Monday, February 25, 2008

زهره الكاميليا


هى ابنتى التى لم انجبها احبتها فى الله دون اى معرفه شخصيه من اشعارها وجدت فيها انسانه رقيقه حنونه محبه للحياه محترمه ومتدينه ولكنها تعانى فى صمت تشتاق كطفله صغيره الى حضن امها التى افتقدتها تتذكر ايامها معاها وقسوه الايام وافتقاد الحنان بعد رحيلها . اشعر بغربتها وهى فى بلدها كل من يقرأ مدونتها يستشعر مدى رقتها وعذوبه كلماتها وموهبتها انسانه بكل ماتعنى هذه الكلمه من معانى ساميه حتى من لا يميل للشعر يحب اشعارها كما انها تمتاز بخفه دم وذكاء بتظهر من تعليقاتها قامت مؤخرا بغلق مدونتها لمعانتها التى لاتريد ان تكتب عنها او تتضح فى كتابتها حتى لا تزيد الامها حبيت اقولك ياكامى انى اتمنى ان تستمرى فى الكتابه لانك موهوبه ولك محبين كتير وان شاء الله يكون لك مستقبل باهر وربنا يقويكى ويبدل احزانك بافراح يااااااااااااااارب كاميليا بحبك اوى واستشعر انك تشعرين بى . انا مش موهوبه زيك والا كنت كتبت فيكى شعر بس انا عايزاكى تعرفى ان كل اللى بيدخل مدونتك بيحبها جدا وده معناه انك انسانه شفافه وتتحب وبتخطفى القلوب ربنا
يسعدك ياكامى وترتبطى بانسان جميل زيك وتكونى اسره جميله وتجيبى لنا زهور صغننه جميله زيك
لما حبيت امر عندك كعادتى لقتيك بتعتذرى وبتقفليها لأ ده انتى تستمرى وتطلعى طاقتك فى الكتابه فكرى تانى ياكامى
وربنا ينور بصيرتك ويلهمك بكل ماهو صواب حقيقى انا مش عارفه اعبرلك عن شعورى لكن عارفه انه واصلك
انا عايزه اقولك انى تهمنى راحتك وسعادتك وغلق المدونه فى اعتقادى لا يخفف الألم اكتبى ياكامى
دى وسيله للفضفضه انا لا املك الا الدعاء لك بالفرج والفرح وان يبدل الله احزانك بالسعاده
يارتينى كنت جنبك اقدر اضمك وامس دموعك واخفف جراحك
اكثرى من الدعاء والصلاه ولاتبكى فان الله معك ومعك قلبى ودعائى
خالص شكرى وتقديرى لابو خالد الذى طلب منى مناشده كاميليا لعدم غلق مدونتها الجميله
تحديث
كاميليا الرقيقه ذات القلب الطيب والمشاعر المرهفه شعرت بمدى حبنا لها وتقديرنا لمدونتها الجميله
وموهبتها الفائقه وقدرتها على التعبير باسلوب سلس وجميل استجابت لعدم الغلق
مبروك لنا ودعاؤنا لكى ياكامى بالتوفيق والسعاده واشكرك جداااااااااااااااااااااااااااااااااااا

28 comments:

انسان بلا عنوان said...

عارفة اليوم اللى عرفت فيه انى كاميليا قفلت المدونة كان يوم مقرف فعلا حسيت انى فقدت شىء مهم فى حياتى
تحياتى ليكى واستجدائى لكاميليا كى تعود
عمرو

Mo3Az said...

انا صحيح مش عارف صاحبة المدونة
ولكن نسأل الله ان يبدل حزنها فرحا
وان يجعل لها من امرها يسرا

جميل منكم الوفاء
:)

Mo3Az said...

صحيح
استأذنك يا فندم
فقد وضعت مدونتك فى المفضلة عندى بدون استئذان

لانه يشرفنى ذلك

My Hope$ said...

ربنا يهديها وان شاء الله يكون حاجة بسيطة وترجع تاني هي مدونة جميلة فعلا
سلام

Anonymous said...

سيدتى الفاضلة
لك خالص إحترامى وتقديرى و كنت أشعر أنك تحبين زهرة الكاميليا لذا طلبت من حضرتك تكتبى لها لانها ممكن أن تقرأ مدونتك و تتراجع ,و عن نفسى لو أنى لى مدونة كنت أفردتها لزهرة الكاميليا حتى تعود مرة ثانية و أنا فعلا أعتبرها بنت من بناتى فهى فى عمر أولادى و من تعليقاتى فى مدونتها كنت أشعر بأنها إنسانة رقيقة جدا و لم تلتقى بعد بمن يستحقها فهى من الشخصيات الجميلة التى تشعرين وأنتى تحدثيها و كأنها أبنتك أو أشد
مرة اخرى لك عظيم شكرى و تحياتى على نبل قلبك و المعانى الجميلة التى تكتبين دائما عنها
..
أخيك أبو خالد

walaa said...

مش عارفه اقولك ايه يا اميره
هى فعلا انسانه رقيقه وحساسه قوى تصدقى يا اميره انا كمان حبتها من كتبتها ويمكن انا قولتلها الكلام ده
انا بعت ليها على الايميل بتعها
وقولت ليها انك ممكن تحذفى البوستات اللى بتسبب ليك الم
هى ردت عليا وقالت انها اتعذبت كتييير
وكرهت التدوين قوى
ومش عايزه ترجعله تانى
صدمه كبييره عليها قوى يا اميره متعرفيش انا قد ايه حزينه علشانها
انا كمان نفسى اضمها واقولها سلمتك من كل اللى جرحوكى يت زهرة الكامليا
وجميله قوى روحك العاليه دى با اميره علشانها انت كمان انسانه قوى
وحنونه قوى
انت ام حنونه يا مرمر
ولاء

كاميليا said...

حبيبتى

كنت قد وعدت نفسى أن لا أحرمها من قراءة كلمات من احببتهم عبر السطور
ان لا امنعها من ان تراكم على بعد
حتى اخفف عنها
وكنت قد وعدت نفسى أننى سأغلق التعليقات على بوست الوداع حتى لا اعذبها
ولكن يبدو ان الحب والوفاء لايعترفا بالابواب المغلقة
بل ينفذا مع ذرات الهواء

اعتذر لكى
وهذه اسبابى

http://kamiliaty.blogspot.com/

تحياتى لقلبك الرقيق
جزاك الله كل الخير

كاميليا

Anonymous said...

Both of u are nice personalities.

Sherif

عصفور المدينة said...

يا اخوانا أنا تعودت أن هذه القرارات تكون مؤقتة

مدحت محمد said...

والله العظيم انا لما لاقيت مدونتها اتقفلت حصلى حالة اكتئاب رهيبة بحد
فعلا مكنت بفوتلها بوست
وخصوصا بوست الام
اد ايه حسيتها متاثرة بوالدتها
الله يرحمها
انا اتمنى انها ترجع تكتب من تانى
ونشوفها منورة التدوين

rack-yourminds said...

بجد انا بتضايق كتير لما حد من اخواتنا المدونين يفكر في غلق مدونته او غلقها بالفعل ,ودايما بسأل اللي بيفكر يغلق مدونته ,انت هتقفلها ليه ,هل بسب حزنك وضيقك !!طيب هو انت لما تقفلها هل الضيق والحزن هينتهي بعد قفل المدونه ,عندما يكون الواحد منا مهموم وحزين بيكتب في مدونته عن حزنه وعن ضيقه وبيلاقي اخواته المدونين بيقفوا معاه وينصحوه ,لكن في حالة قفل المدونه هيشتكي لمين ,عشان كده يا ريت اخواتنا المدونين ميتسرعوش في قفل مدوناتهم

شعور طيب منك يا اخت كلمات.ربنا يبارك فيكي ويحفظك

تحياتي وسلامي

klmat said...

انسان بلا عنوان
اهلا بك ياعمرو انا كمان بتمنى ان كاميليا ترجع تكتب تانى والاهم ان
ربنا يسمع دعائى ويفرجها عليهاويسعدها
لانها تستاهل كل خير
اشكرك جدا
تحياتى وتقديرى

klmat said...

mo3az
اهلا بك يامعاذ واشكرك جدا جدا
على شعورك الجميل وكلامك اللطيف
وربنا يكرمك واضح جدا نبل اخلاقك
عارف فى ناس بتلاقى نفسك حاسس بهم
وبتنتظر كتابتهم وتعليقاتهم
ربنا يوفقك ويكرمك
تحياتى وتقديرى

klmat said...

معاذ
يافندم ده شرف ليا انا
ربنا يخليك وتكون سبب لاسعاد الاخرين
ويسعدك اشكرك جدا جدا
عميق تحياتى

رئيس جمهوريه نفسى said...

هى كامليا قفلت البلوج والله ما اعرف يارب تكون رجعت تانى

kafrawy said...

و انا من هنا بناشد كاميليا
بالا تغلق البلوج

وبعدين يا كاميليا سيبية مفتوح

انتى فاتحة بفلوس يعنى

ههههههههههه
انا بهرج معاها يا كلمات

تحياتى ليكم

Doba said...

من قرائتى لكلماتك احسست بالفعل مدى تكنيه من مشاعر لكاميليا واعلم جيدا انه احساس صادق لانه بلا مقابل

انا سعيدة جدا رغم كل شىء بوجود هذه المشاعر والاحاسيس بيننا على الغرم من عدم معرفتنا الشخصية ببعض

تحياتى لكى وللأسرة
ودمتى بكل الخير
والامان

هبة

رئيس جمهوريه نفسى said...

الف حمد لله على سلامه كامليا وشكرا بجد لانك منعتى واحده من ارق المدونات والمدونين من اغلاق المدونه بتعتها فلكلى من كل قراء وزوار مدونه كامليا الى بعتز انى واحد منهم كل الشكر والتقدير

3abdo me7tas said...

مش عارف اقول ايه

klmat said...

رئيس جمهوريه نفسى
اهلا بك واحمد لله لرجوع كاميليا
وربنا يفرجها على الجميع هى مدونتها جميله واشكلرك جدا على المتابعه ومش انا
لوحدى اللى حاولت الحقيقه كتير جدا
مجهودهم مشكور
تعليقك عندى بيسعدنى جدا
خالص تحياتى

klmat said...

kafrawy
اهلا بك منور . كاميليا سمعت
كلامك وبعدين يعنى لو كان بفلوس
كنت مش حافتح خليها فى سرك بعدين
يدفعونا عليه
اشكرك جدامع خالص تحياتى

klmat said...

my hope$
ازيك يامنى يارب تكونى بخير
والصحه تمام الحمد لله لرجوع كاميليا
وربنا يحقق امانيها ويسعدها
ويديكى الصحه والعافيه وراحه البال
وكل الدعوات الحلوه
خالص تحياتى

klmat said...

اخى العزيز ابوخالد
ده انا اللى بشكرك جدا وربنا يخلللى لك
اولادك وتفرح بهم واضح من كلامك مدى صدق شعورك وحبك لكاميليا وكأنها ابنتك . وصدق مشاعرنا لكاميليا هو اللى رجعها الحمد لله
ربنا يجعلك دايما سبب لكل الخير ويديم
العلاقات الطيبه وتبادل الاراء
ربنايوفقك
خالص تحياتى وتقديرى

klmat said...

عزيزتى ولاء
كاميليا
انسانه روحها جميله علشان كده حبناها
ودخلت قلبنا وانتى كمان ياولاء من الناس
اللى تدخل القلب وتتحب وميرسى
جدا على كلامك الجميل عنى انتى الأحسن
ربنا يخليكى ويخلى كاميليا ويديم
المحبه بينا وفعلا ياولاء انتى اسم على مسمى
ربنا يحقق كل امانيكى ويوفقك ياااااارب
خلصى حبى وتقديرى

klmat said...

حبيبتى كاميليا
الف حمد وشكر لتعليقك ولتنويرك
عندى ورجوعك لمدونتك اسعدنى جداااااااااا ربنا يخليكى ياكامى
ويوفقك ويديم المحبه بنا
واللى جاى يكون كله سعاده يارب
خالص حبى ودعاتى بكل الخير

klmat said...

sherif
enta el a7san , rabna yea7'alik
we yeaktb lk kol e;l 7'air ya raaaab
salaaaaaaam

klmat said...

عصفور المدينه
اهلا بحضرتك الحمد لله ان
لقرار مؤقت الضغوط كتيره
اتمنى لك التوفيق
خالص تحياتى وتقديرى

klmat said...

مدحت محمد
اهلا بك شعورك واصل لانه حقيقى
الحمد لله انها رجعت وربنا يخليها
ويخليك . خلتك تعلق عندى :)
يارب حاله الاكتئلاب تكون انتهت
وربنا مايحئيب اكتئاب تانى
سعدت بتعليقك
خالص تحياتى وتقديرى