Thursday, February 28, 2008

زهقانه

مع انى بطبعتى لااميل للشكوى او التذمر واحوالى بخير الحمد لله
الا انى اشعر بحاله زهق وملل وصدقونى سببها الرئيسى الاحوال العامه
كان الله فى عون من يعانون من ظروف ماليه صعبه لكن حتى الناس الناجحه ومعاها فلوس
بقيت مش طايقه البلد فيه ايه اكتر من كده
ابلغ مثال للوضع ده الحضرى
ناجح جماهيريا وماديا ايه اللى يخليه يهرب من مصر
قعدت افكر لقيت الواحد مش مطمئن للمياه اللى بيشربها معاه فلوس يجيب مياه معدنيه تطلع لنا
تحذيرات من تلوث المياه الخضار غير مأمون ومليان هرمونات
مطاعم مشهوره وجدوا فيها اطنان من الزيت الفاسد واخرى تقدم لحم الحمير
لا قدر الله لو حد تعب تبقى مش مآمن لمعمل تحليل لازم تحلل فى اكتر من واحد الدم وتلويثه ومشاكله
القمح المستورد ودايما مش مطابق للمواصفات عمارات بتتهد على سكانها
تفتح التليفزيون تلاقى اصحاب الكروش قاعدين بيتكلموا على الانجازات والعداله وكل واحد ماسك سبحه يعنى كده بأه بعيد عن الشبهات قال يعنى الرجل تقى والناس حاتشوف السبحه تصدقه والشعب تعبان ومنهك ومل هذه الوجوه
ناس عندها مليارات وبتتحكم فى الاسعار وتقولك الاسعار ارتفعت عالميا طب والاجور بردوا ارتفعت عالميا
واصحاب المليارات قله واللى على الحديده الاغلبيه
حوادث الطريق ربنا يكفينا شرها قولولى ايه يخللى الواحد مش زهقان

اعذرونى بس فعلا انا زهقت

45 comments:

الجنوبى said...

يا حللى ياحللى اول تعليق احجز وابقى اقرا براحتى
عمرو

الجنوبى said...

العزاء الوحيد سيدتى ان هؤلاء الحراميا كما يروقنى ان اسميهم لا يجدون متعة الزهق لان اللى متعرفيهوش ان الزهق ليه متعة يعرفها اللى طول معاهم
تحياتى
عمرو

منى said...

عزيزتى كلمات
الحمد لله على نعمه الزهق زى ما قال عمرو
بس انا بسميها الضمير الحى
اللى مش عاجبه اللى بيحصل واللى الناس عايشه فيه
لكن اصحاب الكروش فقدوا هذا الضمير مثلما فقدوا كل الاحاسيس
اللهم ارزقهم ببضع ضمير
وقلب صغير
ليشعروا يوما
بالفقير

شكرا لسؤالك عنى
لا حرمنى الله منك

عصفور المدينة said...

ومين سمعك يابنتي ولكننا نحاول ونحاول عسى أن ينصلح الحال أو نموت معذورين عند ربنا

Anonymous said...

3ndk 72.

Sherif

Anonymous said...

أنا مثلك تماما زهقان و التواصل مع الأصدقاء المدونين يخفف من كم الزهق
أبو خالد

ملك الكبدة said...

انا كنت بشتغل عند واحد مورد خضار كان هو المتعهد بتاع امريكانا

يعني كينتاكي بيزا هت فيش ماركت تيككا جريل

السوق بيحكم

يعني في الصيف مافيش حاجة اسمها فرز طماطم مضروبة مع حمضانة مع كله

ده مثال على فكرة لاحد اكبر المجموعات الغذائية في مصر

http://kasperb4.blogspot.com/ said...

اللي غايظني اننا كلنا ساكتين وحاطين ادينا على بؤنا
ومش عارفين الوضع الخنيق ده هيستمر لحد امتا

ربنا يصلح الأحوال

samo said...

صدقتى
احنا شعب فقير وغلبان اوى

بس ياترى ايه الحل
؟
بس عارفه
كل ما احس بكده
اسمع اغنيه منير ( مفيناش من خوف ) استريح شويه
ما تحاولى تشغيلى بالك كتير

مشاكل ماليه
انا امنت بحكمه غريبه اوى
(الغنى هيفضل غنى والفقير هيفضل فقير )

بجد كلمتين خففوا عن الواحد شويه
تحياتى

رئيس جمهوريه نفسى said...

بصى هى امور تجن وتخلى الواحد يتنح بجد الحضرى بسم الله ما شا اله بيحصل 7 مليون جنيه سنويا غير انه متعين فى شركه اتصالات بعشرين الف جنيه سنويا وهو حاصل على دبلوم وخايف من المستقبل وعايز يا امنه ربنا معاه
بس رغم ده كله ضاقت ولما استحكمت حلقاتها فرجت واضن انها خلاص قربت باذن الله تتحل

Mo3Az said...

:)
معاكى حق
كلنا زهقانيين
ودا الوضع للاسف ان فى شوية ناس اهم حاجة عندهم مصالحهم
وعشان مصالحهم مستعدين يعملوا اى حاجة والناس دول هما المتحكمين فى البلد
فبتالى بنلاقى الظلم والفساد والقهر ومش مشكلة الناس تموت بس المهم انهم يحققوا مصالحهم

لا واللى يطالب بالاصلاح
يكون مصيره الاعتقال ومصادرة الاموال
وخيرت الشاطر خير مثال على هؤلاء الشرفاء المظلومين
لله درك ايها الشاطر
قال رسول الله صلى الله عليه وسلم :
خير الجهاد كلمة حق عند سلطان جائر

عذراً
ولكن كلامك جه على الجرح

loumi said...

عزيزتي أميرة
الأمور فعلا بتزداد سوءاً
بشكل سريع جداً
والجو بشكل عام يساعد على الزهق
وربنا فرجه قريب بإذن الله

بالرغم من إني ما أعرفش كاميليا
بس سعدت جداً لعودتها
وربنا يفرج كرب الجميع

إنت كمان وحشتيني
يا أميرة

aliaa said...

السلام عليكم
وحشتينى اوى والله
انا عندى نفس الزهق اللى عندك وكنت لسه كاتبه موضوع عن اللى بشوفه وانا ماشية فىالشارع والله حاجات تخليكى تبكى على حالنا
الكل تعبان بس محدش بيرحم حد
ربنا يرحمنا والله واحمد الله ان لايزال فى قلبى رحمة والحمدلله
ابقى زورينى من تانى ماتنسينيش

Shaimaa Zaher said...

والله يا أميرة مين سمعك...أظن الحاجة الوحيدة إللي فاضلة هي الناس نفسهم، وطيبتهم إللي تستغربي إنها لسه ما رحتش مع الحاجات إللي راحت، يعني مثلا تصدقي إن واحد ساكن جبنا في العمارة جه معايا أنا والدتي لما العربية عطلت وماسابناش غير لما العربية اتصلحت، أو واحد تلاقية حيموت نفسه في الشارع جنبك عشان يقولك الباب مفتوح، أو واحدة برضوا تدخل في وسط الطابور في الفرن وتقولك معلش أصلي حشتري بحمسين قرن بس! ...فيه أكثر من كده بقى علاقات إنسانية؟

:)

بجد مبسوطة لزيارة مدونتك
وأشكرك لإنسانيتك واهتمامك بالتعليق عندي وفي مدونة الشهيدات، ربنا يجازيكي كل خير

مدحت محمد said...

والله انتى ماشاء الله قلبتى المواجع عشرة على عشرة
امال الشباب اللى زى حالاتى متخرج ولسة بيقول ياهادى
والله بجد انتى بنت
واتخنقتى
امال احنا نعمل ايه ننتحر احسن
لنا الله
تحياتى

كاميليا بهاء الدين said...

عارفه؟

أنا فى زيارتى الآخيرة فى رمضان اللى فات
حسيت إن حاجات كتير جدا اتغيرت فى البلد
حسيت ان البلد رجعت للخلف عشر سنين
ولو انها يمكن من عشر سنين كانت افضل

حسيت انى عاوزه اوقف اى حد ماشى فى الطريق
وأسأله
إنت سعيد؟

طبعا فكرة مجنونة
لإنه بالتأكيد هيقول عليا مجنونة

بجد، حسيت ان البلد بتضيع
والناس معاها
ومش عارفة ليه افتكرت التيتانك وهى بتغرق

ربنا يرحمنا

دمت بكل الود

walaa said...

فعلا الحياه فى البلد مبقتش تتطاق
شوية حراميه واخدين البلد فى كرشهم وباقية البلد وافقه تتفرج عليم
حسبنا الله ونعم الوكيييل
تحياتى ولاء

دنيتى الجميله said...

حبيبتى اميره
محبش اشوفك زهقانه او تعبانه
او عايشه الحاله اللى انتى فيها دى
واعرفى ان الكل عايش نفس ظروفك وحاسس نفس احساسك
يمكن ده يخفف عنك شويه
وما علينا الا الدعاء بتفريج الكروب والهموم
ودايما يا رب القيكى سعيده ومبسوطه ومش زهقانه ابدا

momken said...

يا شيخه خضتينى الى يقرا كلامك يقول ان فى فساد
او لاقدر الله بلدنا مافيهاش تنميه

او اننا نذهب بخطى ثابته لنكون وحدنا عالم رابع

او ان الوزرات المتتاليه فاشله

انا عارف انك اطيب من كده
ومش عاوزة تقولى كده

بالنسبه لموضوع الحضرى
انا رائى ان السعى على الرزق واجب
وامر اللهى بالسعى على الرزق فى الارض والواسعه لكن لا نخلف العقد والاتفاق

الحضرى والى عمله احد صور العشوائيه فى حياتنا حتى فى اكبر الاماكن تنظيما وافضلها اداره وهى النادى الاهلى

البوست بتاعك موجه ومؤلم جدا جدا
دى مش حلم دى كابوس كلنا عيشينه

تحياتى

Anonymous said...

كلمات

انت من أقوى الشخصيات التى اعتز بها

ولم آراك من قبل بمثل هذا الضيق

انا لاادعى بان الحياة اصبحت وردية بقدرة قادر .. لكن اعتمادنا على الله وعلى من يتحلون بالنفوس القوية التى يمكنها ان ترى شيئا فيه أمل

عودى قوية عزيزتى من اجل الجميع

klmat said...

انسان بلا عنوان
اهلا بك ياعمر . الناس دى مش بتزهق
لأنهم متبلدين فى احساسهم اوى ربنا
يقويتا عليهم ويصلح حالنا
تحياتى وتقديرى

klmat said...

عزيوتى منى
اهلا بك ويارب تكونى بخير
هارفه هى مرحله صعبه وكل الناس مش مبسوطه وزادتها احداث غزه اعذرينى
بس انا برضوا عندى امل ويقين ان دوام الحال من المحال بس اشتاقت اوى انى اشوف
بلدى واهلها احسن من كده بكتير
ورأيى الشخصى ان الاصلاح لازم يبدأ من
القمه وربنا يصلح حالنا يارب
اشكرك جدا
خالص حبى وتقديرى

klmat said...

عصفور المدينه
اهلا بحضرتك ربنا يسمع منك ويصلح حالنا
ونشوف ده فى حياتنا ويارب يكون قريب
خالص تحياتى وتقديرى

klmat said...

sherif / عزيزى المهندس
يارب تكون بخير وفى احسن حال
اشكرك جدا وربنا يوفقك يارب
خالص تحياتى وتقديرى

klmat said...

عزيزى ابو خالد
اهلا بحضرتك كلنا زهقانين وبعتذر عن انى
بزود همكم بس شويه فضفضه وان شاء الله
ربنا يصلح حالنا ونكون افضل
خالص تحياتى وتقديرى

klmat said...

ملك الكبده
اهلا بحضرتك وزياره عزيزه
كل المجالات فيها فساد بس المؤلم انها
تكون فى الحاجات المتعلقه بصحتنا
ناس بتاكل من الصحه واحنا العكس
باستثناء الكبده طبعا
نورت مدونتى
خالص تحياتى وتقديرى

klmat said...

الام وامال
معاك حق بس عارف مافيش فئه الا متذمره
من اول الاطباء واساتذه الجامعه والقضاه الى ابسط المهن ربنا يصلح حالنا يااارب
ويكون قريب
نورتنى خالص تحياتى وتقديرى

klmat said...

samo
اهلا بك . ربنا يصلح حالنا
اكيد فى حل وحايبان قريب بأذن
الله بس عارف فى كتير اوى اغنياء كانوا فقراء وبدأو من الصفر بس ده
لما يكون فى عدل اوناسيس بدا بائع جرائد
ربنا ان شاءالله يقوينا ونقدر نغير واقعنا
سعدت جدا لمرورك
خالص تحياتى وتقديرى

klmat said...

رئيس جمهوريه نفسى
ربنا يسمع منك وتتحل قريب
ويبدل احزانا بافراح يارب
كلامك رفع من معنوياتى ربنا يكرمك
خالص تحياتى وتقديرى

klmat said...

mo3az
اهلا بك نورت مدونتى معلش انا مقصره
معاك بس معلش اعذرنى
انا اؤيدك فى كل كلمه قلتها
ربنا يفرجها على الكل خصوصا
المكافحين اللى بيقولوا الحق
وبيتحدوا الظلم رغم مايعانون
من قهر واعتقال
خلص تحياتى وتقديرى

klmat said...

loumi عزيزتى
واللهى انتى بتوحشينى على طول
عارفه الكل زهقان ومش ناقص
وكمان احداث غزه مزوده الاحساس
بالقهر ربنا يفكها علينا ويقوينا
ونقدر نغير الاوضاع السيئه لان
كده بقيت خل اوى
سعدت جدا بتعليقك وماتحرميش منك ابدا
كاميليا انسانه جميله وسعدت انك مرتى عندها ربنا يكرمك يارب
خالص حبى وتقديرى

klmat said...

allia عزيزتى
السلام عليكم ورحمه الله وبركاته
انتى كمان بتوحشينى جدا ومعاكى حق
كلنا زهقانين ويمكن تكون بدايه صحوه يارب
موضوعك جميل وجدير بالقرأه المفروض
فعلا سلوكياتنا مع بعض تبقى افضل
من كده بكتير ربنا يصلح حالنا يااارب
نورتى مدونتى ربنا يخليكى
خالص حبى وتقديرى

klmat said...

Shima2 Zaher
اهلا بك ياشيماء حقيقى نورتى مدونتى
المتواضعه . الحمدلله الدنيا بخير ونا بشوف
نماذج كتيره مشرفه وفيها شهامه بس
الفكره ان اوضاعنا بقيت اكتر من سيئه
كفايه مهزله طابور العيش وازدحام المواصلات وبعدين تلاقى مبالغ ضخمبتتصرف
على استيراد لب عندنا فى اسكندريه طوابير العيش غير ادميه وكل الوافقين مطحونين وتلاقى هد فى ارصفه سليمه وعمل
ارصفهجديده متفرقيش عن القديمه حاجه
يعنى الفلوس دى مش كان اولى يتبنى بها
مصنع او حتى ورشه تنتج . ان شاء الله ربنا يصلح حالنا وفى امل طول مافى ناس
محترمه بتاخد بالاسباب
اما عن زيارتى لمدونه الشهداء
فدى ابسط حاجه نقدر نقدمها لوالدهم كان الله فى عونه ربنا يقويه ويصبره
سعدت جدا بمرورك
خالص حبى وتقديرى

klmat said...

عزيوتى كاميليا
اهلا بك ياكامى نورتينى . عارفه
مش محتاجه تسألى الناس كلها ماشيه
مبوزه وعلامات الاستياء باينه عليهم
ربنا يفكها علينا ويفرجها
ماضاقت الا مافرجت ان شاء الله
اللى جاى يكون افضل وربنا يصلح
حالنا يارب
نورتى ياقمر
خالص حبى وتقديرى

klmat said...

مدحت محمد
اهلا بك واسفه انى قلبت المواجع عليك
ان شاء الله حا تفرج انا زهقت لانى قلقانه
على الشباب اللى زيك انت فى سن اولادى
يعنى ممكن يكون عاما السن اثر بس
انا برضوا مش عجوزه ان شاء الله
فرجه يكون قريب وربنا يصلح حالنا يااارب
خالص تحياتى وتقديرى

klmat said...

دنيتى الجميله
اهلا بك ياحبيبتى شعورك واصلنى
اطمينى انا تمام مش مكتئبه انا زييى
زينا كلنا صعبان عليا الأحوال بتاعتنا
معلش قلت افضفض شويه
ان شاء الله ربنا يصلح حالنا
ودنيتنا تبقى جميله طول مافى ناس طيبه
وحساسه وجميله زيك
اشكرك جدا
خالص حبى وتقديرى

klmat said...

عزيزت ولاء
اهلا بك يالولى معاكى حق ياولاء
وانا اسفه انى قلبت المواجع كلنا عندنا
نفس الشعور الواحد بيحتاج احيانا يفضفض
ربنا يخليكى ويكرمك ويحقق كل امانيكى
مع خالص حبى وتقديرى

احساس لسه حى said...

عزيزتى

انتى عارفه المشكلة ان من كتر الحاجات اللى بتخنق وتزهق الواحد مبقناش نعرف لما بنتخنق بنتخنق من ايه

اصل فيه مليون حاجه ممكن نتخنق منها

فانتى بالتاكيد مش عارفه انتى مخنوقه من ايه ولا ايه ولا ايه ولا.....ايه

تحياتى يا افندم
سلاااااااااااااااااام

klmat said...

momken
اهلا بك فينك من زمان يارب تكون بخير
انا معاك فى كل كلمه كتبتها
ربنا يصلح حالنا يارب وتكون امورنا
افضل . سامحنى لم اقصد ابدا تقليب المواجع
بس كنت محتاجه افضفض
ربنا يكرمك ويحفظاك
خالص تحياتى وتقديرى

klmat said...

عزيزى شريف
اهلا بك وانا اشكرك جدا
على فكره انا الحمد لله لسه قويه بس تقدر تقول محبطه شويتين من مناظر طوابير العيش
والمرور وفوضته واحداث غزه والجو اللى ملبد بالفساد لكن عندى امل ويقين بان
بأذن الله الامور حاتكون افضل بس هى مرحله
وتعدى ان شاء الله
تعليقك كان له تأثير طيب على معنوياتى ميرسى جدا
خالص تحياتى وتقديرى

klmat said...

احساس لسه حى
اهلا بك وكل سنه ومدونتك طيبه وانت بخير
معاك حق من كتر الحاجات الخنقه صعب التحديد من ايه بالضبط ربنا يفرجها ويحسن احوالنا ويولى امرنا من يتقى الله
سعدت جدا بمرورك واشكرك جدا
خالص تحياتى وتقديرى

Unknown said...

الوضع فعلا بقى صعب معاكى
بس لو كلنا سيبنا البلد ومشينا مين هيصلحها
مش احسن اننا نستنى ونحاول نصلحها ولا نسيبها ونمشى

klmat said...

عزيزتى ايويه
اهلا بك طبعا معاكى حق . بعيدا عن الحضرى
لانه حاله خاصه . لو شاب خريج جديد
وبيحب وعايز يتجوز تفتكرى لو امامه فرصه للسفر حايسافر ولا لأ
المشكله فى القيادات هى اللى فاسده
البلد فيها خير وممكن تبقى افضل من كده بكتير ربنا يفرجها ويكون عندنا
قاده جديره بالقياده وان شاء الله
ازمه وتعدى
وحشتينى ياايويه متغبيش اوى كده
ربنا يكرمك
خالص حبى وتقديرى

asftel7b said...

ومين سمعك فعلا
خلاص الواحد زهق ومل
ربنا يسترها معانا جميعا

klmat said...

asftel7b
اتمنى ان لا تطول حاله الزهق
وربنا يفرجها علينا يحصل
سعدت جدا لمرورك واهتمامك
خالص حبى وتقديرى