Thursday, July 19, 2007

ساكن قصادى


الحلقه الاولى
رن جرس

التليفون وردت ليلى اهلا يا محمود بصوت مرتعش محمد موجود بس فى الحمام.
عندك اخبار حلوه قول فرحنى . خلاص عبال ماتيجى يكون محمد طلع من الحمام
واعرف منك الاخبار الحلوه
جرت الى حجرتها ولبست اجمل ثيابها ووضعت مكياج خفيف وتمنت ان تكون الاخبار الحلوه اللى فى بالها رن جرس الباب وحضر محمود وكان يبدو عليه السعاده حييته ودخل ليقابل محمد فى حجرته ودخلت الى حجرتها التى كانت تشترك مع حجره محمد اخيها بالبكون
واذا بها تسمعه باركلى يامحمد انا قريت فتحتى والحمد لله اهلها وافقوا احتضنه محمد والف الف مبروك شعرت برأسها تلف ولم تستطع ان تمنع دموعها من سنوات طويله وهى تحبه دون ان تلمح له ولكنها كانت تعتقد انه يشعر بها
ومبادئها ومعتقداتها لاتسمح لها بان تخبره. انها تحبه فى صمت وكان يعاملها معامله عاديه ودايما يسألها عن الكليه والدراسه ولكنها ترجمتها على انه اهتمام وحب
خرج محمد يهلل ياماما يابابا ليلى تعالو باركو لمحمود خطب
اسرعت الى الحمام تشطف وجهها وتحاول ان تتظاهر بانها لم تتأثر
والده محمد الف مبروك يا محمود مين سعيده الحظ دى
اكيد كلكم عارفنها انا خطبت مها جارتنا
الكل ماشاء الله الف الف مبروك باركت له ليلى وهى تحاول ان تبدو وكأنها سعيده ونزل الصديقان
ودخلت حجرتها بحجه ان عندها صداع اخذت تبكى وتقارن بينها وبين مها
ان مها رائعه الجمال ذات قوام ممشوق وشعر اسود فاحم غزير وناعم وبه تمويجات جميله واسعه العيون ولونها زى لون شعرها مما زاد من جمالها وكأنها تابلوه جميل متحرك
بينما هى عاديه فى كل شىء ليس فيها ما يبهر ولكن لديها قلب محب يتسع للجميع وتميل للهدوء
كانت مها معها فى الكليه وفى الشارع ولكنها تسبقها بعام وكانت العلاقه لا تتعدى تبادل التحيه من بعيد لبعيد
قالت لنفسها حاجى انا ايه جنب جمالها كماا نها وضع اسرتها المالى افضل ولكن قلبها الطيب تمنى لمحمود السعاده وتذكرت اغنيه عبد الحليم ده مش نصيبى لكن حبيبى
وقررت بينها وبين نفسها ان تحاول ان تشغل وقتها وفكرها بما يساعدها على نسيان ما حدث
وراحت مع عيلتها حفله الخطوبه وتظاهرت بالسعاده رغم الألم الممزوج بالتمنى لحبيبها بالسعاده والأمل ان تسعد بمن تحب وندم على وهمها بحب جارها مشاعر متناقضه بس بها حزن وسألت الله ان لا تفضحها عيونها
كان محمود مهندس يكبرها بعامين
وكانت اتمت دراستها وحصلت على بكالويوس التجاره وقررت ان تبحث عن عمل
ركبت تاكسى وقلبها حزين ودموعها محبوسه وفتح السواق الراديو على محطه الأغانى وكان عبد الوهاب يشدو لأ مش انا البكى
وشعرت كأنها رساله بتقويها وحاولت بكل قواها ان تتماسك
وصلت الى بيت عمتها التى كانت تحتل مركز مرموق فى احدى الشركات الكبرى وطلبت منها ان تساعدها فى ايجاد فرصه عمل مناسبه
ردت عمتها واللهى انتى بنت حلال مصفى الشركه محتاجه محاسبيين وبكره حاينزل اعلان داخلى ومحتاجين عدد ان شاء الله يكون لك نصيب رجعت الى منزلها فرحه وقابلت محمد ومحمود فى الطريق وسألها محمد ايه الأخبار
قالت لهم ان الاعلان حاينزل بكره ابتسم محمود وقال خلاص مها كمان تقدم معاكى
شعرت ليلى بضيق شديد رغم انها تتمنى لكل من مها ومحمود كل الخير ولكنها لاتريد ان تعمل مع اى منهما انها تريد البعد من اجل النسيان وفكرت ماذا لو قبلوا مها وتم تعيينها لما تحظى به من جمال واناقه ورفضوها ده حايبقى موقف جارح جدا امام الكل وبينها وبين نفسها وتمنيت ان لاتذهب حتى لا تعرض نفسها لألم تانى
الحلقه التانيه لو لاقت الحلقه الاولى اقبال

22 comments:

سكتم بكتم said...

مدام أميرة
كملي مش حقولك رأيي إلا في الأخر بس ضروري تكملي
متعودتش أقول رأي في قصة إلا لما تخلص حتي في قصص الحياة

مستني التكملة
أية رأيك صلحت غلط المرة اللي فاتت
خدتي بالك
هههههههههههه

سلام الله عليكم

Hadota ... حدوتة said...

كملى على بركة الله
القصة لذيذة وشدتنى

عندى فضول اكملها
تحياااتى

klmat said...

سكتم بكتم
اهلا بك طبعا اخدت بالى ولحقت نفسك بس يعنى بحبحها شويه واقول رأيك لحد هنا.
بأذن الله حاكملها واتمنى ان تقول رأيك بدون مجامله واشكرك جدا على التعليق

ورأيك يهمنى جدا
تحياتى لك

klmat said...

الى حدودته
ازيك يا رب تكونى بخير ومعنوياتك افضل.
سعيده جدا ان القصه شدتك وبأذن الله اكملها بس تتابعى معايا
تحياتى وسلامى لك

Anonymous said...

7'lsina b2a mra w7da
Sherif

مدونة كسبان said...

اسلوب القصه جميل
والدليل ان انا كملتها لغاية الأخر
مع انى مش من هواه قراءة القصص

تحياتى

The Manager said...

ما شاء الله

قصة جميلة فعلا

كملي على بركة الله

انا متعاطف مع ليلي جدا :(

القصة دى ممكن تكون بتحصل كتير الأيام دى

ما علينا said...

لا بصي بقى
انا مش بحب التعليق دا
كملي علشان عايزة اعرف النهاية
يعني انا طولي عمري ما احبش اقرا الاجزاء الا على بعضها
تقومي انت تعلقيني كدا
مش حرام عليكي
كمليها بقى

توكلي على الله وكمليها
انت لسه ما كملتيهاش


منتظرة البقية

klmat said...

Sherif ,
as3dny t3likak , we be ezn allh akml we a7'lsha mra wa7da we ya rab te3gabk
salamy

klmat said...

ما علينا
دايما منورانى حاكمل بأذن الله ويارب يعجبك اللى جاى وحايكون مره واحده علشان تقوللى رأيك
سلامى وتحياتى

klmat said...

الى مدونه كسبان
اولا احييك على مدونتك اللى يمر عليها كسبان فعلا انت بتمتع بصفات انسانيه راقيه.
وتعليقك اسعدنى واتمنى ان تقوللى رأيك بصراحه لما اكملها
تحياتى لك

دكتور كسلان said...

انا مش حاقوللك كملى
لان الجواب بيبان من عنوانه
قصة جميلةجدااا
بس للاسف فى الحقيقة الواحد بيكون انانى فى الحب
مدونة تحفة
ربنا يوفقك

rack-yourminds said...

انا هسجل حضور وبالليل هقرأ واعلق لاني رايح مشوار الان

تحياتي

Unknown said...

انا صعبانة عليا ليلى قوى اصل الحب من طرف واحد اصعب شى فى الدنيا وكمان عايزها تشتغل معها والله صعبانة عليا انا فى انتظار الحلقة التانية بفارغ الصبر

Abeer said...

كملي يافندم
ليلى غلبانة جداااا
اصعب شئ في الدنيا لما يكون جواك احساس جميل لحد
وهو مش حاسه

rack-yourminds said...

قصه بجد جميله ما شاء الله

عندي فضول كبير اني اعرف الباقي

اشكرك كتير علي زيارتك لي شرفتيني

klmat said...

الى مستر دافيد
اشكرك جدا على مرورك وتمنياتى لك بكل الخير
تحياتى

klmat said...

الى دكتور كسلان
ربنا يخليك انك تمدح فى مدونتى ده شرف ليا. بس الانانيه بتقضى على اى حاجه حلوه واول واحد بيتأذى منها هو الانانى نفسه مافيش اجمل من الأيثار
اشكرك جدا واتمنى تقوللى رأيك فى الباقى
سلامى واحترامى

klmat said...

الى واحد
اسعدنى جدا مرورك وانك عايز تعرف الباقى
ماشى . بس ياريت تقوللى رايك فى الباقى كمان
شرفتنى بمرورك ومستنيه رأيك فى الباق
تحياتى وسلامى

klmat said...

الى ايويه
انا كمان صعبان علياليى واصعب حب هو اللى من طرف واحد زى ما عجاج بيقول بس الحياه بتستمر وعلى اللى بيحب من طرف واحد يتمنى السعاده للى بيحبه ويدى نفسه فرصه
اسعدتنى جدا بمرورك وتعليقك واتمنى ان نتبادل الزيارات دايما
تحياتى

klmat said...

namager
شرفتنى بمرورك والحمد لله ان القصه عجبتك وهى فعلا بتحصل وانا كمان متعاطفه مع ليلى انا بأذن الله حاكملها وفى انتظار رأيك ويارب تعجبك تمنياتى لك بكل الخير
ومدونتك هايله
سلامى

klmat said...

abeer,
عندك حق فعلا صعب ان يكون عندك مشاعر جميله تجاه حد معين وهو مش شايفها القلب وما يريد
تعليقك اسعدنى وشوفى ليلى حاتصرف ازاى واتمنى تصارحنى برأيك فى الباق وياريت دايما نزور بعض
سلامى وتحياتى