من الحاجات المنكده عليا عشتى انى شايفه الشباب الجميل المثقف والواعى مكتئب او مع التفاؤل حزين
وبصراحه معاه حق كل حاجه محبطه واسوأ شعور فى الدنيا هو الحزن واليأس
الشباب عايز يشتغل فى مجاله ويحقق ذاته ويشوف بلده نظيفه والانسان فيها عنده كرامه والنظام سمه من سماتها فى كل الأمور بدءأ باالمرور . وياكل اكل مغذى آمن على صحته
وفى عداله فى البلد مافيش حاجه اسمها ابن فلان وعلان
الكفء واخد حقه والبلد بتحتضن اولادها والعلم والايمان شعارها
الشباب نفسه يجوز ويجيب شقه وعنده الأستعداد لبذل الجهد بس يلاقى نتيجه
كلنا عارفين السبب بس المشكله ان الحل مش بأيدينا وعن نفسى اشعر انى عاجزه والكلمات فقدت معناها
نفسى يحصل حدث كبير يعمل ديليت لكل اسباب الحزن واليأس عندى وعندنا كلنا
بس ارجع وأقول فى امل بأذن الله لمايكون عندنا هشام البسطاويسى و ونهى الزينى
وشباب المدونات الواعى والمثقف وضابط الشرطه اللى ضحى بحياته علشان ينقذ شابه من الذئاب يبقى فى امل وغيرهم كثيريين بس المطلوب مننا قدر الأمكان نحاول البعد عن اسباب اليأس وندور على من يمنحنا الأمل
من فتره كنت بشوف برنامج العاشره مساء وانا بحترمه جدا وبتعجبنى اوى منى الشاذلى كان ضيف الحلقه محمد صبحى الحديث كله ممتع ويوضح قد ايه محمد صبحى مهتم ببلده وبيحاول فى مجاله حلقات ونيس وفارس بلا جواد بيبين فكرهه.
المهم انه علق على ان ماينفعيش نقول منقوليش ايه اديتنا مصر ونقول حاندى ايه لمصر
رأيه ان الام بتدى حب وحنان واهتمام ورعايه فيشب ابنائها على حبها ورعايتها هى اللى قدمت الأول
لازم مصر تدى اولادها تعليم كويس وصحه جيده وفرص متكافئه وعداله بالتالى يحصل انتماء وفداء لها
حاليا الكل عايز يسيب مصر انى ادعو ربنا من قلبى يارب ولى امرنا من يتقى الله فينا
لااملك الاالدعاء يا رب افرجها من عندك يارب
4 comments:
han3mel eah hansbor we khalas l7ad maymken nela2y khalas
كلامك صحيح ده اللي حاسس بيه اغلب الناس دلوقت ياريت فعلا نلاقي حل كل واحد نفسه بلده تكون احسن بلد وميسبهاش ولا يتخنق منها مش عارف الحل هيجي من الناس ولا من الحكومة بس في النهاية الحكومة بتطلع من الناس ولازم يتغيروا عشان كل جاجة تتغير مشكلتنا اننا بنستحمل ونسكت ونرضى بالوقع
hamada
اهلا بك واسفه جدا على التأخير فى الرد
احنا صابرين بس مطلوب مننا كلنا
ان كل واحد يبدأ بنفسه ويكون ايجابى قدر الأمكان . والحمد لله بدأت النا س تتحرك
اشكرك جدا ويارب دايما تشرفنى
خالص تحياتى وتقديرى
ahmed
اهلا بك نورت مدونتى
انا سعيده انك قرأت البوست ده مع
انه قديم .
اليومين دول فى ايجابيه حتى البنات شفت
اسراء عبد الفتاح وغيرها كتييييير
اكيد الغضب الواضح من كل فئات الشعب
وبدء التعبير عنه حايكون له تأثي ايجابى
العدل هو اساس الملك وفى رأيى لازم
يبدأ من فوق لما القيادات تكون
محترمه وعلى علم وخلق وجديره بموقعها
الامور حاتكون افضل بكتير
حتى فى وجود صعاب حا نستحمل لأن فى عدل
لكن اللى مصعب ان خير البلد منهوب لفئه قليله ربنا يصلح حالنا
وان شاء الله اللى جاى افضل
خالص احترامى وتقديرى
Post a Comment