Sunday, November 18, 2007

عا يزنها تبقى بمبى بمبى


عوامل مساعده لجعل حياتى تتلون بلون بمبى حيث انها رماديه اللون لا ابيض ولا اسود
بطبيعتى اميل للفرفشه ولكن من منا لم يمر بما ينغص عليه صفوه وحتى من حباه الله بعدم وجود مشاكل وده نادر بيلاقى المود العام مش حلو نشرات الأخبار واللى بيحصل فى العراق وفلسطين اخبار الغرقى وغلاء المعيشه حتى لو الواحد بعد عن كل ده تلاقى وجوه الناس فى الشوارع اغلبها عابسه .حتى فى اكتر من مدونه عزيزه عليا لقيت اصحابها فى حاله حزن يرقى للألم النفسى قلت اكتب عن حاجات عملتها وخففت عنى وربنا يفرجها علينا جميعا
المشى عموما بس على البحر بيخلينى فى حاله من الهدوء والرضا وبينعش روحى منظره و ريحته فى هدوؤه او حتى هياجانه له عليا تأثير عجيب زى مايكون سحر وكأنه منطقتى لغسل همومى . منظر الغروب وسحره الاقينى فى نفسى بقول الله من قلبى واسبح واحس ان وجوده رساله من ربنا بتورينى قدرته الانهائيه ويزداد ايمانى وارجع بيتى بمعنويات افضل
حاجه تانيه لما بكون بصحبه حلوه مشتركه معايا فى الميول وفى تفاهم بينا وحبذا لو قاعدين فى مكان جميل او بنتمشى على البحر الصحبه دى ممكن حد من عيلتى او واحده صحبتى انا صحباتى من ايام الطفوله حتى الأن فى ثقه وتفاهم عميق بينا الحمد لله بس مش حد محدد بالذات الصحبه الحلوه بتحسن من المود بتاعى جدا علشان كده بحاول اخرج على الاقل مره كل شهر مع صحبه ظريفه
كتاب مفيد باسلوب جذاب اجد فى القرأه متعه و لايشترط نوع معين وان كنت اميل للقصص الأجتماعيه وكل مايخص علم النفس
طبعا انى اكتب فى مدونتى واتجول فى المدونات الأخرى اللى فى كتير اوى بقوا بالنسبه لى اصحاب احب اشوف كاتبين ايه وايه رأيهم فى اللى بكتبه
السينيما وده جه بعد تجربه . كنت مره حزينه و حاسه بملل وزهق وخفت اعصابى تفلت منى فأأثر على بيتى فاقترحت انى اعزمهم على سنيما وطلبت منهم يرشحوا اىا فيلم فى الحقيقه لم يعنينى اسم الفيلم انا داخله علشان اخبى احزانى لكن اللى حصل ان الفيلم كان ظريف وفعلا طلعت من الحاله اللى كنت فيها وسعدت جدا بقرارى ده مع انى كان متهيألى انى حادخل اعيط حتى انى اتمنيت يكون فيلم نكد وادى لدموعى حريتها لقيت نفسى بخرج من حزنى واندمج مع الفيلم واكتشفت ان التغيير مهم جدا .
مش لازم نسيب نفسنا لحد ما نوصل لمرحله الزهق انا زى ميلودى بتحدى الملل بس مع الفرق طبعا
ولقيت ان الواحد لما يكون مش عايز يحكى مشكلته ويخرج عنها شويه ممكن يدخل السنيما بس يكون الفيلم حلو ويشد. الدعاء له تأثير عالى جدا افتكر مره قريت فى بريد الجمعه فى الاهرام عن شاب بعانى من مشكله كبيره فقعد يدعى ويبكى ووقعت فى ايده ورقه كان فيها دعاء سيدنا موسى " ربى انى لما انزلت الى من خير فقير" وكررالدعاء ده كتير جدا باخلاص وبكاء فما كان الا وتتحل مشكلته بطريقه ربانيه غير متوقعه كان ايامها اللى بيحرر بريد الجمعه الاستاذ عبد الوهاب مطاوع الله يرحمه واتكلم عن اثر الدعاء

انا من يومها وانا دايما اردد هذا الدعاء وغيره طبعا عموما ذكر ربنا والقرب منه فيه كل الحلول
احيانا بيكون الأنفراد بذاتى واقعد فى ركن معين فى بيتى واسرح مع نفسى واحاول افتكر المواقف الحلوه اللى فاتت وارجع بذاكرتى فاستعيد ايام حلوه تساعدنى على اعاده الأحساس بالسعاده
مشاهده التليفزيون فى برامج معينه ظريفه بالنسبه لى العاشره مساء والقاهره اليوم د / فيل واوبرا او فيلم جميل افتكر مره كان مزاجى مش تمام وكان فى حفله لكاظم الساهر او كاظم الساحركما تسميه الكاتبه حسن شاه فعلا كانت سهره ممتعه وتاثيرها امتد يومين تلاته بعدها كنت محتاجه اشحن بتطلعى رساله نأسف لقد نفذ رصيدكم
اضطر اشحن تانى فى حاجه كمان كنت بعملها من وانا صغيره الناس اللى ماقدرش اواجها والومها او حتى اتخانق معاها لو مدرس او حد كبيرفى السن ماينفعش اواجه بغلطه كنت اخد ورقه واكتب فيها كل اللى عايزه اقوله وممكن اعنف الشخصيه دى واحيانا اشتمها وكأنى بنفس عن نفسى مش شرط لموقف معايا بس بعد ماعمل كده كنت بستريح دلوقتى بفضض معاكم الحمد لله
فى حاجه تانيه مهمه اوى لما اساعد حد افرحه او اشاركه همه او احس انى ساهمت فى حل مشكله.
من الحاجات اللى بحبها اوى نباتات الظل لما اراعيها والاقيها بدأت تنبت بتخللى البيت شكله حلو وبتدى نوع من البهجه
دى عواملى ا لمساعده علشان الحياه يكون لها طعم افضل انتم بتعملوا ايه ؟؟؟؟.
عايزين نساعد بعض



47 comments:

و القادم....أجمل said...

هييييييييييييييييييه
أول مكاااااان
صف اووووووووووووووول

جاي تاني و الله

هيييييييييييييييييييه
هييييييييييه
هيييييييه


:)

و القادم....أجمل said...

الله عليكي بجد

كلامك جميل جدا

أكيد كتير منا بيصاب بحالات الحزن
و دا بعتبره ظاهرة صحية
و ممكن تتحول اللي ظاهرة مرضية مزمنه
المهم اننا بجد منورابش الباب ليها
عشان متندفعش بقوة و تغرقنا

نسيبنا من الكلام دا
و اجي اقول انا بعمل ايه لما اشعر بالحزن

بقعد جنبي الشباك
المنظر من ادامنا تحفة يا اميرة بجد
و خاصة بالليل
القمر ياااااه يا ميرو
بجد بيسعدني بطريقة كبيرة اوي
معروف بين صحابي اني بعشق القمر
ممكن و انا خارجه افضل باصة للسما و اتابع القمر

برضوو الخروج مع صحباتي الانتيم
بنضحك كتير و نهزر نتغدي و نتمشي
نفتكر ذكرياتنا و الشقاوة بتاعه زمان
هيييييييييه كبرنا بأه
:(

يوم مزهق خالص خالص و مش عارفه اعمل ايه اعد علي النت انزل صور اطفال
و اعد اسميهم
عندي يحيي و يوسف و محمد و باسل و نورو صلاح وسيف و مهرة
الخ............
هههههههههههههههههه
صحباتي بيضحكوا عليه
بس و الله بموت فيهم جدا الصور دي
و خاصة يحيي
هبأه اوريهوولك
:D

========================
بالنسبة للجانب الديني احب اصلي باية
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ
بجد بتأثر في اوووووووي
=========================

علي فكرة انا رغيت كتير
الموضوع تحفةةةةةةةةة
و ان شاء الله الدنيا كلها هتبأه
بينكي بينكي بينكي
:D

الصورة كمان اللي انتي حطاها سكرة اووووي

انتي كلك جميلة و الله
ربنا يسعد قلبك يارب
و يحميكي يجعل كل ايامك فرح و سعاده


آآآآآآآآمين يارب

تحياتي و حبي
:)

ماسة الحب said...

عارفه يااميره
انا بقي لما ببقي متضايقه او فرحانة بدخل السينما انا بقي مدمنة سينما بتغير مودي مهما كان ومهما كان نوع الفيلم بستمتع يعني تعرفي مثلا اني دخلت فيلم ظرف طارق في السينما 13 مرة وفيلم زورو الجزء التاني 6 مرات
انا بحب السينما موت
بتريح اعصابي
كمان لما بكون متضايقه اوي بسافر اسكندريه ده وقتها بكون في قمة يأسي واسكندرية بتخليني اتمرد علي كل شئ وبرجع طفله جديده في هيئة انثي هوا اسكندريه ليه ريحة غير ريحته في القاهرة
وانا بعترف ليكي اني نفسي اسافر اوي اليومين دول
تحياتي لبوستك وللسعادة اللي بتيثيها لكل اللي بيزوروا مدونتك

klmat said...

اهلا يالولى
ده ايه النشاط ده اول تعليق
كمان ده من دواعى سعادتى
انا اول مره اشوف قمرين بيبصوا لبعض
انا معاكى بمااننا بشر وعندنا مشاعر
طبيعى يمر بنا اوقات حزن بس المهم
ماطولتيش فى ناس بطبعتها بتميل للحزن
كنت قرأت مره ان فى ماده فى المخ
لها تأثير كيميائ تؤثر فى المزاج
انا معاكى الاصحاب والنت
ومشاهده المناظر الطبيعيه الخلابه
لهاتأثير ربنا يسعد وقتك ويفرحك دايما
بالنسبه لموضوع الاطفال وانا فى ثانوى والكليه كنت اقف امام فاترينات لبس الاطفال واتسمر فى مكانى منظر الاطفال الموديل كان بشدنى حتى ان اصحابى كانو يقولوا ولاد اميره
سعجت جدا جدا بتعليقك
دعواتى بكل الخير
سلااااااااام

klmat said...

ماسه الحب
اهلابك يالا تعالى اسكندريه تنور
ومستعده اتمشى معاكى
انا بحب السينيما بس مش ادمان
وكمان قبال ماادخل لازم اضمن ان الفيلم حلو لكن 13 مره يامفتريه
ده انتى كده حفظتى الفيلم اكتر منالممثلين
بس فعلا ظرف طارق فيلم ظريف
احمد حلمى دمه خفيف اوى
نورتينى واشكرك جدا على كلامك الجميل
سلام كبير

mohand said...

السلام عليكم

طيب ما تألفي كتاب وتسمية الطريق المثالي للبمبي

هو طرقك دي في منها انا بعملها فعلا
وفي حاجات هحاول استكشفها

بس انتي نسيتي ان لو كان اللي بيوجهنا وبيحزنا دا مشكلة
يبقي لازم نواجه

بس عموما في وقت الخنقة بيبقي صعب اتخاذ قرار صحيح

تحياتي

كاميليا said...

حلوة اوى فكرة العوامل المساعدة دى
آنا عن نفسى هاجربها.. يمكن مش آملكها كلها لكن هاجرب المتاح منها زى الدعاء .. ومواجهة من لا استطيع مواجهتهم فى الحقيقة اواجههم على الورق.. ممكن الخروج للبحر بس هنا فيه نهر مش بحر بس يمشى الحال.

جميل اوى ان الواحد مش يستسلم لحالة الحزن
تعرفى انا اللى خرجنى من حزنى بعض الشئ هم اصحاب المدونات.. يعني بدآت آكتب وانا فى فترة صعبة اوى وزادت الصعوبة اكتر واكتر بتعقد الظروف والاحداث
وفعلا كنت شبه مستسلمه لكن لما حسيت ان فيه ناس واقفين حنبى قدرت انا كمان اقف.. الغريب ان الناس دى عمرى ماقابلتها الا من خلف السطور
سبحان الله

بوست جميل وصادق اوي دخل قلبى
لك حبى وتحياتى

klmat said...

mohand
عليكم السلام ورحمه الله وبركاته
انا فين وتأليف الكتب فين
شوف انا حبيت اوضح عن تجربتى الشخصيه اللى قوتنى فى مواجهه مشاكلى
ومش حلها عوامل مساعده
يعنى لما تروح تتمشى شويه
نفسيتك بتكون افضل وبالتالى تقدر
تشنغل اكتر حد ضايقك ممكن تستحمل
غير ماتكون انت اصلا مرهق ومش طايق نفسك
لما بتدردش مع ناس بتحبهم ويحبوك
ممكن لوعندك مشكله تاخد رأيهم
حاجه ريحتنى وحبيت اقولها مش اكتر
وانا من عادتى لما بستفيد من حاجه
بحب غيرى يعرفها
لو ناسبته خير وبركه لو لأماخسرتش حاجه .بس انت مقولتيش انت بتحاول تسعد نفسك او ترفه ازاى
يمكن استفيد انا او غيرى ده هدفى
مرورك اسعدنى وشكر لك
سلامى

د. ضياء النجار said...

العزيزة أميرة،

التدونية جميلة جدا، والكلام اللي قولتيه عن طرق التغلب على الضيق جميل جدا، وكلها بتدور عن فكرة كسر رتابة الحياة، وعلى رأي الأستاذ نجيب محفوظ، العادة لعن الله العادة.

من الحاجات اللي بتسعدني جدا، لما أحس إني عرفت حاجة جديدة وإني بيها كسرت بديهية كانت معششة جوايا، وما اكثرها. وأنا لما أكون متضايق في أحيان ليست بالقليلة أحب امسك كتاب وأقرأ فيه.

عميق تحياتي

ضياء

klmat said...

كاميليا
السلام عليكم
عجبتك العوامل المساعده
دى اللى كنا بناخدها فى الكيمياء
اجنن وانا بقول العوامل المساعده
لازم كل اللى يقرأمدونتك يطالبك بالأستمرار مش مجامله حقيقى كلها مشاعر
ناعمه وصادقه وربنا يسهل لك كل صعب
عارفه اننا بنعرف بعض معنويا
ويمكن اكتر من المعرفه الشخصيه
لان اللى بيدون فى الغالب بيكتب
احساسه بصدق فبيوصل القلب
سيده جدا بتعليقك
وربنا يديك الصحه والعافيه والهنا
تحياتى وسلامى

klmat said...

د/ ضياء
من الحاجات اللى بتسعدنى
تعليق حضرتك عندى
واشكرك جدا على ثناءك على التدوينه
القرأه متعه وثقافه وهى فعلا وسيله
مفيده جدا مع حضرتك حق
ربنا يزيدك علم ويسعدك
ويقدرك على اسعاد من حولك
مع اصدق امنياتى
بالصحه والسعاده
سلامى واحترامى

mohamed said...

السلام عليكم
اهنيكى على هذة التدوينه
تفكير مع النفس جميل جدا
لما اكون زعلان اعمل ايه وافكر واعرف وانفذ مش اسيب الحزن يقتلنى
كلامك جميل وحلولك رائعة
وخاصة الدعاااااء وتامل البحر والطبيعة
وجزاكى الله خير على الدعاء الجميل دا
ربى انى لما انزلت الى من خير فقير
تحياتى

ra7eel said...

اميره
بوست فعلا حلو قوى
انا كمان بحب المشى جدا بحس انه بيطلع شحنة الغضب او الحزن اللى جوايه
وكمان الدعاء فعلا تاثيره رائع
والحلو قبى كمان فعلا قوى قوى
عالم التدوين والجو اللى بنا هنا
انا بكون سعيده وانا بقرا مدونات اصدقائى جدا وبستمتع فعلا وياكم
السفر كمان من الحاجات اللى بحبها قوى
انا اول ماحس انى مليت وزهقت باطيرعلى بورسعيد لبنت عمتى انا
انا عندها الوقتى
وساعات بحس انى محتاجه اعقد لوحدى وفى هدوء تام عشان الملم نفسى واستعيد هدوئى

بجد بوست مريح نفسيا
ربنا يكرمك
خالص تحياتى

rack-yourminds said...

اولا :بجد موضوعك جميل جدا

طبعا :ذكر الله والصلاه ده شئ مهم جدا واساسي ,وجميل ان الواحد يكثر من قول لا اله الا انت سبحانك اني كنت من الظالمين لانه بيشيل الهم والحزن

وكمان نكثر من قول لا حول ولا قوة الا بالله العلي العظيم


وطبعا بحب اروح لاصدقائي واخرج معهم...وكمان بحب ادخل فيلم كويس في السيما مع اصدقائي

وبعد مرجع البيت لو استمر معي الملل والضيق بفتح التليفزيون واشوف افلام اوبرامج كويسه تنتشلني من الافكار التي تبعث علي الحزن والضيق ...

فرج الله عنا الحزن والكرب

تحياتي وسلامي ليكي

klmat said...

mohamed ,
السلام عليكم ورحمه اله وبركاته
اهلا بك وانا اللى اشكرك
على الزياره الجميله والكلام الأجمل
مع عميق امنياتى بالصحه والسعاده
شرفتنى

klmat said...

ra7eel عزيزتى
اهلا بك
شوفى المشى فعلا عن تجربه له تأثير فعال
والرياضه بس الحقيقه انا مش بعمل رياضه
بس اسمع ان الرياضه بترفع المعنويات جدا
اما الدعاء فده مفعوله اكيد ودعاء سيدنا موسى فعلا كان سره باتع معايا
وعموما مش لازم نستنى لما نزهق نتمشى
نحاول نواظب عليها
يارب تقضى وقت سعيد عند عمتك
واشكرك جدا على كلامك الجميل
ربنا يسعد وقتك ويرضاعنك
ويحبب فيك خلقه
عميق تحياتى

klmat said...

rack yourminds
السلام عليكم ورحمه الله
يارب تكون فى احسن حال
احنا متفقين تماما فى كل وسائل الترفيه
وطبعا الدعاء والصلاه وذكر ربنا
بيهدى سيرنا وبينور بصيرتنا
وانا سعيده ان التدوينه عجبتك
بعض ماعندكم
ربنا يسعدك ويزيدك علم
وسلام كبييييييييير

doha said...

اه فعلا
اكترية المدونات اللى مريت بيها مليانة حزن والم
انتى جبتى حلها
الدعاء
التمشية على البحر
ايه ده تعالى هنا
انتى عشان من اسكندرية هتذلينا ولا ايه
طب اللى معندوش بحر
يمشى على البر ولا ايه النظام
السينما
بس فعلا كلها بتدور حوالين حاجة واحدة
هى التغيير
للخروج من الحزن والاكتئاب
تحياتى ليكى

Salwa said...

أول مره أعرف غن اسمك أميرة

بوستك حلو أوى
إنت لخصتي اللي أغلبنا بيعمله فعلا

أنا عندي حاجه
كنت اشتركت في الجامعه في معرض للرسم
وكان في أوتوجراف للتعليقات
الطلبه من كل الليات كانوا كاتبين لي تعليقات حلوة
لما برجع الوقتي وأقرأها بكون سعيده
وكمان لما أتعلم حاجه جديده

طولت عليك
أحييك مرة أخرى على بوستك
خالص تحياااتي

بنت الاسلام said...

حقيقي البوست بتاعك افادني كتير كتير
خصوصا اني حاليا في حالة حزن شديدة وقعدت اردد الدعاء

رب لما انزلت الي من خير فقير
فقيرة يارب لمحبتك وعففوك وغفرانك وتخفيفك عني كل الام

اشكرك بصدق واتمني التواصل

_________________________________
اخواني واخواتي المدونين ندعوكم معنا لمشاركتنا في حملة ضد تصريحات نجيب ساويرس الاخيرة...ولو بوقف اتصالك بالموبايل خط موبنيل لساعة واحدة بس..ولك جزيل الشكر

Sherif said...

زيك بالضبط كلمات

احنا بس ماعندناش بحر .. عندنا النيل .. اهدا شوية من البحر .. يمكن لأن القاهرة أكثر عصبية من الاسكندرية

الناس .. أحلى شئ فى الدنيا التواجد مع الناس والصحبة الجميلة .. هم اللى بيعملوا للحياة طعم .. رحلة .. فيلم .. تمشية .. هذا التواجد السحرى يمسح عنا أحزاننا ..

كلنا عاطفيون .. ونحتاج الى الطبطبة أحيانا كالاطفال الصغار ..مهما كبرنا

اعتقد أن اسعدنا من يمتلك قلب طفل .. وعقل شيخ

تهنئتى للفكرة الجميلة التى دعت كل أصدقائك الى هذه الوليمة

احساس لسه حى said...

عزيزتى
تصدقى مش عاوز الحياه تبقا بمبى دايمن لانى كانسان وجوايا نفسى الاماره اوقات كتيره بالسوء كل ما تكون بمبى تزقنى للسوء اكتر
خلي الدنيا كده تشلنا وتحطنا
و ترمينا وتودينا وترجعنا علشان ربنا يرحمنا من العذاب اللى شوفناه فيها واسناه منها
ولا ايه رائيك
سلام يا جميل

klmat said...

doha ,
اهلا بك انا معاك الدعاء مفعوله
اكيد باذن الله والقرب من ربنا
بيدينا قوه
انا عندى بحر وانت لأ ان ان
ياسيدى لاذل ولاحاجه اعتبر عندى ترعه
ماشى كده . المهم التمشيه فى مكان
مريح لك .كل امنياتى لك بالصحه والسعاده والهنا
سعدت بمرورك
عميق تحياتى

klmat said...

salwa,
اهلا بك ياسوسو
جميل اوى ان الواحد يستعيد
زكرياته الحلوه ربنا يجعل كل ايامك حلوه بأذن الله
انتى ماطولتيش ولاحاجه وبعدين خذى راحتك
لأن كلامك جميل
نورتنى وشرفتينى

klmat said...

بنت الاسلام
السلام عليكم ورحمه الله وبركاته
ربنا يفرجها عليكى يارب
واتمنى اكون فعلا افادتك
اما بالنسبه لنجيب ساويرس
هو وضح فى المصرى اليوم انه
لايقصد الاساءه للحجاب او المسلمين
واحنا عايزين نهدى النفوس
تحياتى ودعائى بالصحه والسعاده
سلامى

قلوب حائرة said...

لما قلتي مرة بتحبي سماحانور كنت مبسوطة قوي ان حد بيشاركني ذوقي جيتي واتكلمتي عن تقديرك واحترامك لمنى الشاذلي كنت هطير ولما جيتي قلتي بتسمعي للست قلت استحالة التشابه ده النهاردة مش عارفة اقولك حاجة غير اني كنت بقرا لنفسي واهتمامتي وميولي بدء من حبك للمشي واد ايه بيخليكي في حالة صفاء ثم بيجادسعادة ليكي في كتابة وثم وثم ...نهاية بسعادتك الكبيرة في مساهمتك في مشاركة الاخرين مشاكلهم امر محير وعالم غريب تعرفي المقربين مني لو قروا بوستك ده ممكن يفتكروا جدا اني انا الي بكتبه وخصوصا في يقيني التام بان الدعاء بيفتح اي باب شكر ليكي وشكرا على كل كلمةكتباها لاني بجد مبسوطة لاامرين اني فعلا على طريق سليم وان في اروح متشابهة من حولنا كثير عاوز اقول حاجات كتيرة ولا املك ليكي غير دعاء " اللهم ارزقها خير ثواب الدنيا والاخرة "

klmat said...

sherif عزيزى
اهلا بك عندك حق فى كل ماكتبت
المهم المشى مفيد انا بحك وجودى فى اسكندريه ارتبط بالبحر المهم نمشى
فى اى مكان بنرتاح له
فى كل مراحل عمرنا بنحتاج للحب والحنان
والالفه واشكرك جدا على كلامك الجميل
مع اصدق الامنيات بالصحه والسعاده
سلامى

klmat said...

احساس لسه حى
الدنيا قايمه بالواجب وزياده الحمد
لله كفايه نشره الاخبار وحيره الشباب
ماتزفتهاش اكتر من كده
شوف لولا الاسود مش حايبان زهو الابيض
واكيد الازمات بتقربنا من ربنا
وبتكون فى ميزان حسانتنا
لكن لامانع ان نستمتع بمايرضى الله
ونحمده ونشكره وبلاها بمبى خليها
فستقى سعيده بتعليقك
امنياتى بالسعاده والصحه
تحياتى وسلامى

klmat said...

قلوب حائره
انا مش عارفه اقول ايه على كلامك
الجميل ومشاعرك الرقيقه ومن القلب للقلب رسول احنا كده توأم
يارب تكون مامتك بخير وصحتها احسن
ربنا يتم شفاها وخليكو لبعض
ويخليكى ليا تسعدينى بتعليقاتك
الجميله ربنا يعزك ويكرمك
ويديم المحبه يارب
سلاااااااااامى

أبو سويلم said...

جميلة او قدرتك على الخروج من حزنك وباكتر من طريقة
انا بصراحة لما باعمل زيك واقعد افتكر مواقف او ذكريات جميلة مرت على بيبقى مزاجى وحش جدا جدا
لكن فعلا مجرد المشى على كورنيش البحر وبالذات فى اسكندرية ساعة الغروب
المنظر ده بيحسسنى بمشاعر جميلة جدا جدا لحد دلوقت مش قادر اوصفها او احددها
ولما باتفرج على دكتور فيل باشعر بسعادة غامرة لانى طلعت مسلم ومصرى وباشفق تماما على الامريكان الغلابة بعقولهم
شكرا لانك اطلعتينا على بعض جوانب شخصيتك الجميلة
ويارب تكون كل اوقاتك سعادة
سلام

klmat said...

عزيزى ابوسويلم
اهلا بك
واشكرك جدا على كلامك الرقيق
بس عارف انا طبعا بحمد ربنا انى مسلمه
لكن لما بشوف د/ فيل او اوبرا
مش بيخطر فى بالى الدين
انا بشوف انهم ناس بتحاول تحل مشاكل
ناس تانيه كبشر بصرف النظر ديانتهم ايه
تصور ان اوبر بتبرع بملايين الدولارات
لفتح مدارس على اعلى وارقى مستوى للفقراء ود / فيل بيقدم حلول عمليه
وماديه
للمشاكل الاجتماعيه يصرف النظر عن ديانه او شكل صاحب المشكله
اوبرا استضافت فتاه عراقيه وضحت
ان العراقيين بيلجأوا للمخدرات
لتخفيف الخوف من الحرب
زهى ضد حرب العراق
طولت عليك
بس حقيقى بيسعدنى ويشرفنى تعليقك
وافر تحياتى

د. ضياء النجار said...

العزيزة أميرة

بالمناسبة تعرفي ان اغنية "بمبي" للراحلة سعاد حسني والمنتشرة على الانترنت تدخلت فيها يد الرقيب بالحذف حفاظا على أخلاق الجيل القادم اللي كان نفسه ان الدنيا تبقى بمبي،

اسمعي كده الاغنية لو عندك، حتلاقي فيها مقطع محذوف عن الأغنية التي في الفيلم:

بوسه ونغمض ويالله
حتى نلقى الضلمة بمبي

شفتي كم التطرف اللي وصلنا له، وعايزاها تبقى بمبي؟ ربنا يستر بجد. 0

عميق تحياتي

ضياء

Doba said...

موسيقى أو أغانى بحبها + مج نيسكافيه مضروب وطعمه جامد + كتاب حلو او قراية بعض الموضوعات على النت

دى احسن واسهل حاجة بتطلعنى من اى زهق او قرف او نكد لانى بستمتع بكل الحاجت دى حتى النخاع

البحر ده بقى حكايتة حكاية معايا
بس للأسف هو بعيييييد وانا كمااان

بس لو صادف وكان موجود بيبقى مفعوله أقوى من السحر

بوست جميل يارب الكل يقراها ويستغل نقط الحب والفرح جواه ويعيش دايما بيها

الصورة حلوة
وبمبى بمبى بمبى بمبى

تحياتى
هبة

اسكندراني في الغربة said...

تمشية على البحر
صيد السمك
منير
قصة
فوز المنتخب او الزمالك
.
.
.
صلاة الفجر في الحرم

تحياتي

klmat said...

عزيزى د/ ضياء
اهلا بك انا معاك
ان التطرف فى كل حاجه بقى سمه
من سمات مجتمعنا
وطبعا خير الامور الوسط
الوسط فى كل حاجه بيقل
ياغنى اوى يافقير قوى
يامنقبه ياحرانه اوى
الرقابه المتزنه مطلوبه
والفن الراقى المحترم مطلوب
حاليا الاهتمام بالقشور
والسطحيات ورغم كده لازم
نحاول تبقى بمبى والمعنى
اللى اقصده بمبى لكل الاعمار
من الرضيع الى الكهل
مش بمبى سعاد حسنى
ان تكون حياتنا فيها
البسمه والسعاده بما يرضى الله
وربنا يهدينا ويسعدناجميعا
سعدت جدا بتعليقك
وربنا يديك طول العمر وتنعم بالصحه والسعاده
ياااااااارب

klmat said...

doba عزيزتى
اهلا بك واللهى معاكى حق انا شخصيا
الموسيقى والأغانى لها فعل سحرى عليا
وبتدغدغ مشاعرى يعنى فعلا يوم ماسهرت
زى ماكتبت فى البوست على صوت كاظم
الجميل والحانه وكلام له معنى بيمس الروح
كنت فى حاله من النشوى والسعاده
انتى جتى على عامل مهم جدا
وطبعا البحر والمشى
والاهم التعليق لما بيكون صادق
بيسعدنى جدا زى تعليقك ده
ربنا يخليكى ويسعد كل ايامك
ياااااااااااااارب

klmat said...

اسكندرانى فى الغربه
الف حمد الله على سلامتك
وانت كتبت وسائل كلها
رائعه وربنا يوعدنا
الصلاه فى الحرم يارب
ويقبل صلاتك
ويحقق دعاؤك
ويجعل غربتك بفايده
ويسعدك امين
تحياتى وسلامى

shahy said...

اميرة هانم
مش هاقولك البوست جميل والكلام دة لان كل التعليقات قالت كدة وعلى فكرة هو فعلا جميل جدا يوة برضة قلت

انابقى لما بكون زعلانة اول حاجة بعملها غصب عني اني اقعد اعيط
واغسل حزني بدموعي وبعدين لو في امكانية اني انزل اتمشى بنزل ولو مفيش بادخل المطبخ واشغل الكاسيت وحاليا المدونات بتاخدني في عالم تاني

تحياتي يااميرة هانم

Mask said...

لديك كوكتيل جميل من طرق اعادة شحن بطارية اللون البمبي في الحياة..
ولكن ماذا تفعل بضع جرادل من اللون البمبي في بحر من لون رمادي ..
خلينا متفائلين ونبص للنص المئان من الكوب
بس هوه فين الكوب
...
وبعدين بقه
انا كل ما اجي اكتب سطر بمبي يلزق فيه سطر رمادي
..
انا عندي انا طريقه تانيه للتلوين باللون البمبي
اضرب كبايه كاكاو بلبن
واتصفح شويه مدونات عسل
وانت تلاقي علامتين دولار ساين لونهم بمبي قدام عنيك..
بوست هايل احيكي عليه

osama said...

وصفات نابضة بالحياة ... وبالفعل كل منا يحتاج الى وقت يعيد فيه روحه وطاقته ... يغير فيه روتين الحياة ..
وبصدق لا يحضرني اضافه فكلما هممت وجدت لها اثر في موضوعكم ...
دمت بكل ود..
خالص تحياتي

فى القلب said...

أنتى عارفه يا جميله أنا تقريبا بعمل زيك ما عدا المشى على البحر

ما فيش فى القاهره بحر و النيل ميتمشيش عليه من كثره الناس

شكرا على شعورك الطيب

دكتور كسلان said...

بوست جميل جدا

فعلا الوحد بتمر عليه اوقات بيبقى مخنوق ومش طايق نفسه

لدرجة انه ممكن يوصل للاكتئاب

بس الروشتة اللى عملتيها جميلة جدا

خصوصا المشى ع البحر

انا فعلا اكتر حاجة بحبها خصوصا مع الاصحاب

والحمد لله عندنا فى راس البر منطقة اللسان

انا لما بكون متضايق جدا اروح اقعد هناك

بجد من اروع المناظر اللى شوفتها فى حياتى

بحب اوى منظر النيل والبحر وتحقيق معنى الاية الكريمة
بينهما برزخ لا يبغيان
صدق الله العظيم

وفعلا وقت الغروب بيكون المنظر جميل جدا

حتى لو فى عز البرد بحب اروح هناك

لسه من يومين كنت هناك الساعة واحدة بالليل

ومنظر البحر كان اكتر من رائع

خصوصا كان القمر فى ليلة 14

ربنا يكرمك ع الروشتة لجميلة دى

klmat said...

عزيزتى شاهى
ربنا يخليكى ياسكر على كلامك
الجميل .انا كمان دموعى قريبه جدا
ونفسى اجمد شويه بحاول ادارى
دموعى عن حبايبى قدر الأمكان
ممكن موقف مؤثر اكون مش طرف
فيه يبكينى الدموع بتريح فعلا
ودخول المطبخ والشغل فيه وسيله
مره عملت كده بس الاكل طلع شرش
حطت ملح 3 او 4 مرات
حرمت اعمل كده
بس فعلا سماع موسيقى واغانى والتمشيه
بتخفف حقيقى اسعدتنى بتعليقك
وبتوحشنى خفه دمك
سلاااااااام كيبيييييييير

klmat said...

mask
سعيده جدا جدا ياسامح بمرورك
عندى واشكرك على تعليقك الجميل
وانا بحاول ازود عدد الجرادل
البمبى بس الحقيقه العدد مخستع
حبتين وادينا بنحاول والرمادى
مرطرط. على فكره مدونتك رائعه
ومميزه جدا مش مجامله
دى حقيقه
وافر تحياتى

klmat said...

osama
اهلا ومرحب بحضرتك تعليقك عندى شرف ليا
ومن ضمن المدونات اللى بتخلينى
سعيده مدونتك الجميله
مش عارفه اقولك ايه بس بشكرك جدا
جدا مع كل الامنيات الحلوه
وافر تحياتى

klmat said...

فى القلب
اهلا بك سعيده لمرورك واتمنى تتكرر
المهم اننا نتمشى فى مكان بنحبه
وافر تحياتى وسلامى

klmat said...

د/ كسلان
ياهلا ويامرحب
شوفتنى وانا بكتب روشته
سعيده جدا بكلامك الجميل
وربنا يسعد وقتك وكل ايامك تبقى جميله
بس مش عايزين تأخير ولو
ان منظر البحر باليل وضوء المراكب
فيه رائع
حقيقى مش عارفه اقولك ايه
غير انك فعلا بتنور وتشرف مدونتى
بتمنى لك الصحه والسعاده
ربنا يوفقك يااااااااارب
سلاااااااااام