Friday, July 20, 2007

ساكن قصادى 2

الحلقه التانيه والاخيره
وتستمر الحياه


عادت ليلى الى منزلها وحكت لمامتها الحوار اللى دار بينها وبين عمتها ومقابتها لمحمد ومحمود ورغبه محمود فى ان تتقدم مها لنفس الوظيفه

شعرت الأم بما يدور فى رأس ابنتها وقالت لها شوفى يابنتى كل شىء فى الدنيا قسمه ونصيب احنا نعمل اللى علينا وناخد بالأسباب واللى يجيبه ربنا كله كويس روحى الامتحان .

عارفه ياليلى انا قبل مااتجوز ابوكى كنت بحب ابن عمى واتمنيت انى اتجوزه وكان طبيب ودراسته للطب كانت تؤثر على تفكيره وعلشان احنا قرايب شاف ان نعمل تحليل قبل الجواز واتضح ان هناك احتمال انجاب اطفال مشوهين وانفصلنا وقتها حسيت بألم وحزن وقلت مش ممكن احب تانى بعد فتره اتجوزت بابكى بطريقه الصالونات لكنى حبيته من كل قلبى لقيت فيه انسان طيب وبيتقى ربنا ومحب للخير وفى تفاهم كبير بينى وبينه مع انى كنت شايفه ان صعب اوى احب تانى . الجواز والشغل والرزق نصيب بس احنا نسعى وطول مابنتقى الله ربنا حايكون معانا واللى جاى حايكون افضل بأذن الله

فهمت ليلى ان امها تلمح لحبها لمحمود وانها فاهمه وشعرت بخجل شديد لكن دعوات امها واحتضانها لها هون عليها ورن التليفون

وكانت عمتها

شوفى يالولى انا طول عمرى مش بحب الوسايط ولا احترمها لكن علشان عارفه انك جديره بالوظيفه وحاتشرفنى انا كلمت المسئول وربنا يسهل هو ماوعدنيش بس اهى محاوله .


ذهبت ليلى ومها الى مقر الشركه بصحبه محمود وبعد ايام تم تعيينهم فى الشركه وكانت ليلى تعمل على ان تكون العلاقه بينها وبين مها فى اضيق الحدود فكانت تتعمد تروح الشركه مبكره وتتلكأ فالانصراف خصوصا ان محمود كان بيفوت لتوصيل مها
حتى لا تكون عزول وتساعد نفسها على النسيان

وقررت بينها وبين نفسها ان تكون مخلصه ووفيه لمن ستتزوجه فمن الآن ستطرد طيف محمود وتقاوم اى تفكير فيه . مش من حقها وحمدت ربنا فالوظيفه والتركيز فى الشغل حايشغلها ويساعدها على النسيان

وفى اول يوم عمل تعرفت على الاستاذ تامر كما ينادونه وشرح لها طبيعه العمل وعرفها على الزملاء كان بشوش ويبدو عليه الطيبه

كما انه يتمتع بخفه دم وذكاء وحب واحترام زملاؤه.

وطلب منها ان ترجع له لو فى اى صعوبه ونادى على ابراهيم الساعى ليوجهها الى مكتبها

وبينما كانت تنظف درج مكتبها وجدت كراسه بها تمارين الرياضيات للاعداديه وكتاب نصوص واذا بابراهيم يحضر لها كوب من العصير على حساب الأستاذ تامر ويعتذر عن وجود كتبه فى درجها واوضح لها ان ظروفه الاجتماعيه تضطره للعمل ولديه الرغبه لمواصله التعليم وكان عمره لا يتعدى 18 سنه .
فشجعته على الدراسه واتفقت معاه على شرح مايصادفه من صعوبه واشترت له الكتب الخارجيه وعاملته كما يكون اخ صغير
كانت ليلى شخصيه متعاونه جدا وتحب كل من حولها ومر على تعيينها3 أ شهر توطدت العلاقه فيها بينها وبين مدام عفت فى نفس القسم وكانت عفت تضطر لأستئذان احيانا لظروف عائليه فماكان من ليلى الا ان تعاونها فى عملها وتخفف عنها وحظت بحب واحترام الجميع اما مها فكانت اناقتها محل لفت الأنظار لكنها من النوع العملى جدا لا تضيع وقتها الا فيما ينفعها فقط
اما تامر كان يعامل كل من مها وليلى معامله عاديه وفى يوم وجد ليلى متوتره جدا . وعرف منها ان اليوم امتحان ابراهيم وانها قلقه عليه وكانت تدعو له بالنجاح فشعر بمدى طيبه قلبها وعرف من ابراهيم قد ايه كانت بتحاول تفهمه دروسه . مره تانيه شافها بتاخد شغل مدام عفت وبتحاول تنجز معاها علشان تقدر تروح فى الميعاد ويوم ورا يوم كان يتشد اليها وشعرت هى باهتمامه وسبب لها هذا الاهتمام نوع من السعاده واصبحت تحب عملها وتحب اهتمام تامر


ومر على تعيينها10 اشهر كل يوم كان كل منهما ينجذب للآخر ويتعود على رؤيته وقرر تامر بينه وبين نفسه ان يفاتحهافى الزواج بعد ان حس ان الشعور متبادل


وفى يوم عرفت من مدام عفت انه كان خاطب فتاه جميله وكان بيحبها ومره واحده اعلن انفصاله عنها شعرت ليلى بشىء من الضيق وسألتها وسابوا بعض ليه قالت لها تامر لحد اخباره الشخصيه وتلاقيه سكتم بكتم كل اللى قاله مافيش نصيب


استغربت ليلى من موقف تامر ولماذا لم يخبرها . واذا بها تلاقيه امامها وبيقولها طبعا انتى موافقه انك تجوزينى بس المهم حددى ميعاد مع بابا

فرحت ليلى واستغربت الطريقه وقالت ايه الثقه دى كلها مين قالك انى موافقه

قالها انا اصلى اتحب ضحكت ضحكه طفوليه من طريقه تامر وقالت له

مش يمكن ماوافقش

لأ طبعا مش ممكن عينكى بتقول انك بتموتى فيا وخلاص ماتتحيليش عليا حا اتجوزك

. ضحكت من قلبها واستغربت الطريقه وشعرت بخفه دمه واعجبت بجرأته

وقالت له انا عايزه اسألك

قال لها قبل ماتسألى انا حاجوبك

طب مش لما تعرف سؤالى

ياحبيبتى انا فاهمك
كان لوقع كلمه ياحبيبتى فعل السحر عليها رقص قلبها من الفرحه ولكنها لم تستطع الرد كانت فى حاله من النشوه والسعاده .

بس اوعدينى الموضوع ده مايفتحش تانى علشان سعادتنا لا داعى للكلام فى اللى فات طالما ذكرياته مش حلوه خلينا فى اللى جاى

شوفى ياستى
انا كنت خاطب بنت كانت ساكنه قصادى وكان متهيألى انى بحبها هى شكلها لطيف وعيلتها طيبين وكنت بشوفها من بعيد لبعيد واتقدمت لها

وكان كل املى انى اتجوزها بعد الخطوبه اكتشفت انها انانيه و ماديه جدا كل حاجه عندها بكام مش بتفكر الا فى نفسها .عيد ميلادها وعيد ميلاد عيلتها تفكرنى به قبلها بمده مع انى باهتم جدا بالحاجات دى وفى عيد ميلادى تعمل نفسها ناسيه لو حبيت اجيب لها حاجه تنقى اغلى حاجه مش اللى تناسبها واهلها بنفس الطريقه اديتها فرص كتيره بس انانيتها موتت مشاعرى ناحيتها وحولتها الى رغبه فى الفرار وسبحان مغير القلوب . ففسخت الخطوبه وسيبت لها الشبكه والهدايا يمكن خسرت فلوس بس كسبت حياتى

عارفه لو البنت دى كانت اتخطبت قبل مااتقدم لها يمكن كان زمانى لحد الآن ندمان عليها وبفكر فيها. الحب من بعيد من غير ماتتعاملى مش كفايه .المعامله والعشره ياتزوده يا تقلله لكن هى مسحته واحب اقولك انتى اجمل بنت شفتها فى حياتى ها حاقابل بابا امتى

ضحكت فى دلال وقالت افكر وانطلقا

الحياه مش بتقف وعلينا ان نسايرها

تمت























26 comments:

Abeer said...

الحمد لله اول واحدة ارد
كويس ربنا عوض ليلى خير بتامر
:)
وعجبني جدا موقف والدة ليلى .. وانها قدرت تحتويها من غير ما تجرحها
وربنا يوفق كل البنات
:)

ايوية said...

ياة ماجمل ان تجدى من يحبك
والاجمل ان تبادلية الحب
احساسك وسردك للااحداث هايل
تحياتى

klmat said...

انتى كمان عجبتينى فى تعليقك ووعى الأمهات
ومراقبه الاولاد دون ان نشعرهم بالرقابه مهم جدالمصلحه الابناءوربنا يسعد كل البنات والشبان
سعدت اوى بتعليقك ويارب دايما نبدى رأينا لبعض
مع تحياتى

klmat said...

ايويه
ميرسى جدا على تغليقك طبعا مافيش اجمل من ان نحب ونتحب وشكرك جدا على مدحك ده بس من ذوقك ربنا يخليكى ويارب تتكرر الزباره
شرفتينى
سلامى وتحياتى

klmat said...
This comment has been removed by the author.
Anonymous said...

Klam gmil wfih m3any kteer 7lwa
Sherif

wahed said...

ههههه لتاني مره ادخل عندك ويبقي النوم كابس علي

مش هعرف اعلق الان

بكره ان شاء الله هاجي اقرأ واعلق

تحياتي ليكي

دنــــيــــــا مـحـيـرنـي said...

انا استنيت لغايه ما تنهي القصه و اعرف نهايتها جميله اوي ي اكلمات نحتاج شويه امل ان ممكن نجد الحب الحقيقي في حياتنا
انا بحب الامل دائما الاي بيطل في كلامك
تحياتي

دكتور كسلان said...

بجد من اجمل القصص اللى انا قراتها
يمكن اول مرة استفيد من قصة قراتها
والله صبرتينى ع اللىحصلى
فعلا الحب من غير معاملة عن قرب مينفعش
ربنا يخليكى لينا وتتحفينا بقصص جميلة زى دى
انا مش لاقى كلام شكر اقوله ليكى
الف الف الف شكر

aliaa said...

قصة جميلة جدا يا كلمات
عجبتنى اوى وفيها معانى جميييييلة جدا
ونهايتها حلوة اوى
بس الواحد ممكن يحب شخص لكن ميبقاش عارف ان كان ده نصيبه ولا لا واحيانا برضو يكون بيحب شخص والشخص ده بيحبه بس مش قادر يعبر وده بيبقى صعب اوى

ما علينا said...

قدمت معنى مهم جدا
للي يفهم ويقدر الفكر دا

من خلال قصة لطيفة جدا ومشوقة
انا عن نفسي
اتفرست لما قرات الجزء الاول
اصلك شوقتيني وعلقتيني

اسلوبك لذيذ جدا

قصة عاملة زي قرص الفيتامين او المضاد الحيوي

اد كدا
بس جوهرها خطير

ياريت كل الناس تفهم اللي انت عايزة تقوليه

anawafkary said...

ايه القصص الجامد دي

بجد رائعه في انتظار المزيد

wahed said...

بجد جميله جدا,يلا بقي عاوزين قصه جديده

لاني بحب قراءه القصص

تحياتي ليكي

Abeer said...

في تاج عندي لحضرتك

Hadota .. حدوتة said...

جميلة اوى اوى
اوعدنا يارب بعريس زى تامر دا
انا اتفاعلت مع ليلى عشان حسيت نفسى مكانها
تحياتى
منتظرين جديد بقى

klmat said...

الى الباشمهندس شريف
اشكرك جدا على التعليق والمرور
ويارب دايما
سلامى

klmat said...

الى واحد
صباح الخير
الحمد لله انها عجبتك انا كنت خايفه
ليكون كبس عليك النوم بسببها
ههههههههه
تحياتى لك واتمنى تنورنى دايما بتعليقاتك
تحياتى وسلامى

klmat said...

الى دنيا محيرانى
شرفتينى بتعليقك
وانا كمان بحب الأمل زيك
الأمل بيدى طعم لحياتنا
وبيخلينا نبص لقدام
وربنا يسعدك
سلامى وتحياتى

klmat said...

دكتور كسلان
واللهى انا اللى مش عارفه اشكرك
ازاى انا بفرح اوى
لما اكون سبب فى سعاده
او تخفيف
اى معاناه يارب يكتب
كل السعاده والتوفيق
وتعليقك فرح قلبى
كتر الف خيرك
سلامى وتحياتى

klmat said...

aliaa
انا معاكى ان الواحد ممكن يحب شخص
وممكن يكون مش نصيبه.
حاله الحب نفسها فيها سعاده
ان حصل نصيب خير وبركه
وان ماحصلش الحياه بتسمر وبيجى
اللى يكون من النصيب ومع العشره والمعامله الطيبه والتعود بيحصل الحب
اما لو الأتنين بيحبوا بعض
فانا مع ان الشاب هو اللى لازم يبدأ
المهم طالما بنعيش بالأمل
الحياه بتكون حلوه
ربنا يسعدك يارب
سعدت جدا بتعليقك
سلامى

klmat said...

انا وافكارى
تعليقك اسعدنى وشرف ليا مرورك عندى
تمنياتى لك بكل السعاده
سلامى

klmat said...

abeer

ربنا يخليكى ليا
والتاج اسعدنى جدا وشرف ليا
اتمنى نزور بعض على طول
دعوات من قلبى بالسعاده
سلامى

klmat said...

حدودته
ربنا يوعدك يارب بابن الحلال
وتسعيديه ويسعدك
بس ابقى اعزمنى
سلامى وتحياتى

klmat said...

الى عزيزتى عبير
التاج اسعدنى جدا وبأذن الله
حاجاوب على الأسئله
بس ورايا شويه واجبات
وكمان امخمخ فى الأجابه
اشكرك جدا
ربنا يخليكى ويارب نتبادل الأراء على طول
تحياتى

loumi said...

العزيزة كلمات
انا شفت القصه امبارح
بس ما كانش فى وقت انى اقراها
وده حصل النهارده
فعلا قصه جميله روحها حلوة كلها حب وتسامح وأمل وده شىء جميل ينم عن شخصيه محبه للحياه والناس
الإيمان بقضاء الله وقدره شىء مهم جدا ولكن اوقات نضعف امام رغباتنا ولكن سرعان ما تمر الايام وننسى ما كان لنبدأ صفحه جديده وخاصه إذا قابلنا الاشخاص المناسبين
تحياتى لك

klmat said...

loumi عزيزتى
انا سعيده جدا جدا بتعليقك وكلامك الجميل
الدنياحلوه طول مااحنا راضيين بنصيبنا
وبنحاول نسعد اللى حوالينا وبنتقى
ربنا فربنا بيكرمنا وبيعوضنا
وبنشوف فى ايامنا هنا وفى ايام بنشوف فيها الم او فقدان عزيز بس ايماننا بيقوينا والتقرب من الله بيصبرنا
يارب كل ايامك تكون هنيه وسعيده
وتحياتى وسلامى لك