Monday, July 2, 2007

حاجات بسيطه ...ولكن


فى حاجات ممكن تكون بسيطه جدا لأى حد لكن مهمه جدا عند حد تانى

.من الحاجات دى ممكن تكون كلمه حلوه زى مثلا واحد قرأ مقاله او مدونه وعجبته وممكن يكون استفاد منها او حتى رسمت على وجهه ابتسامه فكتب يعلق عليها حاجه بسيطه لم تكلفه شىء بس ممكن تكون مهمه جدا وترفع روح معنويه اللى كتبها حاجه بسيطه بس اسعدت بنى ادم جدا


واحده رجعت من شغلها مرهقه ووقفت عملت اكله شهيه لزوجها ولما اتغذا قالها تسلم ايدكى كلمه بسيطه بس ممكن تعوض تعبها وتشعرها بسعاده واكيد حاينعكس عليه بسيطه ... ولكن
واحد محتفظ بقصوصه ورق قديمه فيها مقاله اعطاها له صديق عزيز واحتفظ بها حضر اخوه ورماها شاف انها ورقه قديمه وبسيطه ..لكن اخوه حزن جدا واتضايق لكن التانى شايف مالوش حق دى حته ورقه



فعلا بتفرق هى بسيطه عندك ...ولكن

10 comments:

mraghy said...

السلام عليكم و رحمة الله و بركاته

كلماتك رقيقه و رشيقه

وفعلا هي حاجات بسيطه بس بيبقا ليها مفعول السحر علي الحاله النفسيه للطرف الاخر

تقبلي تقديري و احترامي

klmat said...

ميرسى جدا على مرورك وتعليقك اسعدنى جدا مع اطيب امنياتى بالتوفيق

و القادم....أجمل said...

فعلا البوست رائع
و كتير مننا بتفرق معاه الحاجات دي
و لو حتي رسمة صغيرة من صاحبة ليكي
و انتي معاها في المحاضرة
رسمة قلب
:)

ربنا يحفظك و يسعدك

klmat said...

ده انت الرائعه هى فعلا حاجات بسيطه بس مهمه اوى طالما بتسبب سعاده
اشكرك على تعليقك الجميل مع تمنياتى لك بالسعاده

Anonymous said...

Enty kman Klamk bseet w Gameel.

Sherif

klmat said...

اشكرك جدا على التعليق الجميل اسعدتنى جدا

Hadota .. حدوتة said...

بالنسبة لحكاية الورق دى بعملها كتير اوى اوى يعنى مقولكيش
كل ما اشوف ورقة ارميها
اصلى مبحبش الكركبة
بس برميها لان صاحبها اصلا مفرط فيها
سيبها على مكتب ولا ترابيزة
انما ورقى العزيز عليا بشيله
واحافظ عليه

الحاجات البسيطة فى حياتنا كتير
ومذكور فى القران ان الكلمة الطيبة صدقة
وابتسامتك فى وجه اخيك برده صدقة
ومفيش ابسط من الابتسام
ولاايه؟

klmat said...

الى حدودته
انا فعلا سعيده جدا بتعليقك وطبعا انتى لخصتى الخلاصه. انا بردوا مش بحب الكراكيب والواحد يتخلص من اللى مالوش لزمه بس حكايه الورقه دى كانت خاصه باخويا كان مسافر وشايل قصايص فى درج مشترك مع اخ تالت واخى التالت تخيل انها مش مهمه .هى فعلا مش مهمه عنده ولكن مهمه عند من احتفظ به
وكلامك جميل ومدونتك جميله وزى ما بيقول كاظم كلك على بعضك حلو
ميرسى لك جدا

hamada said...

kalam gamel we rak2e2 bas begad al moshkla any mo3zam al nas ta7olo ll madia we mat al27sas fehom ba2a aly behtam bemasha3er al nas al moshkla feh we ba2a lazm ygher men nafso 3lash may khodsh kol shoia sadma

don don said...

ما شاء الله بوست رائع جدا جدا على فكرة انا كنت بقرا بسرعة فى المدونة بتاعتك وبعدين لما شفت البوست دة قلت لازم اكتبلك واقولك انك بجد انسانة رائعة مع انى معرفكيش بس انا حاسة بكدة وربنا يكرمك ياااارب

وفعلا كل كلمة من كلامك صح وحتى لو بابتسامة بس دى ممكن تسعد قلب اى حد

وربنا يكرمك ويوفقك يارب