Tuesday, November 25, 2008

ماما ميا


دعوه للبهجه والسعاده
رن التليفون وكانت صديقتى الحبيبه سوسو
اميره .... فاكره فرقه الأبا
ياااااااااه طبعا
انا دخلت فيلم جميل جدا اسمه ماماميا حايعجبك اوى فيه اجمل اغانى فرقه الأبا ... وعايزه ادخله تانى تيجى معايا .. اجى اوى اللى شجعنى اسماء ابطال الفيلم هايلين وكنت قرأت عنه فى مدونه شريف ومدح فيه
الفيلم رائع جدا كله غناء ورقص فى جزيره جميله فى اليونان المناظر خلابه الموسيقى عذبه والرقصات كلها حيويه ومرح .
قصه الفيلم عن
دونا " ميريل ستريب " امرأه مليئه بالحيويه والمرح متصالحه مع نفسها احبت فى شبابها رجل احبها ايضا ولكنه كان خاطب وهجرها بعد ان رقصا ومرحا سويا و..... ثم احبت ثانى وتركها ايضا بعد ..... وبعد الثالث قررت ان تعيش بمفردها معتمده على ذاتها و حققت حلمها فى ان يكون لديها فندق تديره هى
وابنتها المخطوبه صوفى .وتتمنى صوفى ان تعرف من هو والدها بينما تتهرب الأم دائما من الأجابه وتفرأ صوفى مذكرات الأم وتعلم ان فى حياه امها ثلاث رجال يحتمل ان يكون كل منهم ابيها فترسل
تدعوهم متقمصه شخصيه الأم للجزيره الخلابه حيث الماء والخضره والوجه الحسن وحتى يسلمها ابيها لزوجها فى يوم عرسها كما تتمنى . وهنا تحدث مفارقات كوميديه وحوار بالغناء يعطيك شعور بالبهجه والسعاده
ميريل سبيرت تخطت الستين ترقص وتغنى وتقفز كما لو كانت فى ريعان الشباب وكذلك صديقاتها والثلاث رجال
انا لم احرق الفيلم لمن يريد ان يراه لأنه يعتمد على الموسيقى والغناء والمواقف الظريفه بالأضافه للمناظر الخلابه
تخرج من الفيلم وانت فى حاله من النشوى والسعاده والأمل وتعى انه حتى لو ضاعت فرصه فهناك شيئا آخر او فرصه ثانيه فى المقابل .
علينا ان نحيا ونمرح ايا كان عمرنا.ولو ان بعض الأغنيات فيها شىء من الشجن ولكنه ممزوج بالأراده والعزه
شكرا صديقتى العزيزه اعطتينى جرعه رائعه من المتعه والأنسجام

30 comments:

Unknown said...

احنا هندخلة مع بعض امتي بقيييييييييييي


ماليش دعوة انا كمان عايزة اتفرج معاكي




يلا
مستنية الميعادددد
يااجمل ميرو في الدنيا

سلام

حاجات جوايا said...

شكله فيلم حلو

واكتر حاجة شدتنى ليه " اسمه "

ماما ميا

بس أجمل حاجة بجد انك قدرتى تخرجى منه بجرعة متعة وانسجام .. بجد دى اهم حاجة
ربنا يجعل كل حياتك متعة وانسجام يا جميل

و القادم....أجمل said...

سالخير
أنا بأه عايزاكي تحرقي الفيلم
البنت طلعت بنت مين
:\

هحاول أدخل الفيلم
و نديها باه نعناع
و نعنع
:D

دكتور كسلان said...

ازيك يا مدام اميرة
كل سنة وحضرتك طيبة
العيد قرب
ويارب تكونى فى اتم صحة وسعادة انت وكل احبابك واصحابك

واضح ن الفيلم خفيف وجميل
وكفاية زى ما حضرتك قولتى
اسماء الابطال
انا بحب ميرل ستريب جدا
وموجود كمان على البوستر بيرس بروسنان
وده ممثل جامد جدا

احنا فعلا محتاجين المرح فى اى وقت

سلاااااااااااااااااااااااااااااام

klmat said...

My hopes
اهلا يامنى .
ده كلام زى الفل
ان شاء الله ندخله
حا اتصل بكى ونرتب مواعيدنا
موبايلات بقى
خالص حبى
سلااااااااااام

klmat said...

حاجات جوايا
اهلا بك سعيده جدا بتعليقك
انا من الناس اللى تحب تدور على كل
ماهو مبهج ويفرح ممكن فيلم حفله موسيقيه
مسرحيه .ندوه بعد الترفيه بيكون فيناطاقه اكتر للعمل والحياه الحمد لله دى نعمه كبيره .ربنا يسعدك ويفرح قلبك واشكرك جدا
خالص حبى وتقديرى .

klmat said...

القادم ...اجمل
ساالنور ..الله واعلم مين الأب شوفى الفيلم
نخليها انتاج مشترك
الجميل فى الفيلم الأستعراضات والأغانى والمناظراكتر من الموضوع
..... :)
يارب يعجبك
ياجميل يارايق نعنع
بحبك اوى ...ربنا يسعدك ويكرمك
خالص حبى وتقديرى

klmat said...

د / كسلان
اهلا بك . انا الحمد لله بخير ويارب انت كمان تكون تمام وكل الأهل والحبايب بخير وكل سنه وانت طيب . بيرس بروسنان طبعاجامد جدا جيمس بوند
تخيل بقى بيغنى ويرقص كل اللى فى الفيلم ابطال . الغريب واللى كان المفروض اكتبه
ان العدد فى السينيما كان قليل جدا لا يتعدى 8 أفراد مع انه فى رأيى جميل اوى
يارب يعجبك
كل الدعوات بالخير والسعاده
خالص تحياتى وتقديرى

رحــــيـل said...

جميل احساسك بالفيلم جدا
وانك قدرتى تستمتعى بالشكل ده
وقدرتى تطلعي من الفيلم بجو كويس

تحياتى وتقديرى

بس خلاص ... said...

ارق واعذب الكلمات
اشكرك ...الدنيا بخير طول مافيها ناس حلوين زيك


...لااعلم كيف يبتهج قلبى واشعر بالاطمئنان كلما قرأت كلماتك

لكى كل الحب

بس خلاص ... said...

وكمان فيلم كلله بهجه وجمال الله عليكى ..انا كده قلت للزعل بس خلاااااص

والبهجة الحقيقية فى روحك الجميله

يا مراكبي said...

:-)

البوست ده بيدعوا للإبتسام .. واللي قبله بتاع بكيزة وزغلول بيدعوا لضحك .. والإتنين بيفكرونا بحاجات زمان الجميلة الهادية

:-D

Anonymous said...

Klamk dymn gamil,

ebnk Sherif

klmat said...

رحيل
اهلا بك .الموسيقى والأغانى ممكن تأثر فيا
وتغير حاله المود بتاعى
اسعدتينى بتعليقك
تمنياتى بكل السعاده والتوفيق
سلامىوتحياتى

klmat said...

بس خلاص
اهلا بك . اشكرك جدا على كلامك الجميل
ربنا يجعل كل حياتك سعاده وبهجه
كلامك ابهجنى فعلا
خالص حبى وتقديرى

klmat said...

يامراكبى
اهلا بك . انا فعلا بتمنى ان اللى يدخل مدونتى يشعر بالبهجه والأمل
اشكرك جدا ومن دواعى بهجتى تعليقك عندى
خالص احترامى وتقديرى

klmat said...

ابنى شريف
اهــــــــــــــــلا بك وحشتينى اوى
الجميل هو انت . ربنا يخليك ويحفظك ويسعدك
يااااااااااااااااااااااارب
سلامى وحبى ودعوات بكل الخير

منى said...

الحمد لله انك اتبسطى
واستمتعتى بالفيلم والصحبه الحلوه
انا بحب اشوف الا حاجه فيها مناظر طبيعيه وخصوصا البحر
تحياتى

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

اقصوصه said...

الفلم شكله حلو

لو لقيت فرصه ان شالله

بحاول ادخله

تدوينه جميله

تقبلي مروري

Empress appy said...

انتى دخلتيه
يا خبررررررررر ده يجنن تحفه هايل وهم ممتع
جابلى عقده البنات اصحابى يقولوا ليه تعرفى تعملى زيها واهى واحده فى السابعينات قولت لهم اه بس احجزوا المستشفى
بجد الفيلم ووووووووووهم بجد

Anonymous said...

انا سعيد جدا جدا انه اعجبك

الرسالة كما تقولين .. ادى الناس عايشة اهى .. بعد الستين .. وفقراء .. حتى لاتكون الحجة ان الفرح والسعادة للأغنياء فقط

وكمان زفة العروس هى على حمار بنى جميل

فيه حجة تانى يافندم حتى نعيش حياتنا؟

بس خلاص ... said...

كل سنه وانتى طيبه ياحلى الكلمات واعذبها ربنا يسعد ايامك لكى منى كل الحب

klmat said...

منى
اهلا بك . اكيد المناظر الجميله من دواعى السعاده بتسعد الروح وتشرح الصدر وبنحس بقوه ربنا وابداعه
ربنا يسعدك ويكرمك يااارب
خالص حبى وتقديرى

klmat said...

م/ الحسينى لزومى
اتمنى لك كل التوفيق
تحياتى وسلامى

klmat said...

اقصوصه
اهلا بك . اتمنى تدخله ويعجبك
ربنا يسعدك يارب
خالص تحياتى وتقديرى

klmat said...

ابى
اهلا بك . احنا عندنا نيللى ولبلبه وصفاء ابو السعود ممكن يعملوا زيها
الناس دى بتحافظ على رشاقتها بالرياضه
والغذاء المناسب . الفيلم جميل يستحق المشاهده وسعيده انك دخلتيه
ربنا يسعدك ويكرمك
خالص تحياتى وحبى

klmat said...

sherif
انا سعيده اكتر لسعادتك وانت كنت عامل مهم لدخولى الفيلم لثقتى فى ذوقك
السعاده مش مرتبطه بالغنى قد تكون فى الأشياء البسيطه جدا كثير من الأغنياء لا يشعروا بالسعاده التصالح مع النفس والابتهاج نعمه كبيره
ربنا يسعدك ويفرح قلبك واشكرك جدا جدا
خالص تحياتى وتقديرى

loumi said...

عارفه
يا أميره
في إحدى القنوات كان هناك
تنويه دائم عن هذا الفيلم
وعن صناعته وكانت ميريل ستريب بتتكلم
عن مدى سعادتها بعمل الفيلم ده
كنت حريصه على مشاهدة هذه المقاطع كلما سنحت لي الفرصه
الفرقه ليها عندي برضه ذكريات جميله وقديمه قوي

فعلاً فيلم مبهج في زمن مزعج
يا رب تكوني إستمتعتِ بمشاهدة الفيلم
سلام يا جميل

klmat said...

loumi

حبيبتى اهلا بك انا الحمد لله فعلا استمتعت بالفيلم ويارب تشوفيه .جميل ان الواحد ياخد فاصل من البهجه علشان نقدر نكمل
بتوحشينى اوى ياريت كنا فى محافظه واحده
ربنا يسعدك وكل حياتك تكون كلها بهجه وهنا وكل سنه وانتى واسرتك وكل حبايبك بخير يااااارب
سلام ياسكر