Wednesday, October 17, 2007

منى الشاذلى العاشره مساء


برنامج العاشره مساء

من البرامج الناجحه والمميزه رغم تشابه مضمونه مع كثير من البرامج حقيقى بيتم اختيار المواضيع المطروحه للمناقشه بعنايه كلها مواضيع مهمه وبتمسنا ومواكبه
لما يحدث يوم بيوم ودايما الضيوف بيتم اختارهم بذكاء مش بس فنانين لأ شخصيات جميله زى ابله فضيله د/ زويل د/مجدى يعقوب والحاج العربى توشيبا العربى ا/امين هويدى وفهممى هويدى وابطال من حرب اكتوبر ومن اشتركوا فى تحطيم المدمره ايلات وغيرهم كثيرين ممن نفتخر بهم ونحتاج لمعرفتهم اكثر ولنجد قدوه ومتعه فكريه تنعشنا وتنقذنا من كثير من البرامج التافهه

فى رأيى ان البرنامج بيرفع درجه الوعى عند المواطن المصرى وبيحترم عقله .كما انه يكشف المسئوليين على حقيقتهم بدون تجريح وبيفضح الفاسدين بطريقه ذكيه عن طريق تسليط الضوء على الوقائع ومناقشه كل الاطراف بطريقه موضوعيه كماحدث فى الاماكن التى تعانى من عدم وجود مياه واتكلم فيها المواطنين عن معانتهم اليوميه من سنين ووعود المسئولين التى لاتتحق وعن الدروس الخصوصيه والتحدث مع اولياء الامور والمدرسين .وقضيايا التعذيب واخلاق رجال الشرطه والعباره واكياس الدم الملوثه وغير ذلك كتيرمن المواضيع الهامه


واخيرا حلقه اول امس مع ا/ عادل حموده ومناقشه موضوع حبس الصحفيين واتاحه الفرصه للمشاهدين لأبداء ارائهم بحريه ومن الحلقات المميزه
فى حلقه شفتها تاريخ 16/10كانت مع فلاح مصرىبسيط لكن غايه فى الذكاء ومتابع للأحداث عن طريق القنوات الفضائيه شدنى حديثه ولابقته اكتر من كثير من الشخصيات العامه الشهيره . اتكلم فى كل حاجه سياسه وفن واقنصاد وربط بينهم اتمنى اعاده الحلقه لأن اسلوبه بالنسبه انه حاصل على شهاده محوالاميه ينم عن وعى عالى جدا واسلوب ممتع حتى ان منى الشاذلى كانت مستمتعه بحديثها معاه
كان كابس عليا النوم لكنى لم استطيع ان اقفل التليفزيون فقد شدنى حديثه وجعلنى فى منتهى اليقظه واعطانى امل
لما عندنا ناس بهذا الفكر الجميل حقيقى تمنيت ان كل الناس تشوف الحلقه دى وتشوف ازاى فلاح بسيط لكن فطين


شايف ان احنا بلد طارد للعلماء وده تعبيره هو . قال عايز حد يقوللى لو زويل رجع مصر حا تستفيد ايه من الفميتوثانيه من غير مايكون عندنا قاعد ه علميه. فى الزراعه ازاى ازرع كنتالوب قبل القمح مافيش ترتيب للأولويات هو بيتكلم بأسلوب جذاب وفيه ذكاء وبيضرب امثله واقعيه رغم انه معاهوش اى مؤهل ازاى نزرع الصحراء ونبنى على الارض الزراعيه .ونلوث النيل


حاجه تجن اجدادنا يبنوا الأهرامات واحنا مش عارفيين نعمل ابسط حاجه مش عارفيين ننظف بلدنا عندنا اهرامات من القمامه حاجه تكسف

وطبعا من اسباب نجاح البرنامج المذيعه الرائعه منى الشاذلى

فى رأيى هى افضل وانجح مذيعه مصريه

من الشخصيات الجميله الهادئه .اللى بتمتع بقبول عالى وملامح مصريه اصيله وصفاء ذهنى وثقافه ولابقه

واسلوب راقى فى الحوار ووعى بادق تفاصيل الوضوع اللى بتناقشه
جريئه ولكن بحياء ورقيقه ومؤدبه مثال للمذيعه المحترمه وبيعجبنى احتشامها فى مظهرها ولون شعرها الاسود نادرا ماتلاقى مذيعه شعرها اسود كله شعره دهبى .هى شخصيه مميزه بمعنى الكلمه
برنامج احترمه لأنه فعلا بيحترم عقول المشاهدين

31 comments:

momken said...

متفق معاكى جدا البرنامج من انجح البرامج على الفضائيات
ومنى الشاذلى صحفيه واعيه وذكيه ومحبوبه جدا
انا تابعت اغلب الحلقات الى اتكلمتى عنها وكلها فى منتهى الجمال

اختيارك للموضوع يعد كلمه حق يراد بها حق
تحياتى

klmat said...

momken
كل سنه وانت طيب
الحمد لله اننا متفقين فى الرأى
منى الشاذلى حازت اقبال واحترام الجميع
لثقافتها وموضوعيتها وبشاشتها
واحترامها للضيف والمشاهدين
والحقيقه كل حلقات البرنامج رائعه
سعدت جدا بتعليقك
تحياتى لك

rack-yourminds said...

اولا انا بجد بحييكي علي مواضيعك الهادفه اللي دايما بتطرحيها في مدونتك -----------

برنامج العاشره مساء من البرامج الناجحه جدا واعتقد ان الفضل بيرجع للمواضيع التي تمس قضايا المجتمع والضيوف الكباار اللي بيستضيفهم البرنامج وممنساش المتالقه مني الشاذلي بابتسامتها الجميله واحتشام ملابسها زي مقلتي ..,


مره اخري بحييكي علي مواضيعك الهادفه والجميله

تسلم ايدك

Unknown said...

أشكرك على وقوفك معايا و مساندتك ليا رغم انك ما تعرفنيش و الشكر و الله قليل و سعيدة جدا بالزيارة الحنونة دى
هو فعلا برنامج من البرامج الى قليل ما تلاقيش فيها زواق ع الفاضى و رغى كتير
اختارك راقى و جميل

مستنية رأيك فى القصيدة الجديدة

klmat said...

rack-ypurmind
واحد
اشكرك جدا على كلامك الجميل ومدحك
فى مدونتى شرف ليا.الحقيقه مش مجامله
انا بعتز برأيك جدا وبحب اتابع
كتابتك لذوقها الراقى ومواضيعها الشيقه
بالأضافه للمسات الانسانيه
تحياتى وسلامى

klmat said...

عاليا حليم
انا عرفت مدونتك عن طريق واحد
وانا سعيده جدا بمرورى عليها
وحاقولك رايى بصراحه فى قصيدتك
واضح جدا انك مرهفه الاحساس
ولو كنتى قفلتى المدونه كنا حانعمل مظاهره
واشكرك على مرورك
نورتينى وشرفتينى

Anonymous said...

اولا موضوع الراجل الفلاح بسيط جدا واللهى مصر مليانه ناس وشباب محتاجين نص فرصه بس للاسف الشديد مش لاقينها لانها مهدره فى بلد اساسيات التعين فيه الواسطه والمعارف والعلاقات والمصالح الاريفاف والصعيد مليانه بس الى يدور
موضوع بلد طارد للعلماء يا اخت كلمات ميزانيه البحث العلمى فى مصر مش بتحصل ميزانيه الدورى العام ولا مصاريف لا عبى الكوره وتقولى نرجع علماءطيب نعمل بيهم ايه
موضوع منى الشاذلى بصراحه مش حقدر احكم عليها لانى مش متابع جيد للتلفزيون بصراحه

klmat said...

رئيس جمهوريه نقسى
انا معاك تماماان بلدنا فيها
نوابغ بس الواسيط
مضيعه الدنيا
ولازم ده يبقى وضعنا
طالما اهملنا العلم
اتمنى ان تسنح لك فرصه وتشوف البرنامج
هو يوميا الساعه10 مسء
فيماعدا الخميس والجمعه
سعيده جدا بتعليقك
ومدونتك رائعه
تحياتى لك

هموم الناس قدرى said...

منى الشازلى مذيعه رئعه والاروع انك بتختارى اجمل الاشياء لمدونتك تحياتى انا سوف اضيف مدونتك عندى بعد اذنك

klmat said...

هموم الناس قدرى
اشكرك جدا عاى كلامك الجميل
ويشرفنى اضافه مدونتى عندك
شرفتنى ونورتنى

ما علينا said...

العقل دا يتاقل بالدهب والماس

دا عقلك انت يا كلمات
حقيقي
موضوعاتك وكتاباتك اكثر من رائعة ولها ثقل ووزن

فعلا العاشرة مساء يمكن اثر البرامج احتراما لعقلية المشاهد
ومنى الشاذلي بالاضافة الى لباقتها وتميزها المهني

بيعجبني جدا
حفاظها على البساطة في مظهرها
وانا كمان شدني اي انهها محتفظة بلون شعرها اسود
ومش ضاربة اكسجين


احبك في الله

klmat said...

ماعلينا
من القلب للقلب رسول
انا كمان بحبك
الانسان بتبان شخصيته من كتابته
فى حاجات كتير اوى انتى مشتركه فيها معايا
مش عارفه اقولك ايه على
الكلام الجميل وتعليقاتك
اللى بترفع من معنوياتى
ربنا يخليكى ليا
ويديم المحبه
تحياتى وسلامى

Anonymous said...

من حسن حظى انى النهارده شفت الاعاده بتاعت حلقه امبارح وفعلا عجبنى اسلوبها فى النقاش واداره الحوار مع رئيس جامعه عين شمس بخصوص الاحداث الى حصلت امبارح واعمال العنف الى بقيت شى لزوم الشى عند اى نتخبات فى مصر و مع غياب الاشراف القضائى ربنا يستر

Unknown said...

علي فكرة برنامج العاشرة مساء ده من أكتر البرامج اللي باحرص علي متابعتها باحس ان أي اخبار باخدها منه بتبقي حقيقية ومن غير تضليل

وأنا شوفت حلقة الفرح ده وعجبتني جدا

فعلا كنت مستغربة انه مثقف للدرجادي

محمود على said...


متفق معاكي طبعا

مني الشاذلي قدرت تفتح ملفات شائكه كتير
بدبلوماسية اكتر من رائعه

وده السبب الي مخلاش برنامجهه يتمنع او يتضغط عليه من الحكومة

klmat said...

رئيس جمهوريه نفسى
سعيده جدا بتعليقك وانك شفت البرنامج
وعجبتك طريقه حوار منى الشاذلى
البرنامج ممتع ومفيد
تحياتى وسلامى

klmat said...

fanan fa2eer
سعدت جدا بتعليقك وانك شفتى حلقه
الفلاح الفصيح كانت رائعه
البرنامج فعلا موضوعى ومصدر صادق
للمعلومات
شرفتنى تحياتى وسلامى

klmat said...

محمود على
كلامك مظبوط تماما
وده ذكاء فى اعداد وتقديم البرنامج
طريقه التناول رائعه
شرفتنى ونورتنى
تحياتى

truelove said...

والله ماعارفة اقولك ايه غير اني عاوزة اقولك يارووووح قلبي تاني تشابه بنا اهو انا من عاشقات مني الشاذلي على الرغم من ضيق وقتي والله بس بحب اقعد قدامها حتى لو مش مركزة علشان اتعلم من اسلوبها في الحديث واحترامها لضيفها واحترامها لجمهورها من وشيكاتها حاجات كتيرة بتخليني قاعدة مزبهلة قدامها تحياتي ليكي ياغالية وعاوزة ميلك على الهوت

Desert cat said...

اكثر ما جذبنى لمنى الشاذلى وبرنامجها انها حاسة كويس جداً بآلام الناس
ولفتت انتباهى قوى فى حلقتها اللى كانت بتتكلم فيها عن اللبن الملوث حسيت انها بتتكلم عن ابنها واختها ووالدتها حسستنى ان الشعب المصرى كل عيلتها وبتدافع عنها
طبعا البرنامج ناجح جدا ومثير لاهتمام اى شخص
تحياتى

klmat said...

true love
انا اللى مش عارفه اقولك ايه على كلامك الجميل والشعور متبادل .منى الشاذلى شخصيه نحترمه وزى ماقلتى حاسه بالناس وبتحط
نفسها مكانهم هى انسانه جميله شكلا وموضوعا .ماشاء الله عليها
ربنا يحميها . انا عندى ايميل واحد على
الياهو بعته لك
سعدت جدا بتعليقك
شرفتينى ونورتينى

klmat said...

Desert cat
انا كمان اللى جذبنى لها انسانيتها
وبساطتها حسى انها واحده من اهلك
ده بالأضافه لثقافتها ولبقاتها
فعلا برنامج ناجح ومهم
سعدت بتعليقك جدا
تحياتى وسلامى

أبوسويلم said...

لا انكر ان البرنامج جيد جدا بالنسسبة لانه برنامج محلى يعنى بيتكلم عن مصر وفقط
لكن بصراحة البرنامج عليه نقاط ضعف غير قليلة
ابسطها المراسلين العظماء اللى عندهم مشاكل فى النطق ومخارج الحروف
غير الاخطاء اللغوية والنحوية
اللى كمان منى الشاذلى بتقع فى كثير منها
ده رايى بصراحة وانا واثق انك هتتقبليه تحياتى يا فندم والسلام

دكتور كسلان said...

ان اسف ع التاخير

فعلا برنامج العاشرة مساء مميز جدا

وكان سبب قوى فى انتشار الوعى السياسى

عند كتير من المصريين

وحقق كتير من اهدافه

ده غير المذيعة الجميلة

منى الشاذلى

احنا لازم نفرح ونفتخر ان عندنا مذيعة زى دى

بتتمتع بجميع مقومات النجاح



سلاااااااااااااااااااااااااااام

klmat said...

ابو سويلم
مرحب بك طبعا اتقبل رأيك بصدر رحب
دى وجهات نظر انا معاك مهم اوى للمذيع ان
تكون لغته سليمه بس ده مش
عيب العاشره مساء فقط ده فى اغلب البرامج بس طبعا مش مبرر وانا فى الحقيقه
للأسف الشديد ضعيفه فى العربى
وكان النحو مشكلتى اثناء الدراسه
انا اللى بيشدنى للبرنامج انه فعلا
محلى وبيسلط الضوء على مشاكلنا
وساهم فى حل مشاكل كتير
انا شخصيا بستفيد منه وطبيعى ان
الميول تختلف لكن الود موجود
سعيده جدا بتعليقك
تحياتى وسلامى

klmat said...

د/ كسلان
اهلا بك فى اى وقت
ومافيش داعى للأسف
انا معاك تماما فى رأيك
وسعيده جدا بتعليقك
تحياتى وسلامى

Abeer said...

سلام عليكم

منى الشاذلي احسن اعلامية في مصر بلا منافس
متمكنة جدا من ادواتها واسلوبها في ادارة الحوار
حتى لو الموضوع مش جد اوي .. بتضيف عليه لمسة ثقافة وجدية
زي حلقة المصروف .. وحلقة مسلسلات رمضان
مش بتفرض رايها على الشخصية اللي بتستضيفها
ومع ذلك بتعبر عن وجهة نظرها بذكاء

loumi said...

العزيزة أميره
فعلا هذه السيده مثال للإنسانه الناجحه
رقيقه وذوق وواعيه جداً
وكل مواضيعها تشد الإنتباه
تصدقي إن خالاتي في دمشق ما بيفتولهاش حلقه؟
نموذج مشرف حقيقي
وإذا كان على الفلاح الفصيح
إحنا عندنا ناس واعيه جداً بكل اللي بيحصلوالوعي مش محتاج شهادات ده محتاج حس وطني صادق ومهتم بأمور بلده
وده اللي ما بقاش موجود عند كتير مننا
مواضيعك دايماً بتظهر المناطق الإيجابيه وده شىء جميل جداً جداً
تحياتي

klmat said...

Abeer
عليكم السلام ورحمه الله وبركاته
انا كمان شايفه انها
افضل اعلاميه والبرنامج جميل
ومفيد وقوى وهى اساس النجاح
بذكائها واسلوبها الجميل
وبتوصل لهدفهابلباقه
سعدت وشرفت بتعليقك
تحياتى وسلامى

klmat said...

عزيزتى لومى
انا معاكى فى كل كلامك
وسعيده جدا ان خالاتك متابعين
البرنامج .بس انا شايفه
ان الاميه موجوده بس الوعى
مش قليل القنوات الفضائيه
رفعت الوعى فى ناس مش بتعرف تقرأ
وتكتب بس بتشوف الجزيره
وغيرها .
اسعدتنى وشرفتنى بكلامك الجميل
حقيقى بفرح لما بتشرف مدونتى
تحياتى لك

nova said...

مذيعة متكلفة جدا مش عارف ليه حاسس انها بتمثل و كمان مابتعرفش تمثل عايشة فى دور الالتزام و انها تدافع دائما عن الحق وانها ملتزمة جدا لكن فى مواضيع كثيرة منها موضوع هشام طلعت مصطفى مرة معاه ومرة عليه ليس هناك مبدا محدد مرة هجوم وادانة و مرة دفاع !!!!