Saturday, March 29, 2008

شويه ضى وجيه عزيز

ذهبت امس لحضور حفل الفنان الرائع وجيه عزيز . كان اولادى عازمنى لمعرفتهم مدى اعجابى بهذا الفنان الجميل كل حاجه كانت جميله اوى المكان الجمهور والصحبه
المكان مكتبه الاسكندريه .
الجمهور العدد مش كبير لكن من نوعيه السميعه الراقيه والاعمار مختلفه

وجيه وفرقته النابغه حاله خاصه ..غناء بشكل تانى حاله فريده من الأبداع والجمال زى شويه ضى فى ليل ظلامه حالك
الالحان شرقيه اصيله و صوت غايه فى العذوبه والجمال فيه قوه ودفء عجيب
وقدره عبقريه على تغيير النبرات
بياخدك لعالم من الفرح الممزوج بالشجن والحزن مشاعر مختلفه مضفره ببعض
والنتيجه ضفيره جميله مرصعه بالجواهر القيمه
كنت عارفه ان اولادى داخلين علشان يسعدونى الا انى لقيتهم متجاوبين جدا من غير مايقوللى
بعرف شعورهم من ملامحهم مما زاد شعورى بالاحساس بالنشوى مش عارفه اوصفه
اغانى وجيه وموسيقاه بتتغلغل فى الروح وتأخدك لتعيش فى عالمه السحرى الخلاب

كل اغنيه تحس انها معموله تفصيل بمقاس من يسمعها لانها كلها مشاعر انسانيه مرينا او بنمر بها
حب.. قلق .. هدوء.. زعل.. فرح .. وتلميحات عن وضعنا الحالى
كان فى الصف اللى امامى طفل وطفله بصحبه مامتهم قبل ماتبدأ الحفله قلت فى سرى دى حفله مش بتاعت اطفال
لازم اللى يحضرها تكون ناس غاويه طرب وتحسن الاستماع فى اثناء غناءه الكل بيسمع وكأنك فى مكان مقدس
لايجوز فيه الكلام او حتى الهمهمه فكنت قلقانه منهم لما بدأت الحفله كانوا ماشاء الله عليهم متجاوبين جدا
وبيسمعوا وينصتوا ويصفقوا بحماس بعد نهايه كل اغنيه واضح انهم من معجبيه .
وفى اغنيه زعلان شويه كانوا برددوا مع الجمهور وكأن الجمهور كورال
الاطفال كانوا حافظين كل اغانيه حاجه تفرح سعدت بهم وبامهم اللى بتسمعهم فن جميل كده
كان بيقول مثلا
زعلان شويه يردوا . ... من ايه
فرحان شويه.... على ايه
مبسوط شويه ....كده ليه
قلقان شويه ....على ايه
او اغنيه قول معايا قول بجد
هى عيشه ولا موته ولا فوته فى حاره سد...نفسى اكتب كل اغانيه .اسموعها افضل

الآلات والنغمات شرقيه والكلمات جميله المعانى عميقه والاسلوب مميز
فن له طابع مصرى اصيل وكأنه سيد درويش الجديد
فى امل رغم ان
مافيش اى دعايه للحفله كل اللى حاضرين هم اللى بيتبعوا اخباره ويبحثوا عنه فهو
مثل المعدن النفيس يتم التنقيب والبحث عنه لا يسعى الينا بل نحن نسعى اليه وننقب عنه .

لكن اكيد فى ناس تتمنى ان تسمع هذا النوع من الطرب الا انها لا تعرفه لان اغانيه لاتعرض فى الاذاعه او التليفزيون
حقيقى خساره .كنت اتمنى ان يكون المسرح ممتلىء على اخره لانه يستحق اكثر من كده بكتير
فى نهايه الحفله وقف الطفل واخته اللى كنت قلقانه منهم وصفقوا بحماس وجرى الطفل ناحيه المسرح
ومد ايده الصغيره ليسلم
على وجيه وانحنى الفنان القدير ليصافح الطفل انحناء الفنان الشامخ.
كانت سهره ممتعه جدا بشكر حبايبى اللى عزمونى واسعدونى جدا وكمان علشان اناعارفه
انهم حايقرأوا وعارفه التعليق يعنى ماجبتيش سيره اننا عازمناكى على العشاء ادينى قلت
حقيقى كان عشاء فاخر وسهره جميله مش ممكن انساها


42 comments:

Anonymous said...

Ana sa7b Awl t3lee2...;)

Ya rb dymn shrat &elwa w Ayam Gamila.

Anonymous said...

Sherif

Anonymous said...

أختى العزيزة/ أميرة
دمتى سعيدة و أحبابك سعداء جميل أن نستمع لغناء راق ،الحمد لله على كل حال .
أبو خالد

Anonymous said...

انا كنت هناك و دى اةل حقلة احضرها له ... الحفلة كانت اكتر من رائعة
و قوللى بجد :D

Abo 7anf said...

السلام عيكم
كانت حاجه متوقعه من اول مدخلت المدونه وقريت المواضيع
انك تكونى بتسمعى وجيه عزيز
للانى انا واصحابى بنحبه
خصوصا قول وعايا قول بجد
وتقبلى مرورى

رحــــيـل said...

عزيزتى اميره

فعلا عزيز وجيه فنان جميله جدا

ومن الواضح انها كانت سهره حلوة
ربنا يخليلك ولادك يارب

تحياتى لكى

momken said...

طبعا وجيه عزيز معلهوش اى اختلاف

فنان بيغنى للناس الى ماشيه فى الشارع

ومشاعر الناس العاديه الى زينا
وكلمات اغنيه لايقه علينا جدا وكلنا حسينها

يابختك ياستى
وربنا يجعل كل ايام فروح وسعاده

تحياتى

الجنوبى said...

انا سمعت اغنية قول معايا قول بجد وكانت اكتر من رائعة لكن دا كان بالصدفة

فلو ممكن اعرف اجيب اغانيه منين اكون شاكر

تحياتى عمرو

klmat said...

Dear Sherif,

اهلا بك اشكرك جدا على امنياتك الحلوه
وتعليقك اللى بيرفع معنوياتى اوى
واتمنى لك السعاده والصحه
خالص تحياتى وتقديرى

klmat said...

اخى العزيز ابو خالد
ميرسى على تمنياتك ليا ربنا يكرمك ويسعدك
عارف الواحد لما بيغير روتين حياته شويه
ويقضى وقت خارج اليبت مع اسرته بيكون لهتأثير ايجابى اوى والحفله كانت جميله جدا
خصوصا انى بحب هذا النوع من الطرب
تمنياتى لك بكل الخير
خالص تحياتى وتقديرى

klmat said...

xero
اهلا بك . عارف انا سعيده اوى انك كنت حاضر . حفله جميله ياريت نفكر بعض لما
يجى اسكندريه تانى
شفت البلوج بتاعك زى ماانت كاتب
هو عبقرى وفنه جميل ومحترم اقولك بجد
انا نفسى ياخد مساحه فى التليفزيون
فهو جدير بكده
مرورك فرحنى بقول بجد
خالص تحياتى وتقديرى

klmat said...

abo 7anf
اهلا بك . انا كمان لما مريت على
مدونتك توقعت انك من محبى وجيه عزيز
ومحمد منير الاغانى عند بعضها
وبقول بجد
خالص تحياتى وتقديرى

احساس لسه حى said...

عزيزتى

اكيد فى كل عصر فى كلمات والحان جميلة

يمكن اللى بيختلف عن زمان ان دلوقتى بقيت زحمه قووووووووى

والحلو هيبان ازاى وسط الوحش الكتير ده

ومفيش احلا من ثومه

تحياتى

سلام

klmat said...

ra7eel
اهلا بك ياساره . فعلا وجيه فنان
جميل والسهره كانت جميله اشكرك جدا
على دعوتك الجميله
ربنا يخليكى ويسعدك ويحقق كل امانيكى
خالص حبى وتقديرى

klmat said...

momken
اهلا بك . فعلا كانت سهره حلوه
وجيه فنان جميل صوته والحانه غايه فى العذوبه والرقه واختياره
للكلام موفق جدا انا معاك
اشكرك جدا وربنا يسعدك
خالص تحياتى وتقديرى

klmat said...

انسان بلا عنوان
اهلا بك ياعمرو يمكنك زياره
www.sm3na.com
وبعدين اختار اغانى مصريه حايظهر
لك كل المطربين اختار وجيه عزيز
اتمنى ان تسمتع به وفوللى النتيجه
ابدأ باغنيه ناقص حته وزعلان شويه
وماتجرحوش الورد وانشاء الله يعجبك
خالص تحياتى وتقديرى

klmat said...

احساس لسه حى
اهلا بك ياحسام . معاك حق كل عصر
وله اغانيه . ثومه جميله .اغلب
اللى بيحبوا ثومه بيحبوا وجيه عزيز
الاتنين فن مصرى اصيل كلمات مختاره
والحان جميله. جرب اسمع وجيه
شويه ثومه وشويه وجيه
نورت مدونتى
خالص تحياتى وتقديرى

رئيس جمهوريه نفسى said...

هو بجد وجيه عزيز حاله خاصه جدا فى الكلمات والالحان وسط الغنى الى بيتسمع اليومين دول وشريطه حاله متفرده فى الغناء مش اى حد يغنيها علشان كده مش اى حد حيسمعها
سهره سعيده

سلوى said...

فعلا هو فنان جميل
أنا عرفته عن طريق برنامج العاشره مساء

ربنا يسعدك دوما ويخلي لك اللي عزموكي ويبارك فيهم

دمتى بكل خير
انت وأسرتك وكل من حولك

الربان said...

تحياتي

اولا بارك الله لك في أولادك...كم هو جميل ان نري ابنائنا يهتمون بنا ..و بأمورنا...

ثانيا...أشكرك لانك عرفتيني علي اسم مطرب فنان...اول مرة اسمع اسمه في موضوع حضرتك...و يبدوا انه فنان من الزمن الجميل...

اما العشاء الفاخر فهنيئا مريئا..و يخيل لي ان الحفل و العشاء كان يوم الخميس الساعة خمسة...وان العدد كان خمسه....منعا للحسد و للحاسدين..:)

ربنا يسعد كل ايامك و ايام الجميع
تحياتي و تقديري...

كاميليا بهاء الدين said...

الله عليكى
والله عليهم
ربنا يحفظهم يارب

احساس جميل
بجمال الاشياء
جمال الاصوات
جمال النغمات
وجمال العشا كمان

بس كفاية جمال كده احسن جمال التاني يجى هنا
:)

تحياتى وحبى

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Monitor de LCD, I hope you enjoy. The address is http://monitor-de-lcd.blogspot.com. A hug.

walaa said...

مبروك العزمه يا قمرايه
بس انت فييييينك مش باينه
وربنا يجعل كل ايامك سعاده تحياتى ولاء

klmat said...

رئيس جمهوريه نفسى
اهلا بك . انا معاك فى كل كلمه قولتها
انا عرفته عن طريق المدونات
دى وسيله اننا نزود عدد المعجبين بالفن الجميل. تعليقك عندى بينور مدونتى
خالص تحياتى وتقديرى

klmat said...

salwa
اهلا بك ياسوسو . بتوحشينى
عارفه كنت بينى وبين نفسى بتمنى ان
يظهر فى برنامج العاشره مساء دى وسيله
ناجحه لنشر فنه لكن للسف لم ارى هذه الحلقه . ميرسى جدا على دعواتك الجميله
يارب يخليكى ويسعدك
خالص حبى وتقديرى

Empress appy said...

اممممممممم
انا مش بسمعه بس باللى انتى حكتيه نويت اسمعه
اصل انا سمعى صعب شويه هههههههههه بس وعد هسمع ان شاء الله

klmat said...

الربان
اهلا بك . واشكرك على التعليق الجميل
على فكره وجيه عزيز سنه مش كبير
وسط هو من جيل عمرو دياب نفس السن
بس نوعيه لها خصوصيه مميزه اتمنى تسمعه
خالص تحياتى وتقديرى

Doba said...

انا مكنتش اعرفه بس يحيى جوزى كان بيسمعله وجابلنا اغانى كتير ليه وبقينا بنشغلها على طول فى البيت

انا بحب اسمع معاه برده اغانى احمد منيب ومنير

ربنا يخليلك اولادك ويحميهم وتفرحى بيهم دايما

تحياتى يا احلى كلمات
هبة

ميندوزا المصري said...

انا بحسدك بقي بصراحه لاني بقالي كام سنه بحاول احضر حفله لوجيه عزيز ومش عارف عشان مش عاوز اروح لوحدي ومش لاقي حد اقنعه يجي معايا تخيلي
بس بصراحه فنان رائع وكنت سعيد جدا مش قادر اوصفلك اد ايه لما اخيرا نزل شريطه الجديد والشريط كله رائع

klmat said...

كاميليا
اهلا بكى ياكوكى الجمال هو تعليقك
الجميل اما جمال التانى ده فابعد
مايكون عن الجمال ربنا....ولا
بلاش انا اقصد الواد جمال جارنا
احسن حد يفهمنى غلط
ربنا يخليكى ويسعدك
خالص حبى وتقديرى

klmat said...

monitor de lcd
welcome , many thanks for your nice
comment & to add my blog to your bookmarks ,
with all good wishes

klmat said...

walaa
اهلا بك وحشتينى .معلش انا بتأخر
فى الرد بيكون ورايا حاجات او
حد من الاولاد محتل الكمبيوتر
ربنا يخليكى ودايما نتبادل الاراء
ربنا يسعدك ويفرحك
خالص حبى وتقديرى

klmat said...

appy
اهلا بك نورتى مدونتى . اسمعيه مش
حاتندمى ابدئى بزعلان شويه
ويارب يعجبك
خالص حبى وتقديرى

klmat said...

doba
اهلا بكى ياهبه عارفه اختيارك
انتى ويحيى
للمطربين جميل اصواتهم واغانيهم حلوه
اشكرك جدا على دعواتك الجميله
ربنا يخليكى ويسعدك يارب
خالص حبى وتقديرى

klmat said...

ميندوزا المصرى
مافيش داعى للحسد . سمعهم الشريط حايغيروا رأيهم
عارف اولادى كانوا عازمنى مجامله رقيقه منهم لكن حاليا بقوا بيسمعوه
وبيتابعوه عن حب
ربنا يسعدك
خالص تحياتى وتقديرى

دنيتى الجميله said...

اميره العزيزه
وحشتينى جدا
ربنا يخليلك اولادك ودايما يسعدوكى يا رب
ويقرو عينك بنجاحهم وتفوقهم
اما المفاجأه بقى اقولهالك
انى من بلاديات وجيه عزيز
من البلد اللى بحبها جدا ونفسى ارجع اعيش فيها من تانى ولى فيها كل الذكريات الجميله
دام الله سعادتك
سلاااام

loumi said...

الغاليه أميره
وحشتيني جداً جدً
للأسف إني ما أعرفش وجيه عزيز
بس أنا عرفت من التعليقات إنه منزل شريط
إن شاء الله حاجيبه واسمعه
أصل النوعيه دي من الأغاني الجميله للأسف مالهاش حظ في القنوات التلفزيونيه
وفعلاً الأهل لهم دور كبير في إنهم يساعدوا أولادهم على تذوق الفن الجميل الراقي
ربنا يخليلك الأولاد ويخليك ليهم يا رب
ويجعل كل أيامك سعاده وهنا
وزى ما قلتِ فى البوست الأخير
دوام الحال من المحال
وإن غداً لناظره لقريب
سلام يا جميل

ماسة الحب said...

عارفة يا اميرة اولا يا بختك انك رحتي الحفله انا سافرت اسكندريه بعدها بيوم وقعدت اقول مش كان زماني جيت امبارح وحضرتها يلا بس ملحوقه
اولا وحشتيني اوي اوي
ثانيا لا احد يقدر الفن الحقيقي يختلف علي وجيه عزيز لانه انسان قبل ان يكون فنان بس انا اكتر اغنية بتمسني اوي
ناقصني حته / المرايا / بعدين / سعات المطر / من حقنا نحلم /يمكن اضحك
تحياتي لهذا الفنان اللي بجد فنان
وتحياتي ليكي ياقمر ولولادك

klmat said...

دنيتى الجميله
ازيك يارب تكونى بخير وفى اسعد حال
انتى بتوحشينى اكتر
ميرسى ياقمر على كلامك الجميل
وكمان بلديات وجيه حقيقى فنان جميل
ربنا يسعدك ويحقق كل امانيكى ويكتب لك اللى فيه الخير ياااااارب
خالص تحياتى وحبى

klmat said...

لومى الجميله
اهلا بك واحشنى جدا . عارفه انا عرفت
وجيه عزيز من قريب وعجبنى صوته والحانه
اوى وبعدين دورت عليه فى
Google
واكتشفت انه بيغنى من 95 !!!بس للأسف
مش بيعمل دعايه وهو ملحن اغانى كتير لمحمد منير يالا اسمعيه وابقى قوللى رأيك
ميرسى على دعواتك الجميله ربنا يخليكى
ويخلى لك اولادك وتفرحى بنجاحهم وجوازهم ويسعدك ويسعدهم
يااااااااااااااارب
سلامى وحبى

klmat said...

ماسه الحب
اهلا بك . انتى واحشنى اكتر
لو كنت اعرف انك فى اسكندريه كنت قابلتك
اسكندريه نورت . ان شاء الله لما يعمل
حفله تانيه يكون لك نصيب وتحضريها
هو فعلا فنان جميل وانسان كمان جميل
انا من اعجابى بفنه قرأت عنه
وزاد اعجابى به ربنا يكتر من الفنانين
المحترمين . نورتينى ياقمر
خالص حبى وتقديرى

Haytham said...

هذا موضوع يجمع الكثير من أغاني وجيه عزيز

http://www.atlantisface.com/forum/showthread.php?414-!!