Saturday, July 28, 2007

التاج الأول





التاج الأول
جانى كومنت من العزيزه عبير
بتقوللى لك عندى تاج
فى الحقيقه انا ماكنتش اعرف يعنى ايه التاج وسألت ابنى قاللى ياه ده انتى جامده اوى ده

معناه ان اللى بعتته معجبه بمدونتك وعايزاكى تردى على الأسئله اللى فيه

انا كنت فى منتهى السعاده ربنا يخليكى يا عبير كنت محتاجه حد يشجعنى وحصل

اسم مدونتك
كلمات اميره
لماذا اخترته.. وماهى نيتك من وراء اختياره


انا كنت ناويه اسميها الأيام لانى كنت حاكتب عن الحاجات المهمه فى الأيام اللى فاتت ويومياتى الحاليه
بالصدفه سمعت ماجده الرومى بتغنى كلمات من شعر نزار وحسيت ان
اللى حاكتبه مجرد كلمات لا املك سواها
صورتك فى المدونه رمزيته
اماعنديش

هل فكرت فى اغلاق مدونتك والسبب
حصل السبب انى لقيت ان ماشاالله فى مدونات قويه وبتقول وتعبر عن اللى عايزه اكتبه
يمكن افضل منى بس لقيت احيانا اكون عايزه اضيف حاجه ولقيت ان الكتابه بتسبب ليا سعاده

قلت اكتب لأنها نوع من الفضفه المريحه

بس خلاص

حد قل ادبه فى التعليق .. ايه رد فعلك
فى الحقيقه مافيش والحمد لله ولو حصل لا قدر الله حاامسحه
مش حاعلق
اسوأ مدونه

المدونه اللى مابتعجبنيش مش بعرف اسمها بنساها

بس فى الحقيقه مافيش مدونه سيئه بس ممكن تكون مواضعيها مش بميل لها وبالتالى مش
بفتكرها بنقل على طول

حايحصل ايه للأيميل لما تموتى


بعد الشر عليا طبعا الموت علينا حق . مش حاعرف ما انا حاكون ميته

بس اعتقد ان اولادى حايفتحوا للذكرى

اديتى الباسبورد لحد قبل كده

مع اولادى
اسمك

اميره وهو اللى معروفه به

عمرك

اهو ده اللى مش ممكن ابدا خليها مستوره

بس اقدر اقول ولا بلاش بينى وبين نفرتيتى سنتين انا اكبر هههههههه
برجك

الحوت

مجال دراستك

المحاسبه

السفر بالنسبه لك
احب السفر جدا بس رحله فسحه مش اكتر احب استقر فى بلدى واسكندريه بالتحديد


المود بتاعك
انا احب المرح والفرفشه ومش بحب النكد واميل للتفاؤل والحمدلله
وقت فراغك بتعملى فيه ايه
النت والقرأه والتليفزيون
الاكله المفضله


لسمك السمك السمك
الصفات اللى اخذتها من بابا

الكرم والتسامح ومساعده الآخرين
الصفات اللى اخذتها من ماما
الصبر والبعد عن المشاكل والطيبه
اكتر ست حاجات بكرها
المرض والظلم الانانيه البخل الكذب النكد
لماذا دخلت عالم التدوين من الأساس

عرفت عناوين للمدونات فى المصرى اليوم ولما دخلتها عجبتنى اوى

وحسيت انها وسيله للفضفضه والتعارف والمعرفه

احلى جمله قيلت فى وصف مدونتك
الكومنت اللى كان على ساكن قصادى كلها رائعه بس فى كومنت قاللى

ان كتابتى بيطل منه الامل وانا فعلا دايما

عندى امل ان بكره بأذن الله حيكون افضل
وفى تعليق قاللى ان القصه خففت عنه المه فكنت فرحانه جدا انى قدرت اساعد حد ولو بالكلمه الحمد لله
التعليقات .. بالنسبه لك اهميتها

مهمه جدا بالنسبه لى بيكون فى حوار مش بكلم نفسى وياحبذا لو كتير بحس زى
مابيقول محرم فؤاد زى مااكون عطشان وشربت

احلى بوست كتبتيه

انا بحب كل ما كتبت


ساكن قصادى لأنها بتحصل وكان سببها انى قرأت مدونه فيها شاب بيتألم لأن حبيبته


سابيته حبيت اقوله بطريقه غير مباشره ان بكره ربنا يوعده بأفضل وان الحياه ما بتقفش بس ندى نفسنا فرصه

بمعنى نتعلم من اللى ومانبصش ورانا اللى باعنا نبيعه
افضل مدونه قرأتها

حقيقى كتير وصعب الأختيار بس انا بميل للمدونه المتنوعه يعنى مش سياسه على طول او دينيه فقط اللى فيها الأمور الحياتيه والأجتماعيه
افضل بوست قرأته
فى بوست بعنوان بايجوميترى فى مدونه عبده محتاس حقيقى جميل جدا

الشغل بالنسبه لك
مورد رزق وحفظ للكرامه وشعور بالحياه ومصدر سعاده
الانترنت بالنسبه لك
متعه وتسليه وثقافه والأهم وسيله اتصال بالغاليين المسافرين
امرره لمين

القادم اجمل
ما علينا
بوسى

شاب مصرى
لومى
واكرر شكرى لعبير جدا











27 comments:

rack-yourminds said...

اجاباتك جميله

تحياتي لكي

ما علينا said...

السلام عليكم ورحمة الله وبركاته

الف الف مبروك على التاج
ومن غير تاج ولا حاجةانت مدونتك وتدويناتك رائعة جدا

اولا اهنيكي على اجاباتك البسيطة السلسة الرائعة
واضحة و جميلة

اجاباتك فيها حاجة غريبة
فيها يمكن رقة وحنان
وهدوء

المهم ان الاحساس بيهم جميل جدا

وانا اشكرك جدا على تمرير التاج لى
لان يسعدني جدا انك
تكوني معجبة بمدونتي لدرجة
اني اكون من الناس اللي فكرتي تمرري لهم التاج
ولاني باحترم رايك جدا وباعتز بيه

Amr Mohy said...

اجاباتك كلها جميلة وبسيطة أحييكي عليها :)

و يسعدني ان تكون مدونتى حازت على إعجابك ويشرفني انك فكرتي تمرري التاج لي .. وان شاء الله هجاوب عليه فى أقرب وقت بس ادعيلي اخرج من دور البرد اللى عندي

klmat said...

الى واحد
حضرتك اللى كلك ذوق
اشكرك جدا
تحياتى وسلامى

klmat said...

ماعلينا
السلام عليكم ورحمهالله وبركاته
انا مش قد الكلام الجميل ده
ربنا يخليكى انا فعلا معجبه
جدا بمدونتك وتعليقاتك واختيارتك
للمواضيع
يعنى على رأى كاظم
كلك على بعضك حلو
ميرسى جدا.على تعليقك شرفتينى
تحياتى وسلامى

klmat said...

شاب مصرى
الف سلامه لك عليك باليمون
حقيقى مدونتك هايله
ومن اسمها انت مصرى اصيل
وحاسس ببلدك وناعى همها
وكلامك فيه احساس صادق ويدخل القلب
واشكرك جدا على التعليق
وحقيقى شرفتنى اوى
سلامى وتحياتى

Ert3ashat said...

اجاباتك حلوه اوي :)

momken said...

اجاباتك جامده اوى وجميله بس ايه الجديه الى وخداها فحياتك دى نصحيه منى اخ
هيسى شويه يعنى خليها مفكوكه شويه

ربنا يوفقك تحياتى

klmat said...

الى ارتعاشات
ربنا يخليكى ده بس من ذوقك
تحياتى وسلامى

klmat said...

الى ممكن
اشكرك جداعلى التعليق وماشى يا فندم نفكها ونصيحه مقبوله
تحياتى واحترامى لك

loumi said...

العزيزة كلمات
وإلا اقول أميره احسن
مدونتك وكتاباتك تنم عن شخصيتك
المتواضعه المحبه لكل من حولك
لذلك لم اجد ان التاج اضف الى ما عرفته عنك من خلال المدونه سوى اشياء بسيطه جدا
سعيده ان مدونتي عاجباك عشان مررتيلى تاج
بس معلش انا حاعتذر عنه إذا كان ده ما يزعلكيش يعني
تحياتى لك يا قمر

klmat said...

عزبزتى لومى
كل واحد فينا بتبان شخصيته من
اسلوب كتابته انا متفقه معاكى
انا معجبه بمدونتك وحبيت اعبر
بتمرير التاج
بس طبعا لك الحريه وربنا
مايجيب زعل
تحياتى وسلامى

david santos said...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

الزهراء said...

اجاباتك جميله وصريحة كتير

انتي دلوقتي في اسكندرية ؟؟

لو هناك ابقي هاتي لي معاكي فريسكا :D

عشان سمعت انها حلوة اوي... صح ولا ايه ؟؟

ومتفكريش تقفلي المدونة ابدا
:)
امال حنا هنرد علي مييين :)

وشكرا للزيارة يا جميل :))

truelove said...

هاي عليكي يامرمر انا اول زيارة ليا لمدونتك يا يكر واسعدتني جدا وانا فرحانة قوي لان اسمك على اسم اقرب زميلتي ليا تحياتي ليكي واتمني تشريفي

و القادم....أجمل said...

ما شاء الله
ربنا يحميكي
بجد أنا حبيتك جداااااا
من اول مرة ازور مدونتك
و حبيتك في الله
ربنا يسعد قلبك
:)
و اشكرك علي التاج
ان شاء الله اجاوب عنه قريب
تحياتي و حبي لك

خيرالدين said...

شكرا على زيارتك مدونتى والتعليق




وسلامى للاخ الغالى سانتوس

أمــانــى said...

السلام عليكم
ازيك انا عارفه زيارتى متاخرة بس معلش بقى اعذرنى مطحونة والله فى الشغل
مبـروك عليكى التاج
عقبال ما تلبسى تاج من نورر فى الجنة يااااارب آمـــــــين

شمعة أمـــــل said...

اجاباتك حلوة اوى
تحياتى يا جميله وكل تاج وانتى طيبة

klmat said...

Dear Mr. Santos
I hope u r fine
really I didn't know the answer of your question ,
Are you speak Arabic or some one help you ?
Many thanks for your comment.
With all good wishes.
Amira

klmat said...

الى الزهراء
سعدت جدا بتعليقك وان شاء الله
استمر واشكرك على تشجيعك
انا من اهل اسكندريه
الفريسكا لذيذه ابعتها لحد عندك
ويار يت تشرفينا فى اسكندريه
تحياتى وسلامى

klmat said...

true love
زيارتك شرفتنى وطبعا حا اردها
والحمد لله ان اسمى عجبك
وسعدت جدا بتعليقك
تحياتلى وسلامى

klmat said...

القادم اجمل
اقولك ايه ياولاء انا كمان حبيتك
طبعا مش من القلب للقلب رسول
انا من قبل ماادخل المدونه بتاعتك
وانا عجبنى اوى اسمها فى امل
ولمادخلت حبتها الجواب بيبان من عنوانه
ربنا ينجحك وبتقدير امتياز مع مرتبه الشرف وزياده مخده كمان
بحبك اوى
سلامى وتحياتى

klmat said...

e7na
انا اللى بشكرك على التعليق
وحابلغ سانتوس سلامك
تحياتى وسلامى

klmat said...

امانى
عليكم السلام ورحمه الله وبركاته
انتى تشرفنى فى اى وقت
مدونتك رائعه واسلوبك جميل
وربنا يقويك فى الشغل
حقيقى نموذج مشرف ويارب تتكرر الزياره
تحياتى وسلامى

klmat said...

شمعه امل
سعدت جدا بتعليقك
شرفتينى
سلامى وتحياتى

Anonymous said...
This comment has been removed by a blog administrator.