Wednesday, August 8, 2007

ارحموا من فى الأرض يرحمكم من فى السماء

بخصوص الطلبه المختطفين

انا سيده مصريه عاديه بتحب بلدها اوى وافديها بروحى وبحب ا ولاد بلدى وبحب العدل وبكره الظلم والقهر
سمعت عن الطلاب الذين تم اختطافهم .. ولا اعرف السبب وبفرض انهم مذنبين المفروض اهاليهم يعرفوا مكانهم ويوكلوا محامى ويطمئنوا عليهم
ربنا يكون فى عون اهاليهم خصوصا كل يوم بنسمع عن وسائل التعذيب الغير ادميه الشاب اللى كبوا عليه سبرتو وحرقوه ليجبروه على الأعتراف وغيره كتير
الناس برا بتنادى بالرفق بالحيوان احنا بنقول الرفق بالأنسان
دول طلبه يعنى فى سن صغيره لو المختطفين تخيلوهم اخوانهم و او اولادهم ارحموا من فى الأرض يرحمكم من فى السماء
مش طالبين غير العدل

الموضوع اصبح معلن والكل علم به . نأمل ان نطمئن جميعا لسير العدل
ياربى مش حاقول همى كبير حاقول ليا رب كبير حايفرج همى وهم المظلومين
حاليا النائب العام امر بالتحقيق ربنا يسمعنا خير ويطمن اهاليهم يارب

انا كل يوم اسمع فلان عذبوه
اسرح فى بغداد والجزاير واتوه
ماعجبش م اللى يطيق بجسمه العذاب
واعجب من اللى يطيق يعذب اخوه ده كلام صلاح جاهين

27 comments:

loumi said...

العزيزة اميره
لا نملك سوى الدعاء لله ان يرحمنا جميعا
و يحمي شبابنا
ويارب فعلا ما يكونش الكلام صحيح عن ان فى واحد منهم مات من كتر التعذيب
ولو ان حتى لو دى الحقيقه
حيطلع التقرير انه حصله هبوط حاد فى الدورة الدمويه
و حسبنا الله ونعم الوكيل
تحياتي

ahmed mefrh said...

و لم العجب
و الان اصبح الاخ بيقتل اخوة
و انتهت تلك الكلمه " الاخوة " من الوجود
ابو مفراح

3abdo me7tas said...

مش فى ادينا حاجة
حسبنا الله ونعم الوكيل
يا سيدتى العزيزة اللى لازم تعرفيه كويس اوى
يبقى انت اكيد اكيد فى مصر

klmat said...

عزيزتى لومى
بتشرفنى دايما بتعليقك ندعو من قلوبنا
وان شاء الله ربنا يستجيب
وبرضوا لما الكل يكتب ويستنكر الرأى
العام بيعمل حاجه ومهما كان
جبروت الظالم فكلمه لا بترعبه
تحياتى وسلامى

klmat said...

ابو مفرح
فى اخ بيقتل اخوه من ايام قابيل وهابيل
وفى ناس بتضحى بروحها من اجل واحد متعرفوش
من فتره نشر ان فى مدرس غرق اثناء محاوله
انقاذاحد الغرقى . واخر لقى ربه
اثناء محاوله انقاذ زميله من الغرق
فى النيل الخير والشر موجودين
بس الشر اكتر
ربنا يستر وحسبى الله ونعم الوكيل
تحياتى وسلامى

klmat said...

عبده محتاس
حمدالله على السلامه وربنا يكتب لك
كل توفيق
طبعا احنااكيد اكيد فى مصر
شرفتنى

دكتور كسلان said...

بجد مش عارف اشكرك ازاى
جزك الله كل خير
الحمد لله ان الموضوع اتنشر فى المصرى اليوم
عشان الناس كلها تعرف
بس يارب الناس تتحرك
ويارب يطمنا عليهم

احساس لسه حى said...

عزيزتى
ما الدنيا بقيت كده اللى يموت من التعذيب واللى يموت من الخوف واللى يموت وهو عايش
جميل صلاح جاهين
تحياتى ليكى
سلام

محمود على said...


انا كتبت عشر كومنت
وامسحهم واكتب تاني
مش عارف اقول ايه
مش عارف
احنا الي عملنا كده في نفسنا

klmat said...

د/ كسلان
انا اللى اشكرك وربنا يسمعنا خير
قل لن يصيبنا الا ماكتب الله لنا
يارب افرجها عليهم وعلى اللى زيهم
تحياتى وسلامى

klmat said...

احساس لسه حى
ان شاء الله ربنا حايفرجها
ما ضاقت الا مافرجت
اشكرك جدا على التعليق
وسعيده بمرورك عندى جدا
تحياتى وسلامى

klmat said...

محمودعلى
نتمنى من الله ان يفرجها
ويظهر الحق ويسود العدل
انا كمان كتبت البوست اكتر من مره
وبردوا مش قادره اعبر عن اللى حاسه بى
اشكرك جدا
تحياتى وسلامى

momken said...

ترقب الزلات ، توقع الأذى من غيرك ، وإنتظر من الناس كل ما لا يريحك وما لا ينصفك ، تخرج من هذا التوقع إلى نفسية قوية متماسكة .. مثل قشطة التاج


أننا نعيش في عالم غير كامل ومع ناس غير كاملين .. الكمال لله .. فحذاري أن تحمل السلم بالعرض


اعلم أنه عند خوض المعارك لا تعتفد أنه يلزم للتغلب إلى الخصم أن تكون أقوى منه . بل يكفي أن تكون أثبت منه .. وأنظر إلى مروض الوحوش الضارية .. إنه ليس أقوى منها ولكنه مسيطر عليها بثباته

تحياتى

اسكندراني في الغربة said...

بصي هي معادلة بسيطة
ايمان قليل = فتن كتير
وربنا يستر ويرحمنا برحمته

klmat said...

الى ممكن
كلامك جميل ومعقول
ومااقدرش اقول حاجه عنه غير ان مدرب الوحوش تبعنا
قلبه ضعيف وينقصه الثبات
ربنا يقوينا
تعليقك رائع سعدت به جدا
تحياتى وسلامى

klmat said...

الى اسكندرانى فى الغربه
اتمنى ان تكون بخير وربنا معاك
ومع كل المتغربين
اتفق معاك جدا
ربنا يقوى ايمانا ويرحمنا
ويرجعك لأهلك وحبايبك بألف سلامه
شرفتنى جدا
تحياتى وسلامى

shahy said...

بصي يا اميرة
انا كنت رايحة اعمل الاكل ولما شوفت تعليقك عندي قلت ادخل عنك واشوف مدونتك شكلها اية

وطبعا نسيت نفسي وانا قاعدة اقرا كلامك اللي بيدل على رقتك وطيبة قلبك

انا قريت لغاية التاج بتاعك ولسة ما كملتش
ومضطرة اقوم دلوقت واكمل قراية بعدين
لان العيال كدة هايجوعوا قوي

بس بجد سعيدة اوي بمعرفة مدونتك
ويامرحب بالاسكندرية وبكل ناسها الحلوين

أبوسويلم said...

والله هو ما عادش فيه شىء عجيب فى اللى بيحصل حوالينا فى كل مكان
ما الناس بتتعذب من ايام الثورة ومن قبل الثورة ومش بالسبرتو لا بالنار وبالكهرباء وباللى نعرفه واللى ما نعرفوش
لكن هنقول ايه غير حسبنا الله ونعم الوكيل وان شاء الله الاوضاع تتحسن بينا من غير يأس ولا تخاذل
جزاك الله خيرا يا اخت أميرة وربنا يفك اسرهم عن قريب ان شاءالله

Unknown said...

وعجبي


حسبنا الله ونعم الوكيل

ربنا يلطف بينا

عشان كدة بجد المفروض أنه حاجة تتغير
يارب ده يحصل

علي فكرة نورتيني بزيارتك لمدونتي

klmat said...

shahy,
شوشو شرفتينى بتعليقك الجميل
ربنا يجبر بخاطرك المهم يارب
تكونى لحقتى تطبخى والأكل طلع مظبوط
وابقى طمينينى عن اخبار التلاجه
سلامى لك وللأستاذ شنيور والاموره الجباره وابوالدارويش
نورتينى

klmat said...

ابو سويلم
يسمع منك ربنا ويحصل
التغيير اللى كلنا بنتمناه
حقيقى شرفتنى ونورت مدونتى بتعليقك
تحياتى وسلامى

klmat said...

fanan fa2eer,
ميرسى جدا على التعليق
وربنا يستجيب دعائنا جميعا ويحصل
التغيير
مدونتك رائعه
تحياتى وسلامى

shahy said...

اميرة الجميلة
انا قريت ساكن قصادي
فظيعة
تحفة
رائعة
مش قادرة اقولك عجبتني اد اية
وحسيتها قوي قوي

كل كلام الاعجاب اللي عندي خلص ومش عارفة اقولك اية تاني

ما شاء الله عليكي

تحياتي

ما علينا said...

عارفة يا كلمات
في حاجات كتير جدا المفروض تكون
لكن الواقع حاجة تانية خالص

لنا الله
هو خير معين
وربنا يقوي شبابنا
ويصبر اهاليهم

3abdo me7tas said...

ايه ده مفيش جديد ولا ايه

klmat said...

shahy
مش عارفه اقولك ايه
انا مش قد الكلام الجميل ده
رفعتى معنوياتى اوى ربنا يخليكى
تحياتى وسلامى

klmat said...

3abdo me7tas
الجديد بيتراجع
حايظهر ويبان النهارده
بأذن الله
اشكرك جدا على المتابعه
تحياتى وسلامى