Sunday, March 16, 2008

مين الخسران


توسلت اليه بدموعها الحاره لكى لا يتركها لم يكن توسلها حبا فيه وان كانت لم تكرهه
فهى لا تعرف الكراهيه ولكن حبا فى توفير جو عائلى لبناتها الصغار وحفاظا على الشكل الاجتماعى واملا فى تغييرهه
ولكنه لم يأبه لتوسلها ولا لدموعها
واتهمها بالاهمال والنكد وتركها ظلت تبكى وتراجع تصرفاتها فوجدت انها كانت دائما تتنازل
من اجل اسعاده
كم زارت اصدقاء له لم تكن تشعر اتجاههم باى موده لاجله
كم من مرات تعمد عدم مرافقتها فى زيارتهالاهلها بحجج واهيه وتسبب فى احراجها

كيف اعطته كل مالها لكى يبدا مشروعه و كم مره تنازلت ان تشترى ماتحتاجه لتوفر له
كم مره حاولت ان تشاركه اهتماته وسهرت فى انتظاره لتعد له العشاء بينما هو يلهو
كم انفقت على اهتمامها بنفسها كى تروق له لم تندم على كل هذا يمكن لو لم تفعل لندمت لتقصيرها.
هو لم يحبها وتزوجها بناء على رغبه اهله تمنيت حبه ولكن القلب له احكامه حاولت جاهده ان يحبها ولكنه
لا يراها فقلبه وعقله مع اخرى ما ذنبها فليدعها وشأنها . ان كنت لا تحبنى فقلبك ليس ملكك
ولكن لا تظلمنى هكذا كانت تقول لنفسها
وبعد ذرف الدمع الغالى وشعورها بالخزى واهتزاز ثقتها بنفسها
يكفى ان ترى فى نظره من يعلم قصتها سؤال لماذا هجرها مما زاد من آلامها
وبعد ضياع وقت ليس بالقليل ركزت تفكيرها على بناتها وكيف تحميهم من تكرار ماحدث لها
وعودت نفسها ان تعيش مستقله وتعتمد على نفسها وتسعد بناتها وتكون هى ايضا سعيده
كم من زوجه فقدت زوجها والحياه مش بتقف .
هجرهه لها فيه قسوه وجرح غائر فى القلب والروح واسئله محرجه وفضول وطمع ممن يحيطون بها .
بعد الصدمه ومرحله فقدان الاتزان عاد لها الهدوء النفسى ولم يكن لديها وقت للحزن بين عملها
ورعايه بناتها وشغل البيت كانت زحمه الواجبات نعمه من ربنا حتى ان جراحها تعافت
كان كل همها ان تنشأ بناتها سويات فكانت لا تذكره بسوء كل اللى بتقوله طباعنا مختلفه
وكانت تهتم بزيارتهن لابيهم اسبوعيا حفاظا على صله الرحم ولوعيها ان حب الاب حب غريزى
وحتى تضمن لهن صحه نفسيه سليمه فلا تحرمهمن من رؤيته خوفا عليهن من الشوق اليه بينما
هو مش فارقه معاه وان كانت تخشى ان يفسد صورتها امامهن الا ان هذه الزياره بمرور الوقت
وكبر البنات وزياده وعيهن كان سبب اكتشاف قد ايه والدهم ظالم و انانى
ولا يهتم الابذاته وانه افسد صورته هو دون قصد بينما هى تزداد كفه محبتها كل يوم
ووجدت فى بعده عنها سلامه وطمانينه فلم تعد ترى علامات خيانته والاستهتار بمشاعرها
ونعمت بسلام نفسى وتوطدت علاقتها بالله وبعد ان ظلت سنوات تلوم نفسها بان يمكن لو فعلت كذا كان افضل او
ان لم تفعل كذا كان الاصح كما كان يوهمها دائما انها غلطانه ومش فاهمه حاجه يااااه كم كانت صبوره
كان المقربين منها يقولون لها بكره يندم فكان هذا الكلام يؤلمها اكثر من ان يصبرها
فعدم ذكره افضل سعدت وهى ترى بناتها متفوقات بل ان لديهن وعى اكثر منها
اتصلت بها عمتها لتهنئها بعيد ميلادها ودعت لها بان الله سيعوضها عن تضحياتها ابتسمت وقالت
الحمد لله وقالت فى نفسها
ابدا لم اكن مضحيه بل سعيده وفائزه فقد عشت امتع لحظات حياتى وانا ارى بناتى من الطفوله
الى مرحله الشباب بتركيز كبير
كم كانت سعادتها وقت ظهور نتائجهم بتفوقهن كم مره ذهبت معهن لترى نشاطتهم الفنيه وكانت فخوره بهن
اسعد الاوقات فى لمتهم وهن يشاهدن فيلم فى التليفزيون مع اكياس اللب والسودانى والفشار
وسماع ضحكاتهن وقفاشتهن
حتى شجارهن كان طفولى وبرىء يعقبه جلسات مصالحه وضحك من القلب ذهابهم للسنيما وتبادل ارائهم
لقد ضاع منه وقت جميل ومنحها اياه .
لو استمرلكان سيفسد هذه المتعه باختلاق مشاكل لا وجود لها .
فعاشت طفولتها وشبابها من خلالهم مره اخرى كم هى سعيده وراضيه عن حياتها وعن نفسها.
لو استطاعت لشكرته لبعده عنها لقد منحها قوه لم تكن تحلم بها بل سعدت بها
لاهو عايش مع حبيبته فعاش سعيدا او حاول ان يراها ويرى بناته فهنأ نفسه وهنأهن
تمتمت فى سرها هو الخسران
هذه التدوينه كتبتها من حوالى شهر واحتفظت بها لانى كنت ناويه اعيد صياغتها وبعد ين عرضتها على صديقه لى
تعانى من نفس الظروف عجبتها وحمستنى لنشرها كما هى

53 comments:

Anonymous said...

أختى أميرة
إنها أم عظيمة رائعة تستحق جائزة فى الدنيا أما فى الأخرة فقد و عدها الله الجنة فى أحاديث كثيرة من فرغت نفسها لتربية أبناءها .
أختى أميرة أرجوا منك الدعاء لى بظهر الغيب أنتى إنسانة نقية من زمن جميل.
أبو خالد

klmat said...

الأخ العزيز ابو خالد
هى اخذت جايزتها فى الدنيا حب اولادها
واحترامهم ورضا النفس المهم رضا الرب
هى اتقيت ربنا فاخرجها من كربها
اشكرك جدا على ذوقك الرفيع وكلامك الجميل
ده كتير عليا اما عن دعائى . يارب ياسميع
الدعاء ينور بصيرتك ويرضا عنك ويفرح قلبك ويخلى لك اولادك والباقى
حادعيه مع نفسى حتى لااطول عليك
خالص احترامى وتقديرى

ammola said...

عارفة يا أميرة...الانسان لو يعرف ان لكل امريحدث وجهين وجه ايجابى واخر سلبى لعرف كيف يستفيد من تجاربه ولكن للاسف حين المصيبة بعضنا يستغرق جدا فى التألم وتعداد ما ينقصه او فاته بفقد الاخر-وخاصة فى الطلاق-فى حين انه لو فعل كما فعلت بطلة تدوينتك لما توقف لحظة ولاستخرج من بين الاشواك زهورا جميلة
اسلوبك جميل ويجعلنى استرسل معك واتابع بسلاسة
تحياتى لك

منى said...

يااااه
هى دى الروح الجميله اللى بتشوف فى كل شئ اجمل ما فيه
هى مفكرتش فى الوحده وتحمل المسئوليه كلها
واحساسها بانه فضل عليها حد تانى
كل ده كان فى اتلصدمه الاولى بس
اما اللى فضل معاها
احساسها بحب بناتها وفرحتها بيهم
وبكل تفاصيلهم
هو ده هو ده
هو ده الحب الحقيقى
وهو ده القلب الحقيقى
كان المفروض تصعب عليه
لكن خلتينى افرح بيها وافخر انها ست
كلمات
لكى كل التحيات

Abo 7anf said...

دايما بحب اسمع انا الكسبان
ومشغلش بالى بشعور الخسران
لانه ضيع حاجات كتير حلوه من ايديه
وميستهلش الغفران
بس بوست جميل جدا

mohand said...

الاطفال هما اللي خسرانين

لا اب ولا ام


علي فكره دخلت امبارح عششان اعلق

لاقيت البوست متشال

كان زماني اول المعلقين

تحياتي

ايوية said...

هية ام عظيمة تحاملت على جراح الزوجة وعالجتها بروح الام
وان كان لى راى مختلف فانا لا الومة هو بل الوم اى اهل يغصب ابنائة وبناتة على زواج لا يرغبون فية وهم لا يعرفون من يظلمون يظلمون اسرة كاملة حتى لو استمرت تستمر تعيسة
تحياتى للقصة الجميلة

كاميليا said...

أجمل ما فى الحياه
القناعة بما تعطيه الحياه

وقد قنعت
وابدعت
وعوضها الله عن قلب واحد
بقلوب خلقت من قلبها

ربنا يسعدها

كاميليا

Anonymous said...

Dh mn a7la el klam ely 2rith.

Rbna bygazy el sabreen.

Sherif

عاليا حليم said...

اكيد طبعا هو الخسران بس لو كان خلا عنده دم شوية و تنحى عن انانيته جانبا كان يفهم أن الأطفال هم أكثر الخسرانين فى الموضوع ده

الحكايات دى بجد بقت تتعبلى نفسيتى و مش عارفة اخرت ده ايه و كل حاجة ليه كده على الست لوحدها

كالعادة موضوع مهم

تحياتى

عاليا حليم said...

أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء

la3lahakhier said...

اعرفها
واعرف مثلها كثيرا
تحياتى لهن ولكى
لعلها خير

klmat said...

ammola
انا متفقه معاكى تما يااموله زى مابيقولوا كل شىء فى اوله صعب وطبيعى كبشر نحزن ولكن علينا ان نؤمن بالقسمه والنصيب ونحاول ان نعيش سعداء ده بيسعد
حبايبنا من الأهل والاصدقاء وبيكون فى
عزه والحياه مش بتقف
سعيده جدا برأيك وتعليقك وان شاء
الله دايما نتبادل الاراء
مع خالص حبى وتقديرى

klmat said...

عزيزتى منى
اهلا بك انتى قلتى هدفى من التدوينه
دى عارفه النموذج ده انا اعرفه عن قرب
هى تشعر انها محظوظه اكتر من ان يكون معاها شريك مخالف يتعبها وعاشت سعيده
حتى ان والدتها ووالدتها كانوا فى البدايه
خايفين عليها من الصدمه لكنهم الآن فخورين بها
كلامك جميل وسعيده جدا به
خالص حبى وتقديرى

klmat said...

abo 7anf
جميل اوى ان الواحد يشوف
انه كسبان انا معاك لا يجب
ان ننظر للوراء وننعم بما فى ايدينا
اشكرك جدا سعدت بتعليقك
مدونتك جميله جدا
خالص احترامى وتقديرى

Whispers just for a Night said...

السيدة Klmat

كم يطيب لنفسي أن تكون أولى زياراتي لمدونتك الكريمة أن أقرأ هذا النموذج الرائع لهذة السيدة المتفانية التي لم تندم أبدا على عطائها لزوجها -نسأل الله لنا وله الهدايه.

كم كان مريحاً للعين أن ترى أمثال هؤلاء النساء الائي غمرهن نماذج اليائسات والبائسات من نساء لا يستطعن الوقوف على أقدامهن وهن على شاطئ الأمان وجل ما مروا به تجربة أرتباط فاشلة. إليهن نهدي هذا النموذج المفضال.

أكثر الله من أمثال هذة المرأة الرؤوم التي بندر وجودها في مثل هذا الزمان

ولأن من الأدب ألا آتيكم في أول زيارة لي بيد خاوية...فاسمحي لي أن أهدي إليك -سيدتي- هذا الموضوع من مدونتنا المتواضعة حول كاتبك المفضل السيد الوالد عبد الوهاب مطاوع رحمه الله في الرابط أدناه
http://kawlansadida.blogspot.com/2008/03/blog-post_18.html

أحترامي وتقديري

klmat said...

mohand
اهلا بك ازيك. انا فعلا كنت عايزه
اغير العنوان واعيد كتابته. اعتبر نفسك
اول تعليق الموضوع مش باولويه الحجز
انت تشرف فى اى وقت
. عارف هى وجهات نظر
يعنى ممكن نقول ان كل الاطراف خسرانه
لانها بشر وطبيعى تكون محتاجه زوج يشاركها حياتها لكنها من النفوس الراضيه.ممكن يكون زوجها مش خسران لانه اختار البعد واكيد الانسان بيختار الاكثر راحه اماحته سعادته بالاطفال
ممكن تكون بالنسبه له وجع دماغ فى كده

اما الاولاد لو عايشين مع اب قاسى بينكد عليهم ويأخرهم عن مذاكرتهم الانفصال فى هذه الحاله افضل ولاشك ان فيها جرح لهم

المهم ان الواحد دايما يحمد ربنا على الاحداث الخارجه عن سيطرته وكويس ان امهم بتعوضهم
طولت عليك بس علشان بقالك كتير لم تقم بالزياره استحمل سعدت جدا بتعليقك
خالص تحياتى وتقديرى

klmat said...

ايويه
اهلا بك .عارفه انا معاكى ان غلط ان
الاهل يغصبوا هم ممكن يرشدوا لكن هو فين
ارادته وبفرض ان اهله غصبوا عليه ولم يحبها فاما يرحمها ويطلقها او يستمر معاها ويحاول يقرب لكن الهجر فيها قسوه وحرام شرعا هو انانى
سعيده جدا انك اثارتى حته الاهل اللى بيغصبوا انا معاكى دول بدل مايسعدوا
بيظلموا هو ومن تزوجها واولاده
الله ينور عليكى وفعلا الست اللى تواجه المشكله دى وتفكر بروح الامومه بتسعد
نفسها واولادها
عميق حبى وتحياتى وتقديرى

klmat said...

كاميليا
كلامك جميل جدا . القناعه والرضا
من اهم عوامل السعاده
خالص حبى وتقديرى

klmat said...

sherif
we dh mn agml el t3likat
rabna yeaktb lk kol 7'air yaaaaaaaarb
many thanks 4 your comment

klmat said...

عاليا حليم
اهلا بك ياعاليا . سلامه قلبك الحكايات
دى بنقابلها كتير واحيان بتكون الستات هى اللى ظالمه ودى بتكون اصعب على الاولاد
لان الام هى ينبوع الحنان لكن فى امهات بعيد عنك مش عايزه اقولك
بس زى ماقال المهندس شريف وبش الصابرين
لكن اغلب الحالات بتكون الستات مظلومه
ربنا يهدى
عارفه ياعاليا انا من عشاق عبد الحليم
اتعلمنا الحب من اغانيه نفسى اوى اروح
ساقيه الصاوى انا عمرى ماروحتها بس
حاسه انها اشبه بمكان جميل بيشع ثقافه
ان شاء الله لما اروح القاهره امر عليها
دعوه كريمه من عندلبيه جميله
خالص حبى وتقديرى

klmat said...

l3lhakhair
اهلا بك وسعيده برأيك
اسأل الله ان يبعد عنا جميعا المشاكل
ومن كان من نصيبه ان يمر بها ان يقويه
وينور بصيرته ويسعده فىحياته
ربنا يكرمك ويسعدك
خالص حبى وتقديرى

klmat said...

whispers just for night
اهلا بك ولا تتخيل كم اسعدنى تعليقك الجميل
انا من اشد المعجبين بلالاستاذ عبد الوهاب مطاوع وكنت اواظب على قرأه بريد الاهرام
هو كاتب مرموق وانسان جميل
اشكرك جدا على المرور وعلى الهديه الجميله
خالص تحياتى وتقديرى

Sherif said...

كلمات

لاادرى كيف من لايبنى شئ .. وأخذ دون أن يعطى يمكن ان يشعر بانسانيته

لاادعى باننا ملائكة .. فقط أقول بأن هناك حدّ أدنى للانسانية

minimum charge

اليس كذلك ؟

حتى عند الفراق .. ينبغى ان يكون فراقا محترما اذا لم يقدر الله التوفيق

تحياتى لموقف جميل استطاعت فيه أن ترى وسط الألم شيئا جميلا

هذه الناس اسميهم ملائكة من البشر

تحياتى لموضوعاتك المختارة بعناية

klmat said...

عزيزى شريف
اهلا بك
هو قاسى لا يتوفر
لديه هذا الحد الادنى من المشاعر
كان ممكن يتم الأنفصال لاختلاف الطباع
اما الهجر بيدل على طبيعته البعيده
عن الانسانيه والتعاليم الدينيه

اشكرك جدا على الاطراء على مواضيعى
ده بس من ذوقك
خالص تقديرى واحترامى

monaliza said...

وعسى ان تكرهوا شيئا وهو خير لكم"صدق الله العظيم
ما اجمل الشعور بالراحة بعد عناء وتعب
وهو فعلا اللى خسر زوجة محبة وبنات رائعين واسرة مستقرة فهنيئا لها بحياتها وباسرتها
وعلى فكرة اختى الحبيبة ما اجمل الكلام الخارج من القلب مباشرة دون تنميق فمثل هذة الموضوعات لاتترددى فى نشرها
جزاكم الله خيرا

جسر الى الحياة said...

عندما نعطى بصدق ورضا لا نندم الا على اضاعة الوقت لاصلاح مالا نستطيع اصلاحه
ولا يبقى لنا سوى ذكريات رغم انها تقوينا وتحسسنا باننا على الطريق الصحيح واننا لم نقصر الا انها تجعلنا نحس بالغصة
اراح الله المتعبة قلوبهم وجزاهم خيرا للصبر على ما قسمه الله
تحياتى

حسن توفيق said...

شكرا لك اختى الفاضلة على هه التدوينة الواقعية والتى يمر بها العديد
وطبعا هنذا نتاج اختيار خاطئ منها ومن اهلها وكذلك اهله الذين اصروا على زواجه من اخرى لا يحبها..وبرغم تعاطفك مع السيدة فانا اراه ايضا مظلوم مما قلت عن اصرار اهله من الزواج دون رغبته
شكرا لك واتمنمى دوام التواصل

Salwa said...

الله
هي دي الأم

ولا أجد تعليق

تحيااااااااتي أميرتي

انسان بلا عنوان said...

والله الراجل دا راجل غبى حد لاقى حد يحبه كده انما نقول ايه

لكن صدق اللى قال الفشل اول طريق النجاح بل النجاح غير العادى


انتى عارفة انا لو ربنا رزقنى بواحدة زى كده تحترمنى قبل ما تحبنى والله احطها فى عينى

لكن معلش يعطى الحلق.....

تحياتى
عمرو

دنيتى الجميله said...

السلام عليكم ورحمه الله وبركاته
حلوه اوى التدوينه دى فى عيد الام
لأنى بحس ان كل ام زى الام دى
عطاء ومحبه وصدق
فعلا وجود اشخاص فى دنيتنا ممكن يؤثر بالسلب مش بالايجاب
ويكون من الاحسن بعدهم عنا علشان نقدر نكمل مشوارنا
فعلا فى كتير من السيدات شوفتهم بالشكل الرائع ده ربنا يجزيهم خير عن اولادهم
كتاباتك كلها حلوه ورائعه
ربنا يرزقك بالسعاده وراحه البال
وكل سنه وكل وام طيبه
وانتى كمان يا قمر
سلاااااااام

walaa said...

ربنا عوضها حرمان زوجها وانانيته
بتفوق بناتها وادبهم
ربنا يخليهملها يارب وتفرح بيهم
ليكى عندى تاج تعالى خديه
تحياتى ولاء

klmat said...

monaliza
اهلا بك وانا متفقه معاكى فى كل كنمة
كلامك جميل
ربنا يكرمك يارب
اتمنى دايما نتبادل الاراء
خالص حبى وتقديرى

klmat said...

جسر الى الحياه
كلامك جميل ومضبوط جدا . انا اوافقك تماما
واحيانا عندما تشتد القسوه وتصل الى
نقطه الذروه تكون هى نفسها نقطه
ولاده قوه مستحبه تقوى على التكيف وحب الحياه .سعدت جدا برأيك
خالص حبى وتقديرى

klmat said...

ا/ حسن توفيق
اهلا بحضرتك واشكرك على مرورك الكريم . تعاطفى مع السيده لانها
لم تظلم او ترتكب خطأ بل حاولت اما هو
فأين ارادته وان كان تزوج تحت ضغط من اهله ولم يحبها فلم استحل مالها
كان اكرم له ان يطلقها وان وجدت له عذر
فى عدم مودتها قد يكون بها عيب لا اعلمه
ولكن موقفه من بناته غير طبيعى فهو لم تفرق
معاه ان ذهبن اليه او لأ فهو قاسى وانانى
ان لم يكن هناك ود فليكن هناك رحمه
وانا معاك فى ان الاهل يرشدوا وينصحوا
لكن الا الغصب خصوصا فى الزواج
سعدت بمرورك جدا وتعليقك واتمنى ان نتبادل الاراء حتى ولو اختلفنافى الرأى
خالص تحياتى وتقديرى

klmat said...

salwa
اهلا اهلا بكى ياسوسو
واحشتينى . بتنورى مدونتى
سعيده جدا بوجودك ياسلوتى
خالص حبى وتقديرى

klmat said...

انسان بلا عنوان
عارف النوعيه دى حتى لو اتجوز حبيبته
مش حايكون سعيد لان ربنا عطاه اسره
محبه وزجه صالحه ومحاوليش يرضا بنصيبه او
يفارق بطريقه محترمه وظلم انسانه
لم تسىء اليه بالعكس

ربنا يديك زوجه صالحه تحبها وتحبك ويكون بينكم موده ورحمه ويكون لك ذريه صالحه ان شاء الله
خالص احترامى وتقديرى

الربان said...

تحياتي

الطلاق ليس دائما نهاية الطريق..بل قد يكون بداية طريق من السعادة لم نستشعرها خلال الزواج....

لقد كنت قوية و حكيمة و استطعت ان تحولي ضعفك الي قوة...و الله سبحانه و تعالي رزقك بأولاد احبه لتفرغي حبك و حنانك عليهم...و هن كن نعم الاولاد..فمما ذكرت يبدوا ان مشاكلهم لم تكن كبيرة...بل صغيرة و سرعان ما تنتهي...

الحياة لا تتوقف علي رجل في حياة امرأة و لا امرأة في حياة رجل....و لكنها تتوقف حينما نستسلم و نعيش الكأبة و الحزن و نستمتع بهما داخلنا.

مبروك حبك لبناتك ...و حب بناتك لك..
عوضك الله بهن خيرا في الدنيا...و ان شاء الله يجزيك عنهن خير الجزاء في الآخرة.


تحياتي و تقديري

klmat said...

دنيتى الجميله
ربنا يخليكى ليا يارب دايما جابره
بخاطرى بكلامك الجميل . انا من رأيك تماما
البعد عن الشخصيات المتعبه بيكون افضل
والحمد لله ان ربنا اكرمها وكل سنه وانتى طيبه وكل الامهات بكل الخير
سعدت جدا بتعليقك
خالص حبى وتقديرى

klmat said...

walaa
اهلا بك ياولاء وكمان تاج يارب يخليكى
دايما بلاقى نفسى متفقه معاكى فى رأيك
كلامك جميل واشكرك جدا
خالص حبى وتقديرى

sabrina said...

دااااايما الست هي المظلومة!
لما كان عارف انه بيحب واحده تانيه أتجوزها ليه!؟

3abdo me7tas said...

إيه الحلاوة دى
أيوا كده ارجعى زى زمان
تحياتى
ربنا يكرمك يا رب

مدحت محمد said...

هو فعلا الخسران
خسر امرأة عظيمة وقفت جنبه وساعدته خسر عياله
حسر نفسه
وهى ست عظيمة
قدرت
تحقق كل الل كانت بتتمناه
تحياتى
كلمات

Mo3Az said...

جميلة
اسلوبك القصصى جميل اوى

اعتقد فى حالات كتير فى مجتمعنا كدة
كتابات استاذ عبد الوهاب مطاوع فيها الكثير من النوع دا

فعلا
السعاده شىء مهم
ولا يعوض

مرة تانية
تدوينة رائعة بجد
(F)

klmat said...

sabrina
اهلا بك . حقيقى هو فعلا ظالم حانفترض
انه لم يستطع الزواج منها لاى سبب مثلا
اهلها رفضوه او ماديات المفروض عند
الزواج يكون امين يداوى جراحه وبعدين يرتبط حتى لو فكر انه الزواج قد ينسيه
المهم ان يتقى الله ولا يظلمها اكيد حاياخد
جزاؤه دنيا وآخره . سعدت جدا بتعليقك
خالص حبى وتقديرى

klmat said...

3abdo me7tas
اهلا بك . يارب تكون بخير
سعيده بتعليقك اشكرك جدا
خالص تحياتى وتقديرى

klmat said...

مدحت محمد
اهلا بك يامحمد وانا كمان رايي
من رأيك سعدت بتعليقك ويارب دايما
نتبادل الأراء
خالص احترامى وتقديرى

klmat said...

الربان
اهلا بك . هى القصه مش خاصه بى
بس انا متفقه معاك فى كل كلمه كتبتها
اتمنى ان نتواصل
خالص احترامى وتقديرى

klmat said...

mo3az
اهلا بك ويارب تكون بخير
اشكرك جدا على كلامك الجميل ربنا يجبر بخاطرك دايما رافع معنوياتى
اعتذر على التاخير فى الرد غصب عنى
خالص احترامى وتقديرى

Miss Dot said...

مش عارفه أقولك إيه بجد
القصه شدتني من اولها لاخرها
بالرغم من انها معاده و اقرأها عشرات المرات خصوصا و ان تأتيني ايميلات علي ايميل مدونة لا تمسني يقصصن مثل هذه القصص بالرغم من ان المدونه لا تتكلم عن هذه القضايا و لكن أشعر بالسعاده ان الناس وثقت في و اشعر بالمسؤليه و الخوف لانني أملهم في رفع الصوت

أحييكي علي هذه التدوينه

نوجا

klmat said...

miss dot
اهلا بك يانوجا. القصه فعلا مكرره الفرق
فى ان صاحبه المشكله احيانا تستسلم للاحزان وقد تتعصب على اولادها او تمنعهم
من زياره ابوهم مع انه مش فارقه
معاه اما ان الانسان يقاوم مشاكله
ويتكيف مع ظروفه ويسعد نفسه فهذا شىء جميل بيريح نفسه ومن حوله فلا ينعى احد همهه انتى جميله فى مشاعرك وبتحسى بمن حولك
ونشر هذا النوع بيعطى حافز للقوه
والتمسك بالامل والسعاده
اشكرك جدا
خالص حبى وتقديرى

انا مذنب said...

جميل قوي كلامها وجميله الحكايه

معرفش هو دلوقتي شايف نفسه وصل لحد فين
لما هو كان عايز حد غيرها ليه استسلم لرغبة اهله علشان لما يفشل في حياته يلاقي اللي يرمي عليهم مسؤلية فشله
علشان يحول حياتها لجحيم بدون اي ذنب
ذنبها الوحيد انها وافقت على شخص رافضها لكن ازاي كانت هتعرف من الأول الظاهر مطلوب مننا بعد كده نخمن المستقبل
ما علينا
الغريب ان لو هو كان رد على وقفتها معاه وكل اللي هي قدمته ليه بالحب وقدر جميلها عمرها ما كانت هتحس انها قدمتله شيء زياده كانت هتفضل تقدمله تضحياتها طول الوقت بكل حب ولهفه على انها تدي اكتر
لكن هو في ناس مننا طبعها كده لازم يرمي رغيف العيش اللي في ايده في الرض الأول وبعدين يميل يدور وسط التراب على لقمه تنفع ياكلها

اعتقد هي الحمد لله دلوقتي ربنا عوضها في حب بناتها وفي ثقتها بنفسها بعد ما حققت اللي بيعجز عنه احيانا ناس كتير عايشين متجوزين والمركب ماشيه لكن مليانه شروخ بتسرب ميه هتغرقهم لامحاله

ربنا يحفظ بناتك ويحفظك

لكي مني كل التحيه

klmat said...

انا مذنب
لا اعتقد انه تزوجها بناء على رغبه
اهله فقط هو كان يرغب ايضا فى الزواج
وكانت بالنسبه له مناسبه والزواج ضروره
فى اعتقادى انه حتى لو تزوج حبيبته كان
حايكون مش راضى فى نوعيه من البشر
مش بتقول الحمد لله دايما مش مبسوطه
ربنا يهدى. وهى لم تضحى هى عملت الطبيعى
اللى اى زوجه محبه مفروض تعمله
علشان كده هى راضيه وسعيده
الناس عجائن واذا اكرمت الكريم ملكته واذا اكرمت اللئيم تمرد .دى حقيقه
سعدت بتعليقك واتمنى ان نتبادل الأراء دائما
خالص تحياتى وتقديرى