من الشخصيات دى منى الشاذلى وسماح انور وكتبت عنهم قبل كده
انا بحب اوى الدكتوره سحر الموجى . اول مره شفتها كان فى برنامج ارجوك افهمنى تقديم بثينه كاملعجبنى اوى طريقه استماعها ومناقشتها للمشاكل بتاعت المشاهدين وردودها
حسيت انى بسمع واحده متعمقه فى فهم النفس البشريه ومثقفه جدا وبسيطه وقريبه من قلبى .وبحكم انى قارئه مدمنه للمصرى اليوم لثقتى فى اغلب اللى بيكتبوا فيها ناس صادقه ووطنيه ومحترمه وسعدت جدا لما لقيت لسحر الموجى انضمت للجريده بمقاله اسبوعيه
كل مقالاتها تنم عن حب لأولاد بلدها وغيوره على سمعه بلدها وصريحه واسلوبها سلس وجميل
بعد كده لقيت د/ يحى الجمل وانا بعزه واحترمه جدا كتب عنها مقاله عن روايتها نون ودورت عليها فى دار الهلال المكتبات وبعدين اخيرا ابنى ربنا يخليه لاقها وجابها الحمد لله
من الشخصيات التانيه
مجدى الجلاد رئيس تحرير المصرى اليوم شفته فى اكتر من برنامج العاشره مساء والقاهره اليوم
رأى صريح ووطنى مخلص وذكاء وعجبنى جدا فى نشر اجزاء من مقاله بتهاجمه دون ان يرد عليها فى جريدته وكأنه بيقول للقارىء احكم انت ايام انقطاع المياه وثوره الجراكن كتب مقاله بيخاطب فيها الرئيس حسنى مبارك قاله حفيد سيادتك فى البسين والناس عطشانين
ظنى ان الناس دى حاتكون ان شاء الله من اسعد الناس لأنهم عايشن وحاسين بالناس اللى حواليهم
57 comments:
سلام عليكم
ازيك يا جميل اول كومنت كمان يلا
والله اسلوبك جميل
وكلامك كلة جميل
حلوة حتة البسين دي
انا كمان بحب مجدي الجلاد قويييييييييي
شكرا علي زيارتك اللي نورتني بجد
ويارب تتكرر
دايما واعرف اراءك الجميلة
سلام
مني
ازيك يا حبيبتي
انا بقى بحبك فعلا من غير ما اشوفك
دايما كلامك بيدخل قلبي على طول
اختلف معاكِ فقط في حبك لشخصية مجدي الجلاد بعد ما عرفته عن جريدة المصري اليوم من نشر الكثير من الاخبار المفبركة وخاصة عن الاخوان
هتلاقي التفاصيل في مدونة مظلومين .. بتاعة مالك مصطفى
السلام عليكم
الصراحه انا مبتفرقش معايا حب الشخصيات اللي زي دي او لا
المهم انهم جادين في اللي بيكتبوه وعاملين للمصلحة
تحياتي لكي
انتي بتسمعي سماح انور في الراديو؟
صديقتى العزيزه
جميل قوى ان احنا نكتب عن حد بنحبه
وخصوصا لما نكون مش عارفينه معرفه شخصيه
بس فى نقطه انا لسه واخده بالى منها قريب
ان الناس لما تقريلها او تسمعيها وهى بتتكلم حاجه
ولما تتعاملى معها حاجه تانيه خالص
الانسان موقف فعلا
وفعلا اهم حاجه حب الناس
اختيارك للمواضيع اللى بتكتبيها حلو قوى
خالص تحياتى
مش هقول تاني انتي اد بيعجبني اسلوبك ولو اني ليا بعض التحفظات علي الشخصيات اللي بنكون مبهورين بيها صدقيني لما بنعرفهم في الواقع ونحتك بيهم ونشم ريحة جلدهم الحقيقي بنقرف منهم اوي
علي فكرة انا بحبك اوي
عن نفسى
انا بحب منى الشاذلى جدا
اختيارك حلو للناس اللى بتحبيهم
انا عن نفسى
بيعجبنى ذكاء منى الشاذلى جدا وثقافتها
وثقتها فى نفسها
تحياتى لذوقك العالى فى الاختيار
وفعلا الناس دى منجحتش
الا لما حاسينا انهم بيعبرو عننا
مش عن الحكومة
فكسبو احترامنا وحبنا
انا يمكن اضيف للى انتى قولتى عليهم
ابراهيم عيسى
ووائل الابراشى
ومنى الحسينى
تحياتى ليكى
ولااختيارك
my hope$
علبكم السلام ورحمه الله وبركاته
اشكرك جدا على مدحك فى اسلوبى
بعض ما عندكم وربنا يديم
الزيارات وتبادل الاراء
سلااااااااام
نور
الله يسلمك ياحبى
من القلب للقلب رسول
والمدونات عند بعضهاميرسى على كلامك الجميل
اما عن مجدى الجلاد بطلب من
تديله فرصه اقرأى مقالاته
فى المصرى اليوم واحكمى
على فكره فى مقاله اسبوعيه
لأبراهيم البنا
اخو حسن البنا فى المصرى اليوم
الجلاد هو مش متحمس للأخوان
ظنى انه لايظلم وقد اكون مخطئه
على فكره المصرى اليوم
اول جريده نشرت عن الطلبه اللى
اختطفوامن الأخوان فى اسكندريه
وحتى لو اختلفنا على شخصيه
فاحنا متفقين على كتير آخرين
سعدت بتعليقك واتمنى دايما
نتبادل الأراء
بستفيد جدا
سلااااااااااااام
Mohand
اهلا بك اعتقد انهم جادين
فيما يكتبوه وبيحبوا مصر
وناسها علشان كده انا بحبهم
ودى مشاعر مش بايد الواحد
ممكن يحب وممكن لأ
اما عن سماح للأسف
انا مش بسمع الراديو الا نادر جدا
ياريت تقوللى ميعاده
وعلى اى قناه
مرورك عندى حقيقى بيسعدنى جدا
تحياتى وسلامى
ra7eelصديقتى الغاليه
اهلا بك ومرحب وميرسى على كلامك الحلو
وانا معاكى فى ناس بتجيد الكلام
وفنانه فيه وممكن كلامها الحلو يخدعنا
بس لفتره مش حايقدروا يستحملوا القناع على طول بيتكشفوا وربنا بيكشفهم
بس كل شىء وارد
بس عارفه برضوا بنقدر نحكم من الكلام والكتابه كل واحد من اللى ذكرتهم واخد
خط لم يحيد عنه والفطنه مطلوبه
وانا بحب اوى اللى يوضح لى الرؤيا
رأيك بيهمنى اوى
تحياتى ودعواتى بكل الخير
ماسه الحب
اهلا بك منوره المدونه
انا معاكى احيانا
فى ناس بتعرف تخدعنا بكلامها بس
لفتره دايما الكذاب والمخادع بينسى
قال ايه وبيتكشف ولمايحب ينافق بينافق
ينافق الطرف الأقوى واحنا الأضعف
بس انا عندى حسن ظن بالناس دى
لأنها ممكن تتعرض للأذى بسبب
ارائها ولكنها بتتمسك بمواقفها
واستشعر الصدق فيما تقول او تكتب
لا مانع ان نكون حريصين
بس انا كتبت احساس قلبى
نورتينى ياجميله
واتمنى دوام تبادل الأراء
كفراوى
بصراحه هى تتحب ماشاء
الله عليها تصدق انى دايما
ادعى لها ربنا يحميها
سعدت بتعليقك
تحياتى لك
doha
اهلا بك الحمد لله احنا متفقين فى الشخصيات
وطبعا اللى انت ضفيتهم بحبهم من قلبى
ناس مخلصه وكفايه انها بتقاوم الظلم
علشان مصلحه عامه
بس منى الحسينى مش بحبها ولا اكرهها
احساسى ناحيتها انها بتحب شهرتها
وعمل شو ومبالغه فى مظهرها ترتر تر
بس لا يمنع انها ناجحه وبشوف برنامجها
ولكن كانت احيانا تتعمد تدوس
على وتر حساس لضيوفها
حتى توصلهم لمرحله البكاء
وده شىء مؤلم
دول حبه صغننه من اللى بحبهم
فى فاروق جويده وهشام البسطاويس
ونهى الزينى ...وكتييييييييييير.مصر مليانه بناس جميله
تحياتى وربنا يوفقك
انا مختلف معاكي ان ده حب عن بعد
لان الناس دي بكلامهم في مشاكلنا اقرب لينا مما هما ذات نفسهم يتصوري تصوري اننا بنحب الناس دي لانهم قريبين اوي مننا
تحياتي
ومع ذلك تظل القاعدة الذهبية: الرجال يعرفون بالحق، ولا يعرف الحق بالرجال، كما يقول أهل الفقه.
اعجبي بمن تريدين، ولكن في إعجابك به، دائما وأبدا احتفظي بعقلك متفتح وفكرك متيقظ تجاه ما يقوله، لأننا مع الوقت نجعلهم رجالا تُعرف الحقيقة بهم، وهذا هو عين الخطر، إذ أن الحق لا يعرف بالرجال، بل الرجال هم الذين يعرفون بالحق.
عميق تحياتي
ضياء
الناسى دى متلقيش زيهم تانى ناسى نادرة تعرف هيا بتتكلم بتقول ايه
انا حبيت اعلق فى مدونة سعادتكم
سفير جهنم
ملك الكبده
احنا مش مختلفين فى الرأى
انا قلت فى الأخر انهم عايشين وحاسيين
بالناس هم فعلا قريبين مننا
يعنى رأييى من رأيك
نورتنى وشرفتنى ياملك
تحياتى
عزيزى د/ ضياء
انا مع حضرتك تماما .فى ناس ممكن جدا
اعجب بهم بس ده مش معناه انى الغى عقلى او تفكيرى بل لامانع ان اختلف معاهم
فى بعض الاراء ويظل اعجابى بهم
كلامهم مش قرآن التفكير والتريث مطلوب دايما انا مع حضرتك
انا بحب اخلاصهم لبلدهم والأيام
والمواقف بتبين هل دول اهل ثقه او لأ
وفى جميع الأحوال الفطنه مطلوبه
وانا بفرح جدا لما حضرتك بتعلق عندى
لأنك من الناس اللى انا معجبه
بهم . ونصيحه حضرتك فى محلهاجدا
متعك الله بالصحه والعافيه
ودايما نستفيد من ارائك السديده
سلااااااااااااااام
الله ينور عليك، لأن اللي يتسرق منه عقله لأي سبب من الأسباب يبقى اتسرق منه أغلى حاجة ربنا اداها لينا وميزنا بيها عن بقية مخلوقاته، التي اعطاها كلها في لحظة ما العقل الراشد الناقد، وكلهم رفضوا هذه "الأمانة"، إلا الإنسان قبلها، وعشان كده دي مسئولية سيحاسبنا الله عليها، فلا يصح التفريط فيها أبدا، أبدا، أبدا. الله ينور عليك مرة أخري
عميق تحياتي
ضياء
سفير جهنم
ياريت تكون سفير اى حاجه تانيه
اسم جهنم ده مرعب اوى
ورأيك جميل بيدل انك مش
سفير جهنم يارب تكون سفير النوايا
الحسنه مثلا
تحياتى وسلامى
عزيزى د / ضياء
من دواعى سعادتى تعليق حضرتك عندى
ودعوه حضرتك لأننا دايما نشغل
عقلنانصيحه غاليه فعلا انا بحاول قدر
الأمكان انوع فى فرأتى واستوعب
واتمنى من الله عز وجل ينور بصيرتنا جميعا
حقيقى انا سعيده جدا بتعليقك تانى
اتمنى لك يوم جميل
تحياتى وسلامى
العزيزة كلمات،
وانت كمان، يوم طيب جميل عليك وعلى من تحبين، ملؤه العقل والتأمل واليقظة الفكرية.
عميق تحياتي
ضياء
د/ ضياء
ميرسى جدا
ربنا يخليك
مع كل الأمنيات الحلوه
تحياتى وسلامى
السلام عليكم
انا كمان كتير من الصحفيين والكتاب بحب كتاباتهم ومواقفهم ونفسي اجي في يوم اقابلهم واسلم عليهم وابدي اعجابي بما يكتبوه طبعا منهم الاستاذ مجدي الجلاد والدكتور يحيي الجمل وغيرهم كتيييييير
وكمان بحب اتابع جريدة المصري اليوم وغيرها من الصحف ,جريدة المصري اليوم فيها كتيبه من الكتاب الكبار علي سبيل المثال الدكتور ضياء رشوان وعمرو الشوبكي وحسن نافعه والاستاذ مجدي مهنا وغيرهم
بالنسبه للاستاذه سحر الموجي مش فاكر قرات لها قبل كده ولا لا
بس ان شاء الله هتابع كتابتها ومقالاتها في المصري اليوم ..,اعتقد انها بتكتب كمان في الاهرام
تحياتي وسلامي ليكي
rack-yourminds
اهلا بك ياواخد ازيك يارب تكون بخير
سعيده جدا بتعليقك
انا كمان زيك بنوع فى قرأه الصحف
بس المصرى اليوم اساسى
والدستور برضوا
سحر الموجى بتكتب كل يوم حد يعنى بكره بأذن الله ولها 3 او 4 قصص
اشهرهم داريه ونون الأخيره
احذت شهره وانا حاليا بقرأها وهى
عضو فى حركه كفايه وادباء
من اجل التعيير
تحياتلى لك
المصرى اليوم هى فعلا من أكتر الجرايد احتراما واتزانا فى نفس الوقت
هناك أيضا مجدى مهنا وخيرى رمضان
وهما فرسان النقد الموضوعى الجميل
أحييك على اختيارك الذى يجعل كل منا يجد فيه شيئا يعجبه
طبعا ده رايك ولابد من احنرامه
انا باحب اتنين جدا من اللي انتي ذكرتيهم وهما منى الشاذلي ود يحيي الجمل
التانيين انا باحترمهم لكن مش لدرجه الاعجاب او الانبهار
والدكتوره سحر للاسف مش اعرفها
لكن اعرف بثينه كامل
ينفع؟؟
تحياتي
شىء جميل جدا ان الشخص يرتبط بشخص لم يتواصل معه مباشرة
اكيد العلاقة بتبقى راقية جدا لانها علاقة على مستوى العقل والمواقف الشخصية المشرفة
تدوينة جميلة طبعا كعادتك
واحييك على مشاعرك الجميلة تجاه الجميع
انا حاسس ان مفيش حد فى الدنيا بتكرهيه
انا مش باحسد ولا حاجة
تحياتى وشاكر جدا التغيير اللى عملتيه فى التعليقات
سلام
تحياتى
أنا سعيد جدا ان فيه ناس بتحب المصري اليوم زى
لانه الجريده الوحيده اللى فى مصر اللى بتقول الحق عشان الحق
مش بتقول اى اخبار عشان ترضى ناس تقوم تزود مبيعاتها
وفيه جرايد معرضه كتير مخدوع فيها وهى بتطبل وتضحك على الناس وتشتم فى الحكومه عشان الناس تتبسط وتشترى
سلااااام
sherif
اهلا بك
انا معاك المصرى موضوعيه جدا
حقيقى مجدى مهنا كاتب محترم
ورأيه صريح وجرىء وخيرى رمضان هايل
وفى كمان خالدصلاح محترم جدا
دول انا معجبه بهم جدا
بس انا فعلا كان نفسى اكتبهم
وكنت كتبت عن اعجابى بهم
فى بوست تخاريف الخريف
وفى كمان لميس جابر
بتكتب يوم السبت
سعدت جدا بتعليقك
ومدونتك رائعه
تحياتى وسلامى
ولو
يامرحبا .طبعا ينفع
منى الشاذلى بالأجماع ود/ يحى الجمل لاخلاف عليه سحر الموجى مش مشهوره اوى
هى لها قصتين اخدوا شهره داريه ونون
هى مدرسه ادب انجليزى وعضو فى كفايه
وادباء من اجل التغيير
وبتكتب فى المصرى اليوم يوم الاحد
نورت مدونتى واسعدتنى بتعليقك
وانا كمان بحترم رأيك جدا
تحياتىوسلامى
ابوسويلم
منور مدونتى واشكرك على كلامك الجميل
اللى فعلا بيسعدنى وانا فعلامش
بكره حد ممكن فى ناس ماحبش
اتعامل معاها لكن مش كره
احساسك فى محله
ويارب دايما نتبادل الأراء
تحياتى وسلامى
سى السيد
ياهلا ياهلا
المصرى اليوم جريده صادقه وموضوعيه
وكتابها ناس بتحترم نفسها والقارىء
وثبتت وجودها رغم انها حديثه
سعدت جدا بتعليقك
نورتنى وشرفتنى
تحياتى وسلامى
:(((((((((((
انا اخر وحده
اهيء ااااااااه
ازيك ميرو
وحشاني اوي
بس انا بحجز مكان اهو
مع انه في الاخر
بس لا تقلقي
نظري سته سته
:D
هروح اذاكر كلمتين يمكن ينفعوني
لأني امتحاني بكره
:(
و هرجع اقرأ البوست
و البوستات اللي فاتوني
معلش و الله مش بايدي
:(
ربنا يعزك يا جميلة
و يحبب فيكي خلقة
قولوا آآآآآآآآآآآآآآمين
آمين يارب
في رعاية الله
:)
الشخصيات الى انتى قلتى عليها وما افردتيه من اسباب تجبر اى حد على احترامها
حب واحترام وتقدير
ليكي اولا
ولكل الناس الي انتي اشارتي اليهم
السلام عليكم ورحمة الله وبركاته
أشترك معكى فى الاعجاب بالدكتور مجدى الجلاد
بجد لو فيه منه تلاته كانت تفرق فى عالم الصحافه
هتقوليلى اشمعنى تلاته اقولك واحد للصحف القوميه وواحد للمستقله والاخير للحزبيه
المهم
اعجابك لشخصيات زى دى وجرنال زى المصرى اليوم يدل على شخصيه جديره بالاحترام
وفقك الله
والسلام عليكم ورحمة الله وبركاته
رئيس جمهوريه نفسى
اهلا بك . هى فعلا شخصيات جديره بالأحترام
والحمد لله اننا مشتركين فى الرأى
اشكرك جدا
تحياتى وسلامى
الجميله ولاء
واحشتينى انت مش اخر واحده ولا حاجه
ومش مهم الترتيب المهم تيجى وف اى وقت
تنورينى قلبى معاكى ومع كل اللى بيمتحنوا
بالنجاح والتوفيق
ان شاء الله
يا اجمل دكتوره اطفال
خلاص اختارت لك التخصص
تحياتى ياقمر
محمود على
ازيك يا محمود
ربنا يخليك ويبارك فيك
واشكرك جدا على كلامك الجميل
دعواتى لك بالسعاده
مؤمنه
وعليكم السلام ورحمه الله وبركاته
اتفق مع ان الاستاذ مجدى الجلاد
من الشخصيات المحترمه ونشعر بصدقه
وايمانه بمبادؤه
والحمد لله فى زيه بس الصحف القوميه
لها ناس تفصيل بلغه رجال الدين
لايجوز تعيينها لازم واحد زى الكتالوج
نورتينى بتعليقك ومدونتك جميله
سلامى وتحياتى
السلام عليكم
عندك حق.. كل من ذكرت اسماءهم.. أشحاص جديرين بالثقة لأنهم يفهمون جيداً مايجب عليهم عمله.
تحياتى لك على البوست الجميل المملؤ بالوفاء والولاء لأشخاص لا ينالون مايستحقون من تقدير
كاميليا
عزيزتى كاميليا
سعيده جدا بتعليقك واسعد
علشان اتفاقنا فى الرأى
ودول بيحظوا باحترام وحب ناس كتير
واهم من كده راحه ضميرهم وعملهم
فى ميزان حسانتهم
عميق تحياتى
اميره
هيييييييييييييه
اسمي موجووووووووووووووود
طاااااااااااااااايب
:D
متحاوليش انا عارفه انه موجود
عيني في عينك كده
:)
كل شخصية محترمه
بتفرض علي الجميع احترامها و حبها
ربنا يكرمك و يوفقك
تحياتي و حبي
:)
الشخصيات اللى كتبتى عنها فعلا تستحق الاعجاب والحب
لكن ممكن افكر فى موضوع سماح انور
لكن فعلا الواحد ممكن يحب ناس من غير ما يعرف اى حاجه عنها لمجرد انه قرأ كلمه كتبها
زى الناس اللى جمعنا بهم التدوين
ولاء
لولى الجميله طبعا اسمك مكتوب
الانكار مش حاينفعنى
انتى كمان شخصيه جميله
وحبيتك من مدونتك اللى زى السكر
يارب تكونى عملتى حلو فى الامتحانات
ربنا يوفقك يارب
سلاااااااااام كبييييييييير
e7na
اهلا بك
سعيده انك معجب بنفس الشخصيات
بالنسبه لسماح اعجابى بها لأحساسى
انها صادقه بتظهر على حقيقتها دون تصنع هو شعور حقيقى ناحيتها ليه معرفش
اما بالنسبه للناس اللى بنحبها من كتابتها فى اعتقادى ان اللى بنكتبه
بيبين شخصيتنا من الاسلوب ونوع
الاهتمامات والتفكير اللى قريب من ميولناومبادئنا بنحبه
نورت مدومنتى بتعليقك
تحياتى لك
مساء الخير
والله انت لذيذة خالص
ومدونتك لطيفة
شكرا لزيارتك مدونتى
خالص تحياتى
حب الناس شئ جميل
خصوصا لو كانوا يستحقوا
منى الشاذلي مميزه جدا
زكيه وسريعه البديهه
كمان سماح أنور
اختياراتك مميزه
وفقك الله
تحيااتي
انا اسف ع التاخير
انا علقت قبل كده بس والله النت فصل
بالنسبة للبوست
انا فغلا بحب معظم الاشخاص اللى ذكرتيهم
بس اكتر حاجة بحبها
هيا جريدة المصرى اليوم
يمكن تكون احسن حاجة حصلت فى مصر
فى ال3 سنين اللى فاتوا
نموذج يحتذى به للصحافة المستقلة
والصحافة عموما
نا متابع المصرى اليوم من اول ماصدرت فى يونيو 2004
المصرى اليوم خلت للصحافة مذاق خاص
ده غير الكتاب العظام اللى فيها
وعلى راسهم الاستاذ مجدى مهنا
انا معجب بيه جدا
صحفى محترم وبيكتب بموضوعيةشديدة
ويحترم كل من يكتب عنهم حتى لو كانوا رؤس الفساد
نموذج جميل جدا لليبرالية
انا بحبه اوى رغم ان انا مش ليبرالى
بحس فى كتاباته بالوطنية
على عكس كتاب اخريين ممن يطلق عليهم الليبراليين الجدد
اللذين يحملون الاجندة الامريكية ويكونون ابواق لامريكا
وايضا الكاتب انور الهوارى
اول رئيس تحرير للمصرى اليوم
قبل الاستاذ مجدى الجلاد
الحقيقة هو صحفى ممتاز
وبتعجبنى جدا اراؤه
وهو دلوقتى فى الوفد
بس للاسف اتحكم عليه فى قضية نشر
ومن الكتاب اللى بحبهم الاستاذ خيرى زمضان
وفى صفحة مساحة راى
د/يحيى الجمل ود/عمرو الشوبكى ود/ضياء رشوان
ورولاخرصا ومحمد عبد الهادى وغيرم وغيرهم
بس للاسف فيها كتاب مش بحبهم خالص
زى حمدى رزق
بحس ان هو ماجور م الحكومة
انا اسف ع الاطالة فى الحديث
اصل بعشق المصرى اليوم
وفرحت اوى لما لقيت حضرتك زيى
سلااااااااااااااااااااااااااااام
أيه يا بنتى هو انا كل ما ادخل عندك الاقيك كاتبة بوست بيعبر عنى انا و حليم ؟
بس عايزة أنبهك لحاجة فيه اعلاميين كنت معجبة بيهم و لما احتكيت بيهم عن قرب شوية بحكم بحثى عن عمل فى الصحافة أتصدمت فيهم بصراحة الأغلبية بصراحة منافقين اوى و بيغيروا من بعض
اه بادماغى
اشكرك جدا على كلامك الرقيق
وسلامه دماغك
انت اللى مدونتك شيقه جدا
تحياتى لك
salwa
ازيك يا سوسو
فعلا حب الناس شىء جميل جدا
واشكرك على كلامك الجميل
مع حبى وتقديرى
سلاااااااااام
د/ كسلان
اهلا بك فى اى وقت ومافيش بينا اعتذار
انا قلت كسل هههه
المصرى اليوم جريده بتحترم القارىء
واصبح لها جمهور كبير وكل اللى بيكتبوا فيها جامدين على فكره حتى حمدى
رزق معارض احيانا بيكتب حاجات مش بطاله
بس مش بقوه زملاؤه
مجدى مهنا ده قمه ربنا يتم شفاه
انور الهوارى رائع ربنا يفوت قضيته على
خير هو وابراهيم عيسى ووائل وعبد الحليم قنديل بتاع العربى
انت ماطوليتش ولا حاجه
وبعدين دى مدونتك تاخد راحتك
ارائك دايما متفقه معايا الحمد لله
دايما منورنى ومشرفنى
مع اجمل الامنيات بالصحه والسعاده
سلااااااااااام
عالبا حليم
اهلابك
شوفى ياعاليا فى ناس ممكن تخدعنا بكلامها
وتعرف الواحد عايز يسمع ايه وتقوله
منافقين ربنا ينور بصيرتنا بس مش حايقدروا يخدعونا على طول
بس الناس دى اللى عاجبنى فيها انها مقاومه ومعارضتها ممكن تسبب لها آلام
زى ابراهيم عيسى وقنديل وغيرهم
واشعر بصدقهم واخلاصهم لقلمهم
واحده زى منى الشاذلى بحس انها انسانه قوى
وزى ماقال الدكتور ضياء
لازم نكون واعيين وعقلنا متفتح
ونشغل عقلنا
وربنا يهدينا للصواب
تعليقك بيسعدى جدا ياعندليبيه
تحياتى وسلامى
عمر افندى
اشكرك على المرور
وتحياتى لعمر
Post a Comment