Saturday, February 9, 2008

مجدى مهنا رجاء النقاش وداعا



منذ ان انقطع الكاتب الكبير مجدى مهنا عن كتابه عموده المشهور فى الممنوع وانا عندى احساس انه مش حايكتب تانى لشده المرض عليه خصوصا انه مرض والعياذ بالله فتاك هذا الكاتب والمذيع المرموق دخل قلوب كل اللى بيقرأ له او يبشوف برنامجه لأنه كان بيعبر عن اللى عايز اى مصرى يقوله بجرأه ودون خوف فهو يتمتع بشجاعه وضمير حى
من النادر نلاقيه الايام دى
عمرى ماقرأت له مقاله يتملق فيها او ينافق كل ماكتب كنت اشعر به واقول فى سرى الله يبارك لك . انسان مناضل بقلمه شريف لا يخاف الا الله احب بلده فاحبه اهلها لم يخاف من احد الا الله فكان شجاع فى برنامجه فى الممنوع التقى مع المع واشهر شخصيات سياسيه اسئلته هادفه بدون تجريح او حب فى الشهره اخلص فى عمله دافع عنا وعن مطالبنا
لم يختار الطريق السهل كان بيقول ويكتب اللى يملاه عليه ضميره وفى اعتقادى ده سبب نجاحه ولما كان ضيف فى برنامج الرائعه منى الشاذلى العاشره مساء
حكى عن ذكرياته حياته لم تكن سهله فنِشأ يتيم وتحمل الكثير دون شكوى عرفت ليه كنت دايما بشوف حزن دفين فى عيونه لا اعلم سره رغم نجاحه وشهرته عانى الكثير من فقدان احبه وكافح من اجل اسرته ومن اجل بلده .
ارجوكم ادعو له بالمغفره والرحمه وان يسكنه الله فسيح جناته وان يصبر اهله وكل محبيه فقد دافع عنا وتكلم بلسانا وحاول قدر استطاعته ان ينير لنا الطريق بصراحته المعهوده وارائه المستنيره واسئلته الذكيه دى اقل حاجه نقدمها له.
استاذ مجدى كلنا بنحبك ونحترمك وبنفتقدك حاتوحشنا اوى .الله يرحمك

لم افق من حزنى بخبر وفاته حتى سمعت بخبر وفاه نبيل اخر عظيم الاستاذ رجاء النقاش وكنت استشعر فى حفله تكريمه الاخيره انها حفله تأبين ولما شفت صورته لم اتعرف عليه من شده هزال وزنه وضعفه وكنت انوى ان اكتب بوست عن كتابته ومقالاته اللى اثرت فيا ان شاء الله اكتبه
كل من تعامل معه عن فرب حبه قال عنه فاروق جويده ان اكتر حاجه ندم عليها انه لم يتعرف عليه بدرى
تعرفت عليه من سنوات عن طريق مقالاته الرائعه فى الاهرام واحتفظ ببعض ماكتب لشده تأثرى به وكنت استشعر
من كتابته انه انسان جميل حساس يحب الحياه ويحب كل من حوله ويقدم نصائح رائعه بطريقه غير مباشره وباسلوب
سلس جذاب
فى بوست قديم ليا كتبت عن مقالته فلسفه السفاله . و له عديد من الكتب الممتعه والمفيده جدا كنت كل ما اقراكتاب له اطلع بفكره تفيدنى فى حياتى الشخصيه حتى انى احتفظ بمقالات له قديمه جدا لشده تأثرى بها ان شاء الله سوف اكتب عنها . الغريب انى كنت انوى ان اكتب عنه قبل علمى بمرضه لتأثرى بمقاله عنوانها الابواب الضيقه
الله يرحمه ويغفر له ويسكنه الجنه
كل من الاستاذ مجدى ولاستاذ رجاء النقاش كان معدن غالى القيمه نفيس ومميز الله يرحمهم ويغفر لهم







16 comments:

دكتور كسلان said...

انا لله وانا اليه راجعون
ربنا يغفر له ويرحمه
ويدخله فسيح جناته

انا سمعت الخبر امبارح على دريم
وكنت عايز اقولك فى البوست اللى فات
بس ما حبتش انك تعرفى الخبر منى

مش عارف كنت عايز اعزيكى ولا اعزى نفسى
لحقيقة مصر فعلا خسرت رجل من اغلى الرجال

انا حبيت مجدى مهنا زى ما يكون اخويا
وزعلت جدا لما سمعت الخبر
انا مش متخيل ازاى هاقدر اقرا المصرى اليوم من غير مقاله فى الممنوع

انا لم احزن فى حياتى على فقدان اعلامى او فنان او اى انسان مشهور
زى ما حزنت على مجدى مهنا

انا اسف لو كان الكلام كله على مجدى مهنا
بس اكيد انت مقدرى شعورى

انا والله ما انا لاقى كلام اقوله عليه
ومهما الناس كتبت فيه اشعار ومقالات
مش هيوفوه حقه

وللاسف الشعب كله مشغول ببطولة افريقيا
ولن يتذكره الا القليل


ولكننا لا نملك الا الدعاء له
بان يتغمده الله برحمته ويدخله فسيح جناته
وان يصبرنا على الم فراقه

دنيتى الجميله said...

انا لله وانا اليه راجعون
اللهم اجرنا فى مصيبتنا واخلف لنا خيرا منها
ربنا يخلف علينا بمصرى تانى يحمل هموم الوطن زى مجدى مهنا ويغفرله ويرحمه
وايضا ادعو بالرحمه والمغفره لرجاء النقاش
وان شاء الله هستنى بوستاتك عنه اللى وعدتى بيها
ربنا يسعد ايامك ولايحزنك على عزيز ولا
غالى
تمنياتى ليكى بالتوفيق

Anonymous said...

Rbna yr7mhom w y3wd Masr b nas
mo7trma zyhom.

Sherif

ابو الحسن said...

كل حياتنا نفارق نفارق ناس تسبني وفي دمعي غارق ناس جميله ناس عزيزها وفي النهاري بردك نفارق كل عمري وانا حزين ابكي اشكي طب لمين حد اقال اني اني الفراق ليه بياخد الغالين الحياه اكبر سفينا ناس بتنزل غالين علينا وفي النهايه هي المفارق وفي النهايه تمشي السفينه

ابو الحسن

www.aboelhassan.blogspot.com
i_aboelhassan@yahoo.com

klmat said...

عزيزى د / كسلان
البقاء لله . عارف انا كمان
اول ماسمعت عرفت انك حاتزعل اوى
لانك كنت علقت عندى فى البوست بتاع
الحب عن بعد وكنت نسيت اكتب اسم
مجدى مهنا رغم انه اول عمود ابدابقرأته فى المصرى اليوم
وهو من اكتر الشخصيات
اللى بحبها وكان اسمه موجود فى او تدوينه ليا .كلنا بنعزى بعض
وحاسين انهعزيز غالى فى اسرتنا
حتى اللى بيكرهوا لأنه بيعارضهم يحترموه
لانه فعلا شخصيه محترمه
الله يرحمه ويحسن اليه
هى دى الدنيا نفارق ناس ونقابل
ناس والحياه بتستمر طبيعى ان
الناس حاتشوف الكره وحانفرح
ان شاء الله بنصرنا بس فى وجع
فى القلب لا تتخيل مدى حزنى عليهم
انا بحبهم جدا واللهى كنت بدعيله
فى صلاتى الله يرحمه ويشفى كل مريض
وربنا يخليك ويديك طول العمر
ويحبب فيك خلقه يارب
سلامى

klmat said...

عزيزتى دنيتى الجميله
ربنا يسمع منك ويرحمهم
ويغفر لهم
وتكون دنيتك دايما جميله
وان شاء الله عند وعدى
سلامى

klmat said...

عزيزى الباشمهندس / شريف
ربنا يسمع منك يارب
ويحميك ويديك طول العمر
ويكتب لك كل توفيق
سلامى

klmat said...

ابو الحسن
اهلا بك .فعلا الدنيا
عامله زى القطر اللى ماشى
وناس بتنزل فى محطتها وناس بتركب
ربنا يعوض علينا خير ويديك
طول العمر
زرت مدونتك واشعارك جميله
اتمنى تتيح فرصه للتعليق عليها
اشكرك جدا لزيارتى واتمنى تكررها
سلامى

rack-yourminds said...

الله يرحم الاستاذ مجدي مهنا صاحب القلم الشريف ,هذا الرجل دخل في قلوب كل الناس ,الله يرحمه ويدخله فسيح جناته

الله يرحم الاستاذ رجاء النقاش الكاتب الكبير ويدخله فسيح جناته

تحياتي وسلامي

klmat said...

rack your minds
اهلابك ياواحد
ربنا يغفر لهم ويرحمهم
ويديك الصحه وطول العمر
سلامى

loumi said...

عزيزتي أميره
كان لدي إحساس كبير
بأنك كاتبه شىء عن الفقيدين

رحمهما الله
وخفف عنهم
وثبتهم وثبتنا
يوم العرض عليه

تحياتي

klmat said...

loumi عزيزتى
دايما احساسك صادق
الله يرحمهم ويغفر لهم
ويديكى طول العمر والصحه
تحياتى القلبيه

و القادم....أجمل said...

إانا لله و إنا إليه راجعون
الله يرحم جميع موتانا
و يجعل قبورهم روضة من رياض الجنة

جزاك ِ الله خير الجزاء أميرة
ربنا يديم علي الجميع نعمة الصحة

Anonymous said...

الدليل الشامل لأحدث المدونات العربية
حوار إسلامي قبطي
حوار عربية أمازيقي
مدونة أبناء القبائل
مدونة شبكة العرب
سياسة - اقتصاد - أدب - تاريخ - دين والمزيد
http://arab-blogs-guide.blogspot.com/
-- شارك معنا برأيك و أمتعنا بدلوك --

klmat said...

القادم اجمل
اهلا بك ياولاء فينك وحشتينى اوى
ربنا يكرمك ويديكى طوالعمر والصحه
ويرحمهم هما وكل الاموات يارب
اشكرك جدا
خالص حبى وتقديرى

klmat said...

anonymous
اشكرك جدا على المرور وان شاء الله
ازورها
خالص تحياتى وتقديرى