Tuesday, February 12, 2008

صنع بلدنا ومابيتكسرش

حاجه تفرح ودعوه للتفاؤل
على صوتك بالغناء
مبروك مبروك الله على الفرحه جميله بتجمع كل الأحباب
والله وعملوها الرجاله
انا مصرى وابويا مصرى
الحقيقه انا ماليش فى الكره بس فرحت اوى لما كسبنا كاس افريقيا السبب الرئيسى لفرحتى انى شفت الشباب المحبط فرحان وبيغنى وبيرقص واى نصره لمصر فيها فرحه وفيها امل اننا ممكن ننجح بادوات مصريه مائه فى المائه بس الله لايقدر لو كنا اتغلبنا يكفينا اننا كنا مشرفين وده اللى بتمناه اننا نبقى مشرفين فى كل حاجه وده ممكن جدا يعنى الفريق اللى حقق النصر ده كل اللاعبين مصريين والمدرب مصرى وكمان كان ماحدش متوقع فوزوهم طيب لو كان الفريق ده مدربه واحد تانى كان ياترى حايحقق نفس النصر الجواب لو كان فى نفس قدره حسن شحاته ونفس الوطنيه كان حايحققه يعنى لو كان الجوهرى كنت حاتوقع نفس النتيجه اللى عايزه اقوله ان الاساس هو القياده المدرب اختار اللاعبين والمساعدين قيسوا على كده كل حاجه لو شركه فاشله وجه مدير ناجح بنفس العاملين ممكن يقودوهم للنجاح والعكس صحيح
بس خلاص اييييييييييييييه
ربنا يصلح حالنا يارب
حاجه تانيه فرحتنى اوىىىىىىىىىىىى
امبارح كان ضيوف العاشره مساء 3 نماذج لمدونات جميله جدا وناجحه
اتنين غاده وواحده رحاب بسام عايزه اتجوز مع نفسى حواديت
نجحوا من غير واسطه ولم يكن فى حسباتهم تحقيق هذا النجاح والظهور فى برنامج ناجح
البنات كانوا مثقفات وصادقات علشان كده نجحوا وعلى طبيعتهم بدون كلفه
فرحه منى الشاذلى كانت باينه فى عيننها . جميل اوى تشجيع الناجحين بيرفع من معنوياتهم ويزيدهم نجاح
وكمان بيدى امل لباقى الشباب ان النجاح ممكن بدون واسطه بس مجهود وتوفيق من ربنا سبحانه وتعالى .
دور نشر واعيه وحققت مبيعات واتاحت فرصه للمواهب الشابه وبرنامج رائع بيواكب كل الاحداث . كنت فرحانه جدا
مافيش اجمل من النجاح

46 comments:

دنيتى الجميله said...

ياااااااااااااه
اول كومنت عندك
مش ممكن
بجد انا بحبك جدا يا اميره
يمكن علشان بلاقى فيكى حاجات كتير جميله وعندك نفس الاحاسيس الحلوه اللى بحبها وان شاء الله متوقعه ليكى نفس النجاح لمدونتك اللى حققته المدونات الثلاثه وان شاء الله اشوفك فى برنامجك المفضل
العاشره مساءا اصلى نفسى اشوفك جداو
انتى تستهليها
وبالنسبه بقى لمصر فده نجاح مصراوى وصناعه مصريه 100×100
وفعلا اثبتوا لينا كلنا كفاءه المصرى ومهارته يلا حاجه ترجع لينا الثقه لنفسنا
مبرووووووووووك ليكى وليا ولكل مصرى

رحــــيـل said...

انا كمان مليش فى الكوره بس فرحت قوى لفرحه الناس
اصل فين وفين لما بتيجى حاجه نتجمع عليها كده كلنا

وكمان نجاح المدونات فعلا رائع
ربنا يوفقهم دايما

تحياتى لكى

Unknown said...

الحمدلله اخدنا الكاس للمرة السادسة وربنا نصرنا مبروك ليكي ولمصر ولينا
ويارب يفرحنا دايما
وماشفتش البرنامج للاسف
بس ربنا يوفق الجميع
سلام

rack-yourminds said...

الف مبرووك لمصر ,والف مبرووك لينا ,والف مبرووك للعرب

بجد الفريق عمل انجاز تاريخي وملحمه كرويه

انا شفت الحلقه اللي استضافت فيها مني الشاذلي للمدونين التلاته بجد كانت حلقه جميله

تحياتي وسلامي

http://kasperb4.blogspot.com/ said...

غريبة ان معظم المدونين اللي كاتبين خبر الكأس ملهمش ف الكورة
:D

وطبعا مبرووووك نجاح التلات مدونات
بصراحة هي دي الحاجة اللي تفرح بجددد

ربنا يفرح الجميع

Abeer said...

مليون مبروك طبعا لمصر
ويارب ابتدينا بالكورة
عقبال باقي المجالات

بالنسبة للمدونين بجد كنت فخورة بيهم جداااا
ربنا يوفقهم

ويا سلام لو عندنا فكر اداري زي دار الشروق
بجد فكر ناجح جدااا .. قدر يستثمر موهبة ويحولها لنجاح للطرفين

loumi said...

الصدق والإخلاص والإيمان
بالشىءإللي الإنسان
بيعمله هو أقصر طريق للنجاح

والنجاح بالعدوى
يعني لما ينجح الفريق
يساعد شباب كثير على إنه يبذل مجهود صادق
عشان يحقق نجاح زييه
وربنا يوفق الجميع

أخبار تفرح فعلا
يا قمر

klmat said...

دنيتى الجميلهانا كمان سعيده انك اول تعليق ومن القلب للقلب رسول ربنا يديم المحبه وربنا يكرمك المدونات التانيه
جامده اوى انا بفضفض على قدى ربنا
يجبر بخاطرك . انا معاكى فعلا احنا محتاجين
نعيد ثقتنا بانفسنا
مبروووك لنا كلنا وربنا يكتر افراحنا
سعدت جدا بتعليقك
ربنا يوفقك ياااارب
سلاااااام

klmat said...

ra7eel
اعلا بك ياساره
ربنا يكتر افراحنا
وننجح فى باقى المجالات ياااارب
نورتينى ربنا يوفقك
سلااااااام

مدحت محمد said...

اه فعلا عندك حق يااميرة
الامثلة دى مصداقالقول
الله عز وجل
ان الله لايضيع اجر من احسن عملا
صدق الله العظيم
الحقيقة فعلا امثلة تفرح
وتدعو للتفاؤل فعلا
خالص تحياتى ليكى

Anonymous said...

Dh Klam zy el fol.

Sherif

منى said...

فعلا تحسى ان الناس بتتلصم عشان تفرح
ربنا يفرحنا على طول فرحه تدوم تدوم وتستمر وتتوغل
كان نفسى اشوف الحلقه مع انى مش متابعه المدونات دول
يلا المره الجايه بقى
سلام

و القادم....أجمل said...

مبروووووك لمصر
كلنا فرحنا جدااااااا طبعا
ربنا يبارك في ولاد مصر و اهلها
يااااااارب
و مبرووووك نجاح المدونات
ربنا يكرمهم يارب
و دايما الكل ناجح و سعيد
و هييييييييييييييييه

أميرة معلش انا الايام دي متلخبطة شوية
فهتلاقيني بغيب و ارجع و اغيب و ارجع
لحد مغيب خالص
:(
:(

لا بس دعواتك
البوست اللي قبل دا هقراه
بس أصله طويل
و انتي عارفه 7 سنين طب
أكيد بيأثروا علي العوينات
:D

تحياتي و حبي يا سكر
إنتىيييي

:)

ahmed mefrh said...

السلام عليكم
كانت فعلا فرحه جميله جدا
الواحد كان مستنيها
مربوك لمصر كلها ولحسن شحاته و اللعيبه
تحياتى ابو مفراح

الدرويش المرووش said...

لو شركه فاشله وجه مدير ناجح بنفس العاملين ممكن يقودوهم للنجاح والعكس صحيح

================

يا نهار مش فايت

على رأى كمال الشناوى فى الإرهاب و الكباب
- قصده على مين الراجل ده
- أكيد على الإرهابيين يا فندم
- آه تمشى برضه

Anonymous said...

klmat

كل عام وانت بخير

دنيتى الجميله said...

اميره
مدونه حور الدنيا خلاص جهزت
يلا شاركينا فى المعلومات
ومستنيه برضوا رأيك
http://hordonia.blogspot.com

يا مراكبي said...

العنوان هو أكتر حاجة عجبتني في التدوينة دي تحديدا عن كل التدوينات المختلفة اللي إتكلمت عن نفس الموضوع

مش كل حاجة من صنع بلدنا بتبقى أي كلام زي ما الناس فاكرة .. ومش كل حاجة بلاد بره هي اللي ما حصلتش زي ما الناس فاكرة

وأنا أعرف أمثلة كتير جدا على الموضوع ده .. بس المكان مش هيساع لذكرها

إحنا فعلا ممكن نعمل حاجة صح .. وصح جدا كمان .. وتكون أحسن من حاجة برة بكتييييير

klmat said...

my hopes
اهلا بك ومبروك لنا كلنا
ويارب نتفوق فى باقى المجالات
حبى وتقديرى

klmat said...

rack your minds
مبروك لنا كلنا
وعقبال باقى المجالات
يارب. فعلا الحلقه كانت
جميله والبنات لطاف اوى
عميق تحياتى

klmat said...

الام وامال
مالناش فى الكره بس
بنشجع بلدنا وفرحانين
اوى ويمكن زياده لعطشنا
للفرحه يارب تكون بدايه
نجاح امدونات حاجه تفرح
والحلو ان حاجه لم
يتم التخطيط لها
ربنا يوفقك وينجحك
عميق تحياتى

klmat said...

abeer
اهلا بك منورانى
كلامك مضبوط جدا
يارب تكون دى بدايه
نجاحات تانيه
حبى وتقديرى

klmat said...

abeer
اهلا بك منورانى
كلامك مضبوط جدا
يارب تكون دى بدايه
نجاحات تانيه
حبى وتقديرى

klmat said...

loumi
اهلا بك ويارب دايما
تكون فى اخبار تفرح
تفتح شهيتنا للحياه
متفقه معاكى تماما
حبى وتقديرى

klmat said...

دوحه
اهلا بك وسعيده جدا
برأيك وربنا يزيد
من النجاحات يارب
عميق تحياتى

klmat said...

sherif
تعليقك بيسعدنى جدا
ويارب دايما اشوف تعليقاتك عندى
عميق تحياتى وتقديرى

klmat said...

عزيزتى منى
اهلا بك انا تابعت المدونات
دى بعد التنويه عنها
فعلا كل واحده لها طعم مميز
وربنا يفرحنا فرحه تدوم
فعلا ده المحتاجينه
ويارب تكون بدايه
ربنا يوفقك
مع حبى وتقديرى

klmat said...

القادم اجمل
اهلا بك ياولاء حقيقى وحشتينى اوى
مبروك لنا كلنا ويارب
ننجح فى كل المجالات
خدى وقتك وسلامه عيونك ياقمر
وربنا يوفقك ويكتب لك كل الخير
مع حبى وتقديرى

klmat said...

ابو مفراح
اهلا بك ومبروك
لمصر ولحسن شحاته
والفريق وربنا ينصرنا دايما
عميق تحياتى

klmat said...

الدرويش المروش
اهلا بك . طبعا انا مش
قصدى حاجه انا
اقصد المدير يافندم
مبروك لمصر ومبروك ليا
تشريفك عندى
عميق تحياتى

klmat said...

الدرويش المروش
اهلا بك . طبعا انا مش
قصدى حاجه انا
اقصد المدير يافندم
مبروك لمصر ومبروك ليا
تشريفك عندى
عميق تحياتى

klmat said...

شريف
كل سنه وانت طيب

klmat said...

دنيتى الجميله
الف مبروك المدونه الجميله
وانشاء الله ازورها
عميق حبى وتقديرى

klmat said...

يامراكبى
اهلا بك وسعيده بمرورك عندى
عارف انا كنت عايزه ااكد على معنى العنوان ان بامكانيتنا وبدون اى عنصر
اجنبى حققنا نصر واننا قادرين بأذن الله
على الكثير بس ندى العيش لخبازه
ده كان قصدى سعيده اوى انك لفت النظر
للنقطه دى مدونتك راااائعه
عميق تحياتى وتقديرى

رئيس جمهوريه نفسى said...

مبروك عليكى وعلينا وعلى مصر الكاس وده بيدل على اننى ممكن نعمل المستحيل لو حبينا
موضوع المدونات يارب كل مدون محقق كل احلامه وموفق فى حياته يارب

دكتور كسلان said...

ازيك يا مدام اميرة
يارب تكونى بخير ان شاء الله

مبروك علينا كلنا
الشعب فعلا كان محتاج لفرحة زى دى
الناس مخنوقة ومفيش حاجة فى البلد تفرح
وفعلا اللى خلانا نفرح اكتر
ان اللى صنع الفرحة دى مصريين
وبيحبوا بلدهم جدا وكانوا بيقاتلوا فى الملعب

بس للاسف الحكومة بتستغل الفرحة
بتنسب النصر ليها وللريس
ومن ناحية تانية بيغلوا الاسعار
منهم لله
حتى بينكدوا علينا فى الفرحة


بالنسبة للمدونات
انا شفت الحلقة دى
فعلا حاجة تشرف
بس انا معجب اكتر بغادة صاحبة مدونة عايزة اتجوز
وبضم صوتى لصوتها
وبقول انا كمان
انا عايز اتجوز

ادعيلى يا مدام اميرة ان الاقى بنت الحلال

سلااااااااااااااااااام

اجري على الله said...

سلام عليكم
كلمات هذه اول زياره لي لمدونتك الرائعه
وانشاء الله لاتكون الاخيره
الحمد لله ان هذا الفوز كان بايدينا نحن لا بايدي غيرنا
فالمدرب مصري والفريق تقريبا كله من المحليين
بالاضافه الى الاداء الرائع والراقي

لكن المهم هو انه كان هناك بيوصلها اللاعبين عندما كانوا يسجدون بعد كل هدف بالاضافه لموقف ابوتريكه بتاع غزه
حاجه مفرحه جدا
مبروك لمصر وانشاء الله يكون النصر القادم نصر علمي وتقني او عسكري انشاء الله علشان تكون الفرحه فرحه كبيره بجد

اتمنى ان نتواصل دائما
الشاعر بن هلال

Anonymous said...

أجمل ما قى هذا النصر عدم توقعه من كل الدنيا حتى من إتحاد الكرة و بإصرار الرجال و توفيق الله تعالى حدث هذا النصر ، فجميع أفراد البعثة كانوا مع الله فأيدهم بنصره و فرحوا قلوبنا و يا رب الجميع ينتهج نهج الرجال و يتقربوا إلى الله تعالى كى نحقق الفوز الحقيقى على أعداء الأمة
أبو خالد

جهاد خالد said...

لو كل الشباب اتحلوا بالاخلاص مع شوية اصرار

هننجح اكيد

بس نطلع من دوامة الأنا والبلد وحشة
وكله هيبقى تمام والله

...

شكرا جزيلا ويارب يديم أفراحك

dina said...

اول حاجة عجبتنى..اسم المدونة..كلمات ..فكرتنى بالجميل نزار قبانى و الجميلة ماجدة الرومى

على حوار المدرب المصرى بقى..انا عاوزة اقول حاجة مفيش فى الدنيا حاجة ممكن تعمل انجاز زى احساسنا احنا ببلدنا و ايماننا بقدراتنا دا كفاية انه كان بيسمع اللعيبة ماشربتش من نيلها قبل الماتش و كانوا بيدخلوا الماتش بنية اسعاد المصريين..لو مش مصرى مكنش حيكون فى الروح دى

و على بنات المدونات:انا حكولى عنهم و شكلها بنات جامدة اوى...لسا عندنا كتير بس محتاجيين فرصة بس

klmat said...

عزيزى د/ كسلان
اهلا بك ويارب تكون بخير . انا الحمد
لله كويسه . مبيروك لنا كلنا وعقبال مانتنصر فى المجالات التانيه وده مش بعيد
احنا بس عايزين قيادات صالحه تاخد بايد الشباب وربنا يحقق الامل ده
عارف انا كنت لوحدى فلى البيت من
يومينوانا مش بشوف كره ولابرامج رياضيه الا فى وجود الاسره كلهم رجال بس لقيت حسن شحاته بيحلل انه لو كان اتغلب فى اى ماتش كان خطته حاتكون ايه انا مش اعرف اقول كلامه بس كان مخطط وحاطط احتمالات وخطط بديله شرحها
وهدفه الرجوع بالكاس
الفريق والاحتياطى واقرب المقربين
له ماحدش يعرف مين اللى حايلعب ومين الاحتياطى لحد قيل الماتش ب 3 ساعات علشان الكل يكون مستعد نقسيا وبدنيا
كلامه علمى وشدنى جدارغم بعد اهتماتى
عن المجال ده

اما ان الحكومه بتنسب لها النصر ليه
حطوا الخطه ولا نزلوا الملعب لما هما فالحين كده طب ينجحوا فى مهامهم
اللى بيقول كده المنافقين اللى نظام شلوت سعادتك دفعه للامام على راى محمد
صبحى فى احد مسرحياته والشعب فاهم دول حاينتهواونهايتهم قربت باذن الله

اماعن المدونات هن حاجه تفرح
ويارب يوفقك وتلاقى بنت الحلال اللى تسعدك وتهنيك وانت تهنيها وتكونوا قدم سعد لبعض طالما نويت اتكل على الله وحاتلاقى كل صعب سهل ان شاء الله
دعوات من قلبى بالسعاده ةالهنا والحب
سلااااااااااااام

klmat said...

رئيس جمهوريه نفسى
اهلا بحضرتك يافندم نورت المدونه
ياريس وربنا ينصرنا دايما وكلنا نفرح
وعقبال مدونتك سعدت بتعليقك
ربنا يوفقك مع تحياتى وتقديرى

klmat said...

ابو خالد
اهلا بحضرتك فعلا كانوا رجال محترمين واخدوا
بالاسباب واعدوا ماستطاعواانيحقق
نصرهم ربنا ينور بصيرتنا ويقوى ايمانا
وناخد بالاسباب النصر كان مفلجأه رائعه
بس مخطط لها
تحياتى واحترامتى

klmat said...

اجرى على الله
اهلا بك منور مدونتى واشكرك جدا
على كلامك الجميل واوعدك بزياره
مدونتك وربنا يفرحنا وينصرنا
دايما يارب تعليقك اسعدنى جدا
مع كل الدعوات بالتوفيق والنجاح
تحياتى وتقديرى

klmat said...

النجمه الصامده
اهلا بك يادينا كلامك جميل ربنا
ينور بصيرتنا ويهدينا جميعا
ونحقق لبلدنانجاحات عظيمه يارب
سعدت بتعيقك ومرورك
واتمنى ان نتبادل الاراء
تحياتى وتقديرى

klmat said...

عزيزتى دينا
اهلا بك وميرسى على كلامك عن اسم المدونه
سبب اختيارى هو حبى لشعر نزار واغنيه ماجده الرومى كانت بتتغنى وانا بفكر فى الاسم انتى جبتى السبب
معاكى حق جدا وانا متفقه معاكى فى رايك وسعيده به وسعيده اكتر بتشريفك ويارب نتبادل الاراء
المدونات ظريفه واسلوبهم مميز وجديرين بالنجاح عقبالك يارب
اسعدتينى ونورتينى
مع حبى وتقديرى