Monday, December 3, 2007

الحاسه السادسه 3

تنويه نزولا لرغبه بعض الأصدقاء اكمل وارجو كل من يعلق ان لايجامل سأكون اسعد بالرأى الحقيقى
كما رأى البعض ان موقف الحما غير واقعى فقررت ان اعتبر الجزء الفائت منتهى
ويحدث تفاهم . وفكرت ماذا لو كان محمد خائن وماذا لو ...تابعو معى

ِرجعت سهام هى ومحمد والبنات البيت وفى طريق العوده فتح محمد راديو العربيه وكانت ام كلثوم بتغنى انا
لن اعود اليك تنهدت سهام وشعرت بعدم ارتياح وضيق وقالت فى سرها حتى الفال مش حلو .ولكنها لم تتكلم ولم يتكلم هو ايضا وكان الجو يخيم عليه الحزن
وعند دخولهم البيت كان محمد كأن لم يحدث شىء ولكنه يدوبك نص ساعه بدون كلام ولا سلام ودخل ينام
قامت هى وعشيت البنات ودخوا يناموا لم تستطع النوم او البكاء لديها شعور اكيد بخيانته ولكن فكرت فى كلام حماتهاواخذت جمله واحد تانى يقولك ايوه بخونك واضربى رأسك فى الحيط تتردد فى ودنها. قلبها وعقلها يؤكدان انه خائن مش محتاجه اثبات وسألت نفسها طب لو كان فعلا خاين اعمل ايه يااااااه شعور دفين بالأهانه والاستهتار بها لم تتغير تصرفات محمد نفس السرحان وعدم الكلام ومافيش اخبار عن العمره المزعومه ولا تستطيع ان تطلبها. وفى خلال عده اشهر بعد هذه الواقعه حاولت بكل الطرق ان تقرب من محمد ولكن كل يوم بيزيد البعد اكتروكل يوم قلبها يتعصر
من الحزن والألم
بدأت تفتش فى اوراقه وتشوف ارقام التليفون على الموبايل ولقيت اسم فتحيه قالت لنفسها اكيد فتحيه اللى جاتنى . اتصلت بها ردت عليها فتحيه بعصبيه انا كنت عايزه انصحك بس انتى كنتى حا تقطعى عيشى بس انا عذراكى
وعرفت منها ان محمد كان بيتقرب لها وانها عامله عنده واعترفت لها بانها كانت بتحب محمد وانه مفهمها ان مراته مريضه وعلى فراش الموت وكان عندها امل تتجوزه وانه خدعها ولكن بعد فتره اتعلق بالمهندسه
مرفت ردت سهام وايه مرفت دى كمان عرفت منها انها متجوزه وصغيره ولم تنجب ولكن جوزها فى امريكا له سنتين وشكله مش راجع وسايبها زى البيت الوقف واترجتها فتحيه ان لا تخبر محمد انها قالت لها كده ده ممكن يقطع عيشى قالت لها ماتخافيش وفهمت سهام ان دافع فتحيه هو الانتقام من محمد
ارادات ان تبكى ولكن مش عارفه مافيش دموع بس القلب ينزف وبدأت تراقبه الى ان تأكدت ان قصه فتحيه صح
ياااااه كل ده يطلع منك يامحمد ايه متجوزه توم كروز ولا جورج كلونى
اتصلت بها نجوى للأطمئنان عليها قالت لها كله تمام وقالت لنفسها ده ابو اولادى وبلاش فضايح .
دخلت حجرتها وبصت لنفسها فى المرآه يااااااااه اخيييييييييي غبيه غبيه حماره لابسه فستان انا بكرهك اتفو عليكى اد ايه انتى خايبه
خد ميراث ابوكى وضحك عليكى اقول ايه حماره وشعرت كأنها اسماعيل ياسين فى فيلم العتبه الخضراء
وقعدت تعيط حتى تورمت عيناها وفاقت على جرس الباب وعوده البنات من المدرسه وحاولت ان تكون متماسكه ادام البنات دول مالهومش ذنب واخدها كلام البنات وماحدث فى المدرسه ورغبتهم فى الاشتراك فى فريق الموسيقى
وكأنه فاصل لمخها حضرت الغداء وفتحت التليفزيون للبنات اثناء الغذاء لعدم رغبتها فى الكلام
كان فى مشهد فى تمثيليه البطله بتقول مافيش حد حايمسح دمعتى من على خدى غير ايدى . قالت لنفسها دى اشاره
ليا انى افتح و اسمع الجمله دى هو كده فعلا ماحدش حايمسح دمعتى
غير ايدى ودخلت اودتها يار ب انت عالم بحالى وشايف ومطلع الهمنى الصواب انجد نى من حيرتى
واخذت عهد على نفسها ان لا تحاول ان تستميل محمد فهو لا يستحقها داير يضحك على الستات الظالم لأ واخد حقى
هو لم يحبنى انا لا الومه على مشاعره ولكن الومه على ظلمه ليا من اول النهارده لأ من اللحظه دى انا حابدأ من جديد من الصفر من غير ميراث وحا اعرف اخللى الكل يحترمنى مش حاستدر العطف ولا الحب انا برفض الشفقه من النهارده حاكلم نفسى واخد وادى معاها انا
اللى وصلت نفسى لكده .عيوب محمد معروفه ليا بس انا كنت مش عايزه اشوفها انسان انانى عايز الكون كله يدور حواليه اهتماته ورغباته
امه ربيته ان يكون هو الأول فى كل حاجه عموما هو مايساهلش افكر فيه انا افكر فيا . مش حاجى على نفسى علشانه تانى ابدا ولازم يكون ليا دخل لازم . مش عايزه حاجه من وشه.وبدأت رحله البحث عن العمل كل يوم تشترى الأهرام وتلف ولكن باءت جميع المحاولات بالفشل ولكنها كانت تقول لنفسها افكر فى مشروع ولكن مشروع ايه والفلوس منين بس ان شاء الله فى مخرج
وكانت دائمه الدعاء ولديها نفس القناعه الغريبه بأتيان الفرج.
اتصلت بها نجوى وطلبت منها الذهاب لشراء قمصان نوم وراحت لمحل شهير لانها عايزه قمصان شيك ووجدت
اسعارهم خياليه قماش لينو عادى جدا بس الوان راقيه وذوق رفيع فى التصمييم استغربت سهام من الاسعا ر وقالت لها
ده مايتكلفش كده ابدا لكن نجوى ردت ماتلاقيش الدانتيل ده والذوق واشتريت
روحت سهام وتذكرت هوايتها القديمه فى الخياطه وفى اليوم التالى ذهبت لسوق القماش واشترت قطعتين ومجله بورداقديمه امعانا فى التوفير ودانتيل مناسب زى اللى فى قمصان نجوى وقررت ان تنفذهم وفعلا طلعوا شيك جدا
وتكلفتهم ارخص من السوق بكتير. اتصلت بنجوى وقالت لها تعالى حالا وصلت نجوى واعجبت بهم جدا وقالت ده انتى كده ممكن تبيعهم قالت لها الله ينور عليكى هوده مشروعى انا حابيع ارخص من السوق بكتير والمكسب حايزيد لما
اشترى جمله ومش حاخيط لزباين علشان مش عايزه رجل فى البيت انا حافصل واعرضهم على المعارف وعندى فى
العيله عرايس كتير حاقول دول معرضين للبيع علشان لاحد يقولى وسعى اوضيقى وردت نجوى وان اول زبونه
اكرمينى شويه واحتضنوا بعض وشجعتها نجوى على الاستمرار ولم يشعر محمد بمشروعها اصبح يعود متأخر وكانت بالنسبه لها فرصه لزياده الانتاج
ركزت كل همها فى تربيه بناتها على ان يكن اكثر وعى منها وكان تجلس معهن هن ستذكرن الدروس وهى تخيط
وتغمرهم بحبها وحنانها تعويضا عن بعد ابوهم وتقولهم مشغول حتى لا تؤثر على نفسيتهم بالسلب وبدأت تعقد جلسات مع نفسها تكلم روحها مافيش حد حايفهم احساسها الا هى .كانت تحلل شخصيه محمد وتحلل شخصيتها فوجدت فجوه عميقه
من الصعب تضيقها ان لم يكن مستحيل .وبدأ حلم يروادها حلم من احلام اليقظه ان تنجح فى حياتها بمعنى ان تكون
سعيده من غير محمد يعنى لو محمد مات لا قدر الله الحياه حاتستمر ولازم اسعد نفسى شعارى سهام تسعد سهام
حانجح وحايندم عليا ولا مايندمش انسيه ياسهام ده كلامها لنفسها

الا انه لم يرحمها فاختلق معها مشكله وشكله كان ناوى انه يتعبها فقررت بينها وبين نفسها انتذهب الى والدته فى الصباح لتخبرها بماحدث حتى لايزداد فى ظلمه

رغم كل هذا كانت فرحه بما قررته وبصداقتها لنفسها وقربها من بناتها فكانت تقضى معاهم ساعات من السعاده الغامره وبما ادخرته من اموال وشعرت ان لها كيان آخروذهبت الى منزل حماتها وقبل ان ترن الجرس كانت الشغاله بتفتح الباب رايحه تشترى حاجات قالت لها اتفضلى الحاجه جوا لم تشعر حماتها بدخولها كانت فى اوده مجاوره تتحدث بالتليفون وحدثت مفاجأه مهوله كادت تفقدها وعيها
نكمل قريبا

تحديث
ستصل سهام لحقيقه ان زوجها خائن واهله على علم وذلك من المكالمه التليفونيه بين حماتها واختها
واصبح امامها حلين
الاول ان تستلم للأمر الواقع وترضا بهذا الوضع للظروف الأقتصاديه وضعف شخصيتها وقله طموحها
او ترفض وتطلب الطلاق وتركز فى النجاح فى عملها وتربيه اولادها والتغلب على نقاط ضعفها
وكل من الحلين موجود على ارض الواقع واتر ك لك الأختيار
النهايه او البدايه


35 comments:

Abeer said...

هو محمد طلع متجوز عليها ولا ايه
:D

بصراحة موقفها كان غريب جدا .. ورد فعلها اغرب
انا مش موافقه على تصرفها واختيارها للستقلالية والاعتماد على نفسها وانها تثبت ذاتها ويبقى لها مصدر للدخل تاني ويتحرق محمد
هي تاكدت من خيانته وبعدين رفضته من جواها تماما .. يبقى ايه لازمة العيشة مع بعض
يا كانت تطلعه برة حياتها زي ما طلعته من قلبها .. ولو كانت الحجة الاطفال فده مش سبب خالص لان الاطفال لما يكونوا بين اتنين بيحترموا بعض بس منفصلين افضل كتير من لما يكونوا مع اتنين بيكرهوا بعض وابسط العوامل للتربية اللي هو الامان مفقود

يا اما كانت تحاول ترجعه ليها تاني .. بالمواجهه بالتفاهم بطرق كتير

ويمكن اللي يصعب الموضوع التاني .. هو استسلامها من البداية واها لغت شخصيتها تماما

تحياتي ومنتظرة الجزء الجديد بفارغ الصبر علشان نشوف سي محمد

klmat said...

abeer
اهلا بك .لأ محمد متجوزيش عو كده
عنده علاقات متعدده الاول مع العامله
والتانيه مرفت دول اللى اكتشفتهم
هى حسيت ان مافيش كيميا بينها وبين محمد . قبل ماتنفصل حبيت ترمم
نفسها وتعيد ثقتها لو انفصلت حاتصرف
منين .شخصيه محمد انانيه عايزه واجهه
اجتماعيه بيت وزوجه واولاد
وعلاقات متنوعه وواحده لا مورد لها
انا نفسى مش عارفه حاتعمل ايه
مع سى محمد بس احنا مع بعض
يارب التكمله تعجبك
سعيده جدا جدا برأيك يابيرو
سلاااااامى

ماسة الحب said...

ايوة كده يااميرة كده بقي القصة يبقي فيها تشويق اكتر انا مبسوطه من رد فعلها بالنسبه للشغل بس انتي مش شايفه انها ايجابيه مع نفسها بس سلبية مع محمد انا شايفه انها لازم تاخد موقف
وحاسه كده ان ام محمد عارفه حاجه وبتخبي علي البنية الغلبانة
مستنية الباقي بشوق عارم

klmat said...

ماسه الحب
سعيده اوى انك متشوقه .هى مش
سلبيه مع محمد هى محتاره تعمل ايه
لاحظى لو قالها اضربى راسك فى الحيط
هى فى مرحله لخبطه ويارب اللى جاى
يكون مشوق
ربنا يسعدك
تحياتى وسلامى

no chance said...

طبعا مش هجاملك
ومش هقولك انك جبتى كل اللى البنات بتفكر فيه فى قصتك دى
ولا هقولك انك جبتى مشاكل المراة بعد الجواز
انت طبعا حلولك مش واقعيه خالص بس جبتى المشاكل بشكل جامد وارجوكى وابوس رجلك انا مش عرف اقرا كلامك خففى شوية من كلام الستات دة انا مالى انا ومال الدانتيل والكلام دة بصى هو السكة حلوة بس عاوزة حبة واقعية وطبعا مفيش ولا واحدة فى الدنيا هتقدر تعمل كدة
بس انتى احسن حاجة انك جبتى معظم مشاكل المراة فى قصتك
احييييييييييييييييكى بجد
لاخر مرة بقولك خففى شوية من كلام لستات انا عاوز اقرالك بتعجبنى كتاباتك
طبعا انتى عارفة انننى مش قصدى اضايقك انا قصدى انك تعدلى من اسلوبك علشان الجماهير يا قمر وانا مستنى الجزء الرابع بس يا ريت يكون فيه واقعية ومتكنش ام محمد عاوزاه يبقى عنده اولاد مش بنات وعاوزاه يتجوز عليها
هههههههههههه تحياتى بجد لو القصة دى نزلت الاسواق هكون اول مشترى ودور التلفزين والراديو كان واضح فى كلامك احييكى بجد على الحتتة دى

mohand said...

السلام عليكم

وبعدين بقي في حرق الدم ده

قولنا بلاش نكمل بعدين دي

عموما هستني الباقي ونعلق علي الكل

loumi said...

عزيزتي كلمات
قرأت الجزئين الثاني والثالث
وأقدر تماماً طريقة تفكيرها
و أغلب الظن ان الحماه على علم بكل تصرفات إبنها

فى إنتظار باقي الأجزاء يا صديقتي
تحياتي

ra7eel said...

شكل حماتها عارفه بالموضوع
بس على فكره تصورك لاعتمادها على نفسها جميل
بس هى مش واجهته ليه بدل ماتعيش فى عذاب
رجالة اخر زمن
ميتأمنش لحد فيهم
ههههههههههههههههه
خالص تحياتى

klmat said...

no chance
عايزه اقولك انى مش بقدم مشاكل
المرأه ولا حلولها يعنى حته ان حلولى مش واقعيه انا مش بقدم حل لكن نمط من البشر
ممكن نتفق معاه او نختلف لكن موجود
فى حياتنافمنا المتريث والمندفع
والمختلف فى طريقه التفكير وراثه وتربيه..
وانا متضايقتش بالعكس انا بحب الصراحه
وكل واحد يقول رأيه واللى تشوفه انت
مش لطيف قد يراه آخر لطيف
بس المهم ان كل منا يقول رأيه بمنتهى الحريه لأن رأيك بيدل على شحصيتك
سعيده ينعليقك ونقدك ويكفى انك قرأت البوست رغم طوله
خالص تحياتى

klmat said...

mohand
لأ لأ لأ كله الا حرق الدم
عارف انا فعلا ماكنتش عايزه اكمل
لأنى فعلا طولت اوى
انا عن نفسى بحب البوست القصير
بس تفول ايه اييييييييييه
تحياتى وسلامى

klmat said...

loumi
اهلا بك وسعيده جدا بمتابعتك
الموضوع طول.حته الحما لسه بفكر فيها
تحياااااااااتى

klmat said...

ra7eel
اهلا بك . لم تواجهه حتى لاتضع نفسها
فى مأزق هو كده .لو تفتكرى كلام حماتها
ممكن يقولك حطى راسك مكان رجليك
وترضخ لعدم وجود مورد فضلت ترتب
اوراقها.حقيقى سعيده جدا بمتابعتك
ربنا يوفقك يااااارب

Mask said...

غالبا هنقول تصبر وتستحمل عشان البنات يتربوا وسط اب وام ....
بس هل صحي ان البنات يتبروا في حضن اب خائن ؟؟
اعتقد ان الام تربيهم لوحدها لو قادره زي الحالة اللي معانا دي افضل
..
الحقيقه اختيار صعب ومش في كل الحالات النتيجه واحده ..

klmat said...

mask
اهلا بك هى امامهااما ان تفكرفى تربيه الأولاد
تربيه سليمه او فى نفسها وده بيتوقف على طبيعه شخصيتها وشخصيه الزوج
من الممكن ان لايثير معها مشاكل ويفكر فى مصلحه بناته ويكتفى بما يسببه لزوجته من الم نفسى
وهى تعتبره كأنه
ممول وليس زوج ويتعاونوا على ان لايشعر الأبناء بما بينهم من حاجز نفسى
او قد لاتستطيع الأستمرار وتطلب الطلاق وتطلع طاقتها فى تربيه الاولاد والارتقاء بنفسها .الفيصل مصلحه الأبناء وده برضوا بيتوقف على شخصيتها.هناك بعض السيدات بتقول انا حاعيش مره واحده والابناء لهم رب
كل الخيارات مفتوحه
سعدت جدا بتعلقك واشكرك عليه
خالص تحياتى

rack-yourminds said...

ازيك يا كلمات

بجد القصه حلوه ومنتظرين قصص تانيه

ويا ريت مش عاوزين نهايات حزينه خلينا نفرح شويه هههه

تحياتي وسلامي ليكي

قلوب حائرة said...

انا ليا وجهة نظري علشان خاطر البنات تخليها معاه وتنجح هي وتبدأتعالج الاخطاء الموجودة فيها من غير ما تحسسه انها عارفة بخيانته وتسحبه ليها تاني بدل ما تنتصر عليها الهانم التانية دي وحشاني ياقمرية وللامام ياجميل

truelove said...

انا ليا وجهة نظري علشان خاطر البنات تخليها معاه وتنجح هي وتبدأتعالج الاخطاء الموجودة فيها من غير ما تحسسه انها عارفة بخيانته وتسحبه ليها تاني بدل ما تنتصر عليها الهانم التانية دي وحشاني ياقمرية وللامام ياجميل

شيرين said...

كلمات دي اول زيارة ليا بجد مدونتك رائعة واسلوبك مميز ربنا يكرمك

تحياتي ايامنا الحلوة

دنــــيــــــا مـحـيـرانـي said...

ايه يا كلمات ده ايه الجمال ده مش قادره انا قعده كنت بياكل الكلمات بعنيه انا شافيه القصه واقعيه طبعا و انتي لاقيتي مهنه لسهام تقدر تبتداء من جديد في حياتها المشكله بقي لما يكون هناك و هما كتير ستات مش عندهم اي شيء من المهارات دول بقي البهدله بعينها و غصبن عليهم بيستحملوا و يقعدوا مع اجوازهم الخائنين اما انت هنا قلت اختيار سهام من غير لف او دوران مادام عارفه تعتمد علي نفسها و تكسب فلويها تبقي هاترميه لما يخلص الحب و الامان من البيت يبقي عدم وجوده افضل لكنه اهم مشاكل الاي بتواجه النساء عدم وجود دخل هو ده مربط الفرس كتيرررر بيتحملوا عشان الفلوس و بس اما حكايه الاود يعيشوا مع الاب انتي برضه واضحتي انهم يعتبروا لوحدهم و الام هي الكل بالنسبه ليهم في الحنان و الاهتمام يبقي وجوده زي عدم وجوده بس
تحياتي لقلمك المبدع يا جميل

klmat said...

rack yourminds
ازيك عامل ايه يارب تكون بخير
انا كمان نفسى افرح ونفسى اشوف
كل الناس فرحانه ومافيش مشاكل
ربنا يوفقك ويسعدك يااااارب
اشكرك جدا
تحيااااتى

klmat said...

قلوب حائره
الأم الطبيعيه دايما بتحط امام عينها
مصلحه اولادها اولا واخيرا وفى بعض الاحيان بيكون الأنفصال افضل بيتوقف على شخصيه الأب اذا كان لايثير مشاكل
لابأس وهى بشر قد لاتطيق وتطلعوا على اولادها كل حاله ولها ظروفها الخاصه
وفى القصه سهام بتفضل مصلحه اولادها
وانتى حطى النهايه اللى ترضيكى
سعيده جدا جدا برأيك
وربنا يسعدك
خالص تحياتى

klmat said...

شيرين
ايامنا الحلوه يارب كل ايامك تكون حلوه واشكرك جدا على الزياره العزيزه واتمنى تتكرر وميرسى على كلامك الجميل
نورتنى وشرفتينى

walaa said...

ييياااااااااااه اصعب حاجه على المراه انها تدى لزوجها كل حاجه وفى الاخر يطلع خاين دى بتبقى ذى الميته بس لازم تاخذ موقف تجاه محمد متعش سلبيه كده تشوف الفجوه وتحاول تسدها مش علشانها هى وبس وكمانوعلشان البنات وعلى فكره اللى يحب عمره ما يكره وزلازم الست يبقى عندها شخصيه وقوه ولو منفعش الفجوه تنيسد يبقى ما فيش حل غير الانفصام


تحياتى ولاء

klmat said...

دنيا محيرانى
انا سعيده اوى اوى بتعليقك واشكرك
جدا على كلامك الجميل وانا معاكى فى رأيك تماما . سهام كان عندها مهنه او صنعه تقدر تعيشها مستوره وفعلا فى ستات كتير
مافيش عندها اى موهبه عارفه انا كنت ناويه اخلى سهام من النوعيه دى
وكنت حاخليها تتعلم الخياطه وبعدين لقيت البوست حايكون طويل. فى رأيى ان اى ست
تحس بكده تحاول تدور على مورد ررق
ممكن تطريز تعليمه مش بياخد وقت
بس ملحوظتك مهمه جدا واناكنت عايزه الفت النظر لها
طولت عليكى
لربنا يكرمك ويسعدك
ياااارب

أبوسويلم said...

انا اسف جدا على التاخير
والله لى عذرى
انا قلت امضى حضور لحد اما اقرا الجزء التانى والتالت واعلق عليهم
اسف مرة اخرى
سلامى

klmat said...

walaa
اهلا بك ياولاء
انا معاكى احساس صعب اوى ان العطاء
يتقابل بالخيانه . لو نزوه او غلطه ممكن التسامح من اجل الاولاد .
هى مش مستسلمه ولا حاجه هى حاولت تسد الفجوه وحاولت تشاركه اهتماماته
واهتمت بمظهرها بس لو حب اخرى وكانت
هى بالنسبه له جوازه وخلاص مانقدرش نقول انها قصرت بل استحملت والمواجهه
والمشاكل مش حاتحل الموقف بل تؤثر
بالسلب على الابناء شارى وغلط تسامح
مفترى وخاين بالسلامه
مدونتك جميله وسعيده جدا بتعليقك
تحياتى وسلامى

klmat said...

ابو سويلم
اهلا بحضرتك ولا تعتذر ولا حاجه المدونه
مدونتك تشرفنى فى اى وقت
وانا بعذر الكل مشغول والتدوينه طويله خد وقتك وربنا
يقويك ويوفقك
تحياتى وسلامى

عاليا حليم said...

ازيك يا كميل عامل ايه ؟
اسجل الحضور بس و راجعة بعد ما اقرا الجزءين الى فاتونى عشان اقدر احكم ، معلش اصلى مضغوطة فى الشغل اليومين دول
سلام مؤقت

أبوسويلم said...

يعنى مصممة انك تطلعى الزوج خاين
رايى
انها تطلب الطلاق وطالما لها مصدر رزق خاص بها يبقى مفيش مشاكل
لكن انها تعيش معاه وتقضى بقية عمرها وهو شخص مريض بالطريقة دى واهله ناس ولا مؤاخذة فى اللفظ واطيين
يبقى حرام عليها نفسها وحرام عليها بناتها
اكيد هيعفوا الحقيقة فى يوم من الايام وهيلتمسوا لها الف عذر
القصة مشوقة
منتظر رايك فى كلامى ده
تحياتى استاذة اميرة
وسلامى

Doba said...

القصة مشوقة جدا جدا
حقيقى
وهتعرف تختار - تفتكرى
انا عارفة هيه هتختار ايه

بس للأسف مش الكل يقدر يعمل كده او يرضى يعيش كده

بس انا عجبتنى قوى طريقتك فى الكتابة والعرض القصصى - شوقتينى اعرف ايه اللى بيحصل

الحموات كلهم شكلهم عاوزين يضربوا بالنار فى ميدان عام

ههههههههههههههه
تحياتى
هبة

klmat said...

عاليا حليم
ازيك ياعاليا يارب تكونى بخير
وربنا معاكى فى الشغل الكتير
انا بخير الحمد لله وعذرك معاكى خدى وقتك
مرورك عندى بيسعدنى خلينا دايما
فى وصال
ربنا يوفقك ياكميله
تحياااااااتى

klmat said...

ابو سويلم
اهلا بك ابدا انا مش مصممه اطلعه خاين
انا كنت نهيت بالجزء الأول انه مش خاين
بس قلت برضوا فى رجاله خاينه تعمل ايه فى الحاله دى. اللى بطبيعته الخيانه هو اللى
بينهى حياته الزوجيه باستمراره فى الغلط
لو نزوه ممكن التسامح وانا سبيت النهايه مفتوحه بس لو عايز رأييى فانا موافقك
فى الرأى وربنا يهدى
حقيقى سعدت بتعليقك وبرأيك
تحيااااااااتى

klmat said...

doba
اهلا بك ياهبه واشكرك جدا على كلامك الجميل .شوفى ترجع له او لأ بتتوقف
على طبيعه شخصيتها وعلى مواردها
وان كان فى ستات بترفض الأستمرار علشان
سبب مورد او اولاد المفروض يكون
فى موده ورحمه وبيتوقف كمان على الزوج
هل ممكن يتوب بس اعتقد فى هذه القصه
هو لايحبها وهى تهتم بنفسها واولادها
حاتعمل ايه اكتر من اللى عملته الست لاعبته كل اللعبات وماقصرتش هو ماحبهاش
بس مايظلمهاش
حقيقى تعليقك عندى بينور مدونتى
بالنسبه للحموات فى منهم غيورات ومش بيقدروا يفهموا ان حب الام غير حب الزوجه وانها فى يوم كانت زوجه ولها حماه
و مسيرنا برضوا حانكون حموات فى منهم طيبين جداوفى عايزين الميدان العام
شرفتينى ونورتينى

و القادم....أجمل said...

السلام عليكم

اولا تصرف الحماة المرة اللي فاتت
ممكن جدا
لأنها بشر يعني
مش كل الحموات وحشة
تمام كده
:)

:::::::::::::

بالنسبة للجزء دا
انا عجبني فعلا اعتمادها علي نفسها
بس زي ما كتير قالوا
لازم تلعب علي الونجين
:D
يعني علي الطرفين
الشغل و محمد
و للأسف كتير من الستات بيرضووا باستمرار الحياة لأن اولا عندهم اطفال
ثانيا مفيش دخل بيأه فعلا مضطرين
و الحاجات دي بتحصل ادامي و الله

::::::::::

مستنييييييين الباقي يا ميروو

تحياتي و حبي

:)

klmat said...

القادم اجمل
اهلا بك ياولاء وحشتينى ويارب
تكونى عملتى كويس فى الامتحانات وبالنجاح
الباهر ان شاء الله
اكيد فى حموات طيبه لأن هم فى الأول امهاتبس بيكون فى شويه غيره لازم نستحلهم شويه
وفى حموات فاتنات زى مارى منيب
انتى عارفه عايزين ايه
:) اما انها تلعب على الوجهين
الست لعبت فى الونجين والسنتر
وسيجا على العالى وسيجا على الواطى
وفى حدود للطاقه واحيانا القلوب بتتغير
المهم طبعا ان كل واحد يكون له مصدر دخل يحميه من غدر الأيام
وجودك بينور البلوج بتاعى
وتعليقك بيسعدنى وتحليلك صح
ياااااااارب يوفقك وينجحك ويسعدك
يااااااارب
سلامى وتحياتى