Monday, December 17, 2007

بدنا نجوز على العيد ونعمر بيت جديد


الجواز بدايه حياه جديده بمذاق مختلف . ممكن يبقى بمذاق العسل او الله لا يقدر بصل
المهم اعرف واحده اتجوزت وبعد شهور بعيد عنكم ظهرت مشاكل كبيره فا قلت لها ازاى ده انتم فى شهور العسل
قالت لى لأ انتى مش فاهمه اصل الجواز زى البرميل نصه اللى فوق عسل ونصه اللى تحت زفت وانا فتحته بالمشقلب ضحكنا ربنا يعينها مع انها كانت عايشه مع زوجها قصه حب قبل الجواز .بس كان انانى وهى مع حاله الحب والرغبه
فى الجواز كانت بتتغاضى عن العيب ده وكان مش واضح بالصوره اللى شافتها بعد الجواز
القرار الخاص بالزواج ده فى رأيي اهم قرارفى حياه الانسان لأنه بدايه حياه جديده ونشأه اطفال حياتهم حاتتأثر
بالأم والأب يا أما سعداء واسوياء او الله لا يقدر عندهم مشاكل. علشان كده القرار ده محتاج رويه وصراحه مع النفس
وناخد بالأسباب وبعد كده نسيبها على الله وكل شيء نصيب
الجواز عن طريق الحب ولا العقل المفروض نوازن بينهم قدر الأمكان لننعم بحياه جميله
تلاقى واحد بيحب واحده جدا ولكن يراها بعيون المحبه التى قد لا ترى عيب جوهرى زى اللى كتبت عنها فى البدايه. وعندما ينصحه احد او يلمح للعيب يرد لأ ماانا حاغيرها او حابرمجها تبرمج مين يا عزيزى هى جايه مبرمجه جاهز . بل ممكن هى تبرمجك قدره البنات
فى الموضوع ده اعلى معلش احنا بنتكلم

فى الحقيقه ماحدش بيغير حد او يبرمجه واذا كنا لانستطيع تغيير انفسنا بسهوله طب حانغير غيرنا ازاى
الكمال لله فى عيوب ممكن التغاضى عنها او التكيف معاها ولكن هناك عيوب صعبه زى البخل والانانيه دول بيندرج تحتهم عيوب كتيره فالبخيل كذاب لأنه بيدارى مايملك علشان ماحدش يطلب منه حاجه . والبخيل مش بخيل فى الفلوس وبس حتى فى عواطفه او حتى فى الكلمه الحلوه يستخسر يطلعها والانانى كتر تفكيره فى مصلحته بيموت
اى حب لان الدنيا زى ما بيقولوا اخد وعطاء حتى الشخص اللى بطبعه بيحب العطاء بيشتاق ان ياخد ولو كل حين. والبخيل لا يعطى والعياذ بالله والانانى انا ثم انا مافيش حاجه اسمها ايثار او تضحيه عند اختيار شريك او شريكه حياتك ابعدوا عن البخلاء والأنانيين دول يتفات لهم بلاد
برضو الناس العاقله اوى ويحسبوها من ناحيه النسب والمركز الادبى والحاله الماليه على عينى وراسى بس لازم يكون
فى تجاوب وراحه نفسيه .فى ناس مريحه وتشعر بانهم قريبين لكن حسابات بس بدون راحه نفسيه صعب اوى فى الجواز

فكروا كويس اوى قبل الجواز دى عشره عمر وازنوا بين العاطفه والعقل . مع امنياتى بكل السعاده لمن يقبل على
اهم قرار فى حياه الانسان وهو اختيار الزوج او الزوجه
وطبعا الشرط الساسى فى الشريك ان يكون بيتقى الله لو حب حايكرم ويصون ولو كره الله لا يقدر لايظلم وحديث الرسول عليه الصلاه والسلام المعروف بظفر بذات الدين اللى بيخاف ربنا نطمئن اليه
وربنا يسعدكم

58 comments:

ماسة الحب said...

بصي يااميرة الموضوع ده لو قعدنا نتكلم فيه في 50 بوست الموضوع شائك جدا لان ارتفاع معدل الفشل في الزواج في الآونه الاخيرة زاد عن الحد جدا مما ادي الي المزيد من عدد الارامل والاطفال ده بقي مردوده الي غياب الوعي باصول الزواج وغياب دور الاسرة في التوعية بالتأني في الاختيار حاجات كتير بس الواحد لازم يحسبها من الناحية الدينية ان الزواج موده ورحمة والفة وانس
ويرضي الله في نصفه التاني
تحياتي علي اختيار الموضوع
وكل سنه وانتي طيبه

أمــانــى said...

كـل سنة وانتى طيبة وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

mohand said...

السلام عليكم

كل عام وانتي بالصحة والسلامة

غير كده بقي

انا متفق معاكي

ومن ترضون دينه وخلقه فزوجوة

الاخلاق والدين عاملين اساسيين في الزواج

ومن اهم الشروط
ربنا معانا جميعا

klmat said...

ماسه الحب
كل سنه وانت بالف صحه وعافيه
انا معاكى فى ارتفاع معدل الفشل
للأسباب اللى قلتها وانمتفقه معاكى تماما
ربنا يسعد الجميع ويوفقك ويسعدك يارب
سعيده جدا بتعليقك
تحيااااتى

klmat said...

امانى
اهلا بك ياقمر الجنوب
كل سنه وانت طيبه وكل حبايبك
طيبين وكل امانيك الحلوه تتحقق
نورتينى ياجميله حقيقى لك وحشه
تحيااااتى

klmat said...
This comment has been removed by the author.
klmat said...

mohand
السلام عليكم ورحمه الله وبركاته
كل سنه وانت طيب
والف صحه وعافيه
احنا متفقين فى الرأى
وربنا يسعد الشباب ويوفقه
للى فيه الخير
تعليقك بيسعدنى ويشرفنى
تحيااااتى

احساس لسه حى said...

عزيزتى
كل سنه وانتى طيبة
للاسف الجواز دلوقتى مبقاش علاقه بين اتنين مليانه محبة ومودة ورحمة
بقيت مصالح وحسابات ونظرة للمستقبل وده هيدينى ايه وده هستفاد منها ازاى وظل راجل ولا ظل حيطه وبنت ناس ومش مهم هى اهم شئ بنت مين
وبقه حوار الزواج مش بمشاعر حقيقية
الرجل معاه ايه والبنت بنت مين ده المهم
تحياتى يا سكر
ودايمن مقصر معاكى اعذرينى
سلام

kafrawy said...

والله


ممممممممممممممممم
عادى بقى


طيب

_كل سنة وسعادتك طيبة _

rack-yourminds said...

السلام عليكم

كل سنه وانتي طيبه وبصحه وبسلامه والاسره كلها يارب

معلهش انا مقرتش البوست بس ان شاء الله هقراه بعدين وكمان هقرا البوست اللي فات لاني معلقتش عليه

انا بقي عاوز العيديه بتعتي هههههه

تحياتي وسلامي ليكي

Doba said...

كل سنة وانتى بخير وبحب وبسعادة دائمة يارب انتى واسرتك الكريمة

لو الواحد مشى على تقاليد الاسلام فى الجواز هيمشى صح وربنا هيوفقه

تحياتى وامنياتى بالتوفيق دائما
هبة

الراقـــص مع الذئـــــاب said...

السلام عليكم
رزقك الله انتي وبنات المسلمين ازواج صالحين وزرية صالحة
كل عام وانت بخير
تقبل الله منا ومنك

sahr said...

كل سنة وانتي طيبة

Abeer said...

كل سنة وانتي بالف خير
ويارب كل الناس اللي مش متجوزة تتجوز باة

بالنسبة لموضوع الفشل في الجواز طبعا كل حاجة قسمة ونصيب وممكن تكون شخصيتين في منهى الاحترام بس مش متفقين مع بعض

يعني مش هزود كتير على كلامك اللي قلتيه

عالمى ازرق said...

كل سنه وانتى طيبه
وعيد سعيد عليكى وعلى كل اللى بتحبيهم

الأستاذ said...

ربنا يوفقك ويكرمك يارب وتلاقي إبن الذين .. قصدي إبن الحلال اللي يسعد حضرتك
كل سنة وحضرتك طيبة وعيد لذيذ عليكي
تحياتي

aliaa said...

كلمات اولا السلام عليكم
عامله ايه؟
اشتقت لموضوعاتك والموضوع ده تحففففففه بجد
الجواز فعلا قرار صعب اوى ولازم التفكير فيه بعقل مش قلب بس كل شئ برضو قسمه ونصيب ممكن تفكرى كويس فى الموضوع وبعقلك ومع ذلك يبقى نصيبك ان زوجك يبقى فيه عيوب كان مداريها عنك فى البداية وده حاجة الواحد مش يقدر يكتشفها الا اذا سأل واستفسر عن الشخص اللى هيرتبط بيه
وربنا يعين زميلتك دى وويهدى لها زوجها تحياتى ليكى
بس زعلانه عشان مش بتدخلى مدونتى ولا بتردى فيها

رحــــيـل said...

اميره
كل سنه وانتى طيبه ويارب يكون عيد سعيد عليكى
فعلا موضوع الجواز مش سها ابدا والاختيار بيكون صعب ومحير فى اوقات كتير
عارفه
انا مره زورت واحده صاحبتى كان متقدملها عريس لاقيتها ماسكه ورقه وقلم وبتتكتب فى المميزات والعيوب بتاعته
وايه اولاوياتها والحاجات اللى ممكن تتنازل عنها وعمله جدول وحوارت كتير كده
وبتقولى ايه رايك
انا شخصيا كان ردى عليه ان موضوع الجواز ده مينفعش يكون بالورقه والقلم وان الفيص النهائى مشاعرها تجاه الشخص ده يعنى لو هى حاسه انها مستريحهخ وفى قبول اكيد هتتغاضى عن حاجات معينة
انا شخصيا معرفش احسبها بالورقه والقلم فى موضوع الجواز ده نهائى
اسفه انى طولت بس فعلا موضوع فى كلام كتير
تحياتى وحبى

klmat said...

احساس لسه حى
كل سنه وانت طيب وبخير ومتنهى يااارب
انا معاك ده موجود بس برضوا فى ناس بتدور على الاخلاق والقيم واللى يصون بنتها ده موجود وانت معاك حق ظروف
المعيشه الصعب وقله الجواز خلت بنات كتير
تقول ضل رجل ربنا يفكها ويسعد الجميع يارب انا بعذر اللى بيتأخر عليا بيكون
مشغول او الموضوع نص نص المهم
اننا ندوام على المناقشه والزياره
دمت بصحه وعافيه

klmat said...

كفراوى
كل سنه وانت طيب
وكل امانيك تتحقق
امممممممم مش عارفه اقصدك ايه
امممممممممم ماعلينا
شرفتنى ونورتنى

klmat said...

rack-yourminds
السلام عليكم ورحمه الله
كل سنه وانت طيب وكل حبايبك بخير
ربنا يوفقك واشكرك على مرورك
تحياتى وسلامى

klmat said...

doba
ازيك ياهبه يارب تكونى انت واسرتك
فى اتم صحه وعافيه وكل سنه وانت طيبه
وانا معاكى تماما فى رأيك
وربنا يهنى الشباب كلهم يااااارب
تحياتى وسلامى

klmat said...

الراقص مع الذئاب
كل سنه وانت طيب
وزياره عزيزه
على فكره انا زوجه وام الحمد لله
ويارب اجوز اولادى
ياااااااااارب
ربنا يوفقك
تحياتى وسلامى

klmat said...

sahr
كل سنه وانت طيبه وبالف صحه وعافيه
تحياتى وسلامى

klmat said...

abeer
كل سنه وانت طيبه
واسرتك وكل حبايبك بخير
وانا متفقه معاكى فى الرأى تمام
فى كتير ناس موفقوش وتلاقى كل طرف منهم
لاغبار عليه بس بيكون فى اختلافات جذريه
مش باينه واحد عملى اوى وواحده
شديده الرومانسيه وحاجات تانيه كتيره
ربنا يسعد الجميع يااارب
ويحقق لك كل امانيك ويكتب لك
كل اللى فيه الخير
دمتى بصحه وعافيه

klmat said...

الأستاذ
كل سنه وانت طيب
والحمد لله انا زوجه وام
بس ربنا يوعد كل اللى متجوزيش
ويتجوز وعقبالك
تحياتى وسلامى

klmat said...

عالمى ازرق
كل سنه وانت واسرتك
وكل حبايبك بخير
وسعدت جدا بزيارتك
تحياتى ودعواتى بكل الخير
سلااااااام

klmat said...

aliaa
كل سنه وانت طيبه
واشكرك جدا جدا على كلامك الرقيق والجميل
وانا اسفه جدا جدا لعدم زيارتى
لك من مده طويله مع ان مدونتك
جميله ومفيده ومحترمه وجديره بالزياره
وانا فعلا زورتها وان شاء الله اداوم
وسامحينى وانا متفقه معاكى فى الرأى
بالنسبه لصحبتى هى من النوع اللى بيتكيف
وبتحبه وربنا يهديهم ويسعد الجميع
حقيقى شرفتينى ونورتينى ياجميله
تحياتى وسلامى

klmat said...

ra7eel
ازيك ياساره يارب تكونى بخير
وكل سنه وانت طيبه وكل خير يكون
من نصيبك قرار الارتباط من اهم القرارات فى حياتنا واضمن شخص هو اللى بيتقى ربنا ويخافه مع راحه نفسيه
وانت ماطولتيش ولا حاجه وبعدين دى مدونتك وارائك بتعجبنى
الجواز قسمه ونصيب بس ناخد
بالأسباب المنطقيه اصل طيب سمعه طيبه
وتقوى وربنا يسعد الجميع يااااااااارب
ربنا يوفقك
سلاااااااام

no chance said...

السلام عليكم
شوفى انتى كلامك صح طبعا
ومشكلة الناس انها بتفهم فترة الخطوبة غلط وبتفتكرها فترة حب مع انها فترة تعارف علشان كدة بعد الجواز بتبدا المفاجات تتوالى علشان همما عاشو فترة الخطوبة غلط انا من رايى ان فترة الخطوبة هى اللى بتكون فيصل فى اوقات كتير وبخصوص العيوب الجسيمة اللى انتى قولتيها طبعا لازم تتعرف قبل الجواز وتظهر
وعلى فكرة فى ناس بيكونو عندهم العيوب الكبيرة دى زى البخل والكدب وبيعيشو سعدا لانهم الاتنين زى بعض

ربنا يسعد كل زوجين
وعقبالى
كل سنة وانتى طيبة

مدحت محمد said...

اميرة
هو انتى جبتى من الاخر
لو واحد بيتقى ربنا
مكانش هيحصل نكد ولا مشاكل
فى اول الجواز
واديكى بتقولى حب
بس للاسف حب انانى
وممكن كمان ميكونش حب
لانه شكله زهق
منها فى اولها
اختيار الزوج او الزوجة
بجد امر صعب
ومحتاج وقت طويل للتفكير
خالص تحياتى وكل سنة وانتى طيبة

rack-yourminds said...

السلام عليكم

كل سنه وانتي طيبه والاسره كلها يارب

معلهش اتاخرت في التعليق

------

فعلا قرار الزواج مسئوليه كبيره ,وفيه ناس عازفه عن الزواج بسبب خوفهم من الزواج وما يترتب عليه مشاكل

عشان كده تلاقي فيه ناس بتحب حياة العزوبيه وشيفاها احسن من الزواج ومشاكله

دايما موضوعاتك هادفه

لي عوده اخري عشان اعلق علي البوست اللي فات لاني معلقتش عليه

تحياتي وسلامي ليكي

walaa said...

كلمات
كل سنه وانمت طيبه الاول

الموضوع ده غايه فى الاهميه علشان كده لازم الواحده تفكر الف مره قبل ما تخود هذه التجربه لان اى فشل فيها بتسبب مخاسر كتيير ليها ولازم يتدرسوا بعض قوى قبل الجواز على فكره فى حاجات المرأه بتتغاضى عنها فى الخطوبه بتمثل لها عائق كبير قوى بعد الجواز ويارب يفرح كل البنات والرجاله ويعيشوا حياه صافيه وهاديه

تحياتى لك ولاء

klmat said...

no chance
السلام عليكم ورحمه الله وبركاته
كل سنه وانت طيب وتفرح بنجاحك
ويسعدك ببنت الحلال اللى تسعدك وتسعدها ياااربوانا متفقه معاك فى الرأى تماما
ربنا يوفقك
تحياتى وسلامى

klmat said...

doha,
كل سنه وانت واسرتك وكل حبايبك بخير
وانا متفقه معاك فى رأيك وربنا
يوفقك ويسعدك ياااااارب
تحياتى وسلامى

3abdo me7tas said...

السلام عليكم ورحمه الله وبركاته
أولا كل سنه وانتى طيبة يا مدام أميرة
الموضوع رائع بجد
ولمس حاجات كتير اوى جوا الواحد
إختيار الزوجة او الزوج صعب صعب صعب بطريقة لا احد يتوقعها بجد
والحب بيغطى على حاجات كتير اوى
بس أقدر أقولك انى جربت ده وجربت ده
مش تسألينى إيه هما
المهم
انتى عارفه انا بختار الزوجة على إيه على أولادى إزاى تربيهم إزاى تخليهم قريبين من ربنا
كده يعنى
عشان كده أهم حاجه انتى قلتيها ان يكون الفرد التانى او الفردين بمعنى أصح قريبين من ربنا كويس اوى اوى اوى
من ناحية الحياه الاجتماعية برضه
انا عن نفسي لازم الانسانه اللى اختارها معاها مؤهل عالى ومن أسرة طيبة وكويسه
غير باقى الحاجات اللى كلنا عارفينها
فيه كلام كتير اوى اوى عن الموضوع ده
بس بصراحة موضوع فى الصميم
جزاك الله كل خير
وكل سنه وانتى طيبة

Unknown said...

سلام عليكم
ازيك عاملة اية
طبعا كلامك جميل بس قبلها لازم اقولك كل سن وانت طيبة جت متاخر معلش
وطبعا البخل والانانية صفتين او طبعين
لا يتغيرو ابدا
وربنا ما يوقعنا فيهم ويارب زوجك يكون تقي علشان انت تستاهلي كل خير والله
يلا سلام

klmat said...

rack yourminds
كل سنه وانت واسرتك وكل حبايبك طيبين
فعلا فى ناس بتخاف من الجواز خصوصا اللى
شاف حالات فشل عن قرب بس هوضروره وناخد بالأسباب وربنا يسعدك ويسعد كل الشباب
انت تشرف فى اى وقت تعليقك بينور مدونتى
تحياتى وسلامى

klmat said...

عزيزتى ولاء
كل سنه وانت واسرتك وكل حبايبك بخير يارب
انا متفقه معاكى تماما
ربنا يوفقك ويكتب لك كل خير
تحياتى وسلامى

klmat said...

3abedo me7tas
وعليكم السلام ورحمه الله وبركاته
انا الحمد لله بخير يارب انت تكون فى اتم صحه
وكل سنه وانت واسرتك وحبايبك طيبيين
انا معاك فى رأيك والحب بيغطى على العيوب فعلا وبيخللى الواحد يستحمل بس العيوب
المقبوله وربنا يرزقك ببنت الحلال وتكون
فيها كل المواصفات اللى بتتمناها
وتكون لك ذريه صاااالحه يارب
نورت مدونتى وربنا يوفقك
تحياتى وسلامى

klmat said...

my hope$
كل سنه وانت طيبه وكل اسرتك بخير يارب
انا بخير الحمد لله وكل امورى على مايرام
كلامك جميل واشكرك جدا عليه
وربنا يرزقك بانسان تقى يسعدك وتسعيديه
وتكونى اسره سعيده انت وكل البنات يااااااااااارب
تحياتى وسلامى

كاميليا بهاء الدين said...

ههههه
ازاى نوازن بين العقل والقلب؟
مراية الحب عمية آصلاً
وبعدين الحب فى حالات كتير بيغيب العقل
ومش تقدرى تشوفى العيوب، ده احيانا بنلاقى نفسنا نحب العيوب
بس بعد ماتروح السكره وتيجى الفكرة يكون فات الآوان
ههههههه

ربنا يستر

لكى كل الحب

egy anatomist said...

سيدتي

أراك أصبت الحقيقة في قلبها والخدعة في مقتلها

لا يوجد شئ إسمه القلب أو العقل.. أرى أن العقل بيت القلب أيضا.. بمعنى أننا عندما نظن أن هناك تعارضا فهو تعارض بين ما نظنه عن أنفسنا وبين أحد جوانب عقلنا الخفية عنا.. يعني اللي تحب واحد صايع وبايظ وتقول أعمل ايه في قلبي اللي بيحبه.. أعتقد أن عقلها أيضا هو الذي يحبه وأن جانبا فيها يهوى هذه الحالة ولا تناقض أبدا.. الإنسان الناضج هو من يتوحد بداخله القلب والعقل فيشعر أنهما واحد وليس اثنين

أضم صوتي لصوتك سيدتي وأحييك على مقالك الممتع

..

تحياتي واحترامي

klmat said...

عزيزتى كاميليا
كل سنه وانت طيبه وسعيده
انا معاكى ان مرايه الحب لاترى العيوب
او تقللها لابأس بس لو عيب خطير زى البخل او الانانيه او واحد منحرف وبيعرف يغطى على انحرافه بيجى دور الأهل والقريبيين بالنصيحه على الشاب او الشابه ان لايتشنجوا ياهو ده يابلاش هنا لازم نركز الأهل عايزين سعاده ومصلحه اولادهم نحاول نفكر فى كلامهم ونتخيل الحياه مع شريك منحرف او بخيل لازم العقل يشتغل شويه ونستفيد
من خبرات اللى سبقونا حالات كتير اتجوزت
عن حب وفشلت نتيجه تجاهل النصيحه
وربنا ينور بصيرتك ويسعدك انت وكل البنات والشبان
تحياتى وسلامى

klmat said...

egy anatomist
اهلا بحضرتك وكل سنه وانت طيب
انا مع حضرتك فى الحالات السويه بيتفق العقل والقلب معا .لكن احيانا بيكون فى ناس شديده المكر وبتضع قناع على غير طبيعتهاكالبخيل الذى يصرف كطعم فيما هو اثمن ممتلكات الزوجه مثلا
هنا بيجى دور الاب والأم واهل الخبره
ان يقوموا بنصيحه الابنه وتنوير بصيرتها
اقصدلابد من التحرى والتأكد من النوايا وربنا يسعد الجميع . تعليق حضرتك بينور مدونتى
تحياتى وسلامى

رئيس جمهوريه نفسى said...

لو جينا نتكلم فى موضوع الارتباط يبقى لازم يتدخل طرفين القلب والعقل لا جواز القلب بينفع لانه بيلغى حسبات العقل والنظره الموضوعيه فى الطرف التانى ولا نمشى بالعقل لانى بكده بتتلغى العواطف من الجواز وبتكون عباره عن حسبات ماديه يبقى لازم يكون فى مزيج متوازن بين الاتنين دون ضغيان حسبات على الاخره
وكل سنه وانتى طيبه

klmat said...

رئيس جمهوريه نفسى
كل سنه وانت طيب
وكل اسرتك وحبايبك بخير
وغالبا التوازن بين العقل والقلب بيجيب نتائج ناجحه
ربنا يوفقك ياااارب
تحياتى وسلامى

loumi said...

عزيزتي أميره

نصائحك جميله

ولكن المشاكل تشعبت كثيرا هذه الأيام

والإرتباط بقا أصعب

البنت إستقلت مادياً

فلم يعد الزواج مخرجا لها كما كان في الماضي
ولكن ما زالت القواعد الأساسيه في إختيار شريك وشريكة الحياه
هي المنجيه كما ذكرت في نهايه كلامك

تحياتي
وكل عام وانت بخير

سلوى said...

إيه الجمال ده

بجد موضوعك جميل

أنا متفقه معاك جدا
وخصوصا في نقطه إن ما فيش حد بيغير حد
واللي يقول أنا هغيره بعدين
بيكون واهم

بجد أحسنت
ربنا يوفقك أميرتي

اسامة يس said...

بصراحة نصائح في محلها ... واتفق معك البعد عن البخيل شرط جوهري ... فالبخيل بخيل في كل شيء في المادة والعاطفة... ولا يتبدل الا بشق الانفس ان تبدل.....

المشكلة ان الانسان كما تفضلتم هو ذاته هو هو فيصعب جدا ان يتغير فما بالك ان اراد ان يغير شخص غيره....
موضوعكم ثري ويحتاج الى نقاش مستفيض... لان في رايي يجب تغير المنهجية او الرؤية التي ينبي عليها فكرة الزواج في المجتمع الاسير لعادات باليه من تراكم الطلبات والاختيار على اساس المال والمال فقط ثم فكرة ان الزواج ذاته بيت لحياة روتينيه بحته تتكرر حد الملل فإذا بدا الزواج انتهى الحب بمقدار كل يوم يمر حتى اذا مر عام زال الحب ....
اسف على الاطاله
دمت بكل ود...
خالص تحياتي.

klmat said...

loumi عزيزتى
يارب تكونى بخير. انا معاكى المشاكل
بقت كتيره ومتشعبه واتمنى من الله
ان ينور بصيره الشباب عند الأختيار
ويسعد الجميع
واشكرك جدا وكل سنه وانت وسرتك بخير
تحياتى وسلامى

klmat said...

salwa عزيزتى
كل سنه وانت واسرتك وحبايبك بخير
والحمد لله اننا متفقين فى الرأى
واشكرك جدا على كلامك الجميل
دمتى بكل خير
تحياتى وسلامى

klmat said...

osama عزيزى الاستاذ
اهلا بحضرتك وزيارتك ليا بتسعدنى جدا
وانا مع حضرتك تما ما فى رأيك
واتمنى ان يكون الأختيار مش مادى وبس
واتمنى ان يدوم الحب على طول الحياه
سعدت جدا بتعليقك
وحضرتك ماطولتيش ولاحاجه
ياريت تطول لبن اسلوبك جذاب
ورأيك مستنير
ربنا يخليك
تحياتى وسلامى

Unknown said...

علي فكرة عندك حق جدا

موضوع الجواز ده حياة ومستقبل والاختيار فيه بيبقي صعب جدا
لأنه الخطأ في الاختيار معناه بجد انهيار حياة ممكن نعيشها قدام

ربنا يسترها معانا بقا
حاكم الاختيار عشان صعب مخلي الواحد مش عارف يقدم علي الاختيار أساسا

تحياتي

klmat said...

fanan fa2eer
اهلا بك ويارب تكونى عملتى كويس
فى الأمتحانات وبالنجاح الباهر
انشاء الله. هدفى من البوست ده
هو اللى انت كتبتى ان الموضوع مش
سهل وده مستقبل وحياه وحايترتب
عليه مسئوليه سعاده الاولاد
علشان كده لازم ندقق وربنا يسعد
الجميع وينور بصيرتكم
سعدت جدا بتعليقك
ربنا يوفقك

و القادم....أجمل said...

السلام عليكم

الموضوع جميل و مهم فعلا يا ميرة
لازم نفكر و نستخير
و نفكر اوووووي كمان
بس للأسف و أنا مضطرة أقول الكلمة دي

" الجواز زي البطيخه "

جملة صحيحه مليون المية
مهما طالت فترة الخطوبة
و مهما دققنا
فيه انواع فنانه في اخفاء الصفات المكروهه
سواء بنت او ولد

الله المستعان

دعواتك باه يا ميرو

;)

تحياتي و حبي

:)

klmat said...

القادم اجمل
اهلا بك يالولو واحشتينى جدا
جدا . كل سنه وانت طيبه
وانا معاكى فى رأيك تماما
فى ناس بترتدى اقنعه وبتعرف تسبكها
ربنا ينور بصيرتك وبصيرتنا
كلنا ويكتب لك السعاده يااارب
واشكرك جدا على كلامك الجميل
ربنا يوفقك ياااااارب
تحياتى وسلامى

حبة حاجات (ايمان) said...

والله مافى احسن من المتدينه وعارفها حدودها وحدود غيرها

احييكي