بخير
هى فعلا كلمات جميله وقويه
جدا وعلشان كده قلت اسجلها
واضمن انكم تترحموا على والدى معايا
اناورثت منه الاحتفاظ
بالكلمات اللى بتأثر فيا
وتعجبنى اشكرك جدا
تحياتى وسلامى

mohand said...

السلام عليكم
رحمة الله وجعل مرقده جنه باذن الله
كلامه فعلا عميق قوي
ويستحق التفكير


خذ علمك من من سبقوك
فقد كانوا يستيقظون مع الديوك
:D:D:
حته كده مضحكه

عصفور المدينة said...

رحمه الله ينقضي العمر ويبقى الأثر

السذج وحدهم هم الذين يتوهمون انهم سيبقون للأبد فى القمه

لا وفاكرين انهم حيبقوا في الدنيا كمان

رئيس جمهوريه نفسى said...

اولا اسال الله ان يهب لوالدك الرحمه والغفران راجيا من الله ان يكون فى جنات الخلد
اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام

فعلا الى بيبد طريق التنازلات لايمكن يتوقف لانه بيكون زى قائد السياره بدون فرامل على طريق منزلق

Unknown said...

احذر أن تثق بجبار

أيا كانت تلك اكلمات أختاره أو من أفكاره له كل التقدير و الأحترام و ادام الله مثواه

يمكن كان سيبهالك نصيحة تنفعك فى زمانا ده الى الجبارين تمادوا فيه و فاقوا كل حدودهم

mohand said...

السلام عليكم
يمكنك ان تاتي وتري الموضوع الجديد
لتكوني اول المعلقين

شوفتي الاغراء بقي
هههههههههههههههههههه

فرنسا هانم said...

رحم الله والدك
جميله قوى الكلمات دى
وعجبتنى جدا
واذا سجدت لظالم داسك بالاقدام
فعلا
لايجب السجود الا لله العادل

ماسة الحب said...

اميرة
ربنا يرحم والدك وكل موتي المسلمين
كلام الناس بتاعت زمان مستمر طول الزمن وينفع لكل عصر
برضه انا عرفت مقوله من ابو واحده زميلتي قاللي
منم لا يحب صعود الجبال يبقي امد الدهر في الحفر
تحياتي لاميرة ووالد اميرة

Doba said...

رحم الله أبيكى
وشكرا لاحتفاظه بالكلمات

كلمات لها قوة جبارة
لكن
لمن يتعلمها
ويعمل بها

كثير تحياتى
وتقديرى
هبة

klmat said...

mohandاهلا بك واشكرك على
دعوتك وتعليقك
ربنا يكرمك
تحياتى وسلامى

klmat said...

عصفور المدينه
اهلا بحضرتك وتعليقك
عندى يشرفنى
وان شاء الله نشوف
اهل القمه فى المكان
والمكانه اللى تليق بهم
تحياتى وسلامى

klmat said...

رئيس جمهوريه نفسى
اهلا بك ويارب تكون بخير
واشكرك جدا لدعواتك
وانا معاك تماما اللى بيتنازل
بيفضل يتنازل اكتر
الا اذا عنل وقفه وثار
على نفسه اولا
اشكرك جدا
تحياتى وسلامى

klmat said...

عاليا حليم
اهلا بك وكل سنه وانت طيبه
سواء كانت كلماته او اختياره
ده معناه ايمانه بها وانا اثق
فيه جدا الله يرحمه وهى
نصائح تصلح لنا جميعا
اشكرك على التعليق
وربنا يوفقك
تحياتى وسلامى

klmat said...

mohand
عليكم السلام ورحمه الله وبركاته
انا جريت على البلوج بتاعك
واخدت تاكسى وعلقت مرتين
ومظهرش تعليقى كان فى حاجه
انشاء الله
بس حقيقى تدوينك جميله
ومؤثره جدا جدا
ربنا يوفقك ويسعدك
ياااارب

klmat said...

ماسه الحب
اهلا بك منورانى
واشكرك على دعوتك
وكفايه صمت بقى
وعايزه اشوف انتاجك
الجديد للأن كتابتك
متميزه
ربنا يوفقك
تحياتى وسلامى

klmat said...

خالتى فرنسا
عندنا يامرحبا يامرحبا
كلامك جميل ومدونتك لها طعم
ومذاق مختلف تلقائيه
ولذيذه
اشكرك جدا
تحياتى وسلامى

klmat said...

doba
اهلا بك ياهبه
ويارب تكونى بخير
واتمنى ان نعمل بالكلمات دى جميعا
شرفتينى ونورتينى
سلااااام

walaa said...

رحم الله والداك واسكنه فسيح جناته
فعلا هذه الحكم تصلح لكل الازمنه

شكرا لك

تحياتى لك ولاء

الراقـــص مع الذئـــــاب said...

السلام عليكم
الاستاذة كلمات
رحم الله والدك....فهي كلمات من ذهب
احب ان اسمع مثل هذه الكلمات التي تتعلق بالزاكرة ولا يمحوها الزمن وتسطع في وقتها عندما يحفزها حافز

اكثر ما وقفت اتامله في موضوعك هذا المقطع الذهبي

"اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام"


جزاك الله خيرا علي عرضها علينا واسأل الله عز وجل ان ينتفع بها كل مسلم يقرئها

واود ان أعتزر لكي اختي الكريمة عن الدعاء لكي بالزواج وانتي متزوجة..فأنا ضيف جديد علي مدونتك الرقيقة ولم اعرفك تمام المعرفة بعد

رزقك الله الزرية الصالحة وبارك الله لكي فيها


دمتي في خير

مدحت محمد said...

اولا ربنا يرحم والدك ويسكنه فسيح جناته
وجميع موتى المسلمين يارب العالمين
الكلام بسيط وحامل معانى كتيرة اوى
وحكم
برافو عليكى انك نشرتيها
وافدتى الناس منها
وان شاء الله الكلمات دى تبقى صدقة جارية لوالدك
ياريت تاخدى فى النية كدة
خالص تحياتى ليكى

أشـيـاءٌ لا تُـشتـرى said...

عندما تشعر ان الله معك تشعر بقوه عظيمه جباره



اوهامنا هى التى تضخم حجم اعدائناوخضوعنا هو الذى يمنحهم الجبروت



السذج وحدهم هم الذين يتوهمون انهم سيبقون للأبد فى القمة

كلمات قيِّمة جداً
ومعان تسنحق المشاركة بحق
شكراً لك

Anonymous said...

رحمة الله عليه
الحكمة لا تموت

Anonymous said...

معدناش يا اميرة قادرين حتى نقول لا ودي مصيبة في حد ذاتها حتى لسانا مش عارف ينطقها انا لله وانا اليه راجعون

دكتور كسلان said...

كل سنة وانت طيبة
وبالف خير وصحة وسعادة
واسرتك وكل اصحابك وحبايبك

متشكر جدا على سؤالك عليا الفترة اللى فاتت

بالنسبة للبوست

ربنا يرحم والدك
ويجعل هذه الكلمات فى
ميزان حسناته

كلمات عظيمة جدا ومعانيها اعظم
اد ايه احنا محتاجين الكلمات دى خصوصا فى وقتنا ده

فيجب ان نستعين بالله سبحانه وتعالى
للوقوف فى وجه الظلم والظالمين
فعندما نستشعر وجود الله سبحانه وتعالى معنا
ونستشعر قوته وجبروته
يهون بعد ذلك اى شئ او اى شخص ظالم
فمهما كانت قوة هذا الشخص
فهو مجرد عبد من عباد الله
والله سبحانه وتعالى قادر على ان يهلكه فى اى وقت يشاء


بشكرك مرة تانية
وكل سنة وانت طيبة

اسامة يس said...

الله ما اجمل هذه العبارات وما اقوى اثرها في النفس...

رحم الله والدك برحمته الواسعه...

وشكرا لك ان نقلت الينا هذه الكلمات التي تبقى في الذاكرة ونسأل الله ان يجعلنا ممن يتبعون القول فيتبعون احسنة...

دمت بكل ود..
خالص تحياتي

الجنوبى said...

كلام اجمل من كلمات ...تحياتى وياريت تشرفنى

klmat said...

walaa,
اهلا بك ياولاء
واشكرك جدا على الدعاء
وكلامتك الرقيقه
ربنا يبارك فيك
تحياتى وسلامى

klmat said...

الراقص مع الذئاب
اهلا ومرحب بك واشكرك على دعاؤككلامك الجميل ولاتعتذر فحضرتك زائر جديد
واتمنى ان تكون دائم وانا والحمد لله
عندى اولاد ربنا يخليهم ويخليك
وسعدت جدا بتعليقك
تحياتى واحتراماتى

klmat said...

doha
اهلا بك منورنى بوجودك
وانا اخدت ينصيحتك
واشكرك جدا على دعاؤك
وربنا يوفقك يالر
تحياتى وسلامى

klmat said...

اشياء لا تشترى
اهلا بك واسم مدونتك جميل جدا
سعيده جدا بوجودك
واشكرك على كلماتك
الرقيقه
تحياتى وسلامى

klmat said...

tazarat
اهلا بك
واشكرك جدا جدا
تحياتى وسلامى

klmat said...

قلوب حائره
اهلا بك المشكله فعلا ان عدد
اللى بيقولوا لأ قليل
وبيكون مصيرهم الاعتقال والتنكيل
علشان يكونوا عبره وبيتم تععيا قانون الطوارىء بس دوام الحال من المحال
ربنا يصلح حالنا ويقوينا ونقدر نقول لأ
تحياتى وسلامى

klmat said...

د/ كسلان
اهلابك وكل سنه وانت طيب
والحمد لله انك بخير واطمنيت عليك
واشكرك على كلامك الجميل
احنا فعلا محتاجين نسمع الكلام ده
ونعمل به وان شاء الله كل اللى بتمناه
حايحصل . حقيقى انا سعيده بظهورك
ربنا يخليك ويبارك فيك ويحميك
تحياتى وسلامى

klmat said...

osama
اهلا بحضرتك وسعيده جدا
بكلامكك وربنا ينور بصيرتنا جميعا
حقيقى زيارتك بتسعدنى جدا
تحياتى لك
تحياتى وسلامى

klmat said...

انسان بلا عنوان
اهلابك وان شاء الله حالا
ازورك وسعيده بتشريفك
تحياتى وسلامى

no chance said...

عندما تشعر ان الله معك تشعر بقوه عظيمه جباره
اوهامنا هى التى تضخم حجم اعدائناوخضوعنا هو الذى يمنحهم الجبروت
كلمه لا لها قوه هائله فهى قادره ان تجعل الظالم يتراجع او يتوقف او يخاف
اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام
احذر ان تثق بجبار وتتوهم انه قادر ان يبطش بخصومك فهو اذا بطش باعدائك اليوم فسوف يبطش بك غدا .الجبابره لا يؤتمنون
الظلم مؤقت والعدل الى الأبد.والباطل لن يدوم ولابد ان ينتصر الحق فى النهايه .قد يسيرالباطل فى موكب تتقدمه الطبول والمزامير .ولكن لابد لن ينتهى بجنازه لايمشى فيها احد. البطوله تغدر بالطغاه.تدق ثم تسكت فجأه تعزف للأقوياء ثم تلعنهم.تبتسم للمستبدين ثم تضحك منهم .السذج وحدهم هم الذين يتوهمون انهم سيبقون للأبد فى القمه.ان القمه احيانا هى الطريق الوحيد للهاويه



انا حبيت اكتتب اكتر حاجة عجبتنى لقتنى بتكتب الموضوع تانى

معلش اصله بجد كلام قوى اوى ومحترم اوى
ربنا يرحم والدك
خالص تحياتى

و القادم....أجمل said...

السلام عليكم

رحم الله والدك
و رحم أموات المسلمين و المسلمات جميعا

=====================

كلمات رائعه و معانيها قوية
أووووووووووووي

ربنا يحفظك يا أميرة
:)
وحشتيني اوي

klmat said...

no chance
كل سنه وانت طيب واسرتك
بخير وسنه سعيدهعليك وعلى حبايبك
دايما منورنى بتعليقاتك الجميله
اشكرك جدا جدا
تحياتى وسلامى

klmat said...

القادم اجمل
وعليكم السلام ورحمه الله وبركاته
اهلا بك ياولاء انتى واحشتينى اكتر
ويارب تكونى فى احسن حال وسنه جديده
سعيده انت واسرتك وكل حبايبك
وميرسى على كلامك الجميل
ربنا يخليكى ويوفقك يااارب
تحياتى وسلامى

rack-yourminds said...
This comment has been removed by the author.
rack-yourminds said...
This comment has been removed by the author.
rack-yourminds said...

لسلام عليكم

كلام فعلا حكيم ,ربنا يغفر لوالدك ويرحمه

مفيش اجمل من ان الواحد يسمع الي كلام الكبار ويستفيد من خبراتهم في الحياة

كل سنه وانتي طيبه والاسره كلها

لي عوده اخري عشان اعلق علي البوست الجديد,

تحياتي وسلامي

loumi said...

العزيزة أميره
رحم الله والدك
فلقد ترك لك حكماً
تصلح لكل زمان ومكان فعلاً

تحياتي لك

klmat said...

rack yourminds
اهلا بك وسنه جديده سعيده
عليك وعلى حبايبك يارب
واشكرك جدا على ترحمك
على والدى وعلى كلامك الجميل
ربنا يوفقك يارب
سلامى وتحياتى

klmat said...

loumi عزيزتى
اهلا بك وكل سنه وانت طيبه
وحشتينى واشكرك على كلامك الجميل
مع وافر تحياتى

Unknown said...

الله تحفة يا أميرة بجد

كلمات بتلخص حياة

عجبتني أوي

عندما تشعر ان الله معك تشعر بقوه عظيمه جباره

ودي
اوهامنا هى التى تضخم حجم اعدائناوخضوعنا هو الذى يمنحهم الجبروت



الله يرحمه ويحسن اليه

klmat said...

fanan fa2eer
اهلا بك ياجميله
وكل سنه وانت طيبه وسنه
سعيده لكل اسرتك وحبايبك
واشكرك جدا على كلامك الجميل
دعواتى بكل الخير
تحياااتى

همسة قلم said...
This comment has been removed by the author.
همسة قلم said...

كلمات قوية ومعبرة ومؤثرة بالفعل

رحم الله والدك اختى ..عذرا لم انتبه بعد ان كتبت التعليق الاول انكِ بنوتة :$

كلمات بالفعل قوية جدا واعجبتني للغاية

وربما اكثرها لواقعيتها الشديدة

اذا نكست رأسك امام ظالم طلب منك ان تنحنى واذا انحنيت طلب منك ان تركع واذا ركعت طلب منك ان تسجد واذا سجدت لظالم داسك بالأقدام

لكِ كل التحية كلمات وسعيدة بالتعرف على المدونة :)

klmat said...

همسه قلم
اهلا بك وكل سنه وانت طيبه
واشكرك جدا على زيارتك
ومافيش اعتذار ولاحاجه
انا ياستى ام لشباب جميل
ربنا يوفقك يااارب
تحياتى وسلامى

don don said...

حقيقى بجد تدوينة رااااااااائعى وربنا يرحم والدك يارب اللهمم امين

فعلا الكلام دة عجبنى جدا جداااا وصح 100%
وربنا يهدينا اجمعين