Tuesday, November 27, 2007

الحاسه السادسه



دخلت سهام حجرتها بعد نزول زوجها لعمله ومها ونهى لمدارسهم
نظرت لنفسها فى المرآه مازلت تحفتظ برشاقتها واناقتهاولم يتغير شكلها رغم مرور 10 سنوات زواج .
وقالت لنفسها لماذا يعاملنى بهذا الفتوروالجفاء رغم اهتمامى به وحبى له وايداع كل ما املك
فى مشروعه ولا ينوبنى منه سوى الامبالاة واهماله لى ولمشاعرى .
اد يه انا مجروحه ومتضايقه خصوصا من نفسى من الغلطه الفظيعه اللى ارتكبتها اخيرا
واثناء شرودها رن جرس التليفون كانت صديقتها الانتيم التى تسكن معها فى نفس العماره
ردت بصوت مرتعش ايوه يانوجا ازيك
مالك يابنتى فى ايه
ابدا ابدا مافيش حاجه
بس ضميرى واجعنى اوى اصلى
ردت نجوى انا حاجى اشرب الشاى معاكى
نجوى واووو جميله اوى قصه شعرك والنيو لوك ده وكمان غيرتى نظام الشقه بس كده اجمل بكتير
ردت سهام تصورى ان محمد ماخدش باله لا من قصه شعرى ولا من تغسيير نظام البيت
ردت نجوى لأ معلش دى حاجه واضحه جدا هو اللى عامل نفسه مش واخد باله
انا حاسه انه بيخونى مش حاسه انا متأكده
طب وايه اللى مخليكى متأكده اوى شوفى ياستى مش بيتكلم معايا خالص طالع نازل مبوز وكأنه قاعد فى جنازه
عارفه غيرت فى نظام البيت وعملت نيو لوك وسألته كتير فى ايه
بيكون رده مافيش ولما اكلمه يرد اممممممممم ايوه اويهز راسه بالموافقه اوالرفض عرضت عليه نخرج ندخل سينيما نتمشى يكون رده الافلام كلها بتيجى فى التليفزيون او يقلبها نكد
وبعدين قلت ده بيهتم بالكره بقيت اشوف برنامج شوبير واقرأ الصفحه الرياضيه علشان اشاركه اهتمامه ولا هو هنا
سهمت نجوى وقالت قطيعه الرجاله دى مش بيجى منها غير وجع الدماغ وكلهم خاينين
وقامت سهام تجيب الشاى وهى بتقول واللهى يا نوجا ما قصرت لعبت معاه كل اللعبات سيجا على العالى وسيجا على الواطى ونطه الانجليزى وبريلا بريلا
ومافيش فايده
نجوى مش عارفه اقولك ايه لا تقوللى ولا تعيدى بس انا ضميرى واجعنى اوى لأنى عملت حاجه مش تمام
نجوى خير وغوشتينى
رن جرس التليفون وردت سهام ايوه يامحمد لأ مش حاطبخ النهارده عندى بواقى اكل وحا احمر بطاطس واعمل
سلطهن نفسك فى حاجه طيب ماشى
انا كويسه جدا لأ مافيش حد جه لأ ما جتيش ما تقلقش حابص من العين السحريه قبل ماافتح . عايزاك طيب
سهمت نجوى ما الراجل مهتم وبيسأل
اسكتى اتتى اصلك ماتعرفيش حاجه طيب احكى لى بس انا عايزه اعرف ايه اللى واجع ضميرك الأول
شوفى ياستى امبارح عملت الأكل اللى بيحبه وحطيت البارفان وقلت بعد الغدا وشرب الشاى
دردش معاه واسمع الكلام اللى قاله شوبير وقعدت زاكرته
لاقيته ولا هنا وامممممممممم ايييي
قلت من غير تفكير ولا ترتيب واللهى يانوجا الكلام اللى حا اقوله لك
عارف يامحمد فى حاجه غريبه اوى حصلت النهارده
قاللى ههاااااااا خير
قلت بعد مانزلت ورجت شغلك والباص جه للبنات لقيت الباب بيخبط وواحده
بتقولى انا عارفكى انتى سهام وجوزك محمد وبناتك مها ونهى قلت لها ايوه خير حضرتك تعرفنى منين ماكملتيش كلامى لقيته راح رامى الجرنال من ايده وبرق بعينيه ومعرفش عينيه وسعت ازاى
وقاللى هااااا قولى وبعدين باهنمام بالغ ولونه اتغير اوعى تكونى دخلتيها هااااا
لأ طبعا مادخلتهاش وبعدين كان فى حد طالع على السلم بصيت لاقيته مشى على اطراف اصابعه ولا اجدع بالرينا
وشاور ليا علشان ماتكلميش وبص من العين السحريه كان صوت وقع القدام اختفى اتنهد وولع سيجاره
وقاللى الست دى كانت عايزه ايه قلت له قالت لى انك بتعرف واحده تانيه ولما سألتها مين فالت لى حااقولك كل حاجه
بالتفصيل ولو عايزه اخليكى تشوفيهم بعينك
رد بنت الــــ ...... هاا وبعدين قلت ابدا رن الموبايل بتاعها وقالت عن اذنك حاجى لك تانى وماجتبش
جن جنونه وضرب كف بكف وقعد يشتم فيها
وسألنى شكلها ايه ردت عادى .يعنى ايه عادى
تخينه ولا رفيعه قلت بين البتين
يوووووووووو طب محجبه ولا لأ
قلت كانت حاطه بونيه ممكن تكون محجبه او مش عامله شعرها ورايحه للكوافير
يييييييييييي طب وقالت ايه كمان قلت مافيش اكتر من كده
وقلت له شوف بقى انا عايزه اعرف منك ايه الحكايه ولقيت نفسى متضايقه جداومتعصبه وكأن القصه حقيقيه
وقعد يقوللى انه مافيش حد فى دماغه غيرى ان واالبنات ومشروعه وانه بيحبنى وانه مقصر فى حقى وانه وانه
وبقى مش على بعضه وتقريبا مانميش طول الليل وكان باين عليه القلق اوى
ماخبيش عليكى فى الأول كنت فرحانه وحاسه انى باخد بتارى وانى اعمله قلق يشرب شويه
وزى مانتى شايفه كل شويه يتصل ويسألنى جت ولا لسه
ردت نجوى يااااااه وانتى ازاى جاتلك الفكره دى
ابدا واللهى ده انا مستغربه ازاى انا عملت كده وضميرى واجعنى جدا بس بقول لنفسى طول عمرى صادقه معاه

وعمرى ماكدبت عليه ولما اكذب يهتم بيا اوى كده ولا فعلا بيعرف واحده وخايف يتكشف
شوفى ياسهام محمد واعى وكفايه لجد كده ماتقوليش انك اخنرعتى القصه دى ولا حاجه بس انهى الموضوع لحد كده
دق جرس الباب بصت لقيت واحده بتقول لها انتى سهام وجوزك محمد ايوه
خير فى حاجه
ابدا انا جايه انصحك جوزك بيخونك وبيعرف واحده وانا خايفه عليكى
سهمت نجوى وسهام وتمتمت نجوى فى سرها سبحان الله ده انتى مكشوف عنك الحجاب. لو ماكنتش شايفه وسامعه بودانى كنت مش ممكن اصدق
الست تحبى ادخل واحكى لك

44 comments:

ra7eel said...

ايه ده بس كده؟
طيب حكتلها ايه؟ طلع بيخونها بجد؟
ياخبر على الرجالة دووووول ملهمش امان خالص
بس انا بجد كده متعلقة وعايزه اعرف باقى الموضوع

هههههههههههه
بس بجد قصة حلوة قوى ربنا يكون فى عون نجوى اصعب حاجه فى الدنيا الخيانة بجد

خالص تحياااتى

loumi said...

ياه يا أميره

بصراحه من أول كلمه لأخر كلمه وانا مش عارفه حتخلص على إيه
بس أنا أصلي طيبه شويتين
أنا كنت فاكرة إنه عنده مشكله في الشغل وحد بيهدده عشان كده كان خايف على نجوى والبنات
بس عارفه؟
الراجل ده مش سهل
هو طبعاً إكتشف إنها بتشتغله راح زاقق عليها واحده تشتغللها

أوقات الراجل بيبقا عنده مشاكل كتير ولو هو من النوع اللي ما بيتكلمش
الست بتقع في حيره
ودايما دماغها بيروح للخيانه
مع إن الموضوع ده مش سهل إن الست تكتشفه وغالباُ بتكتشفه بعد مده طويله جداً

السرد جميل ومشوق
*******************************
أشياء كثيره من التي تقومين بها لتغيير الحاله المزاجيه الخاصه بك
أقوم بها ولو إن في بعض الأوقات مهما يحص
بتبقا قالبه ظلمه ظلمه
**********************************
يا ترى قرأتي روايه نون
الروايه جميله جداً
أنا لما قريت فى الريدر إنك كاتبه عن سحر كنت حأقول لك على القصه
بس كل ما أدخل عشان أسيب تعليق النت يفصل
يا ترى لاحظت إن ساره هي سحر؟
معلش التعليقات كلها مرة واحده لاني مش مصدقه إن النت مش معاندني المرة دي
تحياتي

mohand said...

السلام عليكم

لالالالالالالالالالالالالالالالالالالالالالالالا

مبحبش التشويق والاثاره

ولا هي القصه انتهت كده؟


هو القصة رائعه فعلا وجميله
بس نهايتها مش حلوه لو كانت دي اخرتها

klmat said...

ra7eel عزيزتى
اهلا بك .انا معاكى الخيانه
بتجرح اوى خصوصا لما بتكون
مع حد بيقدس الاخلاص .الاخلاص بالتفكير
مش بالفعل
بس تقوللى ايه بتحصل كتير
ان شاء الله اكمل لو حبتم
اسعدتينى بتعايقك واشكرك جدا
خالص تحياتى

klmat said...

loumi عزيزتى
حقيقى وحشتينى وسعيده جدا
انها عجبتك بس ابدا هى مش اشتغاله
حاكملها ان شاء الله
الست ممكن تكتشفه لو راجل عادى
بس صاحبنا مش سهل بيعرف يفيش الهوامش
----------------------
اما عن وسائلى للترفيه عن نفسى بتختلف
على حسب حالتى يعنى لو ملل يبقى
صحباتى لو مشكله بمشى شويه على البحر
لو ضيق من الشغل يبقى موسيقى وقرأه
-------------------------
انا حاليا وصلت لنص نون تحفه بمعنى الكلمه وفعلا حسيت ان ساره هى سحر
نفس الثقافه والميول وطبيعه العمل
حتى الشعر الكنيش
بس حقيقى جميله وهى سحر حدودته كبيره
تابعيها فى المصرى اليوم يوم الاحد
ولميس جابر يوم الجمعه عموما المصرى كل يوم رائع
سعيده جدا جدا بأرائك متقاربه ان ماكنتش مطابقه لآرائى
عميق تحياتى ودعواتى بكل الخير

klmat said...

Mohand
عليكم السلام ورحمه الله وبركاته
طالما النهايه دى مش عجباك حاكمل الجزء التانى واتمنى يعجبك بس المهم تقول رأيك
حتى لو معحبكش انا بحب الصراحه
سعدت جدا بتعليقك
وافر تحياتى وسلامى

إنـســـانـة said...

فعلاااااااا ملهوش أمان خااااااالص

كملى القصة اما نشوف عمل ايه الراجل ده
:D

Mask said...

انا زعلان جدا
اشمعنه الرجاله معندهمش حاسه سادسه :(
بس القصه عجبتني واتمنى وانت بتكمليها يطلع الراجل برئ ومراته عندها تهيؤات
تبقه قصه تحفه :)
اوعى تفتكري اني بحاول ااثر على بوستك القادم لكن دا اقتراحي في القضيه يعني

rack-yourminds said...

ازيك يا كلمات

القصه جميله وشوقتيني لمعرفة نهايتها ويا ريت تنزلينا باقي القصه في وقت قريب ,بس يار يت تنهي القصه نهايه سعيده مش عاوزين نهايه حزينه هههه

تحياتي وسلامي ليكي

دكتور كسلان said...

ازيك يا اخت اميرة

اسمحيلى اقولك يا اختى

لان انا حاسس زى ماتكونى اختى

ده بعد اذن حضرتك طبعا


انا اسف عشان اتاخرت فى التعليق ع البوست اللى فات

القصة جميلة جدا

مش عايزك تتاخرى علينا فى تكملةالقصة

ان متشوق اعرف الباقى

يمكن تكون الحاسة السادسة بتاعتها

بتصورلها حاجات غلط

انا منتظر الجزء التانى

سلاااااااااااااااااااااااام

و القادم....أجمل said...

لا باه انا بحجز مكان
اوعي تنزلي جزء تاني لما اقرا
اوك
هذاكر و ارجعلك
سلاماااااااااات

:)
:)
:)

klmat said...

انسانه
اهلا بك المثل بيقول
يا........ الميه فى الغربال
بس اكيد فى رجال كويسين
بس قله
سعدت جدا بمرورك
نورتى مدونتى
تحياتى وسلامى

قلوب حائرة said...

والله حاجة دايما مخوفاني وقلقاني وخاصة ان اكتر من حد اكدلي ان دي مصيبة سودة وبتحصل عند كل الرجالة اه ه ه ه ه يامامتي قطيعة محدش بياكلها بالساهل

klmat said...

mask
اهلا ومرحب بك
لا يافندم ماتزعلش
الرجال برضوا
مانقدرش على زعلك
عندهم نفس الحاسه
نفسك يطلع برىء
استنى شويه وحاتشوف
بس اتمنى الباقى يعجبك
حااحاول قدر الامكان
اكون منصفه
لا حاظلمه ولا اظلمها
بس اعتقد انها
حاتكون مقنعه
حقيقى اسعدتنى بتعليقك
خالص تحياتى

klmat said...

rack-yourmind
اهلا ومرحب
ازيك عامل ايه.انا الحمدلله
بخير ان شاء الله احاول
اكمل قريب اتمنى
معاك تكون نهايه سعيده
لسه بفكر
نورتنى وشرفتنى
ربنا يوفقك

klmat said...

د / كسلان
اهلا بك ومرحب
فى اى وقت ويسعدنى ويشرفنى
انك تكون اخويا
مبسوطه اوى ان القصه عجبتك
ان شاء الله اكملها ويارب تعجبك
مافيش بين الاخوات اعتذار
ربنا يخليك ويحفظك يارب
سلاااااااااام

klmat said...

والقادم اجمل
المدونه منوره يالولى
اهم حاجه مااعطلكيش
خدى وقتك
ومستنيه رأيك ياسكر
سلاااااااااااام

klmat said...

قلوب حائره
اهلا ومرحب بك
ماتقلقيش فى رجال كويسين
والدنيا بخير ويعنى الرجل
بيخون لما بيلاقى
ست اديته الفرصه
برضوا فى ستات مش تمام
بس حرص ولا تخون
دعواتى بالخير والهنا
سلاممى وتحياتى

Sherif said...

كلمات

وبعدييييييييييييين

ايه اللى حصل ؟

أبو سويلم said...

اكيد ده حصل فعلا ومش خيال مؤلف
لان انا حاسس كده
مش بالحاسة السادسة لا سمح لله
لكن بحسى الادبى
حلوة حسى الادبى دى
هههههههه
معاك ان الخيانة من افظع ما يكون
والرجل اللى يسمح لنفسه انه يعرف واحدة غير زوجته يبقى مش رجل اصلا ويستاهل الشنق
لكن كمان هى غلطانة فى انها خرجت سر بيتها لصاحبتها حتى لو كانت الانتيم زى ما قلت
منتظر الباقى بفارغ الصبر
تحياتى
يا فندم
وسلامى

klmat said...

sherif
اهلابك حقيقى بفكر فى
تهايه مقنعه
تابع معايا
وعايزه اعرف رأيك
خالص تخياتى

klmat said...

ابو سويلم
اهلا بك
الحقيقه القصه دى من خيالى
بس من واقع احداث
مختلفه فى الحياه
. منها حقيقى وساعات بتحصل
فى الحقيقه ما يفوق الخيال
يعنى بنسمع كتييير عن موضوع الخيانه
صح . وبعدين اذا كان اللى بيخون
مراته مش راجل .
انت اللى بتقول مش انا
يبقى كده عدد الرجال قليل جدا
والقليل جدا دول ممكن ماجتش
ظروف مناسبه بس اكيد فى ناس
محترمه والحس الادبى عند حضرتك
عالى جداده من كتابتك
وكونك تتصور انها حقيقه
شهاده اعتز بها
لانى قدرت اقنعك
اما انها تقص اسرار بيتها
فى ناس مش بتقدر تتحمل مشاكلها
وبتحتاج رأىيساعدها
وفى ناس ضعيفه الشخصيه
وناس تانيه مش مشكله عندها بتثرثر
وبحسك الادبى تقدر تعرف هى مين فيهم
سعيده جدا جدا بتعليقك وارائك
ومستنيه رأيك فى الباقى
تفتكر ممكن فعلا يكون
فى حاسه سادسه بالمنظر ده
يهمنى اجابتك
سلااااااااامى

no chance said...

ههههههههههههههههههههههههههههه وطلع بيخونها ولا اى؟وهى اى السذاجة اللى هى فيها دى مدام رد فعله كان كدة لما قالتله الفيلم اللى هى اللفته لى مش شككت فيه انتى كنتى عازة تقولى انها عندها حاسة سادسة يعنى ههههههههه اوك بس نقض مننى لو متزعليش مدام كتبتى قصة لازم تكون مكتملة الاركان او تعبرى عن ريك بمقال او فى شكل معلومة يا ريت متكونيش زعلتى ويا يت تخفى م جو الستات اللى انتى عملتيه فى القصة دة اعملى حساب الرجالة اللى بتقرا................... قطيعه الرجاله دى مش بيجى منها غير وجع الدماغ وكلهم خاينين







تحياتى ويا ريت يكون عندك صدر رحب وتتقبلى النقد الرخ مبتاعى

و القادم....أجمل said...

السلام عليكم

اميرة القصة مشوقة جدااااااا
اركانها مختلفة
بداية من تجاهل الزوج لزوجته
و سعي الزوجه انها تشاركه في اهتماماته
الجيران و الكلام
اضطرارها للكذب

عجبني الصراحه الفكرة
و فعلا حاسة انها حقيقية
يعني اصدي في الواقع منها كتير

تسلمي يا اميرة
ربنا يحفظك

منتظرييييييييين الجزء التاني

:)

محبتي يا سكرتي

osama said...

دي مش الحاسة السادسه وبس ..
دي طلبتها ونالتها ...

لكن الذي اعرفه ان المرأة عندها بوصله تستيطع بها ان تعرف نوعية التغير التي طرات لزوجا .. هل هو تغير من ناحيتها لسبب تستيطع تفاديه او لامرأة اخرى حباً فقط او تطور وهكذا ...
عشت مع سطورك للنهاية
دمت بكل ود..
خالص تحياتي

klmat said...

no chance
اهلا بك لمادخلت مدونتك
ضحكت اوى
طبعا انت عارف ليه
الحقيقه انا كنت
عايزه اكتب عن الحاسه
السادسه وهل ممكن حد يكون عنده الملكه دى وكتبتها فى صوره قصه قصيره وكل
واحد يحط النهايه اللى عايزاها
وانا كمان قررت اكملها بس بفكر فى نهايه مقنعه
اماعن الكلام على الرجاله فانا كتبت
اللى بيتقال فعلا ويمكن مخففه
شويه علشان عامله حساب الرجاله اللى بتقرأ ده انا كده كارمكو اخر كرم
سعدت جدا بتعليقك واتمنى المتابعه
تحياتى وسلامى

klmat said...

القادم اجمل
اهلا بك ياولاء يارب تكونى بتذاكرى
كويس . شوفى القصه دى جاتنى
فكرتها من مجموعه قصص قرأتها
ومن مواقف شفتها فى الحقيقه
من محيط العيله والاصدقاء والشغل
يعنى قصه الخيانه دى بتكرر
الحاسه السادسه برضوا موجوده
انا كنت ناويه اكتفى بكده واشوف رأيكم بالنسبه للحاسه السادسه
لكن الكل اهتم بقصه الزوجه
عموما ان شاء الله اكملها ويارب
تكون مقنعه
دعواتى بالنجاح الباهر
ربنا يوفقك يااااارب
سلاااااااامى

klmat said...

osama
اهلا بك .
اكيداى حد عنده مشكله
بينه وبين نفسه بيقدر يعرف ان كان مقصر
او لأ .
الست حاولت تتلافى التقصير
باهتمامها به شكلا وموضوعا
وقد يكون الزوج عينه زايغه
وقد يصادف حب حقيقى
كل الاحتمالات موجوده
اذا كان تقصير من ناحيتها العلاج سهل
اما الحالات الأخرى الله اعلم
بالنهايه بتتوقف على طبيعه
كل منهم هل الواحد يقول يالا نفسى
ويبدأ من جديد ام يستسلم
الموضوع كبير كبير كبير
بجد سعدت بتعليقك
واتمنى ان اجد نهايه مناسبه
تحياتى وسلامى

Abeer said...

بجد الاسلوب حلو أوي
وعايزة اعرف هتعمل ايه في جوزها
ياريت مش تتاخري علينا


تحياتي
:)

د. ضياء النجار said...

العزيزة أميرة،

حبست أنفاسنا حتى النهاية، ولا أجدع فيلم بوليسي، بجد، بس انا عندي سؤال صغير، هو في تكملة للقصة ولا هي كده نهايتها مفتوحة؟

بس نفسك في الحكي حلو جدا، تسلم ايديك على ما كتبتيه لنا وقدمتيه طبقا نثريا شهيا، واللا دي فاتح الشهية فقط؟؟؟؟؟؟؟

عميق تحياتي

ضياء

tazart said...

ماذا لو كانت هناك حاسة سابعة و ثامنة في نظرك فيما كنت ستنفع؟
ثم ألا رين معي أن الجهل ينفع في كثير من الأحيان؟

klmat said...

Abeer عزيزتى
اهلا بك .ميرسى على مدحك
فى الاسلوب بعض ماعندكم
حاحاول اخلصها بسرعه
تعليقك اسعدنى جدا
تحياتى وسلامى

klmat said...

د / ضياء
اهلا بحضرتك حقيقى سعيده جدا
ان القصه عجبتك مش عارفه
ليه كنت حاسه انهامش حاتعجبك
الحاسه السادسه عندى
عايزه تتظبط شويه
هههههه
نيتى كانت انهى الموضوع لحد كده
واشوف رد الفعل بالنسبه للحاسه السادسه لكن اللى قرأها اهتم بالزوجه
وقالولى اكمل انا كتبت شويه
فى الدرافت بس كل شويه اغير فى النهايه
فاضل حبه صغننه وانشرها
كلام حضرتك الجميل فكرنى زمان لماكنت
اقرأ كتب اجاثا كريستى
مع الفرق طبعا
انا عارفه
انها مجامله ظريفه
حقيقى متشكره جدا جدا
مع كل الامنيات الحلوه
سلاااااااام

د. ضياء النجار said...

عزيزتي اميرة،

مجاملة ايه؟ دي الحقيقة، وعجبني جدا توظيف الموتيف المتكرر او العائد عندك كما نطلق عليه في الأدب، ما اخترعته الزوجة فوجدته يحدث في الواقع،،الموتيف هي أقل فكرة في النص، والموتيف المتكرر هو فكرة تجدها تعود تظهر في آخر النص بعد ظهورها في أوله، وكأن ما يحدث كان يحدث في حلم، فلما تستيقظ من الحلم تكتشف أن الواقع يتحقق بحذافيره كما كان في الحلم، وبذلك يتحقق ذلك الموتيف المتكرر، مرة في الحلم ومرة يظهر لنا في الحقيقة. فهمتي أي حاجة يا أميرة من كلام الأدب المجعلص هذا؟

عيمق تحياتي

ضياء

a Dreamer with feet on the Floor said...

dear >.the one who invent the gohast..should not B shocked when he find that gohast.....that will B the wisdum of this tale if it is the end...but If U will add another epesode..... then we should wait 2 judge..
liked ur story...
wish 2 read more ..best regardes

a Dreamer with feet on the Floor said...

dear >.the one who invent the gohast..should not B shocked when he find that gohast.....that will B the wisdum of this tale if it is the end...but If U will add another epesode..... then we should wait 2 judge..
liked ur story...
wish 2 read more ..best regardes

Mo3Az said...

هى دى باه الحاسة السادسة بتاعت الستات اللى بيقولوا عليها
:D

....دا لو كل الستات كدة كانت
:)

ماشاء الله طريقة حضرتك فى الكتابة جميلة وبسيطة
فى اتظار الجزء التانى ان شاء الله

صحيح قبل ما انسى
ادعيلى

Mo3Az said...
This comment has been removed by the author.
ماسة الحب said...

اولا اخيرا كتبتي بوست جديد
ويعني يوم كا تكتبي بقي الموضوع خيانه بس عاوزة اقول حاجه اصعب حاجه علي الست انها تحس بانها كم مهمل وبعدين انا ملاحظه انها مش مقصرة في بيتها ولا شكلها بس تفتكري فعلا بيخونها الرجاله كتير بيكونوا خاينين وممكن يكون حد عاوز يوقع بينهم علي العموم انا مستنية الباقي ويارب ما تطوليش عشان الفضول بقي

klmat said...

عزيزى د / ضياء
الحقيقه انا كنت بكتب زى مااكون
كده بحكى عن مجموعه مواقف بعضها حقيقى
ونسجته فى شكل قصه من خيالى اما عن الموتيف فلم يكن فى بالى وكلام حضرتك بتشرحه بطريقه توصل المعلومه بوضوح
حتى لو كانت مجعلصه فانا الحمد لله
فهمته . اشكرك جدا على المتابعه
والتعليق المفيد والرقيق
مع كل الأمانى الحلوه
وافر تحياتى وسلامى

klmat said...

tazart
اهلا بك
معلوماتى وقفت لحد الحاسه السادسه
ودى حقيقه بتحصل . احيانا عدم العلم بالشىء بيكون اريح بس لما يمر وقت ويتم
العلم به بيكون اقسى لطول فتره الخداع
ربنا يكفينا شره
اشكرك جدا بمرورك وتعليقك
واتمنى المداومه
تحياتى وسلامى

klmat said...

a dreamer with feet on the floor,
Many thanks 4 your comment,
please follw part 2 ,2 tell me
your opinion,really I like reading,
Many thanks 4 your comment & advice
With all good wishes

klmat said...

mo3az
اهلا بك
ايون يافندم هى دى الحاسه السادسه
بتاعت الستات . اشكرك جدا جداعلى
على اتعليق اللى فعلا اسعدنى
وافر تحياتى وسلامى

klmat said...

عزيوتى ماسه الحب
اهلا بك . انا معاكى اهمال
المشاعر امر جارح جدا ومؤلم
خصوصا لما تكون علاقه يصعب
قطعها والخيانه امر كريه
كل جنس فيه المخلص والخاين
سواء رجل او ست
طبعا انتى عارفه فى رجاله بتقرأ
وعايزين نراعى مشاعرهم
ماحدش واخدباله
هههههههههه
شرفتنى ياماسه
وربنا يسعدك وتكون حياتك
سعيده وكلها وفاء ومحبه
ياااااااارب