Friday, May 30, 2008

دائره الحب


ذات صباح قرع مزارع بصخب باب احد الاديره . عندما فتح الاخ الحارس الباب قدم اليه المزارع عنقود عنب فاتن
-ايها الاخ العزيز هذا افخر عناقيد العنب ارجو ان تقبله هديه منى
- شكرا ساخذه الى رئيس الدير الذى سيبتهج لتلقى هذه الهديه
-لا لا احضرته لك انت
-لى انا ؟ لكنى لا استحق مثل هذه الهديه الجميله . هبه الطبيعه
كلما اقرع الباب تفتح انت . عندما اتى الجفاف على الحصاد كنت تعطينى كسره خبز وكاس نبيذ . اود ان تغدق عليك حبات العنب هذه بعضا من حب الشمس ومن جمال المطر قدره الله العجائبيه
وضع الاخ الحارس العنقود امامه وقضى الصباح باكمله يتامله اعجابا.كانت الحبات جميله بالفعل لهذا السبب قرر ان يقدم الهديه لرئيس الدير . الذى طالما تفوه بالحكمه وقد اعتبرها الاخ نعمه عليه
سر رئيس الكهنه اشد السرور بالعنب ثم تذكر ان احد الرهبان مريض ,وفكر ساعطيه العنب من يدرى قد يدخل بعض البهجه لحياته
لكن لم يظل العنب لفتره طويله فى غرفه الراهب المريض لانه فكر فى الاخ الطباخ رعانى جيدا اعطانى افخر الطعام لآكلها وانا واثق انه سوف يسر بهذا العنب
عندما حضر الاخ الطباخ وجبه الغذاء اعطاه العنب
- هذه لك انت على اتصال وثيق بعطاء الطبيعه وستعرف ما تفعل بها انها نتاج الله
عجب الطباخ لجمال حبات العنب ولفت انتباه مساعده لكمالها لقد بلغت من الكمال درجه يصعب معها ايجاد من يقدرها كما سيفعل الاخ الحافظ الذى كان مسئولا عن السر المقدس والذى اعتبره كثيرون فى الدير انه رجل قديس
غير ان الاخ الحافظ اعطى العنب الى اصغر المترهبين الداخلين ليجعله يدرك ان عمل الله يمكن ان يتجلى فى ادق تفاصيل الخلق. عندما تلقى المترهب العنب امتلأ قلبه بمجد الرب لانه لم يسبق له ان رأى عنقودا بهذا الجمال . فى الوقت
نفسه تذكر يوم دخوله الى الدير والشخص الذى فتح له الباب ان تلك الحركه المتمثله فى فتح الباب سمحت له ان يصبح جزء من جمع يعرفون قيمه العجائب
وقبل حلول الليل حمل عنقود العنب الى الحارس
- كل واستمتع انت تقضى معظم وقتك هنا وحيدا هذا العنقود سيفيدك
ادرك الحارس حينها انه المعنى بالهديه تلذذ بالعنقود حبه حبه وخلد الى النوم وهو سعيدا بهذه الطريقه قفلت الدائره
دائره السعاده والفرح التى تلف من هم فى اتصال مع طاقه الحب
السطور السابقه من احدى روائع باولو كويليو اسمها الزهير هذا مثل داخل القصه ليبين لنا فعل الحب وطاقته وان من له
نصيب فى شىء سيكون له مهما كان قريب من ايادى اخرى كما نقول بلبلدى تبقى فى ايدك وتقسم لغيرك
عجبتنى حبيت اكتبها
القصه شلال من الافكارعن الحب هى قصه كاتب شهير تهجره زوجته بدون اى مبررات ويسيطير عليه هاجس وحيد يؤرقه لماذا هجرته
وكيف ان مجموعه من القيم الموروثه التى يؤمن بها الانسان تستعبده فيكرس نفسه وماله فى سبيلها
الزهير قصه تغوص فى اعماقنا والجانب الغامض فى نفوسنا



58 comments:

ra7eel said...

عزيزتى اميرة

قصه بجد جميله جدا
حلو قوى ان دايما نفتكر جمايل الناس علينا
وان احنا نقدر المواقف الحلوه فى حياتنا
سلسسله جميله جدا من الحب والاخلاص

وكمان الحكمه اللى انتى ذكرتيها فى الاخر
ان اللى ليه نصيب فى شئ هياخده
سبحان الله

تحياتى لكى وتقديرى

Sherif said...

رائعة القصة والمعانى

ورائع هو باولو كويليو

لذا قررت ن أقتحم عالمه كله .. فكل كلمة يقولها .. فيها شئ منا

ربما كان هذا سر عظمة هذا الرجل

klmat said...

ra7eel
اهلا بك ياساره ويارب تكونى بخير
سعيده ان القصه عجبتك . الحب بيخللى كل حاجه جميله والايمان بالنصيب مريح
نورتينى واسعدتينى
خالص حبى وتقديرى

klmat said...

sherif
اهلا بك والحمد لله ان القصه عجبتك الحب
والايثار والمكتوب ولايمان بالقدر والاراده كلها معانى دايما بيأكد عليها باولو كولو
فى كل كتاباته وطالما عايز تقتحم العالم بتاعه ممكن تمر على الويب بتاعته
http://www.paulocoelho.com.br
سعدت جدا بمرورك نورت المدونه
خالص تحياتى وتقديرى

Anonymous said...

E7'tyratk Gamila Gdn

Sherif

klmat said...

Sherif
اهلا بك الجميل هو انى اشوف تعليقك عندى
ربنا يكرمك ويوفقك
خالص تحياتى وتقديرى

loumi said...

الغاليه أميره

كثير منا بمرور الوقت والتجارب يتعلم الحكمه
ولكن قد لا يستطيع البعض ضياغتها بأسلوب رقيق يصل إلى القلب والعقل معاً
جميل ما اخترته من كتابات كويللو

تمنياتي لك ولكل من حولك بدوام السعاده والهناء

دكتور كسلان said...

ازيك يا مدام اميرة

اختيار جميل جدا وموفق
سواء للكاتب الكبير باولو كويليو
او للقصة الجميلة دى

لقصة بتحمل معانى كتيرة جدا وجميلة
بالاضافة للمعنى الجميل اللى حضرتك ذكرتيه
وهو ان نصيب الانسان سوف يناله فى اى وقت وتحت اى ظرف

فيه معنى جميل تانى وهو الايثار
احنا شوفنا فى القصة ان كل شخص فضل ان يعطى العنقود لشخص اخر يحبه ويقدره

بس اكتر معنى عجبنى هو فعل الخير
والعطاء بدون انتظار مقابل
وازاى فى الاخر بنلاقى مقابل لهذا العطاء
زى ما حصل مع الحارس

قصة جميلة جدا
سلااااااااااااااااااااااااااااااااااااااااااااااااااااام

رئيس جمهوريه نفسى said...

كل ميسر لما كتب له
فعلا حتى وان لم يقصد كويلهو هذا المعنى فهو ما تنطقه سطور تلك القصه من كون القدر وما طتب لك او عليك سياتيك وما من اروع من ان تكون دائره الحب والعرفان بالجميل متصلة بين جميع افراد المجتمع الواحد لتغيرات الكثير من سلبيات الحياة

الشنكوتي الكبير said...

قصه جميله وفكرتها جميله قوي

تسلم ايدك عليها

نوريني احب اعرف رايك في البوست الجديد

سلااااااااااااام

منى said...

دائره الحب
عنوان حلو اوى
فاكره اغنيه سينما الاطفال
اللى بيزرع خير يلقاه ويجمع حب كمان وياه
تهادوا تحابوا
وكمان بدل ما نفكر فى مين اساء الينا نفكر مين احسن الينا
بس القلوب النقيه بس هى اللى بتفكر كده
اللى بيعمل خير لازم يرجع له خير حتى لو فات كتير
اميره
قصه جميله فيها الامل انا اكيد بكره ربنا هيعوض
ربنا يكرمك وتسعدينا دايما باختياراتك واسلوبك الجميل
تحياتى وحبى

سمراء said...

بولوا كويلو هو الروائي المقرب الى
فكما كتب في الزهير ايضا اذا كنت اريد ان اكتب فكرة فساكتب جملة ولكن عندما اكتب كتابا فهو يحمل مجموعة من الافكار
فعلا هو يعبر عن الكثير من الافكار والمشاعر والاحتياجات الانسانية
اشكرك
سمراء

klmat said...

loumi عزيزتى
اهلا بك ويارب تكونى انتى والأسره بخير
وربنا مع الاولاد فى الامتحانات وبالنجاح الباهر ان شاء ال . واحشنى جدا
عارفه كتب باولو كل سطر فيها جميل وتحتارى من جمال المعانى والقيم تختارى ايه ولا ايه بالنسبه لى هو الكاتب المفضل
اشكرك على امنباتك الجميله ربنا يسعدك
انتى واسرتك وكل حبايبك
خالص حبى وتقديرى

klmat said...

د / كسلان
اهلا بك . انا الحمد لله بخير يارب انت واسرتك تكونوا فى احسن حال . عارف كل كتابات باولو كويليو كلها جميله وفيها
خلاصه الحكم لانه درس كل الاديان بعمق حتى
وحياته مليئه باحداث ثريه ومنها
وكل ماتفكر فيما يكتب تستنج معانى جميله بتأثر فى من يقرأها
وما اشارت اليه مضبوط وجميل . الحب والايمان لما بيملا القلب بيخللى الدنيا جميله وبيخللى تصرفتنا راقيه
تعليقك جميل وبيسعدنى ربنا يوفقك ويسعدك وتكون حياتك كلهاحب وسعاده
خالص تحياتى وتقديرى

klmat said...

رئيس جمهوريه نفسى
اهلا بك ازيك يامحمود ويارب تكون بخير
كتابات باولو دايما بتحث على الخير وكل ماهو جميل والايمان بالمكتوب وفى اعتقادى انها بتكون مقصوده لانها بتكرر فى كل كتاباته بقصص مختلفه هى خلاصه افكار وتجارب ثريه
جدا سافر كتير وقضى فتره فى مستشفى للامراض العقليه رغم راجحه عقله اثرت ايضا فى كتاباته واختلط بعقول كبيره ورجال دين من كل الديانات والملات وبيهتم بالحالاتالروحانيه والنفسيه وكل كتاباته رائعه .
سعدت جدا بتعليقكربنا يوفقك ويسعدك
خالص تحياتى وتقديرى

klmat said...

الشنكوتى الكبير
اهلا بك سعيده جدا بزيارتك وتعليقك الجميل والاجمل كمان انك عايز تعرف رأيى
فى البوست بتاعك الرائع ده شرف ليا . اتمنى من الجميع ان يعلق عليه لانه موضوع مهم جدا
وقرأه التعليقات لانها مفيده فى الموضوع ده
رايى فعلا قلته عندك ومدونتك كلها جميله
ربنا يسعدك ويوفقك
خالص تحياتى وتقديرى

klmat said...

منى
اهلا بك وحشتينى جدا . عارفه الاغنيه
بتاعت سينما الأطفال دى بحبها جدا وكنت بشوف البرنامج ده مع اولادى وهما صغيرين
كلماتها جميله ومعانيها اجمل
وسعيده ان عنوان البوست عجبك الحقيقه
كل مؤلفات الكاتب ده رائعه وكلها معانى جميله واشعر براحه عميقه بعد قراتها حتى انى اشتريت كل اللى متاح من قصصه لان فى
نسخ نفذت
زيارت ليا بتفرح قلبلى ربنا يخليكى ويسعد يااارب
خالص حبى وتقديرى

klmat said...

سمراء
اهلا بك بتنورى مدونتى . احنا مشتركين فى
حاجات كتير او ده شعورى انا فعلا الكاتب ده هو اكثر كاتب بحب كتابته وكل جمله بيكتبها بتأث فيا لانه متغلغل فى النفس البشريه وبيمس الروح والقلب
انا اللى اشكرك
تمنياتى لك بكل الخير
خالص حبى وتقديرى

انسان بلا عنوان said...

مش عارف ليه وانا بقرا كان فى حاجة بتقولى انى داى باولو كويلو

ما اروعك وما اروع باولو كويلو


تحياتى

عمرو

free heart said...

قصه جميله
وفيها أكتر من معنى وحكمه

بس أكتر شئ عجبني

إن اللي مكتوب مكتوب

ورزقك لن يصيب غيرك

جميله بجد يا أميرة

ربنا يحفظك

حسن ارابيسك said...

بالطبع جميلة
وذاك الجمال لاينضح إلا عن نفس تعشق الجمال والمحبة والخير والنور
ولكن هناك جانب أيضا أجمل في هذة القصة عن الجانب الذي ذكرتيه لنا وهو موضوع النصيب
ولكن الجانب الأجمل
هو حب الناس لبعضهم
حب الإنسان لإخيه الإنسان وتفضيله على نفسه..وجمال النفس في أن ترى دائماً من هو أفضل منها عملاً وحباً وخيراً..فلا تهرول وراء نفسها وإنما تسعى لمكافأة النفوس الأخرى الخيرة في أعمالها
وهو جانب إجتمعت عليه الأديان كلها وهو حب ال\لأنسان لإخيه الإنسان وحب الخير له
انتقاءك كان جميل مثل روحك الجميلة
دمتي بكل خير
أرابيسك

Abo 7anf said...

السلام عليكم
عذرا على تاخير ردى
القصه جميله جدا
فعلا لو حبينا بعض بجد هنعمل اكتر من كدا

رئـــــيسـة حزب الأحلام said...

القصه تحمل معانى جميلة
ورقيقة
احييك على الاختيار تحياتى

.:.-=- ELGaZaLy-=-.:. said...

قرائتها قديما واستمتعت وقرائتها الان واحسست بنفس المتعة بحق

اختيار قوى بحق...

تقبلى مرورى البسيط على كلماتك واسمحى لى بان اقراء ارشيفك

Anonymous said...

السلام عليكم

يااااااااااااااااااااااااااااااااه من زمااااااااااان مجتش هنا ومن زمان مقعدتش على الجهاز وكتب تعليق
لو تسمحيلى اقول لمدونتك وحشتينى
بجد بجد بجد
انا هسلم بس دلوقتى وهعلق على التوبك بعد كدة

خالص تحياتى

احمد(no chance)

أبو خالد said...

أميرة من أختارت
واختيارها رقيق
فالحب يتبعه إيثار
و الإيثار يتبعه الحب
هى دائرة بلا شك
يعجبنى تذوقك العالى
دمتى رقيقة المشاعر

ايوية said...

قصة رائعة بجد فيها معانى كتير جميلة يعنى قريبة من مثل بيقول لو حبيت شى قوى سيبة لو رجعلك يبقى بتاعك
ويمكن برضة فيها معنى ان الناس كلها محتاجة بعضها وبتعيش ببعضها يعنى كل واحد احس ان فية حد قدملة شى مهم فى حياتة فحب يهدية بالعنب
تحياتى

klmat said...

انسان بلا عنوان
اهلا بك ياعمرو . حدسك صح .ربنا يخليك
ايه اكلام الجميل ده
بتمنى لك كل توفيق
خالص تحياتى وتقديرى

klmat said...

free heart
سوس و ال جى
الجميل هو تعليقك ربنا يخليكى ويكرمك
القصه فيها معانى كتيره كلها رائعه
وجميل اننا نسرد قصص تنمى نزعه الخير والحب
ربنا يجعل حياتك كلها حب وسعاده
خالص تحياتى وحبلا

klmat said...

حسن ارابيسك
اهلا بك ياحسن . بحب اعرف رأيك دايما
القصه فيها معانى كتيره الواضح فيها الحب
والايثار والمكتوب ضيف كمان قدره الله
العجيبه من شمس ومطر وتربه وبذره يطلع عنقود عنب غايه فى الجمال اشاره لقدره
ربنا سبحانه وتعالى .الجميل فى الكاتب
ان القصه بتستنج منها معانى وحكم كتيره اوى يارب روح المعانى الجميله دى دى
تبقى الغالبه علينا
تعليقك اسعدنى ودايما نتبادل الاراء
خالص تحياتى وتقديرى

klmat said...

رئيسه حزب الاحلام
اهلا بك وانا معاكى فيها معانى كتيره
كلها جميله والجميل انى اشوف تعليقك عندى
خالص حبى وتقديرى

klmat said...

abo 7anf
اهلا بك . اعذرنى فى عدم الترتيب فى الرد
طبعا مش مقصوده . الحب بكل معانيه
لما يسود تبقلى الدنيا جميله . ياريت
ده يحصل
سعدت بتعليقك ربنا يوفقك
خالص تحياتى وتقديرى

klmat said...

elgazaly
اهلا بك ومرحب وسعيده انك استمتعت بها
رغم ان سبق لك قراتها الحاجات الجميله
من وقت للتانى نحب نقراها تانى خصوصا
كتابات باولو لانها كلها بتخص نفوسنا وارواحنا مريت عندك وسعدت بمدونتك
وقصه البديل رائعه تسلم ايدك
اتمنى تبادا الاراء دايما
خالص تحياتى وتقديرى

klmat said...

no chance
اهلا بك يا احمد . ازيك يارب تكون بخير
والمانع هو المذاكره بالتوفيق
سعيده بظهورك
واشكرك جدا
خالص تحياتى وسلامى

klmat said...

ابو خالد
اهلا بك ويارب خالد والاسره كلها تكون بخير
ربنا يكرمك على كلامك الجميل وانا معاك
الحب بيتبعه سلسله من الفضائل ايثار وكرم وتسامح وكل ماهو جميل
هى دائره متصله وبتأثر على كل من يحب
خالص تحياتى وتقديرى

klmat said...

ايويه
اهلا بك وحشتينى . فعلا القصه فيها كل معانى الحب . حب البشر . حب الخير . حب الله
الذى يتجلى فى ابسط شىء عنقود العين قصه
حب بين لشمش والمطر والبذره والتربه
سعدت جدا بتعليقك
خالص حبى وتقديرى

sabrina said...

أنا فعلأ بأحب الرجل ده
!!!!!!!!!
بالرغم من بعده في المكان الاانه قريب من القلب!
دائرة خير.......حد بيفتحها و......خيرة بيقفلها
i `ll searche it and buy it in sha`allah.

كاميليا said...

انا جيت اسلم
واقول بحبك
قوى
قوى
قوى

klmat said...

saprina
اهلا بك لك وحشه . سعيده جدا
بزيارتك دى هو كاتب يتحب فعلا لأن كل
كتابته بتريح النفسيه وبتدى امل وبتتغلغل فى الروح والنفس
شوفى انا سألت فى دار الهلال حاليا مافيش غير السيميائى واغلب قصصه متوفره فى دار الشروق لكن ثمنها اغلى بكتير حقيقى طباعه
افخر لكن الثمن اغلى 8 مرات ولكنها تستاهل
ربنا يوفقك ويسعدك
خالص حبى وتقديرى

klmat said...

حبيتى كاميليا
الله يسلمك . انا بحبك اكتر لانك تتحبى
فعلا ربنا يسعدك ويوفقك ويديم المحبه بينا
ياااااااااارب
خالص حبى وتقديرى

ammola said...

فصة جميلة
لها شبيه أقدم عندنا فى التاريخ الاسلامى
قصة الصحابة اللى كانوا فى غزوة وكلهم عطشى
وكل واحد فيهم آثر الآخر على نفسه بشربة الماء حتى عادت لاول واحد
حتى استشهدوا كلهم
واصبحوا مثلا يضرب فى الايثار
وهى قصة حقيقية حدثت بالفعل
سلمت أيدك..وسلمت اختياراتك

abdullah SH said...

قصه جميله جدا وجمالها ان نقدر دائما الايدى التى تمتد لنا ساعة الضيق
ونحاول ان نكون عونا لبعضنا وقت الشدائد وكما قلتى اختى الفاضله اللى ليه نصيب حياخدو بالعربى الفصيح

asftel7b said...

حلوة قوى بجد
تنم عن الحب والاخلاص للغير

واحد من العمال said...

فعلا اللى له نصيب فى شىء بيلف وبيوصل له وانا لى نصيب ازور مدونتك الجميله
واقدر اقول ان نصيبى اليله كله
رقه واحساس
حكرر الزياره
ومع خالص تحياتى
يلا نحب كزد مدونه عماليه

R.O.U.R.O.U. said...

raw3aaaaaaaaaaaaaaaaaaaaaaa

مدحت محمد said...

قصة جميلة جميلة

ومخزاها كمان جميل جدا

وفعلا محدش بياخد غير رزقه

حتى فى الحب

walaa said...

هى قصه بتحكى عن الايثار وان الانسان ممكن يؤثر على نفسه الشىء ده من اجل سعادة الاخرين بالرغم من شدة احتياجه ليها
وحشتينى قوى قوى
تحياتى ولاء

My Hope$ said...

حببتي وحشتينيييييييييييي
بجد
والله
قصة فعلا فيها معاني كتير
حلوة
اولها انك تتدخل سرور علي قلب انسان
تاني حاجة ان
لما تعمل حاجة علشان دة الهدف
ربنا بيعوضك
خيرا منها
وبعدين انت فظيعة جدا اختيارتك دايما هايلةةةةةةةة
ياميرو
امواااااا
بوسة وحضن كمان
بموت فيكي
سلام

يا مراكبي said...

إذا قدر الله للإنسان شيء .. فإنه سيأتيه مهما حاول الهروب .. والأقدار لها عجائب .. فالتفاصيل العجيبة التي تسبق وقوع القدر تبدو وكأنها غير مفهومة المعاني قبل الحدث .. لكنها تتضح جلية بعد وقوع الحدث وندرك حينها كيف أن الله يسبب الأسباب ويوجه الإنسان حتى يقع قدره تعالى

وقدر الله كله فيه الخير حتى لو كان ظاهره عكس ذلك

د/أبويحيى وادم said...

السلام عليكم ورحمه الله وبركاته
آختى الكريمة
لما أراك لم تشاركى معنا فى حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

منى said...

كلمات
فينك
يا ريت تكونى بخير

Mo3Az said...

:)
جميلة فعلا
نحتاج لمثل هذه القيم الجميلة فى مجتمعاتنا
خاصة وان الاسلام يأمرنا بذلك

للجميع ان يتصوروا ان المدينة الفاضلة ظلت ابد التاريخ مجرد اسطورة ، الى ان جاء سيد الخلق اجمعين- عليه افضل الصلاه والتسليم واصحابه الغر الميامين - فجعلوا من المدينة الفاضلة حقيقة واقعية

جزاكم الله خيرا يا فندم على القصة الجميلة
(F)

دمعاتي said...

بلا شك
أن الحب بمعناه العام لهو اسما تجسيد للعلاقات الانسانيه
فالحب طاقه تبني
طاقه تزرع الخير في قلب المتلقي
طاقه لا تستنفذ بل تدوم وتقوى مع الوقت
طاقه لديها القدره على اعاده بث نفسها و الانتقال من قلب الى قلب
ولكنها تحتاج من يقدرها
ومن يفهم قدر هذه الاحاسيس النبيله

لا اخفي اعجابي بهذا الكاتب الرائع
وبقارئته الواعيه الرائعه
تحياتي

ولــــــــــو said...

الله الله الله
رائعة وان كان استمتاعي بيها كان منقوص علشان طريقة الترجمة كانت غريبة على عيني بس قعلا جميلة
الحمد لله النهادرة عمال اقرا كلام يرفع الحالة المعنوية جدا

متشكر ليكي ول باولو كويليو

بنت الاسلام said...

قصة جميلة ومعبرة

كنت براجع ارشيف المدونة لاقيتك من اوائل الناس اللي علقوا عندي

حبيت اطمن عليكي اتمني تكوني بخير

تحياتي

جسر الى الحياة said...

اختيار موفق ودائما كتابات باولو كويليوتعبر عن سر السعادة او تدور حول السعادة وماهيتها

My Hope$ said...

فينك يا ميرو
يارب تكوني بخير
طمنبنا عليكي بسرعة
سلاممممممممم

أبو خالد said...

أختى الغالية أميرة
أفتقدك كثيرا
أحدى عشر يوما غائبة
عسى أن يكون المانع خير
دمتى أخت فاضلة
طمنينى عنك
جزاك الله خير