Wednesday, December 12, 2007

جميله .....بس


من يومين وبتتردد فى ودنى اغنيه الرائع وجيه عزيز من حقنا نحلم ولو كده وكده وحسيت ان الأغنيه دى بترجم مشاعرى وبتقول اللى نفسى فيه كلمات الاغنيه بتقول
من حقنا نحلم و لو كده وكده
ونشوف الدنيا حلوه مع انها مش كده
نفرح حبه ثوانى واصرخ واقول بحبك وتقوللى قولها تانى قولها تانى
من حقنا نحلم . نحلم بس وخلاص ونقوم الصبح عادى ونقابل نفس الناس
نحلم حتى بسكات
ونشوف حاجات حاجات
مثلا مثلا الناس سعيده وشاطره مش بليده وقريبه وبعيده بتحضن بعضها
مثلا مثلا مافيش جراح والخنقه بقيت براح وانا لو تعبت ارتاح فى حضن قلبها
مثلا مثلا الكون جمــــــــــيل والنيل بقى الف نــــــــيل
وطن مالوش مثيل فى الدنيا كلها
المهم بقى مسيطر عليا الحلم انى اشوف مصر نظيفه وبتبرق وناسها مبسوطين والبسمه على وجهوهم والسعاده بتطل
من عيونهم .المهم وانا فى عز الحلم ده قابلت صديقه كانت فى فرنسا مرافقه لزوجها واستمرت هناك لمده
اربع او خمس سنوات ورجعت لادخال اولادها المدارس كانوا طفلين جمال سن 4 و5 سنين
كان الاولاد بحكم وجودهم هناك بينطقوا العربى وعليه الاكسا الفرنساوى فمثلا البرتقاله يقولوها بورتقاليه
الفراوله فوروليه وهكذا المهم قلت لها على وجيه عزيز والحلم فكرتنى لما قلت لابنها شفت ياحبيبى مصر جميله ازاى فهز راسه بمعنى لأ
قلت له ايه لسه ماشفتهاش ولا مش جميله قاللى لأ جميله بس زباليه
ضحكت انا وصحبتى بس كان صعبان عليا ان حتى الاطفال مش عجبهم مستوى بلدنا خصوصا فى حته النظافه
ورغم كده كان صوت وجيه عزيز فى ودانى
مثلا الكون جميــــــــــــل والنيل بقى الف نيل
يارب يحقق احلامى واشوف بلدى زى مابيكتبوا على المدارس جميله نظيفه ومتطوره

38 comments:

Abeer said...

الحلم افضل كتير من الاستسلام للمشاعر السلبية
انا باة مسيطر عليا اليومين دول
محمد منير

لو في يوم راح تنكسر لازم تقوم واقف كما النخل باصص للسما

ياريت كلنا فعلا نحاول نتغلب على المشاعر السلبية اللي جوانا ونحلم مجرد حلم

أمــانــى said...

بــــــخ
ازيك وحشتنيى يا قمر
حتى انا معاكى نفسى اشوفها حلوه نفسى اشوفها نظيفة نفسى اشوف اهلها مرتاحين مش مقهورين وتعبانين هما تعبوا وانا تعبت معاهم
بس اكيد بكرة احسن من النهاردة ولا ده حلم

klmat said...

abeer
اهلا لاهلا ياعبير يارب تكونى بخير
طبعا اقل حاجه نحلم وان شاء الله نحقق احلامنا. منير ده الملك وكمانوجيه عزيز
فنان مميز اوى اوى الناس
دى فنانين بجد مش ممكن يختلط عليكى صوت منير او وجيه وانا معاكى ضد الاستسلام
يارب كل احلامك الحلوه تتحق
كل سنه وانتى طيبه
وعيد سعيد عليكى وعلى كل حبايبك
تحياتى وسلامى

klmat said...

امانى
ازيك يا امانى بخ انتى
واحشتينى اوى اوى الف حمد الله
على سلامتك وكل سنه وانتى طيبه
وكل امانيك الحلوه متتحققه ياااااارب
لكى وحشه ياامانى انا كل شويه
الاقيكى لسه ماظهرتيش بس شوفت المعايده
الجميله نفس امنياتك لبادنا انا كمان
بتمناها وبأذن الله تتحقق امانينا بأيدنا
وانشاء الله بكره اجمل من النهارده
عايزه اشوف تدويناتك الجميله
ربنا يوفقك ياااااااارب
تحياتى وسلامى

mohand said...

السلام عليكم

هيكون كده صدقيني

بينا احنا بس متفقديش الامل


تحياتي
وقريب هتزوري مدونتي وهتعرفي انه قريب

رئيس جمهوريه نفسى said...

رغم اعجابى الشديد بالبوم وجيه عزيز الاخير كامل متكامل لانه بيعبر عن تجربه جديده فى الغناء المصرى والعربى بس ما علينا
البوست بتاعك وحلمك فكرنى باغنيه محمد منير قبل ما تحلم فوق واحلم وانت فائيق عارفه من حقنا نحلم بس للاسف احنا عايشين عصر الانا بكل انواعها فى الشارع المصرى فعلشان ده يحصل لازم يكون حلمك مشروع قومى بقناعه داخليه لكل مصرى
بس عموما الحلم مش عيب

رحــــيـل said...

عزيزتى اميره
شوفى هو بصفه عامه اغانى عزيز وجيه تحفه بجد
البوم ملوش حل
اما بالنسبه للاحلام
فلو بطلنا نحلم نفوق
بس المشكله لما نفوق من الحلم على واقع مهزوم
ربنا يسترها معانا
خالص تحياتى وتقديرى

Unknown said...

هههههههههههههههههه
ضحكتى اوى الولد وهو بيقول انها زبالية

هى فعلا زبالية و أوى أوى كمان

بس بردو .. لو بطلنا نحلم نموت
:)

Unknown said...

الاطفال بريئه وشفافه
اللي شايفينه بيقولوه
بدون تزويق ولا تجميل
فعلا زباليه دا الواقع
بحلم معاكي ان يجي يوم نشوف
فيه
الزباليه بقا نضافيه وجماليه و تقدميه
قولوا اميييييييييييين

no chance said...

سلامو عليكم اولا
بصى والله انا رايي ان الحلم الحقيقى هو مش ان البلد تنضف شوارعها الحلم بجد هو الحرية والديموقراطية وانك تحسى بالامان وانتى فى مصر
نفسى اختار انا رئيس للدولة
واحس انه رئيسى مش رئيس الحكومة علشان نتقدم بقى شوية كفاية تاخر وتخلف

ملحوظة ..فين باقى القصة بتاعتنا انتى مش هتكتبى الجزء الرابع ولا اى؟
انا كل يوم ادخل المدونة بتاعتك علشان اقراه بس مش بلاقى حاجة
يا ريت تبطلى وعود الحكومة بتاعتك دى ههههههههههه

تحياااااااااااااااااااتى

klmat said...

mohand
وعليكم السلام ورحمه الله وبركاته
ان شاء الله بلدنا حاتكون جميله
وربنا حايحقق كل احلامنا
انا عندى امل كبير لسه فى ناس مخلصه
سعدت جدا بتعليقك وحالا طيران
على مدونتك
كل سنه وحضرتك طيب
وكل احلامك الحاوه تتحقق ياااارب
تحيات وسلامى

klmat said...

رئيس جمهوريه نفسى
اهلا بك وكل سنه وانت طيب
وانا معاك فى رأيك ان المفروض
ان حلمنا يكون جماعى ومشروع قومى
وجيه عزيز رائع بس مش واخد حقه
اعلاميا ومنير رائع طبعا
وربنا يحقق احلامنا يارب
رأيك منطقى جدا
تحياتى وسلامى

klmat said...

ra7eel
ازيك ياساره يارب تكونى بخير
اناقرأت البوست بتاعك بس عايزه
اتروى فى الرد وانا موضوع القرارات والأختيار ده كنت ناويه اكتب فيه
اما بالنسبه لوجيه عزيز فعلا رائع
بس للأسف مش كل الناس تعرفه محتاج
يكون له تواجد فى الاعلام اكتر
الاحلام مالناش سلطان عليها لو مش
قادرين نحققها على الأقل نحلم
بس انا عندى امل كبير ان الحلم بأذن الله
حايتحقق وربنا يلهمك الصواب
وينور بصيرتك ياااارب
كل سنه وانت طيبه
تحياتى وسلامى

truelove said...

عارفة يا اميرة يمكن لما نقنع نفسنا بأن الي حوالينا كله جميل يجي في يوم ونسعي للجمال ده من غير ما نشعر وكن جميلا ترى الوجود جميلا

klmat said...

انسانه
ازيك كل سنه وانت طيبه
مبسوطه انى ضحكتك بس يارب بلدنا تبقى
فوليه وجمييليه
وان شاء الله احلامنا تتحقق
تحياتى وسلامى

klmat said...

mask
اهلا بك وكل سنه وانت طيب
وانا معاك فى برأه الأطفال
ان شاء الله تبقى فولييه
وجمييليه يارب
تحياتى وسلامى

klmat said...

no chance
اهلا بك وكل سنه وانت طيب
واحلامك تبقى حقيقه
اكيد طبعا كلنا بنشاركك نفس
الحلم .بس انا اتأثرت اوى بمقطع
الأغنيه مثلا الكون جميل والنيل بقى الف نيل ونبتدى بالحلم الصغير
اللى فى ايدنا نحققه بعادات صحيه
مش حاتكلفنا
اما بخصوص الجزء الرابع انا اضفيت
تحديث بعد نشر الجزء التالت بيوم او اتنين فى اضافه صغننه ياريت تقرأها
علشان تتأكد انى مش زى حكومتنا
اللى منها لله
كل سنه وانت طيب تانى
تحياتى وسلامى

klmat said...

troue love
اهلا بك وكل سنه وانت طيبه
شوفى كن جميلا ترة الكون جميلا ممكن
لكن اقنع نفسى بالنظافه
وانا شايفه غير كده صعب شويه
هى محتاجه جهود منا كافراد
بشوف ناس راكبهعربيات اخر موديل
وبيرموا اكياس الشيبسى من الشباك
بس ان شاء الله احلامنا تتحق
شرفتينى ونورتينى

ماسة الحب said...

عارفه يا اميرة الاطفال هما اللي مليانيين براءة ومبيكدبوش
بس الاغنية بتاعة وجيه جامده موت الراجل ده بجد يهبل
وانا معاكي اننا نشوف مصر جميلة
حتي اونيكس اللي كانت سهرانه علي جمالك يااسكندرية
دلوقتي خلاص الحقوا بقي يااسكندرانيه قبل ما تبقي شبه القاهرة مش هتبقي زبالية هتبقي .......

klmat said...

ماسه الحب
اهلا بك وكل سنه وانتى طيبه
وجيه عزيز رائع نفسى ينتشر اكتر
انا عرفته قريب مع انه بدأ من نهايه الثمانيات .انا اقصد بمصر كل المحافظات طبعا .انا معاكى الطفال بتحكم بعفويه وبرأه ربنا يحقق احلامنا يااارب
ويوفقك اسعدتينى
تحياتى وسلامى

مدحت محمد said...

انتى فكرتينى بمقال لسة قاريه ليوسف معاطى
كان بيقول
انى الحلم افظع من الكوابيس وتأويله
انى السبب
لما بيشوف كوابيس
بيصحى على حقيقة
بيحمد ربنا عليها
فبيفرح اوى
ولما بيحلم
بحاجة حلوة اوى
فبيصحى
على واقع مؤلم اوى
فبيعتبر انى الاحلام افظع من الكوابيس
انا مع اللى بيحلمو
اذا مافعلو
ليحققو الحلم دون الحلم لمجرد الهروب من الواقع
خالص تحياتى

walaa said...

جميل قوى اللى اننا نحلم بمصر جميله بس ازاى وكلنا واقفين نتفرج عليها
بنحلم اه لكن ما بنحولش نحقق الحلم
وعلى فكره كل اللى بيسافر بره بيقول غلى مصر جنب البلاد التانيه ولا حاجه حتى الاطفال لحظوا هذا الفرق
مع ان بلادنا ام الدنيا
ليييه شايفين بلادنا بتدمر وافين نتفرج

kafrawy said...

اعتقد ان البهات بتوعنا

و انت اكيد عارفهم مخلوش
حاجة نحلم بيها

حتى الحلم استكتروة علينا

ربنا ع الظالم و المفترى

egy anatomist said...

حقا منتهى القسوة

لا أقصد الأطفال

أقصد الشعور القاسي في حلوقنا جميعا ... قسوة العجز مع الرغبة.. العين التي تبصر واليد التي تقصر

قسوة بلا حدود

الكل يبحث عن طريق

فالبعض يصرخ والبعض يبكي والبعض يتطرف والبعض يهرب والبعض ينحرف والبعض يتعرى والبعض ينتقب والبعض يرمي بنفسه في البحر

والانتظار حي يسعى

..

كل إعجابي وتقديري لك سيدتي

..

تحياتي واحترامي

klmat said...

do7a ,
اهلا بك وكل سنه وانت طيب
يوسف معاطى كاتب ساخر وظريف جدا
واللهى عنده حق
انا كمان معاك نحلم بس نحاول ننفذ
ان شاء الله احلامنا حاتتحق
سعدت جدا بتعليقك
وتدوينك الأخيره جامده كالعاده دايما
تحياتى وسلامى

klmat said...

walaa
اهلا بك وكل سنه وانت طيبه
للأسف فعلا كل اللى بيسافر حتى لبلاد
مش متقدمه يلاقينا احنا اقل
منهم لله اللى وصلونا للحاله دى
بس فى ناس كتير اوى نفسها تعمل حاجه
بس اللى بالى بالك بيكتفوهم
ربنا يصلح حالنا واحلامنا تتحقق
بأيدنا ان شاء الله
تحياتى وسلامى

klmat said...

كفراوى
اهلا بك وكل سنه وانت طيب
البهوات دول عايزين الحرق
بس لو بطلنا نحلم نموت
ان شاء الله حايتغير حالنا بأيدينا وللأفضل مرحله وتعدى بس يارب ماطولش
وكفايه علشان نعيد فى بيتنا
تحياتى وسلامى

klmat said...

egy anatomist
اهلا بحضرتك وكل سنه وحضرتك طيب
انا معاك شعور قاسى جدا
اننا نشعر بالعجز + بنشوف اللى
بيحاول يعترض بيحصله ايه
بس ان شاء الله نحاول نحقق احلامنا
بأيديناوربنا معانا
سعدت جدا بتعليق حضرتك
شرفتنى ونورتنى

كاميليا بهاء الدين said...

يارب يتحقق الحلم ده

بجد الواحد بيصعب عليه اوى لما يبص حواليه يلاقى المدينة اللى فيها بتبرق من النظافة ويفتكر القاهرة عاملة ازاى؟

من حق كل انسان ان يحيا ويرى الدنيا فى عينيه نظيفة

لك حبى

كاميليا

klmat said...

كاميليا
اهلا بك وكل سنه وانت طيبه
سعيده جدا بتعليقك وربنا
يحقق احلامنا الجميله وتبقى حقيقه ياااااارب
دعواتى لك بكل الخير
تجياتى وسلامى

الأستاذ said...

ههههههه
جامدة جداً
عجبتني أوي حتة زباليه دي
أنا بعشق حاجة إسمها الأطفال بس الأمامير الحلوين دول مش العيال البايخة التانية دي
لكن صدقيني أصدق كلام هتاخديه من الأطفال لأنهم ببساطة لسة متعلموش يكدبوا والدنيا لسة متعرفش تضحك عليهم فتضحك علينا إحنا وإحنا بنضحك منهم ومن كلامهم
ده غير إن ضحكهم برضه صادق يعني رغم إن الموقف كوميدي إلا إنه في قمة الدراما والميلودراما كمان
مع أطيب تمنياتي إن مصر ترجع كويسيه
تحياتي

klmat said...

الأستاذ
اهلا بك فى اول زياره لك واتمنى ان تتكرر
اناكما بشاركك فى حب الأطفال الأمامير
وربنا يحقق احلامنا ونشوف بلدنا
فى مكانه متقدمه يااارب
كل سنه وانت طيب
شرفتنى ونورتنى

3abdo me7tas said...

السلام عليكم
إزيك يا مدام أميرة أنا عارف انى مقصر أوى انى مش باجى من زمان المدونة بتاعتك بس زى ما انتى شايفة انا جيش وشغل وبتاع كده من مواعيد
البوست ده بالذات لازم نعمل فيه حاجه واحدة بس
أو كلمة واحده تكون تعبير للبوست كله وهى
نحلم
مظنش انها ممكن تبقى حقيقة لو قلنا ان الحكومة هى السبب لالالالا
الناس كمان جوا السبب
احنا لو جينا وكل واحد بدأ بنظافة مكانه ممكن نبقى حلوين
بس مش يتهيأ ليا ان ممكن الناس كلها تعمل كده
دا فيه ناس متعرفش تعيش الا فى الزبالية على رأى الواد الأمور بتاع فرنسا
أنا سعيد بجد يا مدام أميرة إنك لسه فاكرانا
وأنا مقصر أنا عارف بس بجد غصب عنى

سلوى said...

كل شئ بيبدأ بحلم
المهم إننا نحاول نحققه

بس برضه حلو الأمل

دمتى بكل ود عزيزتي

klmat said...

3abedo me7tas
السلام عليكم ورحمه الله وبركاته
ازيك عامل ايه .يارب تكون فى اتم
صحه وعافيه. انا بخير والحمد لله
لا انا ولا اى حد حايكون نساك
انا كنت كل ما ادخل
الاقى مافيش جديد
وكنت عارفه طبعا ان جالك استدعا بس
كنت بظن اسبوع وترجع المهم كنت
سعيده جدا لما لاقيتك كاتب وكمان عيد ميلادك كل سنه وانت طيب على فكره
حاتلاقى كتير من المدونين زييى كده
كانوا بيزوروا مدونتك الجميله
انا معاك ان فى ناس مش بتحافظ على النظافه ربنا يهديهم بس عارف لما يلاقوا الشوارع نظيفه ممكن يتكسفوا
ولما يكون فى مكان فى صناديق القمامه
مليانه على الأخر وعليهاقطط
فى ارقى الشوارع ان شاء الله اللى جاى يكون افضل
كل سنه وانت طيب والف حمد الله على سلامتك وربنا يقويك يااااارب
سلااااااااام

klmat said...

salwa
اهلا بك وكل سنه وانتى طيبه
ان شاء الله احلامنا حاتتحقق
نورتينى وشرفتنى

rack-yourminds said...

اولا انا بجد لسه هعرف وجيه عزيز,ده مطرب قديم ؟

----

حكاية الشوارع اللي مش نضيفه دي بجد بتضايق الواحد ,تلاقي كل واحد ماشي في الشارع واي حاجه معاه بيرميها في الارض مع اني ممكن تكون جنبه او قريب منه سله يرمي فيها الحاجات دي !!حاجه بجد تنرفز

تحياتي وسلامي

klmat said...

rack yourminds
اهلا بك ويارب تكون فى اتم صحه
وجيه عزيز مش قديم بس له خط مميز
انا عرفته قريب بس عجبنى اوى اللون بتاعه مختلف قريب من خط سيد درويش
انا معاك فى ناس بتكون راكبه عربيه
اخر موديل ويرمى علبه السجاير من الشباك جاجه مش ظريفه ابدا غير ان صناديق القمامه تلال منظر غير حضارى
واكبر اساءه للأسلام ربنا يصلح حالنا
يااارب
ربنا يخليك ويكرمك واشكر جدا
تحياتى وسلامى