Wednesday, June 20, 2007

بينى وبين نفسى


من الحاجات اللى بتسعد اى انسان فى الدنيا ان يكون له صديق بمعنى الكلمه يشعر بسعاده فى وجوده جنبه ويشعر بالصدق فى مشاعره

ولما بفضفض معاه يحس انه فاهمه وحاسس به

وتكون السعاده متبادله ساعات بروح اماكن جميله مع صحبه عاديه زميله حبت تغير جو فروحنا مع بعض النادى مثلا لكن تفرق لما تكون مع الصديقه اللى فاهماك حتى لوكنت فى اى مكان طعم الحياه بيختلف . كان لى صديقه من النوع ده هى ماشا الله ذكيه ومثقفه ومطلعه على امور الدنيا ودمها خفيف جدا وكانت كمان على درجه عاليه جدا من الرقى ومتعمقه فى الدين هذه الصديقه تزوجت منذ سنين وسافرت امريكا وحالت المسافات ومشغولياتها وامور اخرى حالت بينى وبينها.صعب اوى حاليا تجد الصديق بالمفهوم ده .علشان كده انا صاحبت نفسى

اللى عايزه اقوله لصحبتى بكتبه هنا وطبعا مافيش حد يقرأه بس انا بحس بسعاده وكأن حد معايا

ولقيت انها وسيله لقرأه نفسى ومراجعه اخطائى لما بقرا اللى كتبته بعد كده .صديقتى نفسى صريحه وواضحه الحمد لله ان فى ود بينى وبين نفسى

3 comments:

Anonymous said...

هوه مجتمع التدوين معمول عشان كلنا نكلم و نكمل بعض
مرحبا بيكي و بحوارات صديقتك
و تحيه علي مواضيعك اللي فاتت ... حلوه علي فكره

Anonymous said...

Please consider me your friend as I consider you my ONLY true Friend inspite of the crowd around me.

Sherif

klmat said...

ya fendm enta sadiky f3ln ,el hamdo lel allah ,
الحقيقه انا حاسه انى بقلد الشباب الصغير بس لما شفت احمد نجم قلت طب ما فى ناس اكبر منك بكتير بتكتب رغم انى مش بحب التقليد بس الفضفضه مريحه