Tuesday, March 11, 2008

السميائى ساحر الصحراء

السيميائى ساحر الصحراء
دار الهلال
ده اسم قصه تأليف باولوكويليو وترجمه بهاء طاهر وهى اكثر القصص مبيعا فى العالم
اسلوبها اكثر من رائع وخلاب ... تحفه
ده غير عمق المعانى والدروس
المستفاده من كل صفحه دون ملل بل شعور باستمتاع ونشوى لا استطيع وصفها كما تسمتع وانت تسمع موسيقى تحبها وتشعر بان روحك سعيده او كما تكون مع داعيه مؤمن له اسلوب جذاب بيخاطب عقلك وروحك من اجل تدعيم ايمانك فيها لمسات جميله عن الاسلام
هى اشبه بالحدودته التى تجذبك بشده ولاتستطيع ان تؤجل قراءتها من فرط جاذبيتها وتأثيرها المدهش والممتع فتأخذك فى عالم اشبه بالأساطير ولكنه زاخر بالحكم والدورس المفيده فى حياتنا وتثبت معانى إيمانيه منها أن الإنسان لا يستطيع أن يهرب من المكتوب عندما تكون الاشياء مقدره فلا سبيل لتفاديها ,وأن عدم معرفتنا بالمستقبل رحمة بنا فإن كان شيئا حسنا
فسيكون بمثابه مفاجأه
حسنه وان كان شيئا سيئا فكنا سنقاسى ونتألم فى انتظاره
وندرك ان الحكمه نأخذها من اشياء قد نراها بسيطه وعاديه
الروايه عن شاب ترك الدراسه رغم توسل أسرته له بدراسه اللاهوت إلا انه يحب الترحال
فقرر ان يكون راعى للأغنام لانها الوسيله المتاحه للترحال فى أوان القصه
" لاحظ ان وظيفه الرعى عمل بها معظم الانبياء " لا أعلم إن كانت مقصودة أم لا لكننا نستنتج أنه تعلم منها
اشياء لا يمكن تعلمها
من المدارس تعلم ان هناك لغه غير لغه الكلام وهى التى كان يتفاهم بها مع غنمه
وكان دائم القراءة ومحب لها .رأى حلم يتكررعن مكان كنز وذهب الى عرافه فسرته
بوجود كنز حقيقى عند اهرام مصر التى تستغرق وقت طويل للوصول اليها .
فقرر ان يقطع رحله طويله مملؤه بالمخاطر والاثاره للوصول للكنز
كما انه سيضطر لبيع غنمه و يصادف بائع كريستال يعمل عنده سيتعلم منه الكثير ويعلمه ايضا
ويتعرض لمواقف وعلامات تتعدى لغه الكلام لغه خفيه فيتعلم الحكمه وفهم الذات وان لكل انسان حلم يأمل ان
يحققه فى شبابه ولكن قوى لا يدركها تحاول ان تنحيه عن تحقيق حلمه وتحقيق ذاته بكثير من العقبات
التى تصل خطورتهالدرجه انه كاد يفقد حياته وسرقه كل مايملك لكنه يرى علامات تحثه
على المثابره لتحقيق حلمه وتفعيل ارادته وفى هذه الرحله التى عانى فيها الكثير
يتعرف على حبيبته ويتعلم اشياء لا يمكن معرفتها لو لم يقم بهذه الرحله المثيره ويقابل السيميائى
وهو بمثابه العالم الكيميائى ذو الخبره والحكمه وهو من يرافقه
فى هذه الرحله الرائعه ويتعلم منه الكثير
ويعى ان على الإنسان أن يتخذ قرارته بنفسه
وان هناك إشارات وعلامات تعتبر بمثابه رسائل من الله تساعدنا على تحقيق احلامنا ولكن لمن يعيها
وأن أثمن كنز هو الحب الحقيقى وانه يجب ان نستمع الى قلوبنا وان إراده الإنسان أقوى من الخيال
فاذا أردنا ان نتنحى عن امور فرضت علينا من الآخرين وجب علينا ان نختار ونقرر بانفسنا مانريد ان نفعله
كما ان الكنز الذى نبحث عنه قد يكون بالقرب منا جدا .
هذه بعض الحكم الموجوده فى القصه المكتوبه باسلوب غايه فى الروعه وحجمها مش كبير 180 ص
. قصه جديره بالقرأه اقرؤها ولن تندموا بل ستستمتعوا وتستفيدوا جدا

49 comments:

سمراء said...

لقد قرأت الرواية بل وقرأت معظم روايات المبدع بولو كويلوا
اضيف لمعاني السميائي أن الكنز في الرحلة التي قام بها فقيمتنا تكمن في رحلة او مسيرة حياتنا
ادعوك لقراءة باق مؤلفاته
فرونيكا تقرر ان تموت - الجبل الخامس- احدي عشر دقيقة - الزهير - مكتوب - حاج كمبوستلا

اشكرك

انسان بلا عنوان said...

ربما اكون قد سمعت عن هذا الرجل سابقا لكنى لم اقرا له
وهذه الكلمات التى كتبتها عن الرواية تذكرنى بكتاب للدكتور محمد كامل حسين
اسمه الوادى المقدس
بيتكلم عن حاة الانسان للحب والقيم الدينية وبيحللها من منظور سيكولوجى
بس قوليلى هوا فيه مكان تانى غير دار الهلال ممكن اجيبه منه
تحياتى
عمرو

Sherif said...

أولا أشكرك على هذا العرض الشيق

أنت تقومى برسالة غالية جدا خصوصا لهؤلاء الذين يحتاجون ان يكون اليوم تلاتة حتى يقرأوا كل ما يريدون قراءته

جميل أيضا ان تؤدى الحكمة الى ماقاله سيدنا محمد عليه السلام

لو علمتم الغيب لاخترتم الواقع

هناك الكثير من كنوز العقل كالمنابع الجميلة التى تصب فى نهر واحد

أشكرك مرة أخرى

Anonymous said...

اختى الفاضلة/أميرة
أجمل ما يكون التلخيص جزاك الله خير الجزاء و توقفت عند عبارة كتبتيها وهى "فاذا اردنا ان نتخلى عن ادوار فرضت علينا من الآخرين فعلينا ان نختار ونقرر بانفسنا مانريد ان نفعله "أدعوا الله الا أكون ممن ينطبق عليه هذة العبارة فلقد كلفت إنسان ذو قلب كبير بمهمة صعبة و أخشى أن أكون قد أثقلت عليه دمتى سعيدة
أخيك أبو خالد

Anonymous said...

I will try to read it later.

Sherif

ايوية said...

اثمن كنز هو الحب الحقيقى
فعلا اثمن كنز فى الوجود هو الحب الحقيقى لو وجدناة فى حياتنا لكسبنا كثرا
ارجو انك تقوللى اين اجد الرواية فى المكتبات العادية ولا مكتبة محددة

عاليا حليم said...

شكرا على المعلومة ححاول اجيبها و اقراها و اقولك راى

آلام وآمال said...

والله كلامك عنها شوقني لقراءتها
ان شاء الله اجيبها لأن واضح فعلا انها حلوة

الف شكر ليكي
:)

monaliza said...

اشكرك على ترشيحك هذة القصة بالذات فواضح انها مثمرة

كاميليا said...

أنت حلم لا يتكرر – زار الأرض في ليله اجتمعت فيها الفصول الأربع ثم لملمت عباءتك السحرية عليهم وطويت معها قلب كان ينبض بنسيم العشق ورحلت

السيميائي - باولو كويلهو
ألكيمست
.......

هى فعلا قصة غاية فى الروعة
وبها من الحكم والدورس التى تصل بنا الى قمة الدهشة

اشكرك على عرض هذا الموضوع
وتذكرتى بالكتاب

دمت بكل الحب

klmat said...

عزيزتى سمراء
اهلا بك . عارفه انا فعلا قررت
انى اقراكل روايات باولوكويليو
انا قرأت عن حياته الشخصيه
ومعاناته ودور ارادته فى نجاحه
ان شاء الله اقرأه كلها
سعدت جدا بمرورك
مدونتك جميله جدا مش مجامله
خالص تحياتى وتقديرى

klmat said...

انسان بلا عنوان
اهلا بك ياعمرو . الجميل فى الروايه
ان النصائح غير مباشره والاسلوب اخاذ
انا حصلت عليها من دار الهلال وثمنها
8 جنيهات وعرفت من صديقه لى ان بعض
دور النشر بتقوم بطبعها طبعه فاخره
بس غاليه. ربما تكونموجوده فى المكتبات التى
تبيع القصص اتمنى ان تحصل عليها وتعجبك
خالص تحياتى وتقديرى

klmat said...

sherif
اهلا بك وانا اللى اشكرك عن كلامك الجميل

فى القصه اشارات جميله عن الاسلام مثلا
بائع الكريستال كان حلم حياته الحج
واكتر من لفته عن سماحه الاسلام فى السياق
مثل ان اطعام الجائع بدون مقابل
واجب عند المسلمين ورغم ان فيها حاجات
خياليه لكنها لها تأثير على الروح او
هذا ماحدث معى بعد القرأه كنت فى حاله
نشوى اتمنى ان تسعدوا بها
خالص تحياتى وتقديرى

klmat said...

اخى العزيز ابو خالد
ماكتبته ليس رأيى ده مااستنتجته من القصه لا ضرار ان نطلب معاونه من الآخرين
طالما كانت فى مقدورهم ولكن كل السعاده
عندما نحقق احلامنا بأيدينا
تمنياتى لك بالتوفيق

klmat said...

sherif
I hope u can read it,
with all good wishes

klmat said...

عزيزتى ايويه
اهلا بك . انا معاكى تماما مافيش
اغلى ولا اثمن من الحب الحقيقى
فهو بمثابه الهواء الضرورى للحياه
السعيده . انا حصلت عليها من دار الهلال
وثمنها 8 جنيهات ولدى كتب الناشر
بتاعها دار الهلال ولكنى حصلت عليهامن
احدى المكتبات الموجوده فى المول
اتمنى ان توفقى فى الحصول عليها من مكتبه قريبه منك . مرورك عندى بيسعدنى جدا
وكل سنه وانتى ومدونتك الجميله
طيبين مع خالص حبلى وتقديرى

klmat said...

عزيزتى عاليا حليم
وانا فى انتظار رأيك لأنه يهمنى جدا
ربنا يكرمك
مع خالص حبلى وتقديرى

klmat said...

آلام وامال
اهلا بك ويارب تكون بخير
ومبروك المدونه الجديده
واتمنى ان تقرأها وتقوللى رايك
مع خالص تحياتى وتقديرى

klmat said...

monaliza عزيزتى
اهلا بك وانا ارشح مدونتك للقرأه
لانها كلها معانى جميله ربنا يكرمك
سعدت جدا بمرورك عندى
مع خالص حبى وتقديرى

klmat said...

حبيبتى كاميليا
سعيده جدا انك قرأتها
مش عارفه ليه كان نفسى اوى تكونى
قرأتها وكويس انى فكرتك بها
ربنا يسعدك ويفرح قلبك
خالص حبى وتقديرى

sabrina said...

واحدة من رواياتي المفضله للأبد
أكتر حاجه عاجبينا انه كان بيقول كلأم طول عمري مؤمنه به.....مع أن باولو كايلهو من بلد تانيه وثقافه أخري
الراعي كان بيدور علي كنزه اللي عايزه اللي هو الذهب
ولكن ربنا عايزه يلأقي كنزه الحقيقي اللي هو حبيبته
thankx 4 u make me remember it!

المفقوعة مرارتها said...

مادمتي قلتي الرواية حلوة هاادور عليها وأقراها بس علي ضمانتك

رئيس جمهوريه نفسى said...

شرحك للقصه رائع بجد مكانه جريده اخبار الادب بس نسيتى انى كويليو حاصل على نوبل الادب بس نسيت العام بتاع الجائزه الزهايمر بقى

غربة وطن said...

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

منى said...

كلمات
ان سمعت عنها
لكن مقرتهاش
لكن كلامك وبعض التعليقات شوقونى ليها
ان شاء الله فى اول اجازه هحاول اجيبها واقراها
طالما عجبت كلمات الرقيقه
تبقى اكيد تحفه
تحياتى

يا مراكبي said...

أنا بأسعد جدا لما بأعرف إن لسه فيه ناس بتقيل على القراءة بالشكل ده

بجد نشكرك على هذا الملخص .. وفرتي علينا وقت كتير .. يا ريت تنشري حاجات زي كده تاني

Special Designer said...

قصة جميلة فعلا

وملخصاها بشكل جيد
وهي مفيدة جدا جدا والحكم جميلة

أنا بس افتكرت حديث لو سمحتي أقوله
قال رسول الله صلى الله عليه وسلم
" لو أنكم تتوكلون على الله حق توكله لرزقكم كما يرزق الطير تغدو خماصا وتعود بطانا "

يارب مكنش غلط في كتابته

Special Designer

loumi said...

تسلم إيديكِ يا أميرة

إن شاء الله
حأشتريه في أقرب فرصه

وأقول لك رأيي بعدها

أنا بقيت عايزة ميزانيه مخصوصه

:):):)

دمتِ بكل خير

momken said...

كلامك عن الروايه شدنى ليها جدا
كفايه اوى اسم بهاء طاهر عليها علشان تكون شىء يستحق القراءه
انتى كمان اسلوبك ماشاء الله عليه
تنفعى اديبه
او مترجمه على الاقل

تحياتى

Abo 7anf said...

روايه كويسه معناها هايل لان عمر ما كان التعليم فى المدارس بس
لانى متاكد ان الحياه هى اكبر مدرسه
واكيد ربنا بيقدر الخير لينا

مروة الزارع said...

بجد كلامك خلانى لازم اقراها

اشكرك على البوست دة

مدونة جميلة جدا

:)

walaa said...

فعلا كثير من القصص
بيكون لها فكره وبتحاول توصل هدف
اعدك انى سوف اقرأها
بس بيكون فى تحقيق امال فوق قدرة الانسان لانها بتكون من قدرة الله
تحياتى ولاء

la3lahakhier said...

تحياتى اول زيارة
شوقتينى للكتاب
امنياتى الطيبة
لعلها خير

klmat said...

saprina,
اهلا بك وسعيده انى فكرتك بها صحيح
باولو كويليو ثقافته غيرنا لكن المشاعر
الانسانيه واحده كلنا بشر والقصه كلها
بتدور عن القدر والمكتوب والاراده
والصدف والاحلام ودى موجوده فى كل مكان واى زمان علشان كده مؤثره
thank u 4 your nice visit ,with all
good wishes
سلاااااااااام

klmat said...

المفقوعه مرارتها
سلامه مرارتك . هاتها وان شاء الله تعجبك
على ضمانتى
نورتى مدونتى
خالص حبى وتقديرى

klmat said...

رئيس جمهوريه نفسى
اهلا بك ياريس . ميرسى على المدح الجميل
ده من ذوقك
ربنا يكرمكك
خالص تقديرى واحترامى

klmat said...

غربه وطن
اهلا بك ووعد بزياره قريبه بأذن الله
خالص تحياتى وتقديرى

klmat said...

منى
اهلا بك . ربنا يخليكى ويارب
تعجبك واشكرك جدا على كلامك الجميل
اللى بيسعدنى جدا
خالص حبى وتقديرى

klmat said...

يامراكبى
انا اللى سعيده بتشريفك عندى
على فكره فى ناس كتيره اوى بتقرأ
وربنا يكتر اسباب السعاده
ان شاء الله انشر اللى قرأته واثر فيا
قريب
خالص تحياتى وتقديرى

klmat said...

special designer
اهلا بك . وسعيده ان التلخيص عجبك
اتمنى دايما نتبادل الاراء
خالص تحياتى وتقديرى

ammola said...

احلى كلمات...سعدت بقراءتها والتعرف على صاحبتها

klmat said...

loumi عزيزتى
اهلا بك منورانى كل سنه وانتى طيبه
اسفه اتاخرت فى الرد اعذرينى

اتمنى ان تعجبك ياريتنا كنا جنب بعض كنا
نبدل مع بعض .ربنا يكرمك
خالص حبى وتقديرى

klmat said...

momken
اهلا بك . وميرسى على كلامك الجميل
مش عارفه اقولك ايه
بس انا معاك اى حاجه كاتبها بهاء طاهر اقراها بشتريها بدون تردد
نورتنى مع خالص احترامى وتقديرى

klmat said...

abo 7anf
اهلا بك ومرحب سعيده بكلامك ومرورك
عندى شرفتنى
مع خالص تقديرى واحترامى

klmat said...

مروه الزارع
اهلا بك يامرمر وسعيده جدا
برأيك وميرسى على كلامك الجميل
ويارب دايما نتبادل الاراء
انتى كمان مدونتك جميله وجديره بالقرأه
خالص حبى وتقديرى

klmat said...

walaa
اهلا بك يالولو . اتمنى ان تعجبك
هى فيها خيال كتير بس فيها متعه
وبتطلعى بحكم كتير ونوع من الهدوء
المبنى على ان يكون عندنا يقين بالمكتوب
ربنا يكرمك
خالص حبى وتقديرى

klmat said...

l3lha 7'air
اهلا بك نورتينى . مدونتك جميله
وفيها صدق وواقعيه
اتمنى لك كل الخير
خالص حبى وتقديرى

Benson_Bosa said...

رواية جميلة جداً دورت عليها كتير عالنت ، بس نفسي أجيبها ، هدور عليها إن شاء الله في دار الهلال

klmat said...

Benson bosa
هى فعلا جميله . ان شاء الله تلاقيها فى دار الهلال
سعدت جدا بمرورك
خالص تحياتى