Sunday, July 8, 2007

المصريين ..... فى انتظار الفرح

لو كلمت اى شخص تقابله حاتلاقيه مش مبسوط وعايز كيك خد لفه كده على المدونات حاتلاقى الكل عنده حاله قرف وملل واللى مش عارف عايز ايه واللى افكاره مشوشه واللى بائس واللى يائس العمليه عدوى زى الأنفلونزا
والكل معاه حق ودى مشاعرهه وبيعبر عنها
والحاله بتتفاوت من واحد للتانى كل ما تكون بتشوف نشرات الأخبار والجزيره ومهتم وبتحب مصر والوطنيه عندك حرارتها عاليه حاله الأكتئاب تزيد

متهيألى اننا محتاجين حاجه تفرحنا كلنا خبر سعيد ويكون جامد اوى

فاكرين لما اخدنا كاس الأمم الأفريقيه كانت مصر كأنها ام وفرح بنتها
احنا عايزين خبر سعيد من العيار التقيل اوى اوى يفرح قلبناو يدينا امل ويغسل احزاننا

خبر سعيد لحبيبه قلبنا بلدنا .افتكر لما د /زويال اخد نوبل كان الكل سعيد وحاسس انه قريبه وشاعر بفخر

بس احنا مش عايزين نسمع بنجاح وتفوق شخص لأ احنا عايزيين نشوف بلدنا رافعه رأسها وبتحاول واحنا معاها

نتجمع على هدف كبير نشوف خطوات نجاحه بدأت


ادعو معايا يا رب يا سميع الدعاء فرح قلبنا

16 comments:

و القادم....أجمل said...

السلام عليكم و رحمة الله
إزيك يا جميلة
:)
بصي و الله الواحد فعلا عايز يفرح
و محتاج زي مبتقولي مناسبة تجمع
الشعب كله علي فرح
بس الفرح للأسف بيكون مؤقت
لأن الكل هيرجع تاني يفكر في
مشاغله و مشاكله
!!!
نفسي أووووي
ان الناس كلها تتحل مشاكلها
يااااااارب
تفك كرب كل الناس
ربنا يسعد الجميع
و يسعدك يا قمر
و يفرح قلبك دايما
ياااااااااااارب
تحياتي و حبي يا سكر إنت
:)

klmat said...

السلام عليكم ورحمه الله وبركاته
واللهى ده انت اللى سكر مكرر .انشاء الله ربنا يفرحنا كلنا
عارفه لما حال البلد ينصلح حاتتحل حاجات كتير من مشاكلنا الشخصيه البطاله مثلا تخف شويه وبالتالى ناس تتجوز والمعنويات ترتفع هى سلسله عموما المود العام بيأثر حتى على القدره على التفكير وايجاد الحل.
سعيده جدا بمرورك ومدونتك رائعه بمعنى الكلمه والجواب بيبان من عنوانه ميرس لك وربنا يسعدك وشرفتينى جدا

altwati said...

سيدتي
بعد التحية
إن حالة الاجتماع على هدف
تشبه في نظري القبور الجماعية
لماذا نريد أن يحقق لنا غيرنا أحلاما ويكون دورنا فقط الاجتماع حولها
لا تنسي أن من أخذ كاس أفريقيا مجموعة لا تتجاوز الخمسين
ومن حصل على جائزة نوبل
د/ أحمد زويل
وزوجته التي كانت تدعمه
ما الذي يمنعنا أن نصنع نحن كأفراد عاديين أحلاما قومية قد تسعد الآخرين
واسمحي لي أن اعلنك الآن كحلم قومي لي
حاولي أن تفعلي ما يسعدني والملايين مثلي
تحياتي

Hadota .. حدوتة said...

انا عن نفسى بعز الفرح اوى ونفسى افرح
وجيت فترة فعلا خدتها نكد فى المدونة
وبعدين قولت اعمل هدنة لان الناس زهقت بس رجعالكم تانى

على فكرة الاحداث السعيدة فى البلد بتفرح
بس مش بتلغى الهموم
يعنى بنفرح شويه ونرجع لهمومنا تانى
الحكاية اكبر من مجرد حاجة تفرح الكل
الفكرة ان كل واحد يفرح من جواه

يعنى لو ملقاش حاة تفرح يحاول يخلق لنفسه جو من السعادة
يشوف بيحب ايه ويعمله
انا عن نفسى بعمل كده
لانه بكره النكد مووووووووت


تحياتى يا جميلة
مدونتك عسولة اوى
وعجبتنى مووووووت

klmat said...
This comment has been removed by the author.
klmat said...

الى حدوته
شرفتينى جدا بمرورك وسعيده بتعليقك
واوافقك الرأى تمامافى كل ماكتبتيه
وانا كمان مش بحب النكد وبحاول قدر الامكان اسعد نفسى وكل من حولى على قد مااقدر وطبعابتمنى رضا ربى
وطول ما احنا عايشين لازم نمر بحاجات تفرح وحاجات مش تمام هى دى الدنيا
وربنا يسعدك ويفرحك دايما
تحياتى لك

Anonymous said...

ISA fih aml tol mfih nas kwisa zyk

Sherif

loumi said...

العزيزة اميرة
يا ترى الاسم صح؟
انا جيت ارد الزياره
مدونتك واقعيه قوى كلها مواقف بتمر بينا فى كل مكان واسلوبك فى تناولها لطيف
شعر نزار جميل جدا جدا طبعا
وهو يصلح لكل العصور والحكومات
اما عن مسأله فرح جماعى فمتهيالى فى فرح بتعمله الشؤن الاجتماعيه كل سنه فى الاستاد او الاسماعليه بيجزوا فيه 100شاب وفتاه وما اظنش ممكن يكون فيه عدد ممكن الدوله تفرحهم اكتر من كده
تحياتى لك

klmat said...

Altwati الى
اشكرك جدا على مرورك وشرفتنى
لم اقصد ابدا ان يحقق هدفنا غيرنا ربمالم استطيع اوضح توصيل المعنى اللى اقصده هو ظهور قياده مخلصه تعمل على رفعه بلدنا هو ده الفرح وترسم وتخطط لرفع قيمه بلنا بأيدينا
تحياتى لك واشكرك على التعليق

klmat said...

loumi الى
شرفتينى جدا برد الزياره والاسم صح
وتعليقك جميل واهى تبقى لامه والفرحه عامه والفرح فى الاستاد
تعليقك دمه خفيف ومدونتك جميله وزيارتك اسعدتنى جدا جدا واتمنى تتكرر
مع شكرى واحترامى

klmat said...

الى الباشمهندس / شريف
اشكرك على المرور وتشجعيك الدائم
مع اخلص الدعوات بالتوفيق

و القادم....أجمل said...

محتاجين دعواتك يا جميل في البوست دا

http://walkademagmal.blogspot.com/2007/07/blog-post_5984.html

اسكندراني في الغربة said...

الفرحة حاجة غالية مبتجيش كل يوم
و اكيد مبتجيش بسهولة
الفرحة زيها ز اي حاجة مبتجيش غير بشغل و تعب
و احنا بطلنا نشتغل او نتعب
علشان كدة بنستني معجزة زي نكسب بطولة افريقيا او حد ياخد جائزة عالمية
حتى الفرحة لازم كل واحد يبدأ بنفسة

اول زيارة و اسمحيلي اكررها

klmat said...

الى اسكندرانى فى الغربه
اهلا اهلا بك يا بلادياتى سعدت جدا بمرورك وتعليقك واوافقك الرأى الفرحه غاليه ومجيئها قليل علشان كده تأثيرها بيكون كبير
فى رأيي احنا مش لاقيين شغل علشان نشتغل وعلشان كده بنتغرب
قصدى بالفرحه ظهور قائد بمعنى الكلمه ياخد بأيدينا مش معجزه ونرفع قيمه بلدنا المشكله فى رأيي ان الرجل المناسب ليس له مكان فى بلدنا المكان للرجل الفاسد
مثلا اكندريه شعبها مع عبد السلام محجوب هوهو اللى كان مع اللى قبله شوف فرق القياده عمل ايه بنفس الشعب السكندرىتحياتى لك وربنا يؤنس غربتك وترجع لنا باالسلامه

ما علينا said...

معاكي حق جدا في اننا محتاجين نفرح
بس مش الاحداث دي هي اللي هاتفرحنا
لانها زي ما الاخوة قالوا بتكون وقتيه

الانسان علشان يقدر يفرح
لازم يحس بحريته الاول
الواحد دلوقت بيخاف يفرح او يزعل مش عارف ايه الاحداث المترتبه على دا او دا
يعني دايما متوتر وقلقان وخايف

وما بيفرحش غير انسان مستقر
قوي
لان الفرح والسعادة متعه

والمتعة مش بيستشعرها غير الاحرار

تحياتي

klmat said...

ما علينا
ايه النور ده كله تعليقاتك بتسعدنى
واللهى الفرح اللى اقصده هو اساسه الشعور بالحريه والكرامه وان البلد بتاعتنا هو ده الفرح فعلا احنا متفقين
ربنا يخليكى
تحياتى لك