Tuesday, July 8, 2008

الثوره الداخليه



كان يشعر بملل ورتابه الايام وعدم الارتياح وكان يعى السبب قلديه شعور بانه غير محبوب ولا احد يرضى عن تصرفاته دائما ملام منذ كان طفلا لم يكن لديه

ثقه فى نفسه فلم يكن متفوق ولا بليد مجرد طالب متوسط وايضا ترتيبه بين اخواته فى الوسط

فكان الاخ الاكبر هو المسيطر ويقال له اسمخ كلام اخوك الكبير وراعى اخوك الصغير فهو ننوس عين امه فعليه السمع والطاعه من الكبير والصغير بينما لا احد يستمع اليه هكذا استمرت حياته

لا يوجد فيها جديد وفى شوق دائم للحنان والحب الذى يفتقده .

وبينما هو شارد وجد كتاب نساه احد اصدقاء اخوه وقام بتصفحه فاذا به يشده ويقرر ان يقرأه من الجلده للجلده كان الكتاب عباره عن روايه تغوص فى اعماق النفس البشريه وتشرح التقلبات فى الشخصيه وهل من الممكن ان تتحول شخصيه تميل للضعف الى شخصيه قويه وكانت الاجابه مابين السطور الحب له تاثير السحر والرغبه فى التغيير والاخذ بالاسباب وحب الخير والعمل الخيرى كلها عوامل قويه تبدل الحال

الروايه اعترافات لشابه تعرضت منذ طفولتها لقهر من عائلتها لانها لم تكن بجمال اخواتها او ذكائهم هكذا نشأت دائما تعقد مقارنات بينها وبين اخواتها لا تكون فى صفها مع انها تتمتع بقدر من الجمال ولكنها فقدت ثقتها بنفسها وفى الروايه سرد للعديد من المواقف الصعبه التى تعرضت لها ووجدت من حولها يسخر منها او هكذا توهمت نتيجه لحساسيتها الشديده

وجد المواقف كانها تحكى عما حدث له شخصيا وسببت له الم بالغ وتواليت احداث الروايه فى تفاصيل شعر بها . حتى انه شارك البطله احساسها فى انها لن تجد من يحبها لكثره عيوبها

وعندما تزوجت من احبها كانت تشك فى حبه رغم ان زوجها دائما يثنى عليها ويتغزل فى محاسنها وكان يراها اجمل نساء الدنيا وفى احد الايام اصيبت بنزله برد شديده فوجدت زوجها فى غايه القلق ويحنو
عليها ويأخذ اجازه من عمله ويسهر طول الليل على رعايتها وبمرور الايام شعرت بصدق مشاعره ووثقت فى حبه وبادلته بحب اكبر واستعادت جزء من ثقتها بنفسها

كان الزوج محب للقرأه واسع الاطلاع يهتم بشراء كتب متنوعه مابين قصص وروايات الى كتب فى مجالات محتلفه فاذا بها تشاركه وتقرا كل ما يقتنيه وتناقشه فيه فاضاف لها الكثير من المعلومات واصبحت تعمل كل شىء بحماس هذا ماكان ينقصها فى حياتها بعد ان كان عملها رتيب اصبحت تحبه وتتقنه انه الحب الذى يجعل كل شىء جميل .

واتاحت لها طبيبعه زوجها الاجتماعيه التعرف على
العديد من الاصدقاء فاختلطت بزوجاتهم واندمجت معهم فاصبح لها عالم جديد متنوع اثرى شخصيتها وكان من ضمن

مايحرصون عليه عمل خيرى كل شهر زياره لدار ايتام او دور مسنين وماشابه مما كان يرقق احساسهم ويشعرون بما اسبغ الله عليهم من نعمه فيحرصوا على طاعه الله والاكثار من الصلاه مما جعلهم راضيين عن انفسهم وحظوا بحب مجتمعهم واحترامه

كانت زوجه احد الاصدقاء الاقرب الى قلبها انيقه جدا وتعمل فى مجال تصميم الازياء توطدت علاقتها بها مما جعلها تهتم بمظهرها واناقتها فالمظهر الانيق يمنح الثقه والراحه للنفس وبهذا تالت اعجاب الجميع وتبدل حالها من عدم الثقه بالنفس الى امرأه جميله واثقه فى نفسها معتزه بروحها فى تواضع كم كانت تخشى ان تقول رأيها فيسخر منها المحيطين بها كما كان يحدث من قبل اما الآن فهى تقول رأيها وتتناقش فيه وقد تغير من وجهه نظهرها ولم لا طالما هناك راى افضل ولا يعيب المرء ان يخطأ بل ان الاخطاء تعلم ولكن علينا ان نتعلم منها ولا نكررها ونستفيد من اراء الآخرين وتجاربهم

.كان الكتاب مترجم باسلوب جميل ومؤثر وعباره عن مواقف رأى تفسه فيها وعندما اتمه شعر بتبدل حاله من الهم الى السرور وهدوء النفس وشعر ان بطله القصه تشبهه كثيرا من حيث النشاه والتربيه

وتيقن انه مابه من هم لانه استسلم لاراء الآخرين فيه وتعود عليها ولم يحاول ان يقاومها مما احبطه واصبح مهمل فى مظهره وافكاره حتى صار ما لم يكن فيه من عيوب فيه فعلا واذا به يتأثر بما قرأه و يثور على نفسه ويقرر ان ينسف كل مابه من افكار سلبيه بثها فيه الآخرين ويتخلص من كراكيب افكاره ويتحرر من سجن تاريخه حتى يفسح مكان لافكار اخرى مليئه بالامل وتبعث على التفاؤل

فقام بشراء عده اطقم انيقه ذات الوان مريحه ومرحه واشترى بعض من الكتب لنفس الكاتب وقرر ان يعمل مايحب ويقول ما يقتنع به
وياخذ بكل الاسباب التى تدعم ثقته بنفسه ذهب الى الحلاق وطلب منه قص شعره وعمل تغيير مناسب وضع عطره وارتدى ملابسه
الجديده شعر بتحسن فى معنوياته وما ان خرج حتى قابله احد جيرانه بوااااوو و تبدو جميل شعر بارتياح عميق. وكأن الكتاب الذى قرأه عمل ثوره داخليه .

34 comments:

klmat said...

اصدقائى
وحشتونى واعتذر عن غيابى وبأذن الله
ارد على التعليقات السابقه
خالص تحياتى

amr said...

enti elly wa7shtna kitabatik gedan

kal 3ada el mawdo3 gamil gedan we klamik ra23

abo salah said...

بعد السلام عليكم

أولا اقولك الف حمد الله علي السلامة
ونورتى مدونتك من جديد

وباعتذر عن تأخرى فى زيارتك

ثانيا عايز اقولك
ان اسلوبك رائع وجذاب
وبرضه لغتك سلسة

رمزية القصة نفسها جميلة في ان الحب قادر علي ان يغير من حال إلى حال
ودا فعلا
الحب دا نعمة من عند الله
لسه محدش عرف اسراره ولا بحوره
ولا سر الطاقة الغريبة لفعل الخير وحب الدنيا وحب الناس اللي بيسببها الحب الصادق

وأنا باقول الحب الصادق
لأن الحب برضه ممكن يكون هو وسيلة الشقاء والعذاب والجرح والألم

وعايز قول ناس كتير زي بطل قصتك كده
من حيث ان ممكن كتاب يأثر فيهم لدرجة التغيير
انا عن نفسي فى روايات وكتب كانت بتأثر فيا لدرجة اني ابحث عن تغيير للأفضل

تحياتي ليكي
وحمد الله علي السلامة مرة تانية
وتمنياتي بدوام التواصل

Anonymous said...

Klamk gamil zy kol mara.

Welcome back.

Sherif

klmat said...

amr
اهلا بك منور مدونتى اشكرك جدا على كلامك
الجميل ده بس من ذوقك
ربنا يكرمك ويوفقك
خالص تحياتى وتقديرى

klmat said...

abo sala7
وعليكم السلام
اهلا بك والله يسلمك واشكرك جدا على كلامك
الجميل . معاك حق الحب له فعل السحر وبيغير فى نظره الانسان للدنيا اكيد القراه لها تأثير كبير على افكارنا وسلوكنا ويكفى ان واول ايه فى القرآن الكريم هى اقرا. سعدت جدا بتعليقك
ربنا يجبر بخاطرك ويوفقك
خالص تحياتى وتقديرى

klmat said...

sherif
اهلا بك يافندم المدونه نورت دايما جابر بخاطرى ربنا يكرمك ويوفقك ويحقق كل امانيك
خالص تحياتى وتقديرى

و القادم....أجمل said...

البوست دا رائع بجد
لازم كلنا نثور علي أي حاجة تتفرض
علينا بس تكون خنقانا
صاحبتي دايما تقولي كده


رائعه يا أميرة
ربنا يوفقك و يسعدك

إحترامي و حبي يا جميلة إنتي
:)

سمراء said...

ان عدم وعي الاهل اثناء الفترات الاولى من حياتهم يؤدي بهم الى تكون صورة غير سوية عن انفسهم وقد يتعرضون الى ما يدعوهم للتحرر من تلك الصورة والوصول الى الصورة الحقيقة المتزنة عن انفسهم الا انهم لن يتخلصوا كليا من تلك الصورة فقد تظهر المها من فترة لاخري
وهذا ما يعطي اهمية للحرص الشديد في التعامل مع الاطفال في تلك المرحلة
حمد الله على السلامة
سمراء

Sherif said...

klmat

معظمنا يحتاج لما قلتى .. فالكمال لله

القصة تذكرنى بمقولة " أنا البحر فى احشائه الدر كامن .. فهل سائلوا
"الغواص عن صدفاته؟

دائما ماأظن أن الجمال مثل المسألة .. بعض المعطيات .. ومجهود لحل المسألة .. فالغابة فى حد ذاتها شعثاء .. ولكن ببعض اللمسات يمكن ان تتحول الى حديقة غناء

والامثال لدينا كثيرة .. واعتبر مثلا المطربة أنغام مثالا لطيفا على هذا .. فقد كانت لديها مشكلة فى أسنانها حينما ظهرت أول مرة .. الآن يمكنك أن ترى قمرا فرنسى النكهة .. وهكذا حينما أرى أنفا أفطس .. أو شعرا أشعث .. ينتابنى احساس عارم بأن علينا أن نفعل شيئا .. وان الانسان لم يبذل الجهد اللازم ليحيل كل شئ الى جمال مطلق

هذه هى رسالته على الارض

بوست رائع .. لسيدة أروع

منى said...

سمعت اخر المتخصصين فى التربيه يقول
ان اردت ان تقتل ابنك فقارنه بغيره

ولم انس تلك المقوله ابدا
بالطبع كان يقصد ان كانت المقارنه فى غير صالح الابن

لذا فقد امر الله ورسوله الوالدين بالعدل بين الابناء حتى فى القبله

الاحساس بالظلم او انعدام القيمه فى نظر الاقربيبن يمنح الابناء شعور سلبى كريه ويفقدهم الثقه فى قدراتهم وغالبا ما يترجم هذا الشعور بسلوكيات عدوانيه ونادرا ما يدفعهم للتفوق كى يثبتوا انهم الافضل

ومن حسن حظ هذا الفتى وتوفيق ربه له
انه وجد هذا الكتاب
فان اختلفت المعطيات التى تجعلنا نشعر بالثقه لكن القدره على التغيير الايجابىفى حد ذاتها نعمه كبير

وما اجمل ان نجد بالجوار من يحاول المساعده ومنح الثقه

حمد على السلامه
ودايما منوره بموضوعاتك الانسانيه
تحياتى

رحــــيـل said...

عزيزتى اميره ازيك

يارب تكونى بخير

بجد بوست هايل

فعلا لازم الواحد يقتنع من جوا ويغير الطاقه السلبيه
انا واحده صاحبتى كانت اقترحت برده عليه شويه حاجات اعملها كده لتغير الموود السئ كان من ضمنها تغير لون اللبس والتنويع فيه وكمان الرياضه
والقرايه كمان مهمه

وبجد الاهم فعلا العمل التطوعى والصحبه بتاعته

ربنا يكرمك

klmat said...

القادم احمل
اهلا بك يالولو الرائع هو تعليقك
انا مع راى صحبتك احيانا تفرض علينا اشياء تتعبنا .علينا ان
ننزعها ونغرس مكانها حاجه تفرحنا
وممكن الاصحاب يساعدوا بعض فى الموضوع ده وان شاء الله القادم اجمل ... بحبك اوى ربنا يسعجك ويوفقك... خالص حبى وتقديرى

klmat said...

سمراء
اهلا بك . وحشتينى اتفق معاكى تماما فى كل حرف . البعض ممن يتمتعون بقوه بيستطيعوا التغلب
على هذا الألم فى حاله وجود من يساعدهم والباقى بيتعرض لهزه نفسيه
قد تؤثر عليه مدى الحياه وقد قابلت فى حياتى نماذج ليست جميله ولكن لديها ثقه فى نفسهاواخرى فيها كل المواصفات ولكنها تشعر بعدم ثقه فى النفس نتيجه عدم وعى الاهل فى الصغر فتجدى من ينادى مثلا ابنه بتعالى ياطويل او ياقصير او ياغبى بينما طفل تانى فيه نفس المواصفات ولكن امه تناديه بتعالى ياحبيبى او ياقمر ياحبى شوفى الفرق فى نفسيه كل منهما والمشكله بتكون اكبر فيمن يتصفون بالحساسيه .سعدت بتعليقك جدا
خالص تحياتى وحبى .

klmat said...

sherif
اهلا بك منور مدونتى . ميرسى على كلامك الجميل جدا .واتفق معاك فى رأيك
ومثل انغام معاك فيه لكن فى ناس بتكون عاديه بس شايفه نفسها
قبيحه مثلا الفنانه ثناء يونس
اللى كانت فى مسرحيه سك على بناتك اراها ليدى عاديه ولكن دايما واضعه نفسها فى قالب العانس الغير مرغوبه بينما هناك فنانات اقل جمالا بيطلعوا بيتحبوالثقتهم فى نفسهم زى فردوس عبد الحميد الثقه بالنفس
وجمال وقوه الشخصيه بتضفى جمال عليها زى ام كلثوم شكلا عاديه
ولكن القصبجى ورامى ومصطفى امين حبوها .ظنى لثقافتها وثقتها فى نفسها
النابعه من حب اسرتها فالشخصيه السويه بتكون اتربيت فى جو مليان حب وحنان واصل لها
الرائع فعلا هو شخصيتك ومدونتك الجذابه جدا اللى بتتميز بالرقى والجمال
خالص احترامى وتقديرى وتحياتى

klmat said...

منى
اهلا بك ياخبيبتى . انا الخمد لله بخير
تعليقك جميل بيعبر عن ما اقصده
التربيه فى السنوات الاولى مهمه اوى
الطفل اللى بيمتدحه اهله وبيحوطوه بالحب والحنان ويعلموه الصح والخطأ بطريقه صح بينمو واثق من نفسه.دايما فاهمنى يامنمون
سعدت بتعليقك جدا وربنا مايحرمنيش منك ويحقق كل امانيكى يارب
خالص حبى وتقديرى وتحياتى

klmat said...

رحيل
اهلا بك ياساره واحشنى جدا وقبل ما اشوف تعليقك قرأت البوست الأخير عندك واثر فيا اوى اوى
بس كنت بفكر فى تعليق يعبر عما اشعر به ولما فتحت مدونتى لقيتك معلقه عندى القلوب عند بعضها

اتفق مع صحبتك الواحد لما بيلبس ملابس جميله بيرتاح نفسيا وبيريح من يراه ايضاوالرياضه ان شاء الله حتى المشى بتصفى الذهن الموسيقى والقرأه كلها
وصفات جميله بنطبطب على نفسنا بها. دايما متألقه وربنا يسعدك
ويحقق امانيكى
خالص حبى وتحياتى وتقديرى

رئيس جمهوريه نفسى said...

العنصريين مطلوبين الحب والثقه بالنفس ولا يمكن فصل واحد عن الاخر الحب بيقوى وبيزود الثقه فى النفس وكلنا فى حاجه الى كليهما
تحياتى ليك ولاسلوبك الرائع

klmat said...

رئيس جمهوريه نفسى
اهلا بك ويارب تكزن بخير وتعليقك فيه الخلاصه كلها
ربنا يسعدك ويوفقك
خالص تحياتى واحتراماتى وتقديرى

kafrawy said...

وخير جليس ف الانام كتاب

لو سمحتى كبرى الط علشان فى ناس

ع قد حالها


ههههههههههههههههه
سلام

قلوب حائرة said...

عجيب ذلك الاحساس الذي يضفي على العالم من حولنا جمال فوق جماله ويضفي عليه لون اخر ويولد الحماس والاقبال على الحياة بصورة غير طبيعية تسلم ايدك ووحشاني وحمد لله على سلامتك

klmat said...

kafrawy
اهلا بك . كلامك مضبوط تمام .عارف انا كنت حاسمى البوستده الكتاب صديقى لانه فعلا كده . اما بالنسبه للخط غالى والطلب رخيص يتم تكبيره وينفذ
بس عايزه اقولك معلومه صغننه لوحبيت تكبر الخط دوس على كنرول وعلامه +ولو حبيت تصغر دوس على ctrl و-
سعدت بتعلقك الجميل ربنا يكرمك ويوفقك
خالص تحياتى وتقديرى

klmat said...

قلوب حائره
اهلا بك والله يسلمك ويكرمك
الحب والامل والقرأه والتأمل فى الطبيعه
وعمل الخير كلها حاجات جميله بتسعد
ربنا يسعدك ويفرحك دايما
خالص تحياتى وتقديرى

blue-wave said...

حلو اوى البوست
تحياتى

klmat said...

blue wave
اهلا بك الحلو انى الاقى تعليقك
والاحلى مدونتك جميله اوى
ربنا يوفقك ويسعدك

Doba said...

جميلة قوى
بجد
كاتباها بتشويق وبشكل يشد تعرفى ايه اللى هيحصل بعد كده

عارفة

انا كل لما بقول للى حواليا لو عملتو الحاجة وانتو بتحبوها تبقى ليها طعم مختلف ومميز أكتر بكتير

اعملوا الحاجة بنفس هتلاقو نفسكم سعداء لأنكم أتقنتوها

تسلم الأفكار
والأيادى

تحياتى
هبة

asftel7b said...

بجد بوست جامد تسلمى عليه

وفعلا الحب بيعمل المعجزات مش الحب اللى المعروف
لأ الحب لاى شىء للمبدء &لشخص ما & لفكره بيغير كتير فى الشخصيه

klmat said...

doba
اهلا بك ياهبه . الجميل تعليقك
انا معاكى الواحد لما بيعمل اى حاجه بحب
بتكون النتيجه حلوه وبيظهر الحب فيها
كلنا فى احتياج ان نحب ونتحب ونعمل بحب
ميرسى على كلامك الجميل وربنا يسعدك ويوفقك يارب

klmat said...

asftle7b
اهلا بك . كلامك جميل ومتفقه معاكى حق طبعا الحب بانواعه له مفعول السحر
ربنا يجعل حياتك كلها حب وسعاده
واشكرك جدا
خالص تحياتى

مؤمنه said...

السلام عليكم ورحمة الله وبركاته
احيانا تقع بين ايدينا حكم تغير ردود افعالنا تجاه مواقف كثير وكتب تبدل مجى حياتنا
هذا الموضوع اضاف لرصيدى المقتنع باهمية القراءه قناعة اخرى بان القراءة مدرسه متكامله واسره تنشئ وتربى
جزاكى الله كل خير على هذا الموضوع الثرى
دومتى بخير
والسلام عليكم ورحمة الله وبركاته

عاليا حليم said...

لا حول الله
هي الوسطية ذايما ضايعة عندنا كدة و تايهة محتارة بتتألم

:)

momken said...

كل عام وانتم بخير

التدوينه جميله اوى

بس هى كانت ماتش اعتزال ولا ايه

واضح ان حضرتك بطلتى تدخلى المدونه من ززززززمان


تحياتى

جسر الى الحياة said...

بجد بجد بوست حلو قوى وقريب الى النفس لان كل واحد جواه ثورته الداخلية معروفة الاسباب لديه هو فقط انا واحدة من الناس الذين مروا بهذه الثورة الداخلية والتى غيرت كثيرا من ملامح شخصيتى وبالتالى انعكست بشكل او اخر على حياتى لتصبح افضل

دمتى بحب ومودة

klmat said...

مؤمنه
اهلا بك واسفه جدا فى التأخير على الرد
تعليقك اسعدنى جدا كلامك كله رقه وذوق
اشكرك جدا دعواتى لك بكل الخير
عميق تحياتى